نئی دہلی : بھارتی وزیر اعظم مودی کی ایکس پر مقبولیت کا پردہ فاش ہوگیا، 109 ملین فالوورز میں سے 44 سے 65 ملین اکاؤنٹس مشکوک ہیں۔
بھارت کے انتہا پسند وزیر اعظم نریندر مودی کی سوشل میڈیا مقبولیت پر بڑا انکشاف سامنے آیا ہے، تحقیقی فرم گروک کی رپورٹ میں بتایا گیا مودی کے ایکس (سابق ٹوئٹر) اکاؤنٹ کے 40 سے 60 فیصد فالوورز جعلی یا بوٹس ہو سکتے ہیں۔
رپورٹ میں کہا گیا کہ مودی کے 109 ملین فالوورز میں سے 44 سے 65 ملین اکاؤنٹس مشکوک ہیں، تاہم درست اعداد و شمار ایکس کے اندرونی ڈیٹا کے بغیر دستیاب نہیں۔
گروک کے مطابق پلیٹ فارمز وقتاً فوقتاً جعلی اکاؤنٹس اور بوٹس کو حذف کرتے رہتے ہیں، لیکن 2018 سے 2025 کے دوران سامنے آنے والی مختلف رپورٹس نے مودی کے فالوورز کی حقیقت پر مسلسل سوال اٹھائے ہیں۔
ماضی کے تجزیوں میں بھی یہ رجحان واضح رہا۔ 2012 کے ایک تجزیے میں مودی کے 46 فیصد فالوورز جعلی اور 41 فیصد غیر فعال پائے گئے۔ اسی طرح 2017 کے ٹوئٹر آڈٹ میں صرف 37.4 فیصد فالوورز حقیقی نکلے، باقی مشکوک یا بوٹس تھے۔
تحقیق میں انکشاف ہوا کہ مودی کی انتخابی مہمات میں جدید اے آئی اور بوٹس کے ذریعے ہیش ٹیگز اور ٹرینڈز کو انتخابی مفاد کے لیے منظم کیا گیا۔ 2019 کی انتخابی مہم میں #TNwelcomesModi ہیش ٹیگ پر بوٹس کے ذریعے ریکارڈ جعلی ٹریفک پیدا کی گئی۔
رپورٹ میں کہنا تھا کہ بوٹس، جعلی فالوورز اور اے آئی کا استعمال مودی کی سیاست کا نیا ہتھیار بن چکا ہے، اور تحقیق نے ثابت کر دیا ہے کہ ان کی آن لائن مقبولیت بڑی حد تک مصنوعی اور جعلی ہے۔