Tag: اےآر وائی نیوز

تاجروں کی ملک گیرنمائندہ تنظیم ( ایف پی سی سی آئی ) کےصدرزبیراحمد ملک نےکہا ہے کہ سرکاری اداروں کی نجکاری میں ماضی کی غلطیوں سے سبق سیکھاجائے۔ نقصان میںچلنےوالےاداروں کی پہلےنجکاری کی جائے۔

کراچی میں تقریب سے خطاب کرتے ہوئے زبیر ملک کا کہنا تھا کہ نجکاری میں احتیاط کی ضرورت ہے۔ اداروں کا کنٹرول مکمل رقم وصول کرنے کے بعد ہی دیا جائے کیونکہ پی ٹی سی ایل کی نجکاری میں خریدارکمپنی نے80 کروڑڈالرابھی تک ادا نہیں کئے۔

اُنہوں نے کہا کہ نجکاری کے عمل میں نادہندہ کمپنیوں اور افراد سمیت ڈویلپزراورپراپرٹی ڈیلزرکی شرکت پورےعمل کو مشکوک بنادےگی۔ اس سےفروخت کی گئی صنعت،،کارخانہ یا ادارے پلاٹ اورہاؤسنگ اسکیمزمیں تبدیل ہوجائیں گے۔

ایف پی سی سی آئی کے صدر کا کہنا تھا کہ نجکاری میں شفافیت اور مزدوروں کے حقوق کا تحفظ یقینی نہ بنایا گیا تو پاکستان اسٹیل کی تاریخ دہرائی جا سکتی ہے۔

سردی میں اضافے ہوتے ہی ایک کلو برائلرمرغی کے گوشت کی قیمت میں مزید سولہ روپے اضافہ کردیا گیا۔ پاکستان پولٹری ایسو سی ایشن سدرن زون کے ترجمان عبدالمعروف صدیقی کے مطابق کراچی میں ایک کلو برائلر مرغی کے گوشت کی قیمت تین سو چھتیس روپے ہے جب کہ زندہ مرغی کی قیمت دس روپے اضافے کے ساتھ دو سو چار روپے فی کلو ہوئی گئی ہے

۔واضح رہے کہ موسم سرما کے شروع ہوتے ہی برائلر مرغی کے گوشت کی قیمت میں مسلسہ اضافہ ریکارڈ کیا جا رہا ہے ۔پاکستان پولٹری ایسو سی ایشن سدرن زون کے ترجمان کے مطابق انڈوں کی فی درجن قیمت دو روپے اضافے سے ایک سو بارہ روپے ہوگئی ۔

دکانداروں کے مطابق پولٹری مافیا برائلر مرغی کے گوشت کی قیمت بڑھانے کیلئے شہر میں برائلر مرغی طلب کے مقابلے میں اسکی کم سپلائی کر رہا ہے۔

رواں مالی سال 2013-14ء کے دوران جولائی سے نومبر 2013ء تک ٹیکس وصولیوں میں 16.4 فیصد کا اضافہ ریکارڈ کیا گیا ، اعدادوشمار کے مطابق رواں مالی سال کے ابتدائی پانچ ماہ کے دوران مجموعی طور پر 798 ارب 60 کروڑ روپے کے محصولات وصول کئے گئے۔

رواں مالی سال 2013-14ء کے لئے ٹیکس وصولی کا ہدف 2475 ارب ہے ، جس میں سے جولائی 2013ء سے نومبر 2014ء کے دوران 798 ارب 60 کروڑ روپے کی ٹیکس وصولی ہوئی، جس میں سے براہ راست ٹیکسوں کی مد میں 271 ارب روپے سیلز ٹیکس کی مد میں 393 ارب 70 کروڑ روپے، فیڈرل ایکسائز کی مد میں 46 ارب 30 کروڑ اور کسٹمز ڈیوٹی کی مد میں 87 ارب 60 کروڑ روپے وصول کئے گئے، گذشتہ مالی سال کے دوران جولائی سے نومبر کے دوران 685 ارب روپے وصول ہوئے تھے۔

مجموعی ملکی برآمدات میں 3.11فیصد جبکہ غذائی اجناس کی برآمدات میں رواں مالی سال 2013-14ء کے پہلے پانچ ماہ (جولائی تا نومبر 2013ء )کے دوران مجموعی ملکی برآمدات میں 3.11فیصد جبکہ غذائی اجناس کی شعبہ کی برآمدات میں گذشتہ مالی سال کے اسی عرصہ کے مقابلہ میں2.63فیصد کا اضافہ ریکارڈ کیا گیا ۔

پاکستان ادارہ برائے شماریات(پی بی ایس)کے جاری کردہ اعدادوشمار کے مطابق رواں مالی سال کے ابتدائی پانچ مہینوں میں ایک ارب61 کروڑ50 لاکھ 11ہزار ڈالر مالیت کی غذائی اجناس برآمد کی گئی ہیں جبکہ گذشتہ مالی سال کے اسی عرصہ کے دوران ایک ارب57کروڑ 36 لاکھ 12 ہزار ڈالر کی برآمدات کی گئی تھیں۔

رپورٹ کے مطابق رواں سال غذائی اجناس کے شعبہ میں سب سے زیادہ اضافہ دالوں کی برآمدات میں ریکارڈ کیا گیا جو186.60 فیصد ہے جبکہ تیل دار اور پھلی دار اجناس کی برآمدات میں 101.66فیصد کا اضافہ ہوا ہے۔

رپورٹ کے مطابق پھلوں کی برآمدات میں گذشتہ سال کے مقابلہ میں 39.60 فیصد اضافہ ہوا جبکہ مصالحہ جات ، چینی اورگندم کی برآمدات گذشتہ مالی سال کے مقابلہ میں کم رہی ہیں تاہم مجموعی طور پر شعبہ کی برآمدات میں 2.63فصد کا اضافہ حوصلہ افزاء ہے۔

روپےکی قدر میں استحکام کیلئے حکومت کی سرتوڑ کوششیں جاری ہیں۔ حکومت نے بیرون ملک ڈالر لےجانے والوں کیلئے 5 ہزار ڈالر کی حد مقرر کر دی ہے۔ وزارت خزانہ کے مطابق وزیز خزانہ کی زیر صدرات ہونے والے اجلاس میں فیلہ کیا گیا ہے کہ پاکستان سے باہر ڈالر لے کر جانے کی حد پچاس فیصد کم کر کے پانچ ہزار الر کی دی گئی ہے۔

پہلے پاکستان سے باہر جانے پر فی کس دس ہزار ڈالر لے جانے کی اجازت تھی جس کو کم کیا گیاہے۔ یہ فیصلہ روپے کی قدر میں استحکام کے لیے کیا گیا ہے۔ اجلاس میں سیکریٹری خزانہ اور گورنر اسٹیٹ بینک نے بھی شرکت کی۔