اسلام آباد : قومی احتساب بیورو (نیب) نے نواز شریف کیخلاف ایک اور ریفرنس دائر کرنے کی تیاری کرلی، آئندہ ہفتے نواز شریف سمیت اہم شخصیات کیخلاف ریفرنس دائر کیا جائے گا۔
تفصیلات کے مطابق سابق وزیراعظم نواز شریف کی مشکلات میں مزید اضافہ ہوگیا ، قومی احتساب بیورو (نیب) نے نواز شریف کیخلاف ایک اورریفرنس دائر کرنے کی تیاری کرلی۔
ذرائع کا کہنا ہے کہ نیب آئندہ ہفتےنوازشریف سمیت اہم شخصیات کیخلاف ریفرنس دائرکرے گا ، ریفرنس احتساب عدالت میں دائر کیا جائے گا۔
ذرائع کے مطابق غیرملکیوں کی سیکیورٹی کیلئےغیرقانونی طریقےسے73سیکیورٹی گاڑیاں خریدی گئیں، نوازشریف نےسارک کانفرنس کےشرکاکیلئےبلٹ پروف گاڑیاں امپورٹ کرائی تھیں، جس کے بعد بلٹ پروف گاڑیاں نوازشریف اور مریم نوازکے زیر استعمال رہیں۔
مزید پڑھیں : نواز شریف کے خلاف ایک اور ریفرنس دائر کرنے کی منظوری
نیب ذرائع کا کہنا ہے کہ نوازشریف کےغیرقانونی اقدام سے1ارب95کروڑ کانقصان پہنچا ، ریفرنس میں سابق ڈی جی انٹیلی جنس بیوروآفتاب سلطان بھی ملزم نامزد کیا گیا ہے جبکہ سابق سیکرٹری خارجہ اعزاز،فوادحسن فواد ودیگربھی ملزمان کی فہرست میں شامل ہیں۔
یاد رہے چیئرمین نیب جسٹس (ر) جاوید اقبال پہلے ہی نواز شریف کے خلاف بلٹ پروف گاڑیوں کےغیرقانونی استعمال پر ریفرنس دائر کرنے کی منظوری دے چکے ہیں۔
