Tag: ایکس پر پابندی

لاہور : لاہور ہائیکورٹ نے  ایکس کی بندش کیخلاف درخواست پر اٹارنی جنرل پاکستان کو 17 اپریل کیلئے طلب کر لیا اور کہا آکر بتائیں ٹویٹر پر پابندی کی قانونی حیثیت کیا ہے؟

تفصیلات کے مطابق چیف جسٹس لاہور ہائیکورٹ جسٹس عالیہ نیلم کی سربراہی میں تین رکنی فل بنچ نے ایکس کی پابندی کے معاملے پر سماعت کی۔

فل بنچ نے ہدایت کی کہ اٹارنی جنرل پاکستان بتائیں کہ سوشل میڈیا ایکس پر پابندی کے نوٹیفکیشن کی کیا قانونی حیثیت ہے؟

سماعت کے دوران عدالتی حکم پر پی ٹی اے سمیت دیگر متعلقہ اداروں کے افسر پیش ہوئے، ایڈیشنل اٹارنی جنرل مرزا نصر احمد نے بتایا کہ پی ٹی اے کی طرف سے جواب اور رپورٹ داخل ہوچکا ہے۔

چیف جسٹس لاہور ہائیکورٹ نے باور کرایا کہ فل بنچ یہ چاہتا ہے اٹارنی جنرل پاکستان عدالت میں موجود ہوں اور وہ عدالت میں آکر ٹویٹر پر پابندی کی قانونی حیثیت کا بتائیں۔

فل بنچ نے ریمارکس دیئے کہ اٹارنی جنرل پاکستان کی وجہ سے ہی یہ کیسز رکے ہوئے ہیں۔

لاہور : وزیراطلاعات پنجاب عظمیٰ بخاری کا ٹوئٹر ایکس پر پابندی ختم کرنے کے حوالے سے اہم بیان سامنے آگیا۔

تفصیلات کے مطابق وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ ر:پوری دنیامیں سوشل میڈیاکیلئےقوانین موجودہیں ،پاکستان میں سوشل میڈیاکےاستعمال کیلئےقواعدوضوابط نہیں، شکایت آنےپرایف آئی اےکہتاہےپراسس پرعمل ہوگا،پراسس ہےکیا؟

وزیر اطلاعات پنجاب نے ایکس پر پابندی کے خاتمے کے حوالے سے کہا کہ سول شل میڈیا کی سائٹس کیلئےقوائدوضوابط بن جائیں گےتوایکس پرپابندی ختم کردی جائے گی۔

ان کا کہنا تھا کہ پاکستان میں ڈیجیٹل دہشت گردی سےکوئی محفوظ نہیں، اوورسیزمیں بیٹھ کرجوانقلابی بننے والےاس ملک کےخلاف ایک پوسٹ کرکےدکھائیں، ملک سےباہر بیٹھ کرڈیجٹل دہشت گردی نہیں چلےگی۔

صوبائی وزیر نے کہا کہ ملک میں پگڑیاں اچھالنےکیلئےشوشل میڈیاکااستعمال ہوتاہے، ہم سوشل میڈیاکیخلاف نہیں لیکن مثبت مقاصدکیلئے کام کریں۔

ان کا مزید کہنا تھا کہ ہماری کچھ عدالتوں کوپتا نہیں چل رہاکہ نومئی کیاتھا، بانی پی ٹی آئی کیلئےکہاجاتاکہ بچہ سمجھ کرمعاف کردو، بانی پی ٹی آئی بچہ نہیں ہیں اورنہ ہی انہیں معافی ملےگی۔

لاہور : مسلم لیگ(ن) کے ایک اور رہنما نے ایکس پر پابندی ختم کرنے کا مطالبہ کرتے ہوئے کہا کہ نگراں دورمیں لگائی پابندی کاکسی کو کوئی فائدہ نہیں ہوا ہے۔

تفصیلات کے مطابق مسلم لیگ(ن) کے رہنما خواجہ سعد رفیق نے بھی سوشل میڈیا پلیٹ فارم ایکس پر پابندی کے حوالے سے اپنی حکومت سے مطالبہ کیا کہ ایکس سے پابندی ختم کی جائے۔

خواجہ سعد رفیق کا کہنا تھا کہ نگراں دورمیں لگائی پابندی کاکسی کوکوئی فائدہ نہیں ہوا ہے، جگ ہنسائی سے بچا جائے اور سیاست کامقابلہ صرف سیاست سے ہوگا۔

یاد رہے مسلم لیگ ن کے رہنما سینیٹرجاوید عباسی نے اے آروائی نیوزکے پروگرام خبر میں سوشل میڈیا پلیٹ فارم ایکس پر پابندی کے حوالے سے گفتگو کرتے ہوئے کہا تھا کہ ہم جب حکومت میں نہیں تھے حق رائے دہی کےلیے آواز اٹھاتے تھے، ہم کہتے تھے کے اقتدارمیں آئے تو حق رائے دہی کی آزادی ہوگی۔

جاوید عباسی کا کہنا تھا کہ معاملہ ہمارے ملک میں نیا نہیں ،سالوں سال سے چلا آرہا ہے، جب سوشل میڈیا نہیں تھا تب ٹی وی اخبارات پر پابندیاں لگتی تھیں، حکومت کو سوشل میڈیاپلیٹ فارم ایکس پر پابندی اٹھانی چاہیے۔

ن لیگی رہنما نے اپنی ہی حکومت سے سوال کیا کیا ہم ماچس کی فیکٹریاں بند کردیں کیونکہ اس سے آگ لگتی ہے؟ کسی چیز کا غلط استعمال ہورہا ہے تو اس سے متعلق قانون سازی ہونی چاہیے، کیا پابندیوں سےوہ نتائج حاصل کرلیے جو کرنا چاہتے تھے؟ پابندیاں ایسی جگہ ہوتی ہیں جہاں جمہوریت نہ ہوآمریت ہو.