اسلام آباد : وزیراعظم عمران خان آج ای کامرس پاکستان کنونشن سے خطاب کریں گے ، ای کامرس قومی کنونشن آج کنونشن سینٹراسلام آباد میں ہوگا۔
تفصیلات کے مطابق سینٹر فیصل جاوید نے سماجی رابطے کی ویب سائٹ ٹوئٹر پر اپنے بیان میں کہا وزیراعظم آج ای کامر س پاکستان کنونشن سے خطاب کریں گے، پاکستان نے حالیہ دنوں میں شعبے میں غیرمعمولی نمو دیکھی ہے، عالمی ادائیگیوں کےگیٹ ویزکویہاں خدمات کی پیشکش میں مدد ملے گی، ہماری ای کام مارکیٹ میں 45فیصداضافہ ہوا ہے۔
PM ImranKhan will address #ECommercePakistan convention today!Pak saw an exponential growth in this sector in recent times that will also help attract intl payment gateways offer thr services here.45% increase in our eCom market contributed to worldwide growth rate of 29% in 2021
— Faisal Javed Khan (@FaisalJavedKhan) February 21, 2022
فیصل جاوید کا کہنا تھا کہ پاکستان نے 6 ماہ میں اب تک کی سب سے زیادہ آئی ٹی برآمدات کو چھو لیا، مالی سال 22-2021کے دوران آئی ٹی برآمدات میں 36 فیصد اضافہ ہوا، امید ہے رواں مالی سال 3.5 ارب ڈالرعبور کرنے میں کامیاب ہو جائیں گے، ہم عالمی سطح پر تیسری سب سے بڑی گیگ اکانومی بھی ہیں۔
Also Pakistan hits its highest ever IT Exports in 6 months. Our IT Exports during FY 21-22 increased by 36%. Hopefully we’ll be able to cross $3.5 billion mark during this financial year insha’ALLAH. We are also now the third-largest gig economy globally.
— Faisal Javed Khan (@FaisalJavedKhan) February 21, 2022
خیال رہے ای کامرس قومی کنونشن آج کنونشن سینٹراسلام آبادمیں ہوگا ، جس میں چیئرمین سینیٹ،سینیٹر عون عباس،وفاقی وزرا،ارکان پارلیمنٹ ، اسدعمر،خسروبختیاراورفہمیدہ مرزاسمیت وفاقی وزرا کو مدعو کیا گیا ہے۔
قومی کنونشن میں ملک بھرسےای کامرس سےوابستہ سیکڑوں نوجوان شریک ہوں گے جبکہ آئی ٹی اورای کامرس کےشعبہ سےوابستہ تنظیموں کے نمائندے بھی شرکت کریں گے۔