Tag: ایکشن پلان

  • ایف اے ٹی ایف ایکشن پلان پر پاکستان کا کامیابی سے عملدرآمد

    ایف اے ٹی ایف ایکشن پلان پر پاکستان کا کامیابی سے عملدرآمد

    کراچی : ایف اے ٹی ایف ٹیم کی آن سائٹ دورے کے لئے جولائی کے آخر میں پاکستان آمد کا امکان ہے ،ٹیم کی آمد سے قبل ایف آئی اے نے اے ایم ایل اورسی ایف ٹی بارے ڈائریکٹوریٹ قا ئم کرنے کا فیصلہ کرلیا۔

    تفصیلات کے مطابق ایف اے ٹی ایف ایکشن پلان پر پاکستان کا کامیابی سے عملدرآمد جاری ہے ، پاکستان میں آن سائٹ دورے کے لئے ایف اے ٹی ایف ٹیم کی جولائی کے آخری ہفتے میں آمد متوقع ہے۔

    ٹیم پاکستان میں دئیے گئے پلان پرعملدرآمد کے لئے قائم سسٹم کا تفصیلی جائزہ لے گی ، سسٹم اینٹی منی لانڈرنگ اور کاونٹر فنانسنگ برائے ٹیرارزم کی روک تھام پرمشتمل ہے۔

    ٹیم کی آمد سے قبل ایف آئی اے نے اے ایم ایل اورسی ایف ٹی بارے ڈائریکٹوریٹ قا ئم کرنے کا فیصلہ کرتے ہوئے اسلام آباد میں 16 جون تک 20 کمروں پرمشتمل ڈائریکٹوریٹ قائم کئے جانے کی ڈیڈ لائن بھی جاری کردی ہے۔

    اے ایم ایل اورسی ایف ٹی ڈائریکٹوریٹ کے ماتحت 8 سرکل بھی قائم کئے جائیں گے جبکہ ڈائریکٹر کے ماتحت افسران اور اہلکاروں پر مشتمل ٹیم بھی تعینات کی جائے گی۔

    ڈائریکٹرکے ماتحت 1ایڈیشنل ڈائریکٹر،2 ڈپٹی ڈائریکٹر،3اسسٹنٹ ڈائریکٹربھی تعینات ہوں گے جبکہ دیگرعملے میں2 انسپکٹر،4سب انسپکٹر،1اے ایس آئی ،5ہیڈ کانسٹیبل اور2 ایف سی بھی شامل ہیں۔

    ڈائریکٹرکے اسٹاف میں ایک اسٹینو،ایک ڈارائیور،ایک نائب قاصد اور ایک ڈرائیور بھی شامل ہو گا۔

  • حکومت اورتحریک انصاف کے درمیان عدالتی کمیشن پردس نکات پراتفاق

    حکومت اورتحریک انصاف کے درمیان عدالتی کمیشن پردس نکات پراتفاق

    اسلام آباد: حکومت اور تحریک انصاف کے درمیان عدالتی کمیشن کےحوالےسے دس نکات پر اتفاق ہوگیا۔

    عدالتی کمیشن حکومت کی درخواست پرسپریم کورٹ تشکیل دے گا،میشن سپریم کورٹ کے تین ججز پر مشتمل ہوگا جو اپنی رپورٹ پینتالیس دن میں دے گا، دھاندلی ثابت ہونےپرآرٹیکل اٹھاون کےتحت اسمبلی تحلیل کردی جائےگی اور نگراں حکومت کاقیام سیاسی جماعتوں کی مشاورت سےعمل میں آئےگا۔

    الیکشن سےمتعلق تین اداروں کےسربراہوں کی تقرری مشاورت سےہوگی، مسودےپرمسلم لیگ ن،پی ٹی آئی،پیپلزپارٹی،بی این پی دستخط کرےگی،شاہ محمودقریشی نےبتایا کہ اسحاق ڈارنےعمران خان کوخط لکھ کربتایا ہےکہ تمام جماعتیں مسودےپرمتفق ہیں۔

    وفاقی وزیر خزانہ اسحاق ڈار کا کہنا ہےکہ پی ٹی آئی اورن لیگ معاہدے کی تفصیل پارلیمانی جماعتوں کو بھیج دی گئی ہے۔

    سرکاری ذرائع کے مطابق پارلیمانی رہنماؤں کوبھیجی گئی معاہدےکی تفصیل میں بتایا گیا ہے کہ جوڈیشل کمیشن مجوزہ آرڈیننس کےتحت ہی کام کریگا۔

     اسحاق ڈار کا کہنا ہے کہ وزیراعظم منگل کوپارلیمانی رہنماؤں سےملاقات کریں گے، جس میں وزیراعظم پارلیمانی جماعتوں سے معاہدے پر تبادلہ خیال کرینگے۔

    اس موقع پر شاہ محمود قریشی کہنا تھا کہ دھاندلی ثابت ہوگئی تواسمبلیاں توڑناپڑیں گی تحریک انصاف میں نئےانتخابات سےپہلےتمام عہدیداروں کوفارغ کردیا گیا ہے، الیکشن ہونے تک عمران خان کےنامزدافراد پارٹی امورچلائیں گے۔

  • حکومت آج جوڈیشل کمیشن بنا دے تو کل اسمبلیوں میں ہو نگے، شاہ محمود قریشی

    حکومت آج جوڈیشل کمیشن بنا دے تو کل اسمبلیوں میں ہو نگے، شاہ محمود قریشی

    ملتان: تحریک انصاف کے وائس چیئرمین شاہ محمود قریشی کا کہنا ہے کہ اگر آج حکومت جوڈیشل کمیشن بنا دے تو کل اسمبلیوں میں ہو نگے۔

     سابق چیئرمین پبلک سیفٹی کمیشن نواب افتخار خان خاکوانی کی ساتھیوں سمیت پاکستان تحریک انصاف میں شمیولیت کے موقع پر میڈیا سے گفتگو کرتے ہوئے وائس چیئرمین تحریک انصاف شاہ محمود قریشی کا کہنا تھا کہ اگر حکومت جوڈیشل کمیشن کا مطالبہ پورا نہیں کرےگی تو دوبارہ کنٹینر نکالیں گے ملک میں امن و امان کی خاطر دھرنا ختم کیا۔

    انہوں نے کہا کہ سینٹ الیکشن میں سیٹوں پر سودے بازی کی جارہی ہے تحریک انصاف سیاست میں ہمیشہ سے سودے بازی کی مخالف ہے نیشنل ایکشن پلان پر حکومت سے مکمل تعاون کیا لیکن امن پھر بھی قایم نہیں ہوا پیپلز پارٹی موجودہ سینٹ الیکشن میں شفاف رول ادا نہیں کررہی اور سیاسی مفاد کے لیئے ایم کیو ایم اور پیپلز پارٹی اکٹھے ہیں۔

    شاہ محمود قریشی کا کہنا ہےحکومت کے پاس ابھی بھی وقت ہے کہ ہورس ٹریڈنگ کے خلاف اقدام اٹھائے ہماری ن لیگ کے ساتھ نظریاتی اختلاف ہیں اگر حکومت دھاندلی کے حوالے سے کوئی بھی اقدام کرے تو اس کا ساتھ دیں گے ہم احتجاجی طور پر اسمبلیوں سے باہر بیٹھے ہیں۔

     انکا کہنا تھا کہ سندھ پولیس کو غیر سیاسی بنائے بغیر امن قائم نہیں ہو سکتا انہوں نے حکومت سے سوال کرتے ہوئے کہا کہ کیا ہمارے ملک میں ازاد جوڈیشل کمیشن نہیں بن سکتا اج جوڈیشل کمیشن بن جائے کل اسمبلی میں جانے کو تیار ہیں انہوں نے قومی کرکٹ ٹیم کو میچ جیتنے پر مبارک باد بھی دی۔

  • سینیٹ کی نشستوں کے خریدوفروخت کا فیصلہ ہوچکاہے، شاہ محمود قریشی

    سینیٹ کی نشستوں کے خریدوفروخت کا فیصلہ ہوچکاہے، شاہ محمود قریشی

    اسلام آباد: تحریک انصاف کے وائس چئرمین شاہ محمود قریشی کا کہا ہے کہ کےسینیٹ کی نشستوں کیلئے ہارس ٹریڈنگ شروع ہوچکی ہے۔

    اسلام آباد میں میڈیاسے گفتگو میں شاہ محمود قریشی کاکہناتھاکہ سینیٹ کی نشستوں کے خریدوفروخت کا فیصلہ ہوچکاہے۔

    پیپلزپارٹی کی دوغلی پالیسی کوتنقید کانشانہ بناتے ہوئے شاہ محمود قریشی نے کہاکہ کرسی بچانے کیلئے ایم کیوایم پرکبھی الزام تراشی توکبھی اقتدار میں شمولیت کی دعوت دیتی ہے۔

    اتوار کو سانحہ شکارپور کے شہدا کے لواحقین کی جانب سے وزیراعلی ہاوس تک نکالی جانے والی ریلی کا حمایت کا اعلان کیا۔

    ان کا کہناتھاکہ پیپلزپارٹی کے کوچئیرمین سینٹ کی نشتوں کیلئے خریدوفروخت کیلئے اسلام آباد آسکتے ہیں لیکن شہداکے لواحقین سے ملنے نہیں جاسکتے۔

  • وزیراعظم سے وفاقی وزیر پانی و بجلی خواجہ آصف کی ملاقات

    وزیراعظم سے وفاقی وزیر پانی و بجلی خواجہ آصف کی ملاقات

    اسلام آباد: وزیراعظم محمد نواز شریف سے وفاقی وزیر پانی و بجلی خواجہ آصف کی ملاقات ہوئی، ملک میں پاور سپلائی کی صورتحال کے بارے میں آگاہ کیا۔

    وزیراعظم محمد نواز شریف سے وفاقی وزیر پانی و بجلی خواجہ آصف نے اتوار کی شب یہاں ملاقات کی اور انہیں گزشتہ رات ہونے والے بجلی کے بریک ڈاﺅن کے تناظر میں ملک میں پاور سپلائی کی صورتحال کے بارے میں آگاہ کیا۔

    وفاقی وزیر بتایا کہ سسٹم کو بتدریج معمول کی طرف واپس لایا جارہا ہے، تین پلانٹس کو قومی گریڈ سے منسلک کر دیا گیا اور چند گھنٹوں میں بڑے پیمانے پر سسٹم بحال ہو جائے گا۔

    وفاقی وزیر نے بتایا کہ بجلی کی فراہمی میں تعطل گزشتہ 10روز میں ہونے والے تخریب کاری کے واقعات کی وجہ سے ہوئی ہے جن میں سے 2واقعات گزشتہ دو راتوں میں ہوئے اور جعمہ کی رات ہونے والا حملہ گیس پائپ لائن پر ہوا جسے اوگرا نے 13گھنٹوں بعد بحال کیا۔

  • عدالتی کمیشن پر مزید بات چیت بے کارہے، شاہ محمود قریشی

    عدالتی کمیشن پر مزید بات چیت بے کارہے، شاہ محمود قریشی

    ملتان : شاہ محمود قریشی کا کہنا ہے کہ عمران خان عمرہ کی ادائیگی کے لیئے گئے ہیں علامہ طاہرالقادری کیساتھ ان کی کوئی ملاقات طے نہیں اور نہ کوئی جدہ پلان سامنے آئےگا۔

    میڈیا سے پریس کانفرنس کرتے ہوئے پی ٹی آئی کے وائس چیئرمین کا کہنا تھا کہ ملکی حالات کو دیکھتے ہوئے پی ٹی آئی نے ریاست کو ترجیح دی جبکہ ن لیگ سیاست کو ترجیح دے رہی اور مذاکرات میں سنجیدہ نہیں ہے۔

    انہوں نے کہا کہ دھرنا ختم کرنے کے بعد توقع تھی کی حکومت فراخدلی کا مظاہرہ کرے گی اور لچک دکھائے گی جو حکومت کی طرف سے دکھائی نہیں دی گئی، حکومت کیساتھ جتنے مذاکرات کرسکتے تھے کرلیئے مزید نشستیں کو بے سود سمجھتا ہوں۔

     شاہ محمود قریشی کا کہنا تھا کہ 27 دسمبر کو اسحاق ڈار کے ساتھ جوڈیشل کمیشن کے معاملے پر تمام معاملے طے پاچکے تھے اور 29 دسمبر کودستخط ہونے تھے لیکن حکومت کی طرف سے کوئی نہ آیا، اگر جوڈیشل کمیشن بن جائے تو ہم اسمبلی میں جانے کو تیار ہیں۔

    ایک سوال کے جواب میں ان کا کہنا تھا کہ پٹرول بحران خودساختہ ہے جس نے حکومتی تجربہ کار ٹیم کے تجربات کے پول کھول کررکھ دیئے ہیں انہوں نے کہا کہ میں سمجھتا ہوں کہ ہمیں سینیٹ کے انتخابات میں حصہ لینا چاہیئے کیونکہ کے پی کے میں ہماری اکثریت ہے۔

     ان کا کہنا تھا کہ حکومت کو اگر چند مررسوں پر شکوک و شبہات یا تحفظات ہیں تو وہ وفاق المدارس کیساتھ بیٹھ کر بات کریں کیونکہ دینی مدارس کی واضح اکثریت دہشت گردی میں ملوث نہیں ہے ان کا کہنا تھا کہ سب کی رائے ہے فاٹا اور قبائلی علاقوں کو مین سٹریم میں ہونا چاہئے اور پاکستان کی رٹ فاٹا پر بھی لاگو ہو۔

  • جوڈیشل کمیشن پرحکومت کی نیت پرکل بھی شک تھااورآج بھی ہے، شاہ محمود قریشی

    جوڈیشل کمیشن پرحکومت کی نیت پرکل بھی شک تھااورآج بھی ہے، شاہ محمود قریشی

    اسلام آباد: تحریک انصاف کے رہنما شاہ محمود قریشی کا کہنا ہے کہ جوڈیشل کمیشن پرحکومت کی نیت پرکل بھی شک تھااورآج بھی ہے۔

    دھرنا کنونشن سے خطاب میں شاہ محمود قریشی کا کہنا تھا کہ پاکستان کی عوام ان حکمران اسے تنگ آچکی ہے اور پاکستان کی عوام دھرنے میں اس لیے نہیں آئی کہ ان کی قومی یاصوبائی اسمبلی میں سیٹیں ماری گئی تھیں بلکہ وہ اس لیے آئے تھے کیونکہ ان کے دل میں در د تھا اور عوام حکمرانوں کے کیخلاف اٹھی جنہوںنے ملک کو 68سال تک پاکستان پر حکومت کی ان کیخلاف اٹھے اور عمران خان کا ہاتھ تھاما۔

    ان کا کہنا تھا کہ تحریک انصاف نے دھرنا ختم نہیں کیا تھا بس ایک موڑ آیا تھا جو کہ 16دسمبر کا واقعہ تھا جس کی وجہ سے قوم آج تک سوگ میں مبتلا ہے،اس وقت انہوںنے ذاتی مفاد نہیں بلکہ قومی مفاد کے لیے حکومت کا ساتھ دیا تاکہ دہشت گردوں کو ان منطقی انجام تک پہنچایا جا سکے ۔

    شاہ محمود قریشی نے کہا کہ دھرنے میں ملک بھر سے لوگ آئے، صرف تحریک انصاف دھاندلی کا شکار نہیں ہوئی، 126 دن کا دھرنا کارکنوں نے ممکن بنایا، شفاف انتخابات قوم کی خواہش اور مطالبہ ہے، قوم نئے جمہوری سورج کو طلوع ہوتا دیکھنا چاہتی ہے۔

    دھرنا کنوینشن سے خطاب کر تے ہو ئے شیخ رشید کا کہنا تھا کہ ملک اور حکومت دونوں ساتھ نہیں چل سکتے،پیٹرول بحران پر شاہد خاقان کو برطرف کرنا چاہیے تھا،عمران خان ہی ملک کو بچا سکتا ہے، حکومت نا اہل ہے اور وہ عوام کے مسائل حل نہیں کر سکتی ۔ ان کا مزید کہنا تھاکہ پٹرول کے بحران پر 4 افسروں سے استعفی لینا کافی نہیں ہو گا ۔

  • امید ہے کہ ایکشن پلان پرعمل درآمد ہوگا،شاہ محمود قریشی

    امید ہے کہ ایکشن پلان پرعمل درآمد ہوگا،شاہ محمود قریشی

    ملتان: پاکستان تحریک انصاف کے وائس چیئرمین شاہ محمود قریشی نے کہا ہے کہ اے پی سی میں تمام جماعتوں نے سیاسی اختلافات بھلا کر دہشت گردی کے خلاف یکجہتی کا پیغام دیا ہے۔

    چوک دولت گیٹ میں جشن عید میلاد النبی کے موقع پر ریلی میں شرکت کے بعد میڈیا سے گفتگو کرتے ہوئے ان کا کہنا تھا کہ حکومت کے ساتھ اختلافات کے باوجود تمام جماعتوں نے دہشت گردی کے خلاف حکومت کو سیاسی، قانونی اور اخلاقی مدد فراہم کی ہے۔

    ہم امید کرتے ہیں کہ اب بہت جلد ایکشن پلان پر عمل ہوگا اور قوم کو دہشت گردی سے نجات ملے گی،ان کا مزید کہنا تھا کہ قوم کو جشن عید میلاد النبی مبارک ہو یہ دن ایک دوسرے کو قریب لاتا اور محبت و بھائی چارے کا پیغام دیتا ہے۔

    اس موقع پر پاکستان تحریک انصاف کے سابق صدر اور سینئر سیاستدان جاوید ہاشمی بھی موجود تھے اور دونوں رہنمائوں نے ملک و قوم کی سلامتی کی دعا بھی کی۔

  • ایکشن پلان دینی مدارس کی مشاورت سے بنایا جائے،سراج الحق

    ایکشن پلان دینی مدارس کی مشاورت سے بنایا جائے،سراج الحق

    لاہور: جماعت اسلامی کے امیر سراج الحق نے کہا ہے کہ دہشت گرد کوئی بھی ہو ہم اس کی مذمت کرتے ہیں ان کا کہنا تھا کہ ایک مخصوص لابی کے دباؤ میں آ کرمدارس کے خلاف پروپگینڈے کی اجازت نہیں دی جاسکتی۔

    ان خیالات کا اظہار انہوں نے لاہور میں میڈیا سے گفتگو کرتے ہوئے کیا۔ انہوں نے کہا کہ اسلام میں دہشت گردی کی کوئی گنجائش نہیں ہے۔ دینی مدارس میں پڑھنے والے 30 لاکھ طلباء بھی پاکستانی ہیں۔

    ان کا کہنا تھا کہ مرکزی و صوبائی تعلیمی بجٹ میں دینی مدارس کا کوئی حصہ نہیں ہوتا،دینی مدارس کی رجسٹریشن کی درخواستیں محکموں میں پڑی ہیں۔

    حکومت خود دینی مدارس کے معاملے پر لیت و لعل سے کام لے رہی ہے، سراج الحق نے کہا کہ پشاور سانحہ کو ایک مخصوص لابی دینی مدارس کے خلاف استعمال کر رہی ہے۔

    سانحہ پشاور ہمارے لیے نائن الیون سے بڑھ کر ہے،ایک سوال کے جواب میں انہوں نے کہا کہ ایکشن پلان میں مدارس کی رجسٹریشن اور آڈٹ کا ذکر ہے ۔

    گزشتہ پندرہ سالوں سے دینی مدارس ذمہ داران کا رجسٹریشن کا مطالبہ تھا،پاکستان کے آئین کے سب سے زیادہ وفا دار علماء اور دینی مدارس ہیں۔

    انہوں نے وزیر اعظم سے مطالبہ کیا کہ وزیر اعظم جو بھی ایکشن پلان بنائیں ، دینی مدارس سے مشاورت کریں،سراج الحق پاکستان کو مغرب کے پروپگینڈے میں آکر مدارس کو بدنام نہیں کرنا چا ہیے،مساجد اللہ کا گھر ہیں ،ان کی توہین کوئی برداشت نہیں کر سکتا۔

  • تاجر برادری کا قومی ایکشن پلان پر فوری عمل درآمد کا مطالبہ

    تاجر برادری کا قومی ایکشن پلان پر فوری عمل درآمد کا مطالبہ

    اسلام آباد : کاروباری برادری نے دہشت گردی کے خلاف قومی ایکشن پلان پر فوری عمل درآمد کا مطالبہ کرتے ہوئے کہاہے کہ ہزاروں جانوں کے زیاں اور اربوں روپے کے نقصان کے بعدقوم متحد ہوئی ہے۔

    اس موقع پر قومی اتفاق رائے کو نقصان پہنچانے کی کوشش کرنے والے خیر خواہ نہیں بلکہ دشمن ہیں، یونائیٹڈ بزنس گروپ کے چیئرمین افتخار علی ملک، ایس ایم منیر اور دیگر نے کاروباری برادری سے بات چیت کرتے ہوئے کہا کہ فوج ہماری محسن اور جنرل راحیل ہیرو ہیں۔

    گڈ اور بیڈ طالبان کے علاوہ با ریش اور بے ریش دہشت گردوں میں بھی تمیز ختم کی جائے اور ان کی حمایت کرنے والے سیاستدان اور وکالت کرنے والے دانشورقوم سے معافی مانگیں۔

    انھوں نے کہا کہ یہ قوم جاگ اٹھی ہے ، جسے دوبارہ سونے کی اجازت نہیں دینگے،انھوں نے فوجی عدالتوں کے قیام کے خلاف ہر دلیل کو مستردکرتے ہوئے فوری آئینی تحفظ دینے کا مطالبہ کیا کیونکہ معمول کا نظام عدل کام نہیں کر رہا۔