Tag: ای- چالان

لاہور : استعمال شدہ گاڑی بیچنے اور خریدنے والے ہوشیار ہوجائیں، نیا سرکاری ہدایت نامہ جاری کردیا گیا ہے، جو دونوں کو قانونی پیچیدگیوں بھی محفوظ رکھے گا۔

پنجاب سیف سٹیز اتھارٹی نے ایک اہم عوامی نوٹس جاری کرتے ہوئے تمام شہریوں کو متنبہ کیا ہے کہ وہ استعمال شدہ گاڑیوں کی خرید و فروخت سے قبل ای-چالان کی مکمل تصدیق کو یقینی بنائیں، بصورتِ دیگر انہیں قانونی اور مالی پیچیدگیوں کا سامنا کرنا پڑ سکتا ہے۔

ای- چالان کی تصدیق کیوں ضروری ہے؟

پنجاب سیف سٹیز اتھارٹی کا کہنا ہے کہ پنجاب اور ملک بھر میں استعمال شدہ گاڑیوں کی لین دین ایک عام معمول ہے، تاہم اکثر اوقات گاڑی سے منسلک زیر التواء ٹریفک جرمانے نئے خریدار پر منتقل ہو جاتے ہیں۔

یہ جرمانے نہ صرف گاڑی کی رجسٹریشن میں رکاوٹ بن سکتے ہیں بلکہ دوبارہ فروخت کے عمل کو بھی پیچیدہ بنا دیتے ہیں، یہاں تک کہ بعض صورتوں میں قانونی چارہ جوئی کا سامنا بھی کرنا پڑ سکتا ہے۔

گاڑی بیچنے والوں کے لیے بھی اہم ہدایت

اتھارٹی نے گاڑی بیچنے والے افراد کو ہدایت کی ہے کہ وہ فروخت کے فوری بعد گاڑی کی ملکیت منتقل کروائیں، تاکہ آئندہ کسی بھی ٹریفک خلاف ورزی یا چالان کی صورت میں ذمہ داری اُن پر نہ آئے۔

ای – چالان کی معلومات کیسے حاصل کریں؟

شہری PSCA کے سرکاری ای – چالان پورٹل پر جا کر صرف گاڑی کا رجسٹریشن نمبر (لائسنس پلیٹ نمبر) درج کرکے زیر التواء تمام چالان کی معلومات حاصل کر سکتے ہیں، یہ سہولت نہ صرف شفاف لین دین کو یقینی بناتی ہے بلکہ دونوں فریقوں کو آئندہ قانونی پیچیدگیوں سے بھی محفوظ رکھتی ہے۔

ادائیگی کے آسان ذرائع

شہری PSCA کے آفیشل ای-چالان پورٹل پر جا کر گاڑی کا رجسٹریشن نمبر درج کر کے تمام زیر التواء چالان کی تفصیلات حاصل کر سکتے ہیں۔

اس کے علاوہ، ePay Punjab موبائل ایپ کا استعمال بھی تجویز کیا گیا ہے، جو اینڈرائیڈ اور iOS دونوں پلیٹ فارمز پر دستیاب ہے۔ اس ایپ کے ذریعے درج ذیل ذرائع سے چالان کی ادائیگی ممکن ہے: موبائل بینکنگ ،انٹرنیٹ بینکنگ ،اے ٹی ایم ، بینک برانچز ، ٹیلی کام ایجنٹس

مستقبل کی پریشانی سے بچنے کا مؤثر طریقہ

پنجاب سیف سٹیز اتھارٹی نے خریداروں اور فروخت کنندگان پر زور دیا ہے کہ ای – چالان کی جانچ اور تصفیہ کو گاڑی کی فروخت کا ایک معیاری اور لازمی جزو سمجھا جائے، اس عمل سے نہ صرف دونوں فریق ذمہ داریوں سے محفوظ رہ سکتے ہیں بلکہ گاڑی کی منتقلی بھی شفاف اور ہموار طریقے سے مکمل ہو سکتی ہے۔

Currency Rates in Pakistan Today- پاکستان میں آج ڈالر کی قیمت