Tag: اےآر وائی نیوز

پاک ایران گیس پائپ لائن کے افتتاح کے لئے ٹائم فریم میں تبدیلی پرغور کرنے کے لئے ایران نے ایڈھاک کمیٹی قائم کردی۔

ایران کے نائب وزیرپیٹرولیم برائے بین الاقوامی امور اور ٹریڈنگ علی ماجدی نے ایرانی خبررساں ادارے سے بات چیت کرتے ہوئے کہا ہے کہ پاکستان اور ایران نے گیس منصوبے کا مستقل جائزہ لینے کے لئے مشترکہ کمیٹی بنائی ہے۔

کمیٹی کا اجلاس جنوری کے آخر میں ہوگا جس میں پائپ لائن کی تعمیر میں آنے والی مشکلات اور مسائل کا جائزہ لیا جائے گا۔ایران پرعالمی پابندیوں کے باعث پائپ لائن منصوبہ تاخیرکا شکار ہے۔

نو سال کی عمر میں پاکستان کا نام دنیا بھر میں روشن کرنے والی ارفع کریم کو ہم سے بچھڑے دو برس بیت گئے۔ ذہانت اور قابلیت سے پوری دنیا کو حیرت میں ڈالنے والی پاکستان کی پہچان ارفع کریم کی دوسری برسی کے موقع پر اسی کا ریکارڈتوڑنے والے کم عمر آئی ٹی پروفیشنلز کی جانب سے شمعیں روشن کر کے خراج تحسین پیش کیا گیا۔

ارفع نے اپنی کمال مہارت سے صرف نو برس کی عمر میں دنیا کی کم عمر ترین مائکروسافٹ سرٹیفائڈ اسپیشلسٹ کا اعزاز جیت لیا تھا، مگر زندگی کے ہاتھوں کئی روز لڑنے کے بعد بھی شکست کھا گئی،اپنی زندگی میں کچھ ایسے شعر بھی لکھے جو شائد اسی کے لئے تھے۔ 

شوخ چنچل اور اپنی زندگی کھل کر جینے والی ارفع آج ہم میں نہیں ہے مگر ارفع کی طرح یہ کم عمر مائیکروسافٹ پروفیشنلز اس کا مشن جاری رکھنے کے لئے پر عزم ہیں، ارفع کریم رندھاوا ایک پھول تھا جو مرجھا گیا،مگر اس کی خوشبو آج بھی دل و دماغ پر مہک رہی ہے،خدا سے دعا ہے کہ ایسی ذہین بیٹیوں سے اس زمین کو نوازتا رہے۔

پاکستان کے بیشتر شہران دنوں شدت سردی کی لپیٹ میں ہیں۔ کوئٹہ سمیت بلوچستان میں برفباری سے سردی میں مزید اضافہ ہوا ہے۔ ملک بھر میں سردی اپنے عروج پرہے ۔ کہیں برفباری کے دلکش نظارے ہیں تو کہیں بارش کے بعد سرد ہواؤں کا زور ہے ،گلگت بلتستان میں شدید برفباری کے بعد سردی کی شدت میں مزید اضافہ ہوگیا ہے۔

محکمہ موسمیات کے مطابق آئندہ چوبیس گھنٹوں کے دوران مالا کنڈ، ہزارہ، راولپنڈی، کشمیر اور بلتستان ڈویژن میں پہاڑوں پر ہلکی بارش کا امکان ہے۔ملک بھر میں سب سے کم درج حرارت پارا چنار میں منفی بارہ،اسکردو میں منفی ساتھ اور کوئٹہ میں منفی پانچ ریکارڈ کیا گیا۔

آئندہ چوبیس گھنٹوں کے دوران ملک کے بیشتر شہروں کا درج حرارت کچھ اسطرح رہے گا،کراچی نو،اسلام آباد دو۔لاہور تین ،پشاور تین،مظفرآباد چار ،حیدرآباد دس اور مری میں منفی تین سینٹی گریڈ رہے گا۔
   

چوہدری اسلم کیس میں حساس اداروں اور غیر ملکی ماہرین سے مدد لینے کا فیصلہ کر لیا گیا۔ کیس کی تحقیقات کیلئے دو سو سے زائد افراد سے پوچھ گچھ اورپینتیس کے بیانات ریکارڈ کئے گئے ۔جبکہ چند افراد کو گرفتار کر کے پوچھ گچھ کی جا رہی ہے۔

تفتیشی ذرائع کے مطابق ایس پی چوہدری اسلم پر ہونے والے مبینہ خودکش حملے کی تحقیقات کیلئے آنے والے غیر ملکی ماہرین اور خفیہ اداروں کے ماہرین نے کراچی بم ڈسپوزل اسکواڈ کی جانب سے بنائی جانیوالی آخری رپورٹ پر اتفاق کرلیا ہے۔

غیر ملکی ماہرین اور خفیہ اداروں کے ماہرین نے کہا ہے کہ خود کش حملہ آور نے ایک سے زائد ڈیٹونیٹنگ سسٹم لگایا تھا جس میں ایک ریموٹ کنٹرول اور دوسرا الیکٹرک آن آف بٹن شامل ہیں۔ الیکٹرک بٹن عموماً خودکش حملہ آور استعمال کرتے ہیں ۔

دھماکے کے وقت ایک حملہ آور گاڑی میں موجود تھا جبکہ دوسرا ملزم گاڑی کے قریب پچاس میٹر کے احاطے میں تھا اگر گاڑی میں بیٹھا شخص بٹن دبا کر بم کو ڈیٹونیٹ نہیں کرسکے تو باہرموجود شخص اسے ریموٹ کنٹرول کے ذریعے دھماکہ کردیتا، جائے وقوع سے ملنے والے شواہد تحقیقاتی اداروں نے الگ الگ اپنی تحویل میں لئے ہیں ۔۔

جبکہ تفتیشی ادارں نے مبینہ حملہ آور کے والد کو شخصی ضمانت پر رہا کردیا ہے۔ذرائع نے بتایا کہ ایس پی چوہدری اسلم کا ذاتی پستول اور موبائل فون جائے وقوع سے نہیں مل سکا ۔پولیس ذرائع کے مطابق مذکورہ پستول کی قیمت ساڑھے تین لاکھ سے چار لاکھ روپے ہے پستول نہ ملنے کے حوالے سے بھی تفتیش کاروں کی تفتیش میں نئے نئے سوال کھڑے ہورہے ہیں ۔