ARYNews.tv | Urdu – Har Lamha Bakhabar

Tag: ای پاسپورٹ

  • ای پاسپورٹ بنوانے کے لئے کتنی فیس دینا ہوگی؟ اعلان ہوگیا

    ای پاسپورٹ بنوانے کے لئے کتنی فیس دینا ہوگی؟ اعلان ہوگیا

    کراچی : ملک بھر کے تمام پاسپورٹ دفاتر سے ای پاسپورٹ کے اجرا کا آغاز کرتے ہوئے فیس شیڈول جاری کر دیا گیا، 5 سالہ ای پاسپورٹ بنوانے کی نارمل فیس 9ہزار روپے ہوگی۔

    تفصیلات کے مطابق اسلام آباد کے بعد ملک بھر کے تمام پاسپورٹ دفاتر سے ای پاسپورٹ کے اجرا کا آغاز کردیا گیا۔

    ای پاسپورٹ اجرا کے لئےفیس شیڈول بھی جاری کر دیا ہے ، جس کے تحت 5 سالہ ای پاسپورٹ کے لیئے 36 صفحات کی نارمل فیس 9ہزار روپےہوگی جبکہ 36 صفحات ارجنٹ ای پاسپورٹ کی فیس 15ہزار روپےمقرر کردی گئی۔

    72 صفحات ای پاسپورٹ کیلئے نارمل فیس 16ہزار500 اور اریجنٹ کی27 ہزار اور 36 صفحات پر مشتمل 10سالہ پاسپورٹ کیلئےنارمل فیس 13 ہزار 500 اور ارجنٹ فیس 22ہزار500 مقرر کی گئی ہے۔

    اسی طرح 72 صفحات کے 10 سالہ پاسپورٹ کی نارمل فیس 24 ہزار 750 اور ارجنٹ 40ہزار500 ہوگی ، ڈائریکٹوریٹ جنرل امیگریشن اینڈ پاسپورٹس کا کہنا ہے کہ فیس شیڈول 16 اگست سے نافذ العمل ہوگا۔

  • وزیر اعظم عمران خان آج ‘ای پاسپورٹ’ کا اجرا کریں گے

    وزیر اعظم عمران خان آج ‘ای پاسپورٹ’ کا اجرا کریں گے

    اسلام آباد : وزیر اعظم عمران خان آج الیکٹرانک پاسپورٹ سہولت کا اجرا کریں گے، یہ پاسپورٹ پاکستانیوں کو سہل ایمیگریشن میں مدد فراہم کرے گا۔

    تفصیلات کے مطابق وزیر اعظم عمران خان آج اسلام آباد میں الیکٹرانک پاسپورٹ سہولت کا اجرا کریں گے اور اس موقع پر تقریب سے خطاب بھی کریں گے۔

    الیکٹرانک پاسپورٹ چپ سے لیس ہوگا ،متعدد سیکورٹی فیچر شامل ہیں ، الیکٹرانک پاسپورٹ پاکستانیوں کوسہل ایمیگریشن میں مدد فراہم کرے گا جبکہ جدید ٹیکنالوجی سےالیکٹرانک پاسپورٹ کی نقل ناممکن ہوگی۔

    یاد رہے وزیر داخلہ شیخ رشید نے بتایا تھا کہ ای پاسپورٹ میں جدید 29 نئے سکیورٹی فیچرز شامل کئے گئے ہیں ، یہ سفری دستاویز کی سب سے بڑی اپ گریڈیشن ہے۔

    ان کا کہنا تھا کہ ای پاسپورٹ سے دنیا بھر کے ایئرپورٹس پر ای گیٹ کی سہولت ملے گی تاہم ابتدائی طور پر ای پاسپورٹ کی سہولت سفارتی ،سرکاری پاسپورٹس کیلئے ہوگی۔

    خیال رہے مائیکرو چپ کارڈ کے حامل اس پاسپورٹ میں درخواست گزار کی تمام تر تفصیلات محفوظ ہوں گی، چپ میں محفوظ مسافر کے کوائف اور سفری تفصیلات امیگریشن اور نادرا کے سسٹم سے لنک ہوں گی۔

    اس کے محفوظ سیکیورٹی فیچرز میں متعدد چیزیں شامل ہیں، ای پاسپورٹ کے مرکزی صفحے پر پاسپورٹ ہولڈر کی ایک کی بجائے 2 تصاویر ہوں گی، پاسپورٹ کا مرکزی صفحہ بین الاقوامی معیار کے مطابق ڈاٹ پر مشتمل ہوگا۔

    ای پاسپورٹ سے ایئر پورٹ پر دستاویزی سفری کارروائی انتہائی مختصر وقت میں مکمل ہوگی جبکہ کم وقت میں بورڈنگ کارڈ، امیگریشن کی تکمیل سے طیارے تک تیز تر رسائی بھی ممکن ہوسکے گی۔

  • وزیراعظم عمران خان کل ‘ای پاسپورٹ’ کا اجرا کریں گے

    وزیراعظم عمران خان کل ‘ای پاسپورٹ’ کا اجرا کریں گے

    اسلام آباد : وزیراعظم عمران خان کل عوام کی سہولت کے لیے ای پاسپورٹ کا اجرا کریں گے ، ای پاسپورٹ سے دنیا بھر کے ایئرپورٹس پر ای گیٹ کی سہولت ملے گی۔

    تفصیلات کے مطابق وزیر داخلہ شیخ رشید کی جانب سے بیان میں کہا گیا ہے کہ وزیراعظم عمران خان کل ای پاسپورٹ کا اجراکریں گے ، نئے بائیو میٹرک پاسپورٹ میں الیکٹرانک چپ استعمال ہوگی۔

    وزیر داخلہ کا کہنا تھا کہ ای پاسپورٹ میں جدید 29 نئے سکیورٹی فیچرز شامل کئے گئے ہیں ، یہ سفری دستاویز کی سب سے بڑی اپ گریڈیشن ہے۔

    شیخ رشید نے بتایا کہ ای پاسپورٹ سے دنیا بھر کے ایئرپورٹس پر ای گیٹ کی سہولت ملے گی تاہم ابتدائی طور پر ای پاسپورٹ کی سہولت سفارتی ،سرکاری پاسپورٹس کیلئے ہوگی۔

    خیال رہے مائیکرو چپ کارڈ کے حامل اس پاسپورٹ میں درخواست گزار کی تمام تر تفصیلات محفوظ ہوں گی، چپ میں محفوظ مسافر کے کوائف اور سفری تفصیلات امیگریشن اور نادرا کے سسٹم سے لنک ہوں گی۔

    اس کے محفوظ سیکیورٹی فیچرز میں متعدد چیزیں شامل ہیں، ای پاسپورٹ کے مرکزی صفحے پر پاسپورٹ ہولڈر کی ایک کی بجائے 2 تصاویر ہوں گی، پاسپورٹ کا مرکزی صفحہ بین الاقوامی معیار کے مطابق ڈاٹ پر مشتمل ہوگا، اور نئے پاسپورٹ میں جعل سازی اور مرکزی صفحے کی تبدیلی ناممکن بنائی گئی ہے۔

    ای پاسپورٹ سے ایئر پورٹ پر دستاویزی سفری کارروائی انتہائی مختصر وقت میں مکمل ہوگی جبکہ کم وقت میں بورڈنگ کارڈ، امیگریشن کی تکمیل سے طیارے تک تیز تر رسائی بھی ممکن ہوسکے گی۔

  • سعودی عرب کا نیا پاسپورٹ جاری

    سعودی عرب کا نیا پاسپورٹ جاری

    ریاض: سعودی عرب نے نمایاں خصوصیات کا حامل نیا ’ای پاسپورٹ‘ جاری کر دیا۔

    تفصیلات کے مطابق سعودی عرب نے عالمی معیار کے مطابق نمایاں خصوصیات کا حامل نیا ’ای پاسپورٹ‘ جاری کر دیا ہے۔

    سعودی سرکاری نیوز ایجنسی کے مطابق وزیر داخلہ شہزادہ عبدالعزیز بن سعود نے جمعرات کو محکمہ پاسپورٹ ریاض کی عمارت میں نئے ای پاسپورٹ کا افتتاح کیا۔

    نئے ای پاسپورٹ میں ایک سم رکھی گئی ہے جس کی بدولت پاسپورٹ ہولڈر کا مکمل ڈیٹا سیکیورٹی اسٹینڈرڈ مضبوط ہوگیا ہے، اس میں ایک خصوصیت یہ بھی ہے کہ بین الاقوامی ایئر پورٹس، بندرگاہوں اور سرحدی چوکیوں پر ای گیٹ استعمال کرتے وقت مشینی ریڈنگ ممکن ہوگی۔

    نئے سعودی پاسپورٹ کے صفحات کو مملکت کے مشہور ترین قابل دید تاریخی اور تمدنی مقامات سے مزین کیا گیا ہے۔

    وزیر داخلہ کو اس موقع پر محکمہ پاسپورٹ کی ابتدا سے لے کر اب تک کی تاریخ پر مشتمل ویڈیو دکھائی گئی جس میں اس کے اہم کارناموں اور مختلف اداروں سے ملنے والے ایوارڈز کا بھی تذکرہ شامل تھا۔

    وزیر داخلہ نے اس موقع پر وزارت داخلہ، وزارت خزانہ، سعودی ڈیٹا اینڈ آرٹیفشل انٹیلیجنس اتھارٹی کی مشترکہ کاوشوں سے نئے ای پاسپورٹ کے افتتاح کی دستاویز پر دستخط بھی کیے۔

  • حکومت کا آئندہ سال سے ای پاسپورٹ کے اجرا کا فیصلہ

    حکومت کا آئندہ سال سے ای پاسپورٹ کے اجرا کا فیصلہ

    اسلام آباد : وفاقی حکومت نے شہریوں کی سہولت کے لیے آئندہ سال سے ای پاسپورٹ کے اجرا کا فیصلہ کرلیا ہے۔

    تفصیلات کے مطابق وزیر داخلہ شیخ رشید احمد کی زیر صدارت اجلاس میں ہوا، جس میں سیکریٹری داخلہ اورچیئرمین نادرا ، ڈی جی پاسپورٹ اورایڈیشنل ڈی جی ایف آئی اے شریک ہوئے۔

    ذرائع کا کہنا ہے کہ اجلاس میں آئندہ سال سے ای پاسپورٹ کے اجرا کا فیصلہ کیا گیا ہے۔

    ای پاسپورٹ کے اجرا کو ایک اہم اقدام کے طور پر بیان کیا جا رہا ہے، جو موجودہ مینوئل سسٹم میں تمام رکاوٹوں کو ختم کرنے اور بیرون ملک مقیم پاکستانیوں کو آسانی سے آن لائن درخواستوں پر کارروائی کرنے میں مدد کرے گا۔

    خیال رہے مائیکرو چپ کارڈ کے حامل اس پاسپورٹ میں درخواست گزار کی تمام تر تفصیلات محفوظ ہوں گی، چپ میں محفوظ مسافر کے کوائف اور سفری تفصیلات امیگریشن اور نادرا کے سسٹم سے لنک ہوں گی۔

    اس کے محفوظ سیکیورٹی فیچرز میں متعدد چیزیں شامل ہیں، ای پاسپورٹ کے مرکزی صفحے پر پاسپورٹ ہولڈر کی ایک کی بجائے 2 تصاویر ہوں گی، پاسپورٹ کا مرکزی صفحہ بین الاقوامی معیار کے مطابق ڈاٹ پر مشتمل ہوگا، اور نئے پاسپورٹ میں جعل سازی اور مرکزی صفحے کی تبدیلی ناممکن بنائی گئی ہے۔

    ای پاسپورٹ سے ایئر پورٹ پر دستاویزی سفری کارروائی انتہائی مختصر وقت میں مکمل ہوگی، ذرائع کا کہنا تھا کہ کم وقت میں بورڈنگ کارڈ، امیگریشن کی تکمیل سے طیارے تک تیز تر رسائی ممکن ہوگی۔

  • ای پاسپورٹ کا اجرا کب تک ہوگا؟ اہم خبر

    ای پاسپورٹ کا اجرا کب تک ہوگا؟ اہم خبر

    کراچی: محفوظ سیکیورٹی فیچرز پر مبنی ای پاسپورٹ کا ممکنہ اجرا تاخیر کے ساتھ مئی میں ہوگا۔

    اے آر وائی نیوز کے مطابق حکومت پاکستان کی جانب سے ای پاسپورٹ کے اجرا کے مقررہ وقت میں تاخیر کے بعد اب امکان پیدا ہو گیا ہے کہ یہ مئی کے پہلے ہفتے میں جاری ہو جائے گا۔

    مائیکرو چپ کارڈ کے حامل اس پاسپورٹ میں درخواست گزار کی تمام تر تفصیلات محفوظ ہوں گی، چپ میں محفوظ مسافر کے کوائف اور سفری تفصیلات امیگریشن اور نادرا کے سسٹم سے لنک ہوں گی۔

    اس کے محفوظ سیکیورٹی فیچرز میں متعدد چیزیں شامل ہیں، ای پاسپورٹ کے مرکزی صفحے پر پاسپورٹ ہولڈر کی ایک کی بجائے 2 تصاویر ہوں گی، پاسپورٹ کا مرکزی صفحہ بین الاقوامی معیار کے مطابق ڈاٹ پر مشتمل ہوگا، اور نئے پاسپورٹ میں جعل سازی اور مرکزی صفحے کی تبدیلی ناممکن بنائی گئی ہے۔

    بڑے ایئر پورٹس پر ای گیٹس کی تنصیب ایک بار التوا کا شکار

    ای پاسپورٹ سے ایئر پورٹ پر دستاویزی سفری کارروائی انتہائی مختصر وقت میں مکمل ہوگی، ذرائع کا کہنا ہے کہ کم وقت میں بورڈنگ کارڈ، امیگریشن کی تکمیل سے طیارے تک تیز تر رسائی ممکن ہوگی۔

    اے آر وائی نیوز کے مطابق ای پاسپورٹ کا اجرا مقررہ وقت سے تاخیر کے ساتھ ممکنہ طور پر مئی کے پہلے ہفتے میں ہوگا، دراصل ای پاسپورٹ کے لیے درکار ای گیٹس اور متعلقہ سسٹم کی تنصیب بھی تا حال نہیں ہو سکی ہے، ای پاسپورٹ ملک کے بڑے ایئر پورٹس پر نصب ای گیٹس کے ذریعے استعمال ہوں گے۔

    واضح رہے کہ ایئر پورٹس پر ای گیٹس کی تنصیب سول ایوی ایشن اتھارٹی کی ذمہ داری ہے۔

  • پاکستان میں ای پاسپورٹ کا آغاز کب سے ہوگا؟ تاریخ سامنے آگئی

    پاکستان میں ای پاسپورٹ کا آغاز کب سے ہوگا؟ تاریخ سامنے آگئی

    اسلام آباد : وزیر داخلہ شیخ رشید کا کہنا ہے کہ پاکستان نے وزارت داخلہ میں بارڈر مینجمنٹ ونگ قائم کردیا، یکم مئی سے ای پاسپورٹ کا آغاز کر رہا ہے، ای پاسپورٹ سے انسانی اسمگلنگ روکنے میں بہت ملے گی۔

    تفصیلات کے مطابق وزیر داخلہ شیخ رشید سے آسٹریلوی ہائی کمشنر جیفری شاؤ کی ملاقات ہوئی ، ملاقات میں وزارت داخلہ اور آسٹیریلوی ہائ کمیشن کے اعلی افسران بھی موجود تھے۔

    ملاقات میں پاکستان،آسٹریلیا تعلقات اورباہمی دلچسپی کےامور پر بات چیت سمیت بارڈرمینجمنٹ بہتر ،قانون نافذ کرنے والے اداروں کی پیشہ وارانہ صلاحیت پر گفتگو کی گئی۔

    وزیر داخلہ شیخ رشید نے کہا پاکستان نے وزارت داخلہ میں بارڈر مینجمنٹ ونگ قائم کردیا ، مصنوعات،انسانی اسمگلنگ روکنے کیلئےجامع اقدامات کررہے ہیں، پاکستان یکم مئی سے ای پاسپورٹ کا آغاز کر رہا ہے، ای پاسپورٹ سے انسانی اسمگلنگ روکنے میں بہت ملے گی۔

    شیخ رشید کا کہنا تھا کہ ای ویزا کا آغاز یکم جنوری سےکرچکے ہیں، 191 ممالک کےشہر یوں کو آن لائن ویزادے رہے ہیں، اس حوالے سے افغانستان سے سب سے زیادہ درخواستیں موصول ہو رہی ہیں۔

    آسٹریلوی ہائی کمشنر نے کہا ہے کہ بین الاقوامی جرائم کی روک تھام کیلئےتعاون بڑھانے کی ضرورت ہے ، پاکستان کوبارڈرمینجمنٹ بہترکرنےکیلئےتکنیکی معاونت فراہم کریں گے، پاکستان نےکوروناکےپھیلاؤکوجس طرح کنٹرول کیا قابل تعریف ہے۔

    آسٹریلوی ہائی کمشنر نے شیخ رشید کو وزارت داخلہ کا قلمدان سنبھالنے پرمبارکباد دی۔

  • آن لائن پاسپورٹ کا افتتاح، جون تک رائج کردیں گے، وزیر داخلہ

    آن لائن پاسپورٹ کا افتتاح، جون تک رائج کردیں گے، وزیر داخلہ

    اسلام آباد: وزیر داخلہ چوہدری نثار علی خان نے کہا ہے کہ آن لائن پاسپورٹ کی سروس کا افتتاح کردیا گیا ہے تاہم آئندہ جون تک عوام کے لیے ای پاسپورٹ کا مکمل آغاز  اور جلد آن لائن پاسپورٹ کا سسٹم رائج ہوجائے گا۔

    ان خیالات کا اظہار انہوں نے نادرا ہیڈ کوارٹر پر ای پاسپورٹ کے افتتاح کے بعد میڈیا سے گفتگو کرتے ہوئے کیا۔

    نیا پاسپورٹ 10 سالہ مدت کے لیے ہوگا

    چوہدری نثار علی خان کا کہنا تھا کہ 2 سال کے اندر پاکستان کے طول و عرض اور عالمی سطح پر آن لائن پاسپورٹ کے سلسلے کو پھیلایا جائے گا جو 10 سال کی مدت کے لیے ہوگا، سروس ابتدائی طور پر بیرون ملک مقیم پاکستانیوں کے لیے شروع کی گئی ہے تاہم پہلے مرحلے میں ڈپلومیٹک اور آفیشل پاسپورٹ تیار یے جائیں گے۔

    مزید 72 پاسپورٹ آفس قائم کرنے کا اعلان

    وزیر داخلہ نے کہا کہ ملکی مسائل حل کرنے کے لیے تیزی سے کام کرنا ہوگا, ای پاسپورٹ کی سہولت سے سب کو فائدہ ہوگا، انہوں نے کہا کہ ایک سال میں پاسپورٹ کے 72 نئے دفاتر بنائے جائیں گے اور ہر ضلع میں دفتر قائم کیا جائے گا، ای پاسپورٹ کے بعد پاکستانیوں کو دنیا بھر میں عزت کی نگاہ سے دیکھا جائے گا۔

    بے بنیاد خبر پر ادارے اور صحافی کے خلاف کارروائی کریں گے

    چوہدری نثار علی خان کا کہنا تھا کہ کسی بھی شخص کا نام ای سی ایل میں شامل کرنے سے قبل تحقیقات کی جاتی ہیں، اندرونی مٹینگ کی بے بنیاد باتیں خبر بنا کر شائع کرنے والے ادارے اور صحافیوں کو قانون کے کٹہرے میں لایا جائے گا۔

    صحافی ذرا سوچ سمجھ کر خبر شائع کریں

    انہوں نے کہا کہ صحافیوں کو اپنی ذمہ داریوں کا احساس کرنا چاہیے اور ملکی سلامتی کے معاملے پر ذرا سوچ سمجھ کر خبر شائع کرنی چاہیے۔