Tag: اےآروائی نیوز

  • لاہور:تشدد سے ہلاک دو بچیوں کے ورثاء کیلئے پانچ پانچ لاکھ روپے امداد

    لاہور:تشدد سے ہلاک دو بچیوں کے ورثاء کیلئے پانچ پانچ لاکھ روپے امداد

    وزیراعلیٰ شہباز شریف نے تشدد کے باعث جاں بحق ہونے والی دو بچیوں کے ورثاء کیلئے پانچ پانچ لاکھ روپے امداد کا اعلان کیا ہے، ان کا کہنا ہے کہ وہ غمزدہ خاندانوں کو انصاف کی فراہمی یقینی بنائیں گے۔

    تشدد سے جاں بحق ہونے والی عذرا بتول اور فضا بتول کے ورثاء نے لاہور میں وزیر اعلٰی شہباز شریف سے ملاقات کی اور انہیں تشدد کے افسوسناک واقعات کی تفصیلات سے آگاہ کیا۔ وزیراعلٰی نے غمزدہ خاندانوں کو انصاف کی یقین دہانی کراتے ہوئے کہا کہ تشدد کے واقعات میں ملوث ملزمان قرار واقعی سزا سے بچ نہیں پائیں گے اورمظلوم خاندانوں کو ہر قیمت پر انصاف کی فراہمی یقینی بنائی جائے گی۔

    انہوں نے وزیر قانون رانا ثناءاللہ خان کو ہدایت کی کہ دونوں مقدمات کی تفتیش میں پیش رفت کا خود جائزہ لیں۔ وزیراعلیٰ نے ایڈیشنل آئی جی انویسٹی گیشن کو بھی ہدایت کی کہ ہفتے میں دو بار مقدمات کی تفتیش کے حوالے سے انہیں رپورٹ پیش کی جائے۔ وزیراعلیٰ نے مقتول بچیوں کے خاندانوں کیلئے 5، 5 لاکھ روپے فی کس مالی امداد کا اعلان بھی کیا۔

     

  • سونے کی درآمد پرتیس روزکیلئے پابندی عائد

    سونے کی درآمد پرتیس روزکیلئے پابندی عائد

    کابینہ کی اقتصادی رابطہ کمیٹی نے تیس روز کیلئے سونے کی درآمد پرپابندی عائد کرنے کی منظوری دے دی۔ یہ فیصلہ وزیرخزانہ اسحاق ڈارکی زیرصدارت ہونے والے ای سی سی کےاجلاس میں کیا گیا۔ ذرائع کےمطابق سونےکی درآمد پرپابندی روپےکی قدرمیں استحکام کیلئے عائد کی گئی ہے۔

    اجلاس میں بتایا گیا کہ ہزاروں کلو گرام سونا درآمد کرکےاسمگل کیا جارہا ہے جبکہ اس وجہ سےڈالرکی طلب اورقیمت بھی بڑھ رہی ہے۔۔گولڈ کےدرآمد کنندگان سونےکی درآمد کے عوض سونے کے زیوارات برآمد نہ کر کےقانون کی خلاف ورزی کررہے ہیں۔

    فی الحال حکومت کی جانب سے سونے کی درآمد پر تیس روز کیلئے پابند عائد کی گئی ہے۔

     

  • پشاورتبلیغی مرکزمیں بم دھماکےکی فرانزک رپورٹ جاری

    پشاورتبلیغی مرکزمیں بم دھماکےکی فرانزک رپورٹ جاری

    پشاورکےتبلیغی مرکزمیں ہونےوالےبم دھماکےکی فرانزک رپورٹ جاری کردی گئی۔رپورٹ کے مطابق دھماکے کے لئے منصوبہ بندی کے تحت جمعرات کاانتخاب کیاگیا ،ناکارہ کیےگئےبم پھٹ جاتے توجانی نقصان زیادہ ہوتا۔

    پشاور کے تبلیغی مرکز میں دھماکے کی فرانزک رپورٹ جاری کردی گئی ہے ۔رپورٹ کے مطابق تبلیغی مرکز میں رکھے گئے تینوں بم ایک ہی ساخت کے تھےجنہیں موبائل سےمنسلک کرکے آپریٹ کیاگیا تاہم دو بم بیٹری ہلنےکے باعث پھٹ نہیں سکے۔

    تینوں بموں میں پرائم کارڈ اور بال بیرنگ کا استعمال کیاگیا تھا۔۔۔بموں کو گھی کے ڈبوں میں رکھا گیاتھا ۔۔۔بم موبائل سئ منسلک ہونے پر کسی بھی جگہ سے باآسانی آپریٹ کئے جاسکتے تھے ۔۔رپورٹ کے مطابق دھماکے کے لئے منصوبہ بندی کے تحت جمعرات کا انتخاب کیا گیا تھا ۔

    ناکارہ کیے گئے بم اگرپھٹ جاتے توجانی نقصان زیادہ ہوتا۔۔۔ ناکارہ بنائے جانے والے بموں کے ساتھ منسلک موبائل فون کا ڈیٹا بھی حاصل کیا جائے گا ۔۔۔ فرانزک رپورٹ آئی جی خیبر پختونخوااوروفاقی وزارت داخلہ کو ارسال کر دی گئی۔

     

  • نواز شریف نے سیکورٹی فورسز پرحملے کی تحقیقات کا حکم دیدیا

    نواز شریف نے سیکورٹی فورسز پرحملے کی تحقیقات کا حکم دیدیا

    وزیر اعظم میاں محمد نواز شریف نے بنوں میں سیکورٹی فورسز کی گاڑی پر ہونے والے حملے کی تحقیقات کا حکم دے دیا ہے جس کے بعد وزیر داخلہ چوہدری نثارعلی خان نے احکامات جاری کرتے ہوئے کہا ہے کہ اس واقعے کی ہر پہلو سے مکمل چھان بین کی جائے گی ۔

    وزیر اعظم میاں نوازشریف نے کہا ہے کہ ملک دشمن اور شر پسند عناصر ملک میں قیام امن نہیں چاہتے اور ملک کو کمزور کرنے کی سازشوں میں مصروف ہیں، حکومت دہشتگردوں کو حکومت ملک و قوم کے خلاف کسی مذموم منصوبے میں کامیاب نہیں ہونے دے گی ۔

    وزیر داخلہ چوہدری نثار علی خان کا کہنا تھا کہ دہشتگردی کا ہر صورت قلع قمع کیا جائے گااور دہشت گردوں کے ناپاک عزائم کو ہر صورت خاک میں ملایا جائے گا۔
        

     

  • تحریک طالبان حکومت پاکستان سے مشروط مذاکرات پر آمادہ

    تحریک طالبان حکومت پاکستان سے مشروط مذاکرات پر آمادہ

    تحریک طالبان پاکستان نےحکومت سےمذاکرات پرآمادگی ظاہرکردی۔ ترجمان شاہد اللہ شاہد کہتے ہیں حکومت اپنااختیاراور اخلاص ثابت کرے تو بامقصد مذاکرات کےلئےتیارہیں۔ وزیراعظم کی جانب سے مقرر کیے گئے نمائندے یا فوکل پرسن مولانا سمیع الحق کی کوششیں رنگ لائیں ۔۔ یا پھر آپریشن کی زور پکڑتی بازگشت نےبات چیت کی راہ ہموار کی۔

    معاملہ کچھ بھی ہو۔ طالبان نے ایک طرح سے گیند حکومت کی کورٹ میں ڈال دی ہے۔ کالعدم تحریک طالبان پاکستان کے مرکزی ترجمان شاہد اللہ شاہد کی جانب سے جاری بیان میں طالبان نے امن مزاکرات پر آمادگی ظاہر کر دی ہے۔

    طالبان نے بات چیت کیلئے مشروط پیشکش کی ہے۔ شاہد اللہ شاہد کی جانب سے جاری بیان میں کہا گیا ہے کہ اگر حکومت اپنا اختیار اور اخلاص ثابت کرے تو طالبان اج بھی اپنے نقصانات کے باوجود با مقصد مذاکرات کے لیئے تیار ہیں۔ ترجمان طالبان کا کہنا ہے مذاکرات کی آڑ میں امریکہ کی مدد سے پہلے ولی الرحمان اور پھر حکیم اللہ محسود کو مارا گیا۔ حکومت مذاکرات میں سنجیدہ تھی نہ با اختیار اور نہ ہی مخلص۔ کیونکہ مذاکرات کی پیش کش کے دوران ہی صف اول کے رہنماؤں کو نشانا بنایا گیا۔

    شاہد اللہ شاہد کا کہنا ہے تحریک طالبان شریعت کے نفاذ کے مطالبے سے دست بردارد نہیں ہو گی۔ طالبان سے مذاکرات کی حامی سیاسی جماعتیں تواتر سے کہتی آ رہی ہیں کہ وفاقی حکومت بات چیت میں مخلص نہیں۔ اس کے برخلاف وفاقی وزیر داخلہ چوہدری نثار اور وفاقی وزیر اطلاعات سینیٹر پرویز رشید بار بار یہ کہہ رہے ہیں کہ طالبان سے مذاکرات کیلئے ڈھائی مہینے تک سنجیدگی سےکام کیا۔ مگر امریکی ڈرون حملے میں حکیم اللہ محسود کی ہلاکت سے سب کچھ تلپٹ ہو کر رہ گیا۔ اور کالعدم تحریک طالبان پاکستان کی نئی قیادت مذاکرات پر تیار نہیں۔

    اب طالبان نے مشروط طور پر مذاکرات پر آمادگی کا اعلان کردیا ہے۔ طالبان نے مشروط مذاکرات کی پیشکش ایسے وقت کی جب بنوں بم دھماکے میں چوبیس سیکورٹی اہلکاروں سمیت انتیس افراد جاں بحق ہوئے۔ اور طالبان نے اس حملے کی ذمنہ داری بھی قبول کی۔
       

  • پورے ملک میں شدید سردی، پہاڑی علاقوں میں برفباری

    پورے ملک میں شدید سردی، پہاڑی علاقوں میں برفباری

    ملک بھر میںسردی  اپنے عروج پر ہے۔ محکمہ موسمیات کے مطابق آئندہ چوبیس گھنٹوں کے دوران ملک کے بیشترعلاقوں میں موسم سرد اور خشک رہے گا۔ کہیں ہے بارش کہیں ہورہی ہے برفباری۔ تو کہیں دُھند چھائی رہتی ہے۔ 

    ۔ٹھنڈی ٹھنڈی ہواؤں نے سردی کا مزہ دوبالا کردیا ہے ،پہاڑوں کی چوٹیوں پر برف بدستور جمی ہوئی ہے۔ پنجاب کے میدانی علاقے دُھند کی لپیٹ میں ہیں۔ لاہورڈویژن کے چند مقامات پر ہلکی بارش نے موسم مزید سرد کردیا۔

    حویلی لکھا اور ساہیوال میں شدید دھند کے باعث ٹریفک کی روانی متاثر ہوئی۔ محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں سردی کا زور برقرار رہے گا۔ تاہم کوئٹہ، قلات اور مکران ڈویژن میں چند ایک مقامات پر ہلکی بارش اور پہاڑوں پر ہلکی برفباری کا امکان ہے۔

    پنجاب کے میدانی علاقوں میں بھی دُھند چھائے رہنے کا امکان ہے۔ گزشتہ چوبیس گھنٹوں کے دوران سب سے کم درجہ حرارت استور میں منفی بارہ ڈگری سینٹی گریڈ ریکارڈ کیا گیا۔

     

  • بلوچستان:میونسپل کمیٹیز،ڈسٹرکٹ کونسل اور یونین کونسلوںکیلئے پولنگ جاری

    بلوچستان:میونسپل کمیٹیز،ڈسٹرکٹ کونسل اور یونین کونسلوںکیلئے پولنگ جاری

    بلوچستان کے ضلع ہرنائی میں دس دسمبر کو ملتوی ہونے والے بلدیاتی انتخابات کے بعد آج میونسپل کمیٹیز ڈسٹرکٹ کونسل اور یونین کونسلوں کی کل ایک سو پانچ نشستوں کے لئے پولنگ کا عمل جاری ہے، سیکورٹی کے سخت انتظامات کئے گئے ہیں۔

    ضمنی انتخابات کے سلسلے میں پولنگ صبح آٹھ بجے سے شروع ہوئی جو شام پانچ بجے تک جاری رہے گی ، پولنگ کا عمل شروع ہوتے ہی ووٹروں کی لمبی قطاریں لگ گئیں، اور لوگ بڑی تعداد میں اپنا حق رائے دہی استعمال کررہے ہیں۔

    کچھ حلقوں میں خواتین پولنگ بوتھ کم بنانے کی شکایات بھی موصول ہوئی ہیں ۔یونین کونسلوں کی کل ترسٹھ ڈسٹرکٹ کونسل کی گیارہ ۔ہرنائی میونسپل کمیٹی کی آٹھ جبکہ شاہراگ میونسپل کمیٹی کی نو نشستوں پر جمعیت علماءاسلام ،پشتونخواملی عوامی پارٹی اور علاقائی اتحاد کے درمیان مقابلہ ہے۔

    جبکہ کسی بھی ناخوشگوار واقعہ سے نمٹنے کے لئے تراسی پولنگ اسٹیشنوں پر پولیس لیویز اور ایف سی کے اہلکار تعینات ہیں،انتخابات کے دوران اٹھارہ پولنگ اسٹیشن انتہائی حساس، نوے حساس جبکہ چودہ پولنگ اسٹیشن نارمل قرار دیے گئے ہیں۔

     

  • بنوں چھاؤنی:گاڑی میں دھماکا،24اہلکاروں سمیت29شہید

    بنوں چھاؤنی:گاڑی میں دھماکا،24اہلکاروں سمیت29شہید

    بنوں چھاؤنی میں سیکیورٹی فورسزکی گاڑی میں بم دھماکےسے چوبیس اہلکاروں سمیت انتیس افرادشہیداور پینسٹھ زخمی ہوگئے۔ کئی زخمیوں کی حالت تشویشناک ہے۔ خیبر پختون خوا میں سیکیورٹی اہلکار ایک بار پھردہشت گردی کا نشانہ بنے ۔

    ذرائع کے مطابق دھماکابنوں کینٹ میں آمندی چوک رزمک گیٹ کےقریب اُس وقت ہواجب اہلکاروں کا قافلہ روانہ ہورہا تھا۔ ذرائع کےمطابق گاڑیوں کی کمی کے باعث عمومی طور پرسیکورٹی اہلکاروں کی نقل وحرکت کیلئے گاڑیاں کرائے پر لی جاتی ہیں۔

    بتایا جاتا ہے اہلکار جوں ہی گاڑی میں سوارہوئے دھماکا ہوگیا، واقعے کے نتیجے میں گاڑی مکمل طور پر تباہ ہوگئی، دھماکا اتنا شدید تھا کہ پورا شہرگونج اٹھا۔ قریبی عمارتوں کے دروازے اورکھڑکیاں ٹوٹ گئے۔ متعدد عام شہری بھی دھماکے کی زد میں آئے۔

    ریسکیو اہلکاروں نے فوری طور پر زخمیوں کو قریبی اسپتالوں اور سی ایم ایچ منتقل کیا۔اطلاع ملنے پر سیکیورٹی فورسز کی بھاری نفری جائے وقوع پر پہنچ گئی اور علاقےکو گھیرے میں لے لیا۔ جبکہ شواہد اکھٹے کر کے تحقیقات شروع کردیں۔ کینٹ کے جانب جانے والے تمام راستے بھی بند کردیے گئے۔
        

     

  • نومبر میں سونے کی مصنوعات کی درآمدات میں 87 فیصد اضافہ

    نومبر میں سونے کی مصنوعات کی درآمدات میں 87 فیصد اضافہ

    رواں مالی سال 2013-14ء کے پانچویں مہینے نومبر 2013ء کے دوران سونے کی مصنوعات کی درآمدات میں گزشتہ مالی سال کے مقابلے میں 87 فیصد اضافہ ریکارڈ کیا گیا ، شماریات ڈویژن کے جاری کردہ ڈیٹا کے مطابق گزشتہ مالی سال جولائی سے نومبر کے دوران 7 کروڑ 48 ہزار ڈالر کی سونے کی مصنوعات کی درآمد ہوئیں ، جس کے مقابلہ میں رواں مالی سال نومبر تک 13 کروڑ 99 لاکھ ڈالر کی مصنوعات درآمد ہوئیں۔

     

  • آسٹریلین اوپن ٹینس:سرینا ولیمزاورجوکووچ چوتھے راؤنڈ کیلئے کوالیفائی

    آسٹریلین اوپن ٹینس:سرینا ولیمزاورجوکووچ چوتھے راؤنڈ کیلئے کوالیفائی

    عالمی نمبر ایک امریکا کی سرینا ولیمز اور سربیا کے نوواک جوکووچ نے فتوحات کے سلسلہ کو برقرار رکھتے ہوئے آسٹریلین اوپن ٹینس ٹورنامنٹ کے چوتھے راؤنڈ کے لئے کوالیفائی کرلیا۔ میلبورن میں کھیلے جانے والے ٹورنامنٹ کے ویمنز سنگلز کے تیسرے راؤنڈ میں عالمی نمبر ایک سرینا ولیمز نے سلواکیہ کی ڈینیئلا ہینچکووا کو اسٹریٹ سیٹس میں ہراکر چوتھے راؤنڈ میں جگہ بنالی۔

    امریکی کھلاڑی کی فتح کا اسکور چھ تین اور چھ تین رہا۔ ویمنز سنگلز کے ایک اور میچ میں چینی کھلاڑی لی نا نے جمہویہ چیک کی لوسی صفارووا کو دو ایک سے مات دی۔ چیک کھلاڑی نے پہلا سیٹ چھ ایک سے جیت کر برتری حاصل کی جس کے بعد لی نا نے کم بیک کرتے ہوئے دوسرا سیٹ ٹائی بریک پر سات چھ اور فیصلہ کن سیٹ چھ تین سے جیت کر اگلے راؤنڈ کے لئے کوالیفائی کیا۔

    مینز سنگلز میں عالمی نمبر دو سربیا کے نوواک جوکووچ نے ازبکستان کے ڈینس ایستومن کو باآسانی چھ تین، چھ تین اور سات پانچ سے زیر کرتے ہوئے پری کوارٹرفائنل راؤنڈ تک رسائی حاصل کی۔