Tag: اےآر وائی نیوز

پاکستان کرکٹ بورڈ کی جانب سے کل سے دوحہ میں سہ ملکی ون ڈے کرکٹ سیریز کا آغاز ہورہا ہے۔ پاکستان ویمنز ٹیم اپنا پہلا میچ آئرلینڈ کیخلاف کھیلے گی۔

دوحہ میں ہونے والی سہ ملکی ون ڈے کرکٹ سیریز میں پاکستان ویمنز ٹیم کیساتھ آئرلینڈ اور جنوبی افریقہ کی ٹیم شرکت کررہی ہیں۔

ٹرائی نیشن ون ڈے سیریز دس جنوری سے سترہ جنوری تک کھیلی جائے گی ۔تینوں ٹیموں کے درمیان ٹی ٹوئنٹی سیریز انیس جنوری سے چوبیس جنوری تک دوحہ میں ہی کھیلی جائیگی۔

پاکستان ویمنز ٹیم کے مطابق ورلڈ ویمنز ٹی ٹوئنٹی کیلئے یہ ایونٹ فائدہ مند رہے گی۔

پاکستان کرکٹ ٹیم کے بولنگ کوچ محمد اکرم کا کہنا ہے کہ کھیل کے دوسرے روز پاکستانی بولرز نے جلد وکٹیں حاصل کرنے کی بھرپور کوشش کی تھی۔ پاکستان کے بولنگ کوچ محمد اکرم کا کہنا ہے کہ سری لنکن بیٹسمین مہیلا جے وردھنے کو جلد آؤٹ کرنے کی بھرپور کوشش کی مگر بولرز کو کامیابی حاصل نہیں ہوسکی۔

دبئی کی وکٹ پہلے روز کے برعکس خاصی مختلف دکھائی دے رہی ہے۔ انکا کہنا تھا کہ سعید اجمل کی کارکردگی کو برا نہیں کہہ سکتے۔ مہیلا جے وردھنے کا کہنا تھا کہ انکی سنچری سے سری لنکا کی پوزیشن میچ میں بہتر ہوگئی ہے۔ میچ سے پہلے درد ختم کرنے والی ادویات اور انجکشن کا استعمال کیا۔ دبئی ٹیسٹ میں سنچری بہترین اننگز میں شامل ہے

  دبئی ٹیسٹ کے دوسرے روز سری لنکا نے آخری اطلاعات تک  چاروکٹوں کے نقصان پرایک سو پچپن رنزبنالئے۔ دبئی ٹیسٹ کے پہلے روز سری لنکن کپتان نے ٹاس جیت کر پاکستان کو بیٹنگ کی دعوت دی۔

پاکستان کی اننگز کا آغاز اچھا نہ ہوا، قومی ٹیم ایک سو پینسٹھ رنز پر پویلین لوٹ گئی، پاکستان ٹیم کے سات بیٹسمین ڈبل فیگرز میں بھی داخل نہ ہوسکے۔میچ کے دوسرے روز پاکستانی بولرز سری لنکن بیٹسمینوں کو قابو کرنے میں ناکام رہے۔

سری لنکا نےاپنی اننگز کا آغاز محتاط انداز میں کیا، سری لنکا کی پہلی وکٹ چالیس رنز پر گری، جب اوپنر کرونارتنے جنید خان کو وکٹ دے بیٹھے، پہلے روز کھیل کے اختتام پر سری لنکا نے ایک وکٹ کے نقصان پر ستاون رنز بنالئے تھے، مہمان ٹیم کو پاکستان کی برتری ختم کرنے کے لئے مزید ایک سو آٹھ رنز درکار ہے۔

اسٹار فٹبالر لائنل میسی نے انجری سے کم بیک کرنے کے بعد اسپینش فٹبال ٹورنامنٹ کوپا ڈی ریل میں بارسلونا کی کامیابی میں اہم کردار ادا کیا۔ کیمپ نو اسٹیڈیم میں بارسلونا کی ٹیم گیٹاف کے مد مقابل تھی۔ بارسلونا نے کھیل کا شاندارآغا زکیا اورآٹھویں منٹ میں فیبریگاس کے گول کی بدولت برتری حاصل کی۔

حریف ٹیم نے مقابلہ برابر کرنے کی بھرپورکوشش کی لیکن وہ اس میں کامیاب نہ ہوسکے۔ پہلے ہاف میں بارسلونا کی ٹیم حاوی رہی۔ دوسرے ہاف میں بھی بارسلونا نے اٹیکنگ کھیل پیش کیا۔ باسٹویں منٹ میں فیبریگاس نے گول کرکے برتری کو دگنا کردیا۔

تریسٹویں منٹ میں دو ماہ بعد انجری سے فٹ ہوکر میدان میں واپس آنے والے ارجنٹائن مڈفیلڈر لائنل میسی اندریس انیستا کی جگہ میدان میں اترے اور چھاگئے۔

میسی نے کھیل کے آخری لمحات میں اوپر نیچے دو گول کرکے ٹیم کو چار صفر سے فتح دلادی۔ میسی گزشتہ سال دس نومبر سے انجری کے سبب میدان سے دور تھے۔

ڈاکار ریلی کا چوتھا مرحلہ اسپین کے کارلوس سینز کے نام رہا، ڈاکار ریلی کا چوتھا مرحلہ اسپین کے کارلوس سینز نے جیت لیا۔ اس کامیابی کے ساتھ اسپینش رائڈر نے ریس میں مجموعی برتری بھی حاصل کرلی۔

سین یوآن سے چیلسیٹو تک ریس کا چوتھا مرحلہ چھ سو ستاون کلو میٹر پر مشتمل تھا۔ طویل راستے میں ڈرائیورز کو مشکلات کا سامنا رہا۔ دو مرتبہ کے ورلڈ ریلی چیمپئین اسپین کے کارلوس سینز نے ابتدا سے ہی برتری کو قائم رکھا اور مقررہ فاصلہ پانچ گھنٹے بیس منٹ اور بتیس سیکنڈز میں سب سے پہلے طے کیا اور ریس میں مجموعی برتری بھی حاصل کرلی۔

فرانس کے اسٹیون پیٹر ہینسل دوسرے نمبر پر رہے۔ موٹر بائیک ریس میں اسپین کے یوآن پیڈریرو فاتح رہے۔ اسپینش رائڈر پانچ گھنٹے انتیس منٹ اور تیرہ سیکنڈز کے وقت کے ساتھ تیز ترین رائڈر رہے۔ پیڈریرو کے ہم وطن یوآن بریڈا کو ریس میں مجموعی برتری برقرار ہے۔