ARYNews.tv | Urdu – Har Lamha Bakhabar

Tag: ایکس اکاؤنٹ

  • گجرات سماچار کا ‘ایکس’ اکاؤنٹ بھارت میں بلاک، نیوز چینل کے ڈائریکٹر گرفتار

    گجرات سماچار کا ‘ایکس’ اکاؤنٹ بھارت میں بلاک، نیوز چینل کے ڈائریکٹر گرفتار

    نئی دہلی : جھوٹی فتح پر آواز اٹھانے پر گجرات سماچار کا ایکس اکاؤنٹ بھارت میں بلاک کردیا گیا اور نیوز چینل کے ڈائریکٹر کو بھی گرفتار کر لیا۔

    تفصیلات کے مطابق مودی سرکار سچ سے خائف، سوال پوچھنے والی آوازوں کو کچلنے پر اُتر آئی اور آزادصحافت کا گلا گھونٹ کر جمہوریت کا جنازہ نکال دیا۔

    گجرات سماچارکاایکس اکاؤنٹ بھارت میں بلاک کردیا گیا، جنگی جنون ، جھوٹی فتح پر آواز اٹھانے پر گجرات سما چار نیوز چینل پر چھاپا مار کر نیوز چینل کے ڈائریکٹر بہوبلی بھائی شاہ کو بھی گرفتار کر لیا۔

    بہوبلی بھائی شاہ کی گرفتاری اس لئے کی گئی کہ وہ جواب دہی کا مطالبہ کر رہے تھے، مودی کے گڑھ میں سچ بولنے پر گجرات سماچار اور جی ایس ٹی وی کو نشانہ بنایا گیا۔

    مزید پڑھیں : بھارت نے ترک اور چینی خبر رساں اداروں کے سوشل میڈیا اکاؤنٹس بلاک کردیے

    نیوز چینل کے خلاف انفورسمنٹ ڈائریکٹوریٹ ،انکم ٹیکس کو بطور سیاسی ہتھیار استعمال ٹی وی دفتر پر 36 گھنٹے انکم ٹیکس کا چھاپہ اور فوری بعد انفورسمنٹ ڈائریکٹوریٹ کا دھاوا، اپوزیشن لیڈران نے کہا جو حکومت سے سوال کرے، بی جے پی اسے نشانہ بناتی ہے۔

    پریس کلب آف انڈیا کا کہنا تھا کہ مودی سرکار کے اقدامات صحافت کو دبانے کے لیے ہیں۔

  • بھارت نے خاتون اول آصفہ بھٹو کا ایکس اکاؤنٹ بھی بلاک کر دیا

    بھارت نے خاتون اول آصفہ بھٹو کا ایکس اکاؤنٹ بھی بلاک کر دیا

    پہلگام فالس فیلگ آپریشن کے بعد مودی حکومت بوکھلاہٹ کا شکار ہے اب بھارت نے پاکستان کی خاتون اول آصفہ بھٹو کا ایکس اکاؤنٹ بھی بلاک کر دیا ہے۔

    گزشتہ ماہ 22 اپریل کو پہلگام فالس فلیگ آپریشن کے فوری بعد بھارت کی جانب سے بغیر کسی ثبوت کے اس کا الزام پاکستان پر عائد کرنے اور سندھ طاس معاہدہ ختم کرنے کے بعد مودی حکومت کو دنیا بھر میں ہزیمت میں سامنا ہے اور اقوام عالم مودی سرکار کے جھوٹے پروپیگنڈے کا شکار نہیں ہو رہے ہیں۔

    دنیا سے اپنے جھوٹے بیانیے کی پذیرائی نہ ملنے پر مودی سرکار بوکھلاہٹ کا شکار ہو کر اوچھے ہتھکنڈوں پر اتر آئی ہے اور اب بھارتی حکومت نے پاکستان کی خاتون اول آصفہ بھٹو کا ایکس اکاؤنٹ بھی بلاک کر دیا ہے۔

    بھارت کے اس اقدام کی پاکستان پیپلز پارٹی پارلیمنٹرینز کی مرکزی ترجمان شازیہ مری نے شدید مذمت کرتے ہوئے کہا ہے کہ بھارت ریاستی دہشتگردی کے بعد اب سوشل میڈیا پر دہشتگردی میں مصروف ہے اور سوشل میڈیا اکاؤنٹس بلاک کرکے کھسیانی بلی کھمبا نوچے کی مثال پر گامزن ہے۔

    شازیہ مری نے کہا کہ مودی نے سوشل میڈیا کو بھی بی جے پی کی طرح نفرت اور مظلوم کی آواز دبانےکا آلہ سمجھ لیا ہے لیکن پی پی کی قیادت بھارت کا اصل چہرہ دنیا کو دکھاتی رہے گی۔ وہ دن دور نہیں، جب مودی اپنےانجام کو پہنچےگا اور اس کے خلاف مقدمات عالمی عدالت میں چلیں گے۔

    واضح رہے کہ پہلگام فالس فلیگ آپریشن کے بعد مودی سرکار کی بوکھلاہٹ کا اندازہ اس بات سے لگایا جا سکتا ہے کہ وہ پاکستانی وزیراعظم، آئی ایس پی آر، پی پی چیئرمین بلاول بھٹو مختلف شعبہ زندگی سے تعلق رکھنے والی اہم شخصیات، فنکاروں، کھلاڑیوں کے اکاؤنٹس، اے آر وائی سمیت مین اسٹریم میڈیا کے سوشل میڈیا اکاؤنٹس اور یو ٹیوب چینلز بند کر چکی ہے۔

    https://urdu.arynews.tv/after-pahalgam-bilawal-bhutto-x-account-block-in-india/

  • بھارت نے بلاول بھٹو کا ایکس اکاؤنٹ بھی بلاک کر دیا

    بھارت نے بلاول بھٹو کا ایکس اکاؤنٹ بھی بلاک کر دیا

    پہلگام ڈراما کے بعد مودی سرکار سے سچ برداشت نہیں ہو رہا اور وہ اؔزادی اظہار پر پابندی لگا رہی ہے بھارت میں بلاول بھٹو کا ایکس اکاؤنٹ بھی بلاک کر دیا۔

    گزشتہ ماہ 22 اپریل کو مودی سرکار نے پہلگام فالس فلیگ آپریشن کے ڈرامے کے بعد اپنی ناکامیوں اور نا اہلیوں پر پردہ ڈالنے کے لیے غیر انسانی اقدامات کے ساتھ پاکستان کے خلاف جنگی جنون سوار کر رکھا ہے۔

    تاہم وقت گزرنے کے ساتھ ساتھ بھارت کو جھوٹ بے نقاب ہوتا جا رہا ہے لیکن دنیا کی سب سے بڑی جمہوریت ہونے کے دعوے دار ملک بھارت سے یہ سچ برداشت نہیں ہو رہا اور اس کی جانب سے آزادی اظہار پر پابندی کا سلسلہ دراز ہوتا جا رہا ہے۔

    جنگی جنون میں مبتلا مودی سرکار پاکستان کے سیاسی رہنماؤں کے سوشل میڈیا اکاؤنٹس بلاک کر رہی ہے۔ آئی ایس پی آر اور وزیر اعظم کے بعد اب پیپلز پارٹی کے چیئرمین بلاول بھٹو زرداری کا ایکس اکاؤنٹس بلاک کر دیا ہے۔

    بھارت کی جانب سے اس سے قبل گزشتہ روز وفاقی وزیراطلاعات عطا اللہ تارڑ کا ایکس اکاؤنٹ بلاک کر دیا تھا۔ سابق قومی کپتان شاہد آفریدی کی جانب سے بھارت کو اس کی نا اہلی پر آئینہ دکھانے پر ان کا اکاؤنٹ بلاک کیا گیا۔

    ان کے علاوہ شعیب ملک، شعیب اختر سمیت پاکستان کے اے آر وائی نیوز سمیت مین لائن اسٹریم میڈیا اور صحافیوں کے یوٹیوب چینلز اور سوشل میڈیا اکاؤنٹس بھی بلاک کیے جا چکے ہیں۔

    دریں اثنا پی پی کی مرکزی رہنما شازیہ مری نے بھارت میں بلاول بھٹو کا ایکس اکاؤنٹ بلاک کرنے کی مذمت کرتے ہوئے کہا ہے کہ یہ اقدام بھارتی حکومت کی بوکھلاہٹ اور سچ سے خوف کی علامت ہے۔ وہ ثبوت فراہم کرنے کے بجائے آوازیں دبانے کی کوشش کر رہا ہے۔ پاکستانی عوام اور تمام قوتیں بھارت کے ناپاک عزائم کے خلاف متحد ہیں۔

  • بھارت کے اوچھے ہتھکنڈے، پاکستانی وزیر دفاع خواجہ آصف کا ‘ایکس اکاؤنٹ’ بلاک کردیا

    بھارت کے اوچھے ہتھکنڈے، پاکستانی وزیر دفاع خواجہ آصف کا ‘ایکس اکاؤنٹ’ بلاک کردیا

    اسلام آباد : بھارت نے وزیر دفاع خواجہ آصف کا ‘ایکس اکاؤنٹ’ بلاک کردیا، اس سے قبل یوٹیوب پر پاکستان کے سولہ چینلز کی نشریات بلاک کردی تھیں۔

    تفصیلات کے مطابق بھارت سچ چھپانے کیلئے اوچھے ہتھکنڈوں پر اتر آیا، بھارت نے وزیر دفاع خواجہ آصف کا ایکس اکاونٹ بلاک کردیا۔

    گزشتہ روز بھارت نے یوٹیوب پر اے آر وائی نیوز سمیت سولہ چینلز کی نشریات بلاک کردی تھیں جبکہ اس سے پہلے بھی مودی سرکار پاکستانی حکومت کے ایکس اکاونٹس پر بھارت میں پابندی لگا چکی ہے۔

    مزید پڑھیں : مودی سرکار بوکھلاہٹ کا شکار، اے آر وائی نیوز سمیت 16 پاکستانی یوٹیوب چینلز پر پابندی

    بھارتی میڈیا کا کہنا تھا ان چینلز نے بھارت کے فالس فلیگ آپریشن سمیت دیگر جھوٹے دعوؤں کی قلعی کھول کر رکھ دی تھی، جس کے بعد بھارت کو سچ اور حقائق بھارتی فوج اور سیکیورٹی اداروں کے خلاف جھوٹ لگنے لگے۔

    خیال رہے پہلگام واقعے کی حقیقتیں آشکار کرنے پر بھارتی میڈیا تلملا گیا ہے اور کہا جارہا ہے کہ مقبوضہ کشمیرمیں ہوئے واقعے پر جھوٹا اور گمراہ کن بیانیہ پیش کیا جا رہا ہے لیکن اس کی مثال پیش نہیں کی گئی۔

    تجزیہ کاروں کا کہنا تھا کہ بھارت میں پاکستانی چینلز پرپابندی مودی سرکار کی اپنی ناکامیوں اوراندرونی تضادات کو چھپانے کی کوشش جاری ہے۔