اسلام آباد : پاکستان کو بڑا اعزاز مل گیا، لاہور کو 2027 کیلئے معاشی تعاون تنظیم ای سی او نے سیاحتی دارلحکومت نامزد کردیا گیا۔
تفصیلات کے مطابق سال 2027 کیلئے لاہور معاشی تعاون تنظیم ای سی او نے سیاحتی دارلحکومت نامزد کردیا۔
10 ممالک کی ای سی او کا 25 رکنی وفد 13 اپریل سے لاہور کا دورہ کرے گا، جس میں شہر کو باضابطہ طور پر ای سی او کیپٹل ٹورازم نامزد کرنے کا اعلان ہوگا۔
ازبکستان کے شہر سبز کو یہ اعزاز پہلے مل چکا ہے ، ترکیہ شہر اَذرُوم کو 2025 کیلئے ای سی او کیپٹل ٹورازم نامزد کیا گیا ہے۔
مریم نوازکی دعوت پر اکنامک کوآرڈی نیشن آرگنائزیشن کے سفیر آرہے ہیں، ای سی او میں پاکستان ترکیہ، ایران، افغانستان، آذربائیجان، قازغستان ،کرغستان، تاجکستان، ترکمانستان اورازبکستان کے ممالک شامل ہیں۔
ای سی او ہر سال ایک رکن ملک کے شہر کو اس منفرد اعزاز کیلئے منتخب کرتا ہے ، لاہور کو تاریخی، ثقافتی اور سیاحتی ورثے کے پس منظر میں یہ اعزاز دیا جارہا ہے۔
صوبائی وزیر نے کہا کہ شہر کو ای سی او کیپٹل ٹورازم کا اعزاز ملنا بڑی پیشرفت ہے، مریم نواز شہر کی تاریخی، تہذیبی، ثقافتی رنگ دنیا کو دکھاناچاہتی ہیں۔
