Tag: اےآر وائی نیوز

رواں مالی سال کے پہلے چھ ماہ میں سیمنٹ کی مجموعی فروخت میں 2.1 فیصد اضافہ ہوا۔ماہ دسمبر 2013ء میں برآمدات کا حجم بڑھ کر 625,000 ٹن ہوگیا ۔ اس طرح اس میں 7.8 فیصد اضافہ ہوا۔

پاکستان سیمنٹ مینوفیکچررز ایسوسی ایشن کے ترجمان نے بتایا کہ گزشتہ چھ ماہ میں بر آمدات 1.8 فیصد کمی کے ساتھ 4.145 ملین ٹن رہیں۔

انہوں نے کہا کہ بھارت کے سا تھ چھ میں ماہ برآمدات صرف 0.202 ملین ٹن تک محدود رہیں جو 3.25 فیصد کم ہیں۔بھارت اور پاکستان کی جانب سے باہمی آزاد تجارت کیلئے جب سے سرحدیں کھولی گئی ہیں بھارت کو برآمدات مسلسل کمی کا شکار ہیں۔ بھارت کی جانب سے عائد کردہ نان ٹیرف بندش کے باعث برآمدات کم ہو گئی ہیں۔

یوریا کھاد کی قیمت 19 سو روپے فی بوری ہو گئی ،گیس انفراسٹرکچر ڈیویلومنٹ سرچارج میں اضافہ کے باعث مقامی مارکیٹ میں یوریا کھاد کی قیمت انیس سو روپے تک پہنچ گئی ہے۔

فرٹیلائزر سیکٹر زرائع کے مطابق پلانٹس کی گیس پرعائد سرچارج بڑھنے سے کھاد کی پیداواری لاگت میں مزید اضافہ ہوگیا ہے۔ آمدنی بڑھانے کے لئے حکومت نے دس لاکھ برٹش تھرمل یونٹ پر اضافی سر چارج لگا دیا ہے۔

حکومت نےفرٹیلائزر سیکٹر کیلئے گیس پر ایک سو تین روپے کا اضافہ کردیا ہے جس کے بعد فرٹیلائزر سیکٹر پر گیس سرچارج تین سو روپے فی ایم ایم بی ٹی یو ہوگیا ہے یوں ایک بوری یوریا کی پیداواری لاگت میں ایک سو تیس روپے کا اضافہ ہونے سے بوری کی قیمت انیس سو روپے ہوگئی ہے۔

سبزی منڈی میں نیلامی کے اوقات تبدیل سبزی کی قیمتوں کو مناسب سطح پر رکھنے ،سرکاری نرخ کے اطلاق، اور منافع خوری کےخاتمے کے لیے سبزی منڈی میں نیلامی کے اوقات تبدیل کرنے کافیصلہ کرلیا گیا ہے۔

سبزی منڈی کی تاریخ میں پہلی بار ہری سبزیوں کی نیلامی رات بارہ بجے کے بجائے صبح چار بجے سے کی جائے گی جو سات بجے صبح تک جاری رہے گی سات بجے سے پھل، آلو، پیاز ،لہسن، ادرک اور ٹماٹر کی نیلامی شروع ہوگی۔

فیصلے پر پندرہ جنوری سے عمل شروع ہوگا۔امن و امان کے مسائل اور ٹرانسپورٹ کی عدم دستیابی کےباعث رات گئے تاجروں کو منڈی پہنچنے میں دشواری ہوتی تھی ۔صبح میں نیلامی زیادہ نیلامی میں شریک ہو سکتے ہیں۔

عالمی مالیاتی ادارے کے مطابق آئندہ مالی سال میں پاکستان کی معاشی شرح نمو تین اعشاریہ سات فیصد تک متوقع ہے، عالمی مالیاتی ادارے کی جانب سے جاری کردہ رپورٹ کے مطابق آئندہ مالی سال میں پاکستانی معیشت کی ترقی کی شرح تین اعشاریہ سات فیصد رہے گی۔

آئی ایم ایف کے مطابق توانائی سیکٹر میں جاری اصلاحات اور مالیاتی صورت حال میں بہتری سے شرح نمو میں اضافہ متوقع ہے۔ معاشی اصلاحات کو جاری رکھنے ضروری ہے ۔

دوسری جانب آئی ایم ایف کہتا ہےکہ بیرونی معاشی خطرات کے اپنی جگہ موجود ہیں جن میں خام تیل کی قیمت میں اضافہ اور ترسیلات زر میں کمی جیسے عوامل شامل ہیں ۔رپورٹ کے مطابق امن و امان کی خراب صورت حال کے سرمایا کاری اور معاشی ترقی پر منفی اثرات مرتب ہوں گے۔

آئی ایم ایف نے کہاکہ رواں مالی سال میں افراط زر کی شرح دس فیصد اور آئندہ مالی سال کم ہوکر سات فیصد تک رہینے کی توقع ہے۔

سال 2014ء کے آغاز میں مہنگائی کی شرح میں 0.17فیصداضافہ ریکارڈ کیا گیا ، تاہم کم آمدنی والے طبقے کے لئے قیمتوں کے حساس اشاریئے میں0.13 فیصداضافہ دیکھنے میں آیا ، پاکستان بیورو شماریات کے جاری کردہ اعداد و شمار کے مطابق 8 ہزار روپے تک کی ماہانہ آمدنی والے طبقے کیلئے 2 جنوری 2014ء کو ختم ہونے والے ہفتے کے دوران قیمتوں کا حساس اشاریہ 0.13 فیصداضافے سے 200.00پوائنٹس سے بڑھ کر 200.26 پو ائنٹس تک پہنچ گیا ۔

جبکہ کمبائنڈ گروپ کیلئے قیمتوں کاحساس اشاریہ 0.17 فیصداضافے سے 209.27پوائنٹس سے بڑھ کر 209.63 پوائنٹس تک پہنچ گیا، اس ہفتے کے دورا ن زندہ مرغی ، ٹماٹر،کیلا، مونگ کی دال ، دال ماش ، مسور کی دال اورویجی ٹیبل گھی سمیت 12 اشیائے ضروریہ کی قیمتوں میں اضافہ ہوا، پیاز ، آلو ، چینی، گڑ، ادرک ،انڈے ، ایل پی جی ،چنے کی دال،گندم، آٹا ، ویجی ٹیبل گھی جبکہ اور سرخ مرچ سمیت 10 اشیائے ضروریہ کی قیمتوں میں کمی ریکارڈ کی گئی۔

ادارہ شماریات کے مطابق پٹرول ،ڈیزل ،مٹی کاتیل،مٹن ، بیف ، اری چاول ، چائے ، خوردنی تیل ، گیس کے نرخ ، بجلی کے نرخ ،تازہ دودھ ،دھی،دودھ پاؤڈر ، باسمتی چاول اور کھلا گھی سمیت 31 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزارآمدنی ، بارہ ہزار تا اٹھارہ ہزار ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.15فیصد، 0.16فییصد 0.18فیصد اور 0.19فیصداضافہ ریکارڈ کیا گیا۔

وفاق ہائے ایوان صنعت وتجارت (ایف پی سی سی آئی )کے صدر زبیر احمد ملک نے توقع کا اظہار کیا ہے کہ نیا سال گزشتہ سال سے بہتر ہو گا،ملکی اور علاقائی صورتحال میں مثبت تبدیلی آئے گی، اپنے ایک بیان میں انہوں نے کہا کہ نئے سال میں سیاسی و معاشی استحکام، روپے کی قدر اور زرمبادلہ کی صورتحال بہتر ہو گی جبکہ ڈالر کی قیمت ، افراط زر،بجٹ خسارہ اور بے روزگاری کم ہو گی۔

ان کا کہنا تھا کہ بھارت سے تعلقات بہتر اورغیر ملکی مداد میں اضافہ ہو گااور مختلف اداروں کے تعلقات بہترجبکہ عدلیہ عوام کی توقعات کے مطابق کام کرتی رہے گی۔

انہوں نے زور دیا کہ فوج دہشت گردی کے خاتمہ کے لئے فیصلہ کن کاروائی کی حکمت عملی اپنائے تاکہ عوام اور کاروباری برادری اپنے آپ کو محفوظ سمجھیں، انہوں نے کہا کہ آنے والے سال میں گمشدہ افراد کا مسئلہ حل ہونے اورکرپشن میں مزید کمی آنے۔کا قوی امکان ہے

حکومت نے اسٹیٹ بینک آف پاکستان کو بجلی کے بلوں میں اس مہینے اضافے کے دوسرے مرحلے کے سلسلے میں متعلقہ قوانین میں ترمیم کی مکمل آزادی دے دی ہے۔ آئی ایم ایف کی جانب سےجاری ہونے والے بیان میں کہا گیا ہے کہ ”پاکستانی حکام اسٹیٹ بینک آف پاکستان کے قانون میں ترامیم کے نفاذ پررضامند ہوچکے ہیں۔

ان کے ذریعے اسٹیٹ بینک آف پاکستان کی خودمختاری کو ایک معیاری مثال بنایا جائے گا.رپورٹ کے مطابق یہ قانون مکمل عملی آزادی فراہم کرے گا اور اندرونی کنٹرول کو مضبوط بنانے کے ساتھ انتظامی ڈھانچے کو توسیع دے گا۔ ان ترامیم سے ایک آزاد مانیٹری پالیسی کمیٹی تشکیل دی جائے گی جو مانیٹری پالیسی کی تیاری اور اس کے نفاذ کا کام کرے گی۔