Tag: اےآر وائی نیوز

آئی ایم ایف کے مطابق مہنگائی میں کمی کیلئے حکومت کو شرح سود میں اضافے اور حکومتی قرضوں میں کمی کرنا ہوگی۔ .

آئی ایم ایف کے پاکستان مشن کے سربراہ جیفری فرینک نے میڈیا سے بات کرتے ہوئے کہا کہ پاکستان میں بڑھتی ہوئی مہنگائی کا آئی ایم ایف پرواگرام سے کوئی تعلق نہیں ہے ۔ انھوں نے مزید کہا کہ پاکستان معاشی بہتری کیلئے قرضہ لیتی ہے اور ا ارکان پارلمنٹ سےٹیکس نہیں لیتی ہے ۔

جیفری فرینک کا کہناہے ارکان پارلمنٹ کو تھوڑا نہیں پورا ٹیکس دینا چایئے۔ آئی ایم ایف نے کئی بار زور دیا ہے کہ ٹیسک نیٹ کو وسعت دی جائے اور آمدن میں اضافہ کیا جائے ۔ جیفری فرینکس نے بتایا کہ پاکستان معاہدے کے تحت گیس ایفراسٹرکچر ڈیلوپمنٹ سسیس لگانے کا پابند ہے۔

ایس ای سی پی نے کراچی الیکٹرک سپلائی کمپنی کو اسٹاک مارکیٹ کے ذریعے ریٹیل سکوک بانڈز جاری کرنے کی منظوری دیدی۔ ایس ای سی پی نے اسلامی مالیاتی مارکیٹ کے فروغ کی جانب اہم قدم اٹھاتے ہوئے پہلی بار اسٹاک مارکیٹ کے ذریعے ریٹیل سکوک بانڈز جاری کرنے کی منظوری دیدی۔

اعلامیے کے مطابق اس سلسلے میں پہلی بار کراچی الیکٹرک سپلائی کمپنی کے چھ ارب روپے مالیت کے سکوک جاری کیے جائیں گے۔

کے ای ایس سی کے سکوک کراچی اسٹاک ایکسچینج میں لسٹ کیے جائیں گے، سرمایہ کاروں کو زیادہ سے زیادہ مواقع فراہم کرنے کے لیے ان سکوک کی پری آئی پی او نہیں کی جائے گی ۔ سکوک ریٹیل میں فروخت کے لیے پیش کیے جائیں گے۔

بیرون ملک مقیم پاکستانی ورکرز کی جانب سے رواں مالی سال کی پہلی ششماہی میں سات ارب اسی کروڑ ڈالر کی ترسیلات زر وطن بھیجی گئیں جو گزشتہ سال کی ایسی عرصے سے نو فیصد زائد ہیں۔

اسٹیٹ بینک کی جاری کر دہ اعداد و شمار کے مطابق بیرون ملک مقیم پاکستانی ورکرز کی جانب سے رواں مالی سال کی جولائی تا دسمبر سات ارب اسی کروڑ ڈالر کی ترسیلات زر وطن بھیجی گئیں جو گزشتہ سال کی ایسی عرصے سے نو فیصد زائد ہیں۔

اعداد وشمار کے مطابق بیرون ملک مقیم پاکستانیوں نے دسمبر دوہراز تیرہ میں ایک ارباڑتئس کروڑسینتالیس لاکھ دس ہزار ڈالر پاکستان ارسال کئے ۔ مرکزی بینک کے مطا بق سعودیہ عرب، یو اے ای، امریکہ اور برطانیہ سے بھیجی گئی ترسیلات میں اضافہ ریکارڈ کیا گیا۔

جنوری کے دوسرے ہفتے کے دوران مہنگائی کی شرح میں صفر اعشاریہ ایک فیصد کی کمی ریکارڈ کی گئی۔

پاکستان بیورو شماریات کے مطابق کم ماہانہ آمدنی والے طبقے کیلئے دس جنوری کو ختم ہونے والے ہفتے کے دوران قیمتوں کا حساس اعشاریہ میں صفر اعشاریہ ایک فیصد کی کمی ہوئی ۔اس ہفتے کے دورا ن زندہ مرغی ، ٹماٹر،گندم، آٹا ، مونگ و ماش کی دال ، سرخ مرچ ،گھی، اری چاول اور تیل سمیت تیرہ اشیائے کی قیمتوں میں اضافہ ہوا۔

کیلا، مسور کی دال ، پیاز، آلو، انڈے، ایل پی جی اور انڈے سمیت گیارہ اشیائے کی قیمتوں میں کمی ریکارڈ کی گئی ۔

ادارہ شماریات کے مطابق پٹرول ،ڈیزل مٹن ، بیف ، گیس کے نرخ ، بجلی کے نرخ ،باسمتی چاول اور کھلا گھی سمیت انیتس اشیائے کی قیمتوں میں استحکام رہا۔

۔اسٹیٹ بینک نے بینکوں، ترقیاتی اور مالی اداروں اور پرائمری ڈیلروں کی ٹریژری کے لئے ”ضابطہ اخلاق“جاری کردیا ہے ۔

ترجمان کے مطابق پاکستان کی بین البینک مارکیٹ کا حجم، اس کا تنوع اور پیچیدگی گذشتہ برسوں کے دوران بڑھ گئی ہے، چنانچہ بلند ترین اخلاقی رویہ اور یکساں طریقہ کار اپنانے کی ضرورت مارکیٹ کو رواں طریقے سے چلانے کے لئے لازمی ہو چکی ہے۔

یہ ”ضابطہ اخلاق“اخلاقی برتاؤ اور رویے کے معیارات کو فروغ دینے کے لئے اہم کردارادا کرے گا، اس سے یہ یقینی بنایا جائے گا کہ لین دین کے دوران مستحکم طریقے استعمال کئے جائیں، وہ فرنٹ اور بیک آفس کے آپریشنز کو صحت مندانہ اور کارگر بنانے میں معاون ہوں اور کسی تصفیے پر عمل درآمد کے نقطہ نظر سے خطرات کو کم سے کم کیا جائے۔

توقع ہے کہ لین دین کے طریقوں میں موجود نقائص دور ہوں گے اور مارکیٹ کی لچک میں اضافہ ہو گا، ترجمان کے مطابق یہ ضابطہ اخلاق متعارف کرانے کا مقصد کاروباری برتاؤ کے اعلیٰ معیار کو فروغ دینا، مارکیٹ میں اچھے طور طریقے اختیار کرنا اور منڈی کے شرکاء کے درمیان مساویانہ اور صحت مندانہ روابط کو یقینی بنانا ہے۔

رائس ایکسپورٹرز ایسوسی ایشن آف پاکستان کے سابق چیئرمین جاوید علی غوری نے کہا ہے کہ بھارت میں براؤن رائس کی برآمدی قیمتوں میں ہوشربا اضافے کے باعث رواں مالی سال کے دوران پاکستانی براؤن رائس کے یورپی ممالک کی جانب سے بڑے پیمانے پر برآمدی آڈرز متوقع ہیں۔ روا ں مالی سال کے چھ ماہ کے دوران پاکستانی چاول کی برآمدات میں دس فیصد نمایاں اضافہ رونما دیکھنے میں آیا ہے جوکہ گزشتہ مالی سال کی اسی مدت کے مقابلے میں خوش آئند عمل ہے ۔

جاویدعلی غوری نے بتایا کہ رواں مالی سال کے چھ ماہ یکم جولائی 2013 تا 31 دسمبر 2013 تک819 ملین ڈالر مالیت کا 15 لاکھ 97ہزار ٹن باسمتی اورنان باسمتی چاول برآمدکیا گیا جبکہ گزشتہ مالی کی اسی مدت یعنی یکم جولائی 2012 تا 31 دسمبر 2012 تک 752ملین ڈالرمالیت کا 14 لاکھ 46 ہزار ٹن باسمتی اورنان باسمتی چاول برآمد کیا گیا تھا ۔

انہوں نے بتایا کہ رواں مالی سال کے چھ ماہ یکم جولائی 2013 تا 31 دسمبر 2013 تک 296 ملین ڈالر مالیت کا 2لاکھ 74 ہزار ٹن باسمتی چاول برآمدکیا گیا جبکہ گزشتہ مالی کی اسی مدت یعنی یکم جولائی 2012 تا 31 دسمبر 2012 تک 233ملین ڈالر مالیت کا 2لاکھ 40 ہزار ٹن باسمتی چاول برآمدکیا گیا تھا ۔

اس طرح رواں مالی سال کے چھ ماہ کے دوران 63ملین ڈالر مالیت 34 ہزار ٹن اضافی باسمتی چاول برآمدکیا گیا جوکہ قیمت کے لحاظ سے 27 فیصد اور تعدادمیں تقریبا 14 فیصد زائد رہا ہے ۔

جاویدعلی غوری نے کہا کہ اس طرح رواں مالی سال کے چھ ماہ یکم جولائی 2013 تا 31 دسمبر 2013 تک 522ملین ڈالر مالیت کا 13 لاکھ ٹن نان باسمتی چاول برآمد کیا گیا جبکہ گزشتہ مالی کی اسی مدت یعنی یکم جولائی 2012 تا 31 دسمبر 2012 تک 519ملین ڈالر مالیت کا 12لاکھ چھ ہزار ٹن نان باسمتی چاول برآمد کیا گیا تھا جوکہ رواں مالی سال کے چھ ماہ کے دوران قیمت ایک فیصد کے لحاظ سے تین لاکھ 60 ہزار ڈالر اضافی اورتعداد دس فیصد کے لحاظ سے ایک لاکھ 16ہزار ٹن زائد ہے۔

جاوید علی غوری نے کہا کہ یورپی ممالک کے ساتھ جی ایس پی پلس کادرجہ ملنے اور بھارت میں براون رائس کی برآمدی قیمت میں ا ضافے کا پاکستانی چاول کے برآمدکنندگان بھرپورفائدہ اٹھاسکتے ہیں اور یورپی ممالک میں موجود براون رائس کی سالانہ تین لاکھ پچاس ہزار کی طلب میں بھرپور اندازمیں کام کیا جاسکتا ہے ۔

انہوں نے بتایا کہ رواں مالی سال کے چھ ماہ یکم جولائی 2013 تا 31 دسمبر 2013 تک یورپی ممالک کو 55ملین ڈالر مالیت کا تقریبا 52 ہزار ٹن براون رائس برآمد کیا جاچکا ہے اور یورپی ممالک کی جانب سے براون رائس کی درآمدات پرڈیوٹی عائد نہ ہونے کے باعث دولاکھ ٹن براون رائس برآمد کیا جاسکتا ہے۔