اولمپک مقابلوں میں جیولین تھرور پاکستانی ہیرو ارشد ندیم کو پاکستان کے لیے تاریخ رقم کیے ہوئے ایک سال بیت گیا۔
اولمپک مقابلوں میں جیولین تھرور ارشد ندیم نے آج کے دن 8 اگست 2024 کو پیرس اولمپکس میں گولڈ میڈل جیتا تھا، انہوں نے 92.97 میٹر تھرو کے ساتھ اولمپک ریکارڈ قائم کیا۔
اولمپک مقابلوں میں جیولین تھرور کی بدولت 40 برسوں کے بعد اولمپک مقابلوں میں گولڈ میڈل جیتا جبکہ ارشد نے پاکستان کی جانب سے پہلی مرتبہ انفرادی اولمپک گولڈ میڈل جیتنے کا بھی اعزاز حاصل کیا۔
ارشد ندیم کا اس موقع پر کہنا تھا کہ پیرس اولمپکس میں میڈل جیتنے کے لیے میں بہت پر عزم تھا، پوری دنیا میں پاکستان کا نام روشن کرنے پر بہت پذیرائی ملی۔
اُن کا کہنا تھا کہ پاکستان جب میں واپس آیا تو حکومت اور عوام نے بہت عزت دی، مجھے بہت انعامات سے دیئے گئے، جس پر میں سب کا شکریہ ادا کرتا ہوں۔
اتھلیٹ ارشد ندیم ڈائمنڈ لیگ سے باہر ہو گئے
اُنہوں نے کہا کہ میں اس وقت ورلڈ ایتھلیٹکس چیمپئین شپ کی تیاری میں مصروف ہوں، میں پُرعزم رہوں گا کہ میں نے اولمپکس 2028 کے لیے بھی بھرپور تیاری کرنا ہے لیکن اس وقت میرا ہدف ورلڈ ایتھلیٹکس چیمپئین شپ ہے جس طرح سب نے اولمپکس کے لیے دعا کی اب بھی دعا کریں، میں پوری دنیا میں پاکستان کا نام روشن کرتا رہوں۔
