راولپنڈی : سربراہ عوامی مسلم لیگ شیخ رشید نے ای سی ایل سے نام نکالنے کیلئے درخواست دائر کر دی، جس پر عدالت وزارت داخلہ اور وفاقی حکومت کو نوٹس جاری کردیا۔
تفصیلات کے مطابق لاہورہائی کورٹ راولپنڈی بنچ میں سربراہ عوامی مسلم لیگ شیخ رشید نے ای سی ایل سےنام نکالنے کیلئے درخواست دائر کردی۔
درخواست میں مؤقف اختیار کیا گیا کہ شیخ رشیداحمد کسی مقدمےمیں مطلوب نہیں، ان کیخلاف تمام مقدمات میں ضمانت منظور ہوچکی ہے۔
درخواست میں کہنا تھا کہ 9 مئی کےمقدمات میں شیخ رشید کا براہ راست کوئی تعلق نہیں، شیخ رشید کو9مئی مقدمات میں بعدمیں شامل کیاگیاتھا۔
جسٹس صداقت علی خان نے شیخ رشید کا نام ای سی ایل سے نکالنے سے متعلق پٹیشن پر سماعت کرتے ہوئے وزارت داخلہ اور وفاقی حکومت کو نوٹس جاری کردیا۔
عدالت نےوفاقی حکومت سے 28 فروری کو جواب طلب کرلیا اور کہا سابق وزیر داخلہ کا نام ای سی ایل میں کیوں شامل کیا؟تحریری جواب جمع کرائیں۔
