Tag: اےآروائی نیوز

پاکستان کرکٹ بورڈ نے قطر انٹرنیشنل ویمنزکرکٹ چیمپئین شپ کے لئے چودہ رکنی قومی خواتین کرکٹ ٹیم کا اعلان کردیا ہے۔ پاکستان، جنوبی افریقہ اور آئرلینڈ پر مشتممل چیمپئین شپ آٹھ سے پچیس جنوری پر دوہا میں ہو گی۔

ثنا میر کو قومی ٹیم کا کپتان اور بسما معروف کو نائب کپتان برقرار رکھا گیا ہے۔ دیگر کھلاڑیوں میں سیدہ نین فاطمہ عابدی، ندا راشد، جویریہ ودود، ناہیدہ بی بی، سدرہ امین، سیدہ بطول فاطمہ نقوی، اسماویہ اقبال، کانیتا جلیل، سمعیہ صدیقی، سعدیہ یوسف، مرینہ اقبال اور ثانیہ اقبال شامل ہیں۔

عائشہ عشرمینیجر، مہتشم رشید کوچ، ابرار احمد ٹرینر، نمرہ ڈوالفقار فزیو اور ساجد یاسین ہاشمی ویڈیو اینالسٹ ہوں گے۔

سابق وفاقی وزیردفاع اور پیپلز پارٹی کے رہنما احمد مختار نے باکسرعامر خان کو ناشتے پر استقبالیہ دیا۔ لاہور کے مقامی ہوٹل میں ناشتے پرعامرخان اپنے والد اور دوستوں کے ساتھ شریک ہوئے۔

اس موقع پر احمد مختار نے ان کا استقبال کیا اور کہا کہ پوری قوم کو عامر خان پر فخر ہے۔ اور دعا ہے کہ وہ مستقبل میں مذید کامیابیاں حاصل کریں۔ عامر خان نے کہا کہ پاکستان میں کھیلوں کا بے پناہ ٹیلنٹ موجود ہے۔ لیکن سہولیات کے فقدان کی وجہ سے سپورٹس کو ترقی نہیں مل رہی۔

اولمپکس 2012 میں بھارت کی پوری باکسنگ ٹیم نے شرکت کی جبکہ پاکستان کے باکسرز کوالیفائی ہی نہیں کر سکے۔ جس پرافسوس ہے۔

ڈربن ٹیسٹ کا پہلا دن بھارتی بلے بازوں کے نام رہا۔ جنوبی افریقہ کے خلاف بھارت آج اپنی پہلی نامکمل اننگز ایک سو اکیاسی رنز ایک کھلاڑی آؤٹ پر دوبارہ شروع کرے گا۔ جنوبی افریقی آل راؤنڈر جاک کیلس کیرئیر کا آخری ٹیسٹ کھیل رہے ہیں۔

ڈربن میں کھیلے جانے والے میچ کا ٹاس بھارت نے جیت کر پہلے بیٹنگ کا فیصلہ کیا۔ بھارت نے اننگز کا آغاز کیا تو اکتالیس کے مجموعی اسکور پر شیکھر دھون انتیس رنز بناکر پویلین لوٹ گئے۔

جس کے بعد جنوبی افریقی بولرز کوئی کامیابی حاصل نہیں کرسکے۔ مرلی وجے اور چتیشور پجارا نے میزبان بولرز کی جم کر دھرگت بنائی اور دوسری وکٹ کے لئے ایک سو چالیس رنز کی ناقابل شکست شراکت قائم کردی۔

بھارت آج دوسرے روز اپنی پہلی نامکمل اننگز ایک سو اکیاسی رنز ایک کھلاڑی آؤٹ پر دوبارہ شروع کرے گا۔

ورلڈ ٹینس چیمپئین شپ میں فرانس کے جوولفریڈ سونگا نے برطانیہ کے اینڈی مرے کو اپ سیٹ شکست دے دی۔ ابو ظہبی میں ورلڈ ٹینس چیمپئین شپ جاری ہے۔

کمر کی سرجری کے بعد پہلا ایونٹ کھیلنے والے برطانیہ کے اینڈی مرے کو فرانس کے جوولفریڈ سونگا کے ہاتھوں اپ سیٹ شکست کا سامنا کرنا پڑا۔

سونگا کی فتح کا اسکور سات پانچ اور چھ تین رہا۔ سیمی فائنل میں سونگا کا مقابلہ عالمی دو سربیا کے نوواک جوکووچ سے ہوگا۔

دوسرے میچ میں اسپین کے ڈیوڈ فیررر نے ایٹتھ سیڈ سوئٹزرلینڈ کے اسٹینلاس وارینکا کے خلاف اسٹریٹ سیٹس میں سات پانچ اور سات ایک سے کامیابی حاصل کی۔ سیمی فائنل میں فیررر کا مقابلہ ہم وطن اور عالمی نمبر ایک رافیل نڈال سے ہوگا۔

سری لنکا کیخلاف ٹیسٹ سیریز میں حصہ لینے کے لئے قومی ٹیسٹ اسکواڈ کے چار کھلاڑی متحدہ عرب امارات کے لئے روانہ ہو گئے۔ سری لنکا کے خلاف ٹیسٹ اسکواڈ میں شامل خرم منظور، اظہر علی، راحت علی اور محمد طلحہ لاہور سے ابوظہبی کے لئے روانہ ہوئے۔

روانگی کے موقع پراظہرعلی کا کہنا تھا کہ ٹیم کا مورال بلند ہے، ون ڈے کی طرح ٹیسٹ سیرز میں بھی فتح کا تاج پہن کر آئیں گے۔ایک سوال کے جواب میں اظہرعلی کا کہنا تھا کہ جنوبی افریقہ کو ان ہی کی سر زمین میں شکست دی ہے، یہ اچھی کارکردگی کا ہی نتیجہ ہے۔

سینئر کھلاڑی یونس خان اور اسد شفیق کراچی سے روانہ ہونگے جبکہ ٹیسٹ اسکواڈ میں شامل دیگرکھلاڑی سری لنکا کیخلاف جاری ون ڈے سیریز کھیلنے کے لئے پہلے سے ہی متحدہ عرب امارات میں موجود ہیں۔

سری لنکا کیخلاف پہلا ٹیسٹ میچ اکتیس دسمبر سے ابوظہبی میں شروع ہو گا جبکہ دوسرا ٹیسٹ میچ آٹھ جنوری سے دبئی اور تیسرا ٹیسٹ سولہ جنوری سے شارجہ میں ہو گا۔

سری لنکا کے خلاف آخری ون ڈے میں آل راؤنڈر محمد حفیظ سب کی توجہ کا مرکز ہوں گے۔ حفیظ ایک اور سینچری بناکر ون ڈے میں نئی تاریخ رقم کرسکتے ہیں۔

سری لنکا کے خلاف چار ون ڈے میں تین سینچریاں۔ ابھی ایک اور میچ باقی ہے۔ میدان وہی اور حریف بھی وہی۔ ریکارڈ قائم کرنے کیلئے مزید ایک اور سینچری کی ضرورت ہے۔ کیا ریکارڈ بن پائے گا؟

ابو ظہبی میں محمد حفیظ ہوں گے سب کی توجہ کا مرکز۔ آخری ون ڈے میں ایک اور سینچری بناکر حفیظ نئی تاریخ رقم کرسکتے ہیں۔ ایک روزہ کرکٹ میں کوئی بھی کھلاڑی بھی سیریز میں چار سینچریاں نہیں بناسکا۔

حفیظ رواں سال بھارت کے شیکھر دھون کا پانچ سینچریز کا ریکارڈ پہلے ہی برابر کرچکے ہیں۔ حفیظ سری لنکا کے خلاف بھرپور فارم میں ہیں اور ان کے پاس ون ڈے کی ریکارڈ بک میں اپنا نام درج کرانے کا سنہری موقع ہے۔ وہ سیریز میں چار سو سات رنز کے ساتھ ٹاپ اسکورر بھی ہیں۔