Tag: ایکشن فلم

ممبئی: بالی وڈ سپر اسٹار ہریتھک روشن اور دیپیکا کی نئی آنے والی ایکشن فلم ’فائٹر‘ کا ٹیزر جاری کردیا گیا۔

ٹیزر ہائی آکٹین ایریل ایکشن سیکوئنس سے بھرا ہوا ہے، جس میں اسکواڈرن لیڈر شمشیر پٹھانیا (ہریتھک روشن)، اسکواڈرن لیڈر مینل راٹھور (دیپیکا پڈوکون) اور گروپ کیپٹن راکیش جئے سنگھ (انیل کپور) کی کہانیاں دکھائیں گئی ہے، جو ملک کے لیے اپنا سب کچھ دینے کو تیار ہیں۔

یش راج پروڈکشن کے تحت ایکشن فلم کو بلاک بسٹر ’پٹھان‘ کے ڈائریکٹر سدھارتھ آنند بنارہے ہیں اور اسے بھارت کے 75 یوم جمہوریہ پر ریلیز کیا جائے گا۔

فائٹر کے ساتھ ہریتھک روشن اور دیپیکا پڈوکون پہلی مرتبہ اسکرین شیئر کررہے ہیں جب کہ وہ دونوں سدھارتھ آنند کے پروجیکٹ میں الگ الگ کام کرچکے ہیں۔

واضح رہے کہ ’فائٹر‘ بنانے کا اعلان جنوری 2021 میں کیا گیا تھا ور اسے ستمبر 2022 کو ریلیز ہونا تھا لیکن کرونا وبا کے باعث اس میں تاخیر ہوگئی اور اب 25 جنوری 2024 میں اسے سینما گھروں کی زینت بنایا جائے گا۔

ممبئی: تیلگو زبان کی بلاک بسٹر فلم ”آر آر آر“ کو بڑی بین الاقوامی کامیابی مل گئی ہے۔ فلم کو ہالی وڈ کریٹکس چوائس ایوارڈز کی 5 کیٹیگری میں نامزد کیا گیا ہے۔ 

آر آر آر  فلم ایس ایس راجامولی کی ایکشن فلم کو 28 ویں سالانی کریکٹس چوائس ایوارڈ کے لیے 5 نامزدگیاں موصول ہوئیں ہیں۔

اس فلم کو بہترین فلم، بہترین ہدایت کار، بہترین موشن پکچر، بہترین غیر ملکی زبان کی فلم اور بہترین گانے تیلگو ٹریک ’ناتو ناتو‘ کے لیے نامزد کیا گیا ہے۔

اس کے علاوہ گولڈن گلوب 2023 کی نامزدگیوں میں بھی آر آر آر شامل ہے، بالی وڈ فلم ‘آر آر آر’ کو غیر ملکی زبان کی بہترین موشن پکچر سمیت بہترین اوریجنل سونگ کی کیٹیگری میں بھی نامزد کیا گیا ہے۔

”آر آر آر“ باکس آفس پر ریکارڈ منافع کمانے میں بھی کامیاب رہی ہے۔ اسے 25 مارچ کو سنیما گھروں میں نمائش کے لیے پیش کیا گیا اور پہلے ہی دن تقریباً 240 سے 260 کروڑ روپے کمانے میں کامیاب رہی جبکہ اس فلم نے باکس آفس میں کئی ریکارڈز توڑے ہیں۔

ہدایت کار ایس ایس راجامولی کی فلم ایک افسانوی کہانی ہے جو دو تلگو حریت  پسندوں  الوری سیتاراما راجو اور کومارم بھیم کی زندگیوں پر مبنی ہے جن  کا کردار بالترتیب رام چرن اور جونیئر این ٹی آر نے ادا کیا ہے۔

فلم میں  اجے دیوگن، عالیہ بھٹ، شریا سرن، ایلیسن ڈوڈی، اولیویا مورس اور رے اسٹیونسن  بھی اہم کرداروں میں نظر آئے۔ ڈی وی وی دانایا کی تیار کردہ یہ فلم 500سے550 کروڑ روپے کے بڑے بجٹ میں بنائی گئی تھی۔