Tag: ایکسٹرنل فنانسنگ

عالمی مالیاتی فنڈ(آئی ایم ایف) اور پاکستان کا آن لائن رابطہ ہوا، آئی ایم ایف کا مشن گیارہ سے پندرہ نومبر تک پاکستان کا دورہ کرے گا۔

ذرائع کے مطابق ورچوئل مذاکرات میں پاکستان کی ایکسٹرنل فنانسنگ پر تبادلہ خیال کیاگیا، آئی ایم ایف نے ایکسٹرنل فنانسنگ گیپ پورا کرنے کیلئے پاکستان سے ڈومور کا مطالبہ کیا ہے۔

آئی ایم ایف کا کہنا ہے پاکستان کا ایکسٹرنل فنانسنگ گیپ پانچ ارب ڈالر ہے، آئی ایم ایف کا مطالبہ ہے ایکسٹرنل گیپ کے خاتمے کیلئے پاکستان جامع فریم ورک فراہم کرے۔

ذرائع کے مطابق ایکسٹرنل فنانسنگ گیپ ختم کرنے کے لیے چین اور سعودی عرب سے معاونت طلب کی جائے۔

وزارت خزانہ کے ذرائع کا کہنا ہے چین سے تین ارب چالیس کروڑ ڈالر کا رول اوور لینے کی تیاریاں ہیں، آئی ایم ایف نے سات ارب ڈالر کا قرض پروگرام ایکسٹرنل فنانسنگ گیپ ختم سے مشروط کیا ہے۔

ذرائع کا کہنا ہے کہ نومبر کے وسط میں چین سے قرض ری شیڈول کرنے کی باضابطہ درخواست کی جائے گی، ایکسٹرنل فنانسنگ گیپ ختم کرنے کیلئے پاکستان سعودی عرب سے بھی معاونت حاصل کرے گا۔

اسلام آباد : پاکستان کے ایکسٹرنل فنانسنگ کے ابتدائی تخمینہ پر آئی ایم ایف سے مذاکرات ہوئے، ابتدائی تخمینہ22 ارب ڈالرلگایا ہے۔

تفصیلات کے مطابق پاکستان اورآئی ایم ایف کےدرمیان مذاکرات جاری ہے، مذاکرات میں آئندہ مالی سال 22ارب ڈالر کی ضروریات پوری کرنے کیلئے پلان پر تبادلہ خیال کیا گیا۔

ذرائع نے بتایا کہ آئندہ مالی سال پرایکسٹرنل فنانسنگ کے ابتدائی تخمینہ کیلئے آئی ایم ایف سے مذاکرات ہوئے، معاشی ٹیم نے ایکسٹرنل فنانسنگ کا ابتدائی تخمینہ22 ارب ڈالرلگایا ہے۔

آئندہ مالی سال کےدوران پانڈابانڈزکا اجرا اور ڈیڑھ ارب ڈالر سے زائد انٹرنیشنل سکوک بانڈزکا اجرا آئی ایم ایف کیساتھ شیئر پلان میں شامل ہیں۔

اس کے علاوہ آئندہ مالی سال ڈیڑھ ارب ڈالر سے زائد انٹرنیشنل سکوک بانڈزکا اجرا ، دوست ممالک سےتقریباً 12 ارب ڈالرقرض رول اوور اور رواں مالی سال کی موجودہ اور آخری سہہ ماہی میں 2 ارب ڈالر سےزائد ان فلو شیئر پلان میں شامل ہیں۔

آئندہ مالی سال کےدوران پانڈا بانڈز پہلی سہہ ماہی کے دوران ہی جاری کیا جائے گا جبکہ عالمی بینک اورایشیائی ترقیاتی بینک سے نئی فنانسنگ بھی پلان میں شامل کی گئی ہے۔