Tag: اےآر وائی نیوز

پاکستان کیخلاف ابوظہبی ٹیسٹ میچ کے چو تھے روز کے سری لنکا نے دوسری اننگز میں اب تک تین سو چوبیس رنزبنا لئے ہیں۔ اور اس کو پانچ وکٹوں کا نقصان اٹھانا پڑا۔ ابوظہبی ٹیسٹ کے تیسرے روز پاکستان کرکٹ ٹیم پہلی اننگز میں تین سو تراسی رنز پرآؤٹ ہوگئی تھی۔

تجربہ کار بیٹسمین یونس خان ایک سو چھتیس اورکپتان مصباح الحق ایک سو پینتیس رنز کی ذمہ دارانہ اننگز کھیل کر نمایاں رہے۔ سری لنکن ٹیم کی جانب سے ایرنگا اورہیرتھ نے تین تین وکٹیں حاصل کیں۔ سری لنکا کی دوسری اننگز میں سنگاکارا اکیاسی اور کوشل سلوا نے پچپن رنز بنائے۔

دوسرے دن کے اختتام تک سری لنکن ٹیم نے ایک سو چھیاسی رنز بنائے تھے۔

انگلینڈ کے خلاف سڈنی ٹیسٹ میں آسٹریلیا کی ٹیم پہلی اننگز میں تین سو چھبیس رنزبناکر آؤٹ ہوگئی۔ سڈنی میں کھیلے جانے والے میچ کا ٹاس انگلینڈ نے جیت کر آسٹریلیا کو بیٹنگ کی دعوت دی۔ انگلینڈ نے اننگز کا آغاز کیا تو ڈیوڈ وارنر سولہ رنزبناکر براڈ کی گیند پر بولڈ ہوگئے۔

کرس راجرز بھی زیادہ دیر تک وکٹ پر نہ ٹھر سکے اور گیارہ رنزبناکر اپنی وکٹ گنوابیٹھے۔ واٹسن نے کچھ مزاحمت کی وہ تینتالیس رنزبناکر آؤٹ ہوئے۔ اسٹیون اسمتھ نے ذمہ دارانہ بیٹنگ کرتے ہوئے سینچری بنائی اور ٹیم کی پوزیشن مستحکم کی۔ اسمتھ نے ایک سو پندرہ رنزبنائے۔

بریڈ ہیڈن نے ان کا بھرپور ساتھ دیتے ہوئے پجھتر رنز کی اننگز کھیلی۔ میزبان ٹیم پہلی اننگز میں تین سو چھبیس رنزبناکر آؤٹ ہوگئی۔ جواب میں انگلینڈ نے پہلے روز کھیل کے اختتام تک ایک وکٹ پر آٹھ رنزبنالئے ہیں

سری لنکا کے خلاف یو اے ای میں جاری ٹیسٹ سیریز میںپاکستانی ٹیم کے لئے مشکلات بڑھ گئی ہیں۔ عمر گل کے بعد وکٹ کیپر عدنان اکمل انجری کے باعث سیریز سے باہر ہوگئے ہیں۔

وکٹ کیپر عدنان اکمل کی انگلی میں فریکچر ہوا ہے جس کے سبب وہ ٹیسٹ سیریز سے باہر ہوگئے ہیں۔ پی سی بی نےعدنان اکمل کی جگہ سرفراز احمد کو اسکواڈ میں شامل کرلیا ہے۔ سرفراز کو جلد متحدہ عرب امارات بھیجا جائے گا۔

فاسٹ بولر عمر گل کو بھی مکمل فٹ نہ ہونے کے باعث سیریز سے پہلے ہی باہر کیا جا چکا ہے۔ عمر گل نے قومی کرکٹ ٹیم کے فزیو ڈیل نیلر کے ساتھ ایک ہفتے تک فزیکل ٹریننگ میں حصہ لیا تھا۔

جس کے بعد ٹیم انتظامیہ نے عمر گل کو یو اے ای سے واپس وطن بھیجنے کا فیصلہ کیا اور ہدایت کی ہے کہ عمر گل مکمل فٹ ہونے تک نیشنل کرکٹ اکیڈمی لاہور میں ٹریننگ جاری رکھیں اور ڈومیسٹک میچز میں بھی حصہ لیں۔ عمر گل نے سری لنکا کیخلاف ون ڈے سیریز کیلئے قومی ٹیم میں اچھا کم بیک کیا تھا۔