ARYNews.tv | Urdu – Har Lamha Bakhabar

Tag: ای سی ایل

  • نیب نے شہباز شریف کا نام ای سی ایل میں ڈالنے کے لیے وزارتِ داخلہ کو مراسلہ لکھ دیا

    نیب نے شہباز شریف کا نام ای سی ایل میں ڈالنے کے لیے وزارتِ داخلہ کو مراسلہ لکھ دیا

    لاہور: قومی احتساب بیورو (نیب) نے سابق وزیرِ اعلیٰ پنجاب شہباز شریف کا نام ای سی ایل میں ڈالنے کی سفارش کر دی۔

    تفصیلات کے مطابق نیب نے شہباز شریف کا نام ایگزٹ کنٹرول لسٹ میں ڈالنے کے لیے وزارتِ داخلہ کو سفارش کر دی، نیب کی جانب سے مراسلہ بھیج دیا گیا۔

    [bs-quote quote=”آشیانہ ہاؤسنگ کیس میں شہباز شریف اور فواد حسن فواد سمیت 10 ملزمان پر فردِ جرم عائد۔” style=”style-8″ align=”left” color=”#dd3333″][/bs-quote]

    مراسلے میں مؤقف اختیار کیا گیا ہے کہ شہباز شریف کا نام آمدن سے زائد اثاثہ جات کیس پر ای سی ایل میں ڈالا جائے۔

    یاد رہے کہ اثاثہ جات کیس میں شہباز شریف کے بیٹوں حمزہ شہباز اور سلمان شہباز کے خلاف بھی تحقیقات جاری ہیں۔

    دوسری طرف آشیانہ ہاؤسنگ کیس میں شہباز شریف اور فواد حسن فواد سمیت 10 ملزمان پر فردِ جرم عائد کر دی گئی ہے، تاہم ملزمان نے صحتِ جرم سے انکار کر دیا۔

    اپوزیشن لیڈر شہباز شریف نے کہا کہ خدا کی قسم میرے خلاف جھوٹا مقدمہ بنایا گیا ہے۔ ادھر احتساب عدالت نے تاخیری حربوں پر شہباز شریف کے وکیل کو ڈانٹ پلا دی۔

    تفصیل پڑھیں:  شہباز شریف اور حمزہ شہباز کے خلاف رمضان شوگرملز ریفرنس دائر

    نیب نے شہباز شریف کے گرد شکنجہ مزید سخت کر دیا، شہباز شریف اور حمزہ شہباز کے خلاف رمضان شوگر ملز ریفرنس دائر کر دی گئیں۔

    نیب کا مؤقف تھا کہ شہباز شریف نے بہ طور وزیرِ اعلیٰ اختیارات کا نا جائز استعمال کیا، رمضان شوگر ملز کے لیے دس کلو میٹر طویل نالہ بنوایا، جس سے قومی خزانے کو کروڑوں کا نقصان پہنچا۔

  • حمزہ شہبازشریف لندن روانہ ہوگئے

    حمزہ شہبازشریف لندن روانہ ہوگئے

    لاہور: پنجاب اسمبلی میں اپوزیشن لیڈر حمزہ شہبازشریف لندن روانہ ہوگئے، وہ براستہ دوحا لندن پہنچیں گے۔

    تفصیلات کے مطابق مسلم لیگ ن کے رہنما حمزہ شہبازشریف قطرایئرویز کی پرواز 629 کے ذریعہ لندن روانہ ہوگئے۔ انہوں نے لاہور ہائی کورٹ کو بیرون ملک روانگی سے متعلق آگاہ کیا۔

    مسلم لیگ ن کے رہنما حمزہ شہبازطے شدہ شیڈول کے مطابق 13 فروری کو واپس وطن پہنچیں گے۔

    حمزہ شہباز شریف نے اپنا نام بلیک لسٹ میں شامل ہونے کے خلاف لاہور ہائی کورٹ سے رجوع کیا تھا جس پرعدالت نے ان کا نام ای سی ایل سے نکالنے کا حکم جاری کیا تھا۔

    لاہور ہائی کورٹ میں حمزہ شہبازکے وکیل اعظم نذیرتارڑ نے یقین دہائی کرائی تھی کہ ان کے موکل 10 دنوں میں واپس پاکستان آجائیں گے۔

    حمزہ شہباز شریف کو 10دن کے لیے بیرون ملک جانے کی اجازت مل گئی

    عدالت نے حمزہ شہباز کی درخواست پر وفاقی حکومت کو نوٹس جاری کرکے جواب طلب کیا تھا۔ بعد ازاں وفاقی وزارت داخلہ نے حمزہ شہباز کا نام بلیک لسٹ سے نکال دیا تھا۔

    واضح رہے کہ 11 جنوری 2019 کو قومی احتساب بیورو (نیب) نے چنیوٹ میں رمضان شوگر ملز کیس کا ریفرنس مکمل کرکے شہباز شریف اور حمزہ شہباز کو ملزم نامزد کیا تھا، چیئرمین نیب کی منظوری کے بعد ریفرنس عدالت میں دائر کیا جائے گا۔

  • وزارتِ داخلہ نے بلاول بھٹو، مراد علی شاہ کا نام ای سی ایل سے نکال دیا

    وزارتِ داخلہ نے بلاول بھٹو، مراد علی شاہ کا نام ای سی ایل سے نکال دیا

    اسلام آباد: وزارتِ داخلہ نے پاکستان پیپلز پارٹی کے چیئرمین بلاول بھٹو اور وزیرِ اعلیٰ سندھ مراد علی شاہ کا نام ای سی ایل سے نکال دیا۔

    تفصیلات کے مطابق ذرائع نے کہا ہے کہ پی پی رہنما بلاول بھٹو زرداری اور سندھ کے وزیرِ اعلیٰ مراد علی شاہ کے نام وزارتِ داخلہ نے ایگزٹ کنٹرول لسٹ سے نکال دیے۔

    [bs-quote quote=”گزشتہ روز وفاقی کابینہ نے دونوں کے نام ای سی ایل سے نکالنےکی منظوری دی تھی۔” style=”style-7″ align=”left” color=”#dd3333″][/bs-quote]

    سپریم کورٹ نے دونوں کے نام ای سی ایل سے نکالنے کا حکم دیا تھا، جب کہ گزشتہ روز وفاقی کابینہ نے دونوں کے نام ای سی ایل سے نکالنےکی منظوری دی تھی۔

    وزیرِ اعظم عمران خان کے معاونِ خصوصی شہزاد اکبر کہتے ہیں کہ اب کیس نیب کے پاس ہے، نیب نے درخواست کی تو دونوں کے نام دوبارہ ای سی ایل میں ڈالے جا سکتے ہیں۔

    بیرسٹر شہزاد اکبر کا کہنا تھا کہ عدالت نے جے آئی ٹی سے بلاول بھٹو اور مراد علی شاہ کے نام ڈلیٹ کرنے کا کوئی حکم نہیں دیا۔

    یہ بھی پڑھیں:  وفاقی کابینہ نے بلاول، مراد علی شاہ کا نام ای سی ایل سے نکالنے کا فیصلہ کر لیا

    انھوں نے کہا کہ سپریم کورٹ کے حکم پر جے آئی ٹی اپنا کام بدستور جاری رکھے گی اور قومی احتساب بیورو کی معاونت کرے گی۔

    خیال رہے کہ گزشتہ روز وزیرِ اعظم عمران خان کی زیرِ صدارت وفاقی کابینہ کے اجلاس میں کابینہ نے بلاول بھٹو اور وزیرِ اعلیٰ سندھ مراد علی شاہ کے نام ای سی ایل سے نکالنے کا فیصلہ کیا تھا۔

    کابینہ کے اراکین نے عدالتی احکامات کی روشنی میں نام ایگزٹ کنٹرول لسٹ سے نکالنے کی رائے دی تھی۔

  • وفاقی کابینہ نے بلاول، مراد علی شاہ کا نام ای سی ایل سے نکالنے کا فیصلہ کر لیا

    وفاقی کابینہ نے بلاول، مراد علی شاہ کا نام ای سی ایل سے نکالنے کا فیصلہ کر لیا

    اسلام آباد: وزیرِ اعظم عمران خان کی زیرِ صدارت وفاقی کابینہ کے اجلاس میں کابینہ نے بلاول بھٹو اور وزیرِ اعلیٰ سندھ مراد علی شاہ کے نام ای سی ایل سے نکالنے کا فیصلہ کر لیا۔

    تفصیلات کے مطابق وفاقی کابینہ کے اجلاس میں ایگزٹ کنٹرول لسٹ میں شامل افراد کے نام فہرست سے نکالنے پر مشاورت مکمل کر لی گئی۔

    [bs-quote quote=”اراکین نے عدالتی احکامات کی روشنی میں نام ای سی ایل سے نکالنے کی رائے دی۔” style=”style-7″ align=”left” color=”#dd3333″ author_job=”ذرائع”][/bs-quote]

    اجلاس میں وفاقی کابینہ نے سپریم کورٹ کے احکامات پر عمل درآمد کا فیصلہ کیا، اراکین نے عدالتی احکامات کی روشنی میں نام ای سی ایل سے نکالنے کی رائے دی۔

    پاکستان پیپلز پارٹی کے چیئرمین بلاول بھٹو زرداری اور وزیرِ اعلیٰ سندھ مراد علی شاہ کا نام ای سی ایل سے نکالنے کا فیصلہ کیا گیا۔

    خیال رہے کہ آج وزیرِ اعظم عمران خان کی زیرِ صدارت وفاقی کابینہ کا اجلاس وزیرِ اعظم ہاؤس میں منعقد ہوا جس میں 17 نکاتی ایجنڈے پرغور کیا گیا۔

    وزیرِ اعظم کو ایگزٹ کنٹرول لسٹ کے بارے میں قائم خصوصی کمیٹی نے بریفنگ دی۔

    یہ بھی پڑھیں:  وزیراعظم کی زیرصدارت وفاقی کابینہ کا اجلاس آج ہوگا

    یاد رہے گزشتہ وفاقی کابینہ اجلاس میں بلاول بھٹو زرداری اور وزیرِ اعلیٰ سندھ مراد علی شاہ کا نام فوری ای سی ایل سے نہ نکالنے کا فیصلہ کیا گیا تھا اور کہا گیا تھا کہ کابینہ نام ای سی ایل سے نکالنے کے لیے عدالتی تفصیلی فیصلے کا انتظار کرے گی، تحریری فیصلہ ملنے کے بعد نام ای سی ایل سے نکالنے کا حتمی فیصلہ ہوگا۔

  • کچھ ارکان اسمبلی ای سی ایل سےاتنے خوفزدہ کیوں ہیں؟وزیراعظم عمران خان کا سوال

    کچھ ارکان اسمبلی ای سی ایل سےاتنے خوفزدہ کیوں ہیں؟وزیراعظم عمران خان کا سوال

    اسلام آباد : وزیراعظم عمران خان کا کہنا ہے کہ کچھ ارکان اسمبلی ای سی ایل سےاتنے خوفزدہ کیوں ہیں؟ ملک سے محبت کے دعوے کرتے ہیں لیکن کچھ بیرون ملک کے بار بار دوروں کے لیے انتظارنہیں کرسکتے۔

    تفصیلات کے مطابق وزیراعظم عمران خان نے سماجی رابطے کی ویب سائٹ پر ای سی ایل میں پارلیمینٹرینز کے ناموں پر اپوزیشن کی تشویش پر سوالات اٹھا دیئے۔

    اپنے ٹوئٹ میں وزیراعظم نےکہاکچھ ارکان اسمبلی ای سی ایل سےاتنے خوفزدہ کیوں ہیں؟یہ ارکان اسمبلی بیرون ملک جانے کے اتنے شوقین کیوں ہیں؟

    وزیراعظم کا کہنا تھا کہ بہت سے کام جوسیاستدان پاکستان میں اور پاکستان کے لیےکرسکتے ہیں، ملک سے محبت کے دعوے کرتے ہیں ،لیکن کچھ بیرون ملک کےبارباردوروں کے لیےانتظارنہیں کرسکتے۔

    عمران خان نے مزید کہا کہ ارکان اسمبلی کےپاس اقامے ہیں یابیرون ملک رہائش ہے، کیا یہ رجحان کوئی ان کو سمجھاسکتاہے، جو ملک میں رہنے اور کام کرنے پر خوش ہیں کیونکہ ہم حقیقت میں پاکستان سے محبت کرتے ہیں۔

    یاد رہے دو روز قبل وزیراعظم عمران خان نے سماجی رابطے کی ویب سائٹ ٹویٹر پر اپوزیشن پر تنقید کرتے ہوئے کہا تھا کہ کیا جمہوریت منتخب سیاسی رہنماؤں کوکرپشن سے استثنیٰ دیناہوتاہے؟ ان کولگتا ہے منتخب ہونا ملک کولوٹنے کا لائسنس ہے۔

    مزید پڑھیں : ان کولگتا ہے منتخب ہونا ملک کولوٹنے کا لائسنس ہے، وزیراعظم کی اپوزیشن پر تنقید

    عمران خان کا کہنا تھا کہ پارلیمان پرعوام کےٹیکسوں سےسالانہ اربوں کےاخراجات اٹھتے ہیں، ایوان زیریں سےحزب اختلاف کاایک مرتبہ پھرواک آؤٹ، واک آؤٹ ظاہرکرتاہےشایدیہی ایک کام ہے جو انہیں کرنا ہے، نیب مقدمات ہم نےتوقائم نہیں کیے ، یہ سب این آر او کے حصول اور نیب مقدمات سے چھٹکارے کیلئے دباؤ کاحربہ ہے۔

    خیال رہے وزیراعظم عمران کی زیر صدارت وفاقی کابینہ کا اجلاس آج ہوگا ،جس جعلی بینک اکاؤنٹس سے متعلق عدالت کے تحریری فیصلے کاجائزہ لیا جائے گا اور ای سی ایل میں شامل ناموں پر نظرثانی کی جائےگی جبکہ بلاول بھٹو اور مرادعلی شاہ کےنام ای سی ایل سےنکالےجانےکاامکان ہے۔

  • وفاقی کابینہ کا اجلاس آج ہو گا، ای سی ایل میں شامل ناموں پر نظرثانی کی جائے گی

    وفاقی کابینہ کا اجلاس آج ہو گا، ای سی ایل میں شامل ناموں پر نظرثانی کی جائے گی

    اسلام آباد : وزیراعظم عمران خان کی زیرصدارت وفاقی کابینہ کا اجلاس آج ہو گا، اجلاس میں وفاقی کابینہ جعلی بینک اکاؤنٹس سے متعلق عدالت کے تحریری فیصلے کا جائزہ لے گی، کابینہ اراکین ای سی ایل میں شامل ناموں پر نظرثانی کریں گے۔

    اس حوالے سے ذرائع کا کہنا ہے کہ عدالتی حکم کے بعد بلاول بھٹو اور مرادعلی شاہ کے نام ای سی ایل سے نکالےجانے کا امکان ہے، وزارت داخلہ کی خصوصی کمیٹی172ارکان کے نام نکالنے پر سفارشات دے گی۔

    اس کے علاوہ وفاقی کابینہ کے17نکاتی ایجنڈے میں دیگر اہم معاملات اور تقرریوں کی منظوری شامل ہے، وفاقی کابینہ پی ٹی اے کےچیئرمین کے تقرر کی منظوری دے گی۔

    کابینہ سے برطانیہ میں کیس لڑنے کیلئے قانونی ماہر کےاخراجات کی منظوری لی جائے گی، اجلاس میں سیمنٹ انڈسٹری میں سپلائی، ڈیمانڈ اور قیمتوں کاجائزہ لیا جائے گا۔

    مزید پڑھیں: وزیرِ اعظم کا صوبوں کے درمیان گیس فراہمی کا تنازع حل کرنے کا فیصلہ

    پاورڈویژن کیلئے ضمنی گرانٹ کی منظوری بھی ایجنڈے میں شامل ہے، اجلاس میں حاضرسروس سرکاری ملازم کی موت پرفیملی گرانٹ کی منظوری پر بھی غور ہوگا۔

  • میرا نام ای سی ایل سے نکالا جائے: حمزہ شہباز نے ہائی کورٹ سے رجوع کر لیا

    میرا نام ای سی ایل سے نکالا جائے: حمزہ شہباز نے ہائی کورٹ سے رجوع کر لیا

    لاہور : مسلم لیگ ن کے رہنما حمزہ شہباز  نے ای سی ایل سے نام نکلوانے کے لئے لاہور ہائی کورٹ سے رجوع کر لیا۔

    تفصیلات کے مطابق پنجاب اسمبلی میں اپوزیشن لیڈر حمزہ شہباز نے لاہور ہائی کورٹ میں درخواست دائر کردی ہے، حمزہ شبہاز نے اپنی درخواست میں وزارت داخلہ، ایف آئی اے، ڈی جی امیگریشن اور نیب کو فریق بنایا ہے۔

    درخواست گزار نے مؤقف اختیار کیا ہے کہ ان کا نام غیر قانونی طور پر ای سی ایل میں شامل کیا گیا.

    اپوزیشن لیڈر پنجاب اسمبلی کا کہنا تھا کہ نیب کی تفتیش میں مکمل تعاون کیا، طبی وجوہات کی بنا پر بیرون ملک جانا چاہتا ہوں، عدالت ای سی ایل سے نام نکالنے کا حکم دے۔

    مزید پڑھیں: کرپشن ریفرنس ، شہباز شریف کے بعد ان کے بیٹے حمزہ شہباز کےگرد گھیرا تنگ

    یاد رہے کہ اس وقت شریف خاندان کے مختلف افراد کو بدعنوانی کے الزامات کے تحت  مقدمات کا سامنا ہے، جن میں شہباز شریف کے صاحب زادہ حمزہ شہباز بھی شامل ہیں.

    خیال رہے کہ 11 جنوری 2019 کو قومی احتساب بیورو (نیب) نے چنیوٹ میں رمضان شوگر ملز کیس کا ریفرنس مکمل کرکے شہباز شریف اور حمزہ شہباز کو ملزم نامزد کیا تھا، چیئرمین نیب کی منظوری کے بعد ریفرنس عدالت میں دائر کیا جائے گا۔

  • نقیب قتل کیس کے ملزم راؤانوار کی ای سی ایل سے نام نکالنے کی درخواست مسترد

    نقیب قتل کیس کے ملزم راؤانوار کی ای سی ایل سے نام نکالنے کی درخواست مسترد

    اسلام آباد : سپریم کورٹ نےنقیب قتل کیس کے ملزم راؤانوارکی ای سی ایل سےنام نکالنےکی درخواست مسترد کردی، چیف جسٹس نےراؤ انوارکوسہولتوں کی فراہمی پر برہمی کا اظہار کرتے ہوئے کہا راؤ انوار بری کیسے ہوگیا؟ ایک جوان بچہ مار دیا کوئی پوچھنے والا نہیں۔

    تفصیلات کے مطابق سپریم کورٹ نے چیف جسٹس ثاقب نثار کی سربراہی میں راؤانوار کا نام ای سی ایل سے نکالنے سے متعلق کیس کی سماعت ہوئی ، عدالت نےراؤ انوارکی ای سی ایل سےنام نکالنےکی درخواست مسترد کردی۔

    وکیل صفائی کے دلائل پر چیف جسٹس نے کہا راؤ انوار بری کیسے ہوگیا؟ ٹھیک ہے وہ ضمانت پررہیں مگر پاسپورٹ اسے کیوں دیا گیا؟ راؤ انوار باہر جانے کی بات کر رہاہےاس کاتو پاسپورٹ ضبط ہوناچاہیے، جس پر وکیل راؤ انوار نے کہا اس کا پاسپورٹ پہلے ہی اتھارٹیز کے پاس موجود ہے۔

    وکیل صفائی نے جب یہ کہا کہ راؤ انوار کی فیملی ملک سے باہر مقیم ہے، تو چیف جسٹس نے ریمارکس دئیے یہاں سے کمایاہوا پیسہ باہر منتقل کرنا چاہتا ہوگا، گھر والوں سے کہیں وہ یہاں آکر راؤانوارسےمل لیں، ہم اس کا نام ای سی ایل سے نہیں نکالتے۔

    چیف جسٹس کا مزید کہنا تھا کہ جس طرح ہم نے راؤ انوار کو پکڑوایا ہے ہمیں معلوم ہے۔آپ کو پتہ ہے وہ کتنے دن مفرور رہا؟ آپ کو پتہ ہے وہ کتنے دن مفرور رہا؟ ہم اس کو کیسے لائے ہیں ہمیں اندازہ ہے، جائیں ہم آپ کی درخواست منظور نہیں کررہے۔

    چیف جسٹس نے راؤ انوار کو سہولتیں فراہم کرنے پر بھی برہمی کا اظہار کرتےہوئے کہا پہلے کیوں نہ بتایا راؤانوار سےخصوصی برتاؤکیا جارہا ہے، راؤانوارریاست کے لیےاتنا اہم ہے کہ خصوصی سلوک کیا جائے ؟ ایک جوان بچہ مار دیا کوئی پوچھنے والا نہیں، اب باہر جانا چاہتا ہے۔

    یاد رہے 28 دسمبر کو سابق ایس ایس پی ملیر راؤ انوار نے سپریم کورٹ میں ایک متفرق درخواست دائر کی تھی، جس میں نام ای سی ایل سے نکالنے کی استدعا کرتے ہوئے موقف اپنایا تھا کہ ان کے خلاف قتل کے مقدمے میں ٹرائل سست روی کا شکار ہے اور مستقبل قریب میں فیصلے کا کوئی امکان نہیں اس لئے ان کا نام ای سی ایل سے نکالنے کے احکامات جاری کئے جائیں تاکہ وہ بیرون ملک اپنے بچوں سے ملاقات کے لئے جاسکے۔

    واضح رہے گذشتہ سال 13 جنوری کو ایس ایس پی ملیر راؤ انوار کی سربراہی میں پولیس ٹیم نے شاہ لطیف ٹاؤن میں پولیس مقابلہ کا دعویٰ‌کیا تھا. ٹیم کا موقف تھا کہ خطرناک دہشت گردوں کی گرفتاری کے لیے اس کارروائی میں‌ پولیس نے جوابی فائرنگ کرتے ہوئے چار ملزمان کو ہلاک کیا تھا۔ ہلاک ہونے والوں میں نوجوان نقیب اللہ بھی شامل تھا۔

    البتہ سوشل میڈیا پر چلنے والی مہم کے بعد اس واقعے کے خلاف عوامی تحریک شروع ہوئی، جس کے نتیجے میں‌ پولیس مقابلے کی تحقیقات شروع ہوئیں، ایس ایس پی رائو انوار کو عہدے سے معطل کرکے مقابلہ کو جعلی قرار دے گیا۔

    چیف جسٹس میاں ثاقب نثار نے نقیب اللہ کے ماورائے عدالت قتل کا از خود نوٹس کیس مقرر کرتے ہوئے راؤ انوار کا نام ایگزٹ کنٹرول لسٹ میں ڈالنے کا حکم دیا تھا۔

  • وفاقی کابینہ کا 172 افراد کے نام فوری طورپرای سی ایل سے نہ نکالنے کا فیصلہ

    وفاقی کابینہ کا 172 افراد کے نام فوری طورپرای سی ایل سے نہ نکالنے کا فیصلہ

    اسلام آباد: وفاقی وزیر اطلاعات فواد چوہدری نے کہا ہے کہ آج وفاقی کابینہ نے 172 ناموں کو ای سی ایل میں ڈالنے کا ازسر نو جائزہ لیا، جس کے بعد تمام نام فوری طورپر فہرست سے نہ نکالنے کا فیصلہ کیا گیا ہے۔

    ان خیالات کا اظہار انھوں نے  پریس کانفرنس کرتے ہوئے کیا. فوادچوہدری کا کہنا تھا کہ یہ نام ریویو کمیٹی کوبھیجنے کا فیصلہ کیا گیا ہے. 

    [bs-quote quote=” اب سندھ کوبراہ راست پیسے نہیں دیں گے، طریقہ کارطے کر رہے ہیں” style=”style-7″ align=”left” author_name=”فواد چوہدری”][/bs-quote]

    فواد چوہدری نے کہا کہ جے آئی ٹی کے کہنے پرنام ای سی ایل میں ڈالےگئے، کیوں‌کہ ماضی میں جن افراد کے خلاف تحقیقات ہورہی تھیں، وہ ملک سےفرارہوئے، جس کی واضح مثال اسحاق ڈار ہیں.

    وفاقی وزیر اطلاعات نے کہا کہ اسحاق ڈارشاہد خاقان عباسی کے طیارےمیں لندن فرارہوئے، ہونا تو یہ چاہیے تھا کہ شاہد خاقان عباسی اسحاق ڈارکو اپنا طیارہ فراہم نہ کرتے، ملزم فرارکرانے پرسابق وزیراعظم شاہد خاقان کو نوٹس ملنا چاہیے.

    انھوں نے کہا کہ اسلام آباد ہائیکورٹ میں 3 آسامیوں کا اضافہ کیا گیا، اسلام آباد ہائیکورٹ میں 9 ججز  اور ایک چیف جسٹس ہوں گے، غربت کا خاتمہ حکومت کی اولین ترجیحات میں شامل ہے.

    وزیر اطلاعات فواد چوہدری نے کہا کہ غیرملکی سرمایہ کاروں کے لئے ماحول سازگار بنا رہے ہیں، پالیسی ہے کہ غیرملکی سرمایہ کاری آنے پر ٹیکسز نہیں ہونے چاہییں، پالیسی سے غیرملکی سرمایہ کاری آنے میں مدد ملے گی.

    انھوں نے کہا کہ کراچی کی محرومیوں کو ختم کرنا اپنا فرض سمجھتے ہیں، کراچی ہمارامعاشی حب ہے، اس کے لئے اومنی گروپ پربھروسہ نہیں کر سکتے، بدقسمتی سے جوپیسہ سندھ پرلگنا چاہیے تھا، وہ دبئی میں محلات بنانے پر خرچ ہوا.

    مزید پڑھیں: بھارت کومیں نہ مانوں کی ضد چھوڑنا ہوگی‘ فواد چوہدری

    فواد چوہدری نے کہا کہ 200 ارب روپے جو سندھ پرخرچ ہونا چاہیے تھا، وہ دبئی اور لندن میں لگے، اب سندھ کوبراہ راست پیسے نہیں دیں گے، طریقہ کارطے کر رہے ہیں، تحریک چلانے کی دھمکیاں نہ دیں، جےآئی ٹی پربات نہیں کررہے سپریم کورٹ نے روکا ہے.

    ان کا کہنا تھا ایف سی ہیڈ کوارٹرز کے لئے فنڈزکی منظوری کابینہ نے دی ہے، بلوچستان میں ایف سی ہیڈکوارٹرز کے لئے 2.8 ارب کی منظوری دی گئی ہے.

  • سندھ حکومت وفاق سے اپنا حق لے کررہے گی : مراد علی شاہ

    سندھ حکومت وفاق سے اپنا حق لے کررہے گی : مراد علی شاہ

    گھوٹکی: وزیراعلیٰ سندھ مراد علی شاہ کا کہنا ہے کہ سندھ کے لوگوں کے ساتھ دشمنی کی جارہی ہے، سندھ حکومت وفاق سے اپنا حق لے کر رہے گی۔

    تفصیلات کے مطابق وزیر اعلیٰ سندھ مراد علی شاہ نے گھوٹکی میں جلسہ عام سے خطاب کرتے ہوئے وفاقی حکومت پر الزام عائد کیا ہے کہ سندھ کے وسائل کو چھیننے کی کوشش کی جارہی ہے۔

    جلسے سے خطاب کرتے ہوئے ان کا کہنا تھا کہ اس قسم کےہتھکنڈوں سےگھبرانےوالےنہیں ہیں، ہماری قیادت کوتوالیکشن ہی نہیں لڑنےدیاگیا۔

    انہوں نے مزید کہا کہ ہم سمجھتے تھے کہ نوازشریف کوسندھ پسند نہیں تھا،عمران خان کواس سےزیادہ سندھ پسند نہیں آرہا۔ جولوگ کہتےتھے کہ سندھ پرقبضہ کریں گےوہ سندھ سےبھاگ گئے۔

    مراد علی شاہ کا مزید کہنا تھا کہ پیپلز پارٹی قیادت متحد اور مضبوط ہے، سندھ حکومت اپناحق وفاقی حکومت سے لے کردکھائےگی۔

    تحریک انصاف نے وزیراعلیٰ سندھ سے استعفیٰ مانگ لیا

    اس موقع پر انہوں نے کہا کہ سندھ حکومت نے تھرمیں کوئلےسے توانائی پیدا کرنے کا پلانٹ بنایا تو وہاں کے لوگوں کو اس کا مالک بنایا۔ کول مائننگ سائٹ کے لیے جو دیہات ہٹائے گئے، انہیں پہلے 11 سو اسکوائرفٹ پرگھر بنا کر دیے گئے، وہاں کے عوام کو روزگار دیا گیا۔

    سندھ حکومت ایس ایس جی سی کوگاؤں اور دیہاتوں میں گیس کی فراہمی کے لیے قرضہ دیتی ہے، ایس ایس جی سی کہتی ہے کہ قرضہ واپس نہیں کرسکتے،گرانٹ میں بدل دیں۔ انہوں نے کہا کہ ہم لوگوں کی خاطر یہ بھی کرنےکوتیارہیں، لیکن سندھ کے معدنیات پرآئینی طورپرحق سندھ کاہے، وہ لےکرہی رہیں گے۔

    یاد رہے کہ پاکستان تحریک انصاف کے صوبائی رہنما خرم شیرزمان نےآج صبح وزیراعلیٰ سندھ مراد علی شاہ کا نام ای سی ایل میں شامل ہونے کے بعد ان سے استعفے کا مطالبہ کیا تھا۔ ان کا کہنا تھا کہ پانچ سال پیپلز پارٹی کی حکومت ختم ہونے کا انتظار نہیں کرسکتے، تحریک انصا ف سندھ میں حکومت بنانے جارہی ہے۔

    آج صبح وفاقی حکومت نے جعلی اکاؤنٹس کیس میں نامزد 172 افراد کے نام ای سی ایل میں ڈال دیے تھے، ان افراد میں سابق صدر آصف علی زرداری ، فریال تالپور، بلاول بھٹو زرداری، مراد علی شاہ، قائم علی شاہ سمیت پیپلز پارٹی کے متعدد رہنماؤں کے نام شامل ہیں۔