پاکستان کرکٹ بورڈ کے چیئرمین اور انتخابات کے حوالے سے اسلام آباد ہائی کورٹ اپنا فیصلہ محفوظ کرچکی ہے اور آئندہ چند روز میں کوئی بھی حیران کن فیصلہ سامنا آسکتا ہے۔
قانونی ماہرین کے مطابق اسلام آباد ہائی کورٹ پی سی بی کے سابق چیئرمین چوہدری محمد ذ کاء اشرف کو بحال کر سکتی ہے یا پھر پی سی بی کے انتخابات کا حکم نامہ بھی جاری ہسکتا ہے، دونوں صورتوں میں نجم سیٹھی کا پی سی بی چیئرمین کی حیثیت سے مستقبل تاریک نظر آرہا ہے۔
ٹی ٹوئنٹی اور ون ڈے سیریز میں دلچسپ مقابلوں کے بعد پاکستان اور سری لنکا کی ٹیمیں طویل دورانیئے کی کرکٹ میں ٹکرائیں گی۔ ٹی ٹوئنٹی سیریز ڈرا رہی جبکہ ون ڈے میں پاکستان نے میدان مارا۔ یو اے ای کی وکٹوں پر اسپنرز کا کرداراہم ہوگا۔ پاکستانی ٹیم آف اسپنر سعید اجمل پر انحصار کرے گا۔.
ادھرسری لنکن ٹیم بیٹنگ میں پاکستان کے لئے مشکلات کھڑی کرسکتے ہیں۔ سری لنکا کے پاس مہیلا جے وردھنے اور سنگاکارا جیسے دنیا کے بہترین بیٹسمین موجود ہیں جو اسپنرز کو بھرپور مہارت سے کھیلنے کی صلاحیت رکھتے ہیں۔
قومی ٹیم جولائی دوہزار بارہ کے بعد سری لنکا کے خلاف ٹیسٹ میچ میں مدمقابل آرہی ہے۔ پاکستان کو گزشتہ سال دورہ سری لنکا میں تین میچز کی ٹیسٹ سیریز میں ایک صفر سے ناکامی کا سامنا کرنا پڑا تھا۔ دونوں ممالک کے درمیان مجموعی طور پر تینتالیس ٹیسٹ کھیلے گئے ہیں، پاکستان سولہ اور سری لنکا دس میں سرخرو رہا
ڈربن ٹیسٹ کو جنوبی افریقی آل رانڈر جیک کیلس نے اپنی شاندار سینچری سے ناقابل فراموش بنادیا۔ میزبان ٹیم بھی کیلس کو جیت کا تحفہ دینے کے لئے پرعزم ہے۔ بھارت میچ بچانے کے لئے آج اپنی دوسری اننگز ارسٹھ رنز دو کھلاڑی پر دوبارہ شروع کرے گا۔
ڈربن ٹیسٹ کا آج آخری دن ہے۔ بھارت کو جنوبی افریقہ کی پہلی اننگز کی برتری ختم کرنے کے لئے ابھی مزید اٹھانوے رنز درکار ہیں اور اس کی آٹھ وکٹیں باقی ہیں۔ ٹیسٹ کے چوتھے روز کی خاص بات کیلس کی شاندار سینچری رہی۔
دنیا کے بہترین آل راؤنڈر کہلانے والے کیلس نے سینچری سے کیرئیر کے آخری ٹیسٹ کو ناقابل فراموش بنادیا۔ میزبان ٹیم بھی یہ ٹیسٹ جیت کر اس لمحے کو مزید یادگار بنانا چاہتے ہیں۔ بھارت نے چوتھے روز کے اختتام تک دوسری اننگز میں دو وکٹوں پر ارسٹھ رنز بنالئے تھے۔
فارمولا ون کارریس کے سات مرتبہ کے سابق عالمی چیمپئین مائیکل شوماکر فرانس میں اسکیئنگ کرتے ہوئے حادثے کا شکار ہونے کے بعد کومہ میں چلے گئے ہیں۔ ان کی حالت تشویشناک بتائی جارہی ہے۔
فارمولان ریس میں کئی ریکارڈز اپنے نام کرنے والے جرمنی کے مائیکل شوماکر زندگی اور موت سے لڑرہے ہیں۔ فارمولا ون ٹریک پر تیزی دکھانے والے شوماکر برف پر اپنی بھرپور مہارت کا مظاہرہ نہ کرسکے۔
قمست نے بھی ان کا ساتھ نہ دیا۔ شوماکر کو فرانس کے علاقے میربیل میں اسکیئنگ کرتے ہوئے ایک حادثے کے نتیجے میں سرپرچوٹ آئی اور اس وقت ان کی حالت تشویشناک بتائی جا رہی ہے۔ شوماکر کا سر چٹان سے ٹکرایا جس نے انہیں شدید نقصان پہنچایا۔ ڈاکٹرز کے مطابق شوماکر کو جب ہسپتال لایا گیا تو وہ کومے میں تھے۔
چوالیس سالہ شوماکر کو حادثے کے بعد ہیلی کاپٹر کے ذریعےہسپتال پہنچایا گیا۔ شوماکر سات بارفارمولا ون کار ریسنگ چیمپیئن رہ چکے ہیں اور اس کے علاوہ انیس سالہ کیرئیر میں اکیانوے کار ریس مقابلوں کے فاتح رہے۔ دوہزار نو میں بھی شوماکر سنجیدہ نوعیت کے حادثے کا شکار ہوچکے ہیں۔
جس میں ان کو متعدد چوٹیں آئیں تھیں۔ فارمولا ون ڈرائیورز اور دنیا بھر سے کھیلوں سے تعلق رکھنے والے کھلاڑیوں نے شوماکر کی صحتیابی کے لئے دعا کی ہے۔
عالمی تجارتی میلے ہوم ٹیکسٹائل فرینکفرٹ جرمنی 2014ء میں آئندہ سال پاکستان سمیت 60 ممالک کے 2 ہزار سے زائد نمائش کنندگان حصہ لے رہے ہیں، میسی فرینکفرٹ ہوم ٹیکسٹائل کے پاکستان میں نمائندے ہادی صلاح الدین کے مطابق پاکستان کا260 سے زائد امپورٹرز اور ایکسپورٹرز کا تجارتی وفد بین الاقوامی تجارتی میلے شرکت کر رہا ہے۔
سال 2013ء میں 134ملکوں کے60 ہزار سے زائد تجارتی مندوبین نے اس نمائش میں شرکت کی تھی، توقع کی جارہی ہے کہ پاکستان کو جی ایس پی پلس کا درجہ ملنے کے بعد ہوم ٹیکسٹائل فرینکفرٹ جرمنی کے تجارتی میلے ٹیکسٹائل کی مصنوعات متعارف کرانے کا بہترین ذریعہ ثابت ہو گی اور یورپی ممالک کی مارکیٹوں تک ڈیوٹی فری رسائی کے ساتھ ہوم ٹیکسٹائل میں پاکستان کی شرکت برآمد ات میں اضافہ کرنے میں مدد ملے گی۔
رواں مالی سال 2013-14ء کے پہلے 5 ماہ (جولائی تا نومبر 2013ء )کے دوران اشیائے خورد و نوش کی برآمدات میں 2.63 فیصد اضافہ ریکارڈ کیا گیا، پاکستان ادارہ شماریات کے جاری کردہ اعداد و شمار کے مطابق جولائی سے اکتوبر 2013ء کے دوران ایک ارب 61 کروڑ ڈالر مالیت کی خوراک برآمد کی گئی جبکہ گذشتہ مالی سال کی اسی مدت کے دوران ایک ارب 57 کروڑ ڈالر مالیت کی اشیاء خورد و نوش برآمد کی گئی تھیں۔
مذ کورہ عرصہ کے دوران سمندری خوراک، پھلوں اور سبزیوں کی برآمدات میں نمایاں اضافہ ریکارڈ کیا گیا جبکہ تمباکو، خشک میوہ جات، خوردنی تیل اور گوشت کی برآمدات میں بھی بتدریج تیزی آئی۔
اسلام آباد چیمبر آف کامرس اینڈ انڈسٹری نے نوجوانوں میں کاروبار کیلئے رجحان کو بڑھانے اور درپیش مشکلات کو اجاگر کرنے کیلئے کانفرنس کا انعقاد کیا،”پاکستان میں بزنس انکیوبیشن“کے موضوع پر سیمینار کا اہتمام سنٹر فار انٹرنیشنل پرائیویٹ انٹر پرائز (سائپ) اور کافمین فاوٴنڈیشن کے تعاون سے کیا گیا ۔
جس میں نوجوان انٹرپرینیورز کی ایک بڑی تعداد کے علاوہ قائد اعظم، اقراء، کامسیٹس اور نسٹ یونیورسٹیوں کے بزنس انکیوبیشن سینٹرز کے نمائندگان اور طلباء نے شرکت کی، کانفرنس کامقصد انکیوبیشن سینٹرز کے نمائند گان اور نیا کاروبار شروع کرنے والے نوجوانوں کے ایک پلیٹ فارم پر لا کر نوجوانوں کو کاروبار کیلئے درپیش مشکلات کو اجاگر کرنا اور پاکستان میں بزنس انکیوبیشن سینٹرز کے کلچر کو فروغ دینے کے امور پر تبادلہ خیال کرنا تھا۔
کانفرنس سے خطاب کرتے ہوئے اسلام آباد چیمبر آف کامرس اینڈ انڈسٹری کے صدر شعبان خالد نے کہا کہ ملک میں انٹرپرینیورشپ کی ترقی کیلئے سازگار ماحول پیدا کرکے پاکستان کو تیز رفتار اقتصادی ترقی کے راستے پرڈالا جا سکتا ہے۔
انہوں نے حکومت پر زور دیا کہ وہ ملک میں جد ید سہولیات سے لیس بزنس انکیوبیشن سینٹرز کا ایک جال پھیلانے کیلئے خصوصی فنڈز مختص کرے تا کہ نوجوانوں کی زیادہ سے زیادہ تعداد کاروبار کی طرف مائل ہو ں، جس سے نہ صرف روزگار کے بے شمار نئے مواقع پیدا ہوں گے بلکہ اس سے پاکستان کا امیج بھی بہتر ہو گا اور معیشت مضبوط ہو گی۔
روپےکی قدرمیں کمی کےپاکستانی معشیت پر بہت گہرے اثرات مرتب ہوتے ہیں ۔روپے کی قدر میں کمی سے درآمدی تیل کی قیمت میں بھی دس فیصد کا اضافہ ہوگیا ہے۔ رواں مالی سال کے دوراں روپے کی قدر میں چودہ روپے کی کمی کے باعث درآمدی خام تیل کی قیمت میں دس فیصد سے زائد کا اضافہ ریکارڈ کیا گیا۔ وزرات تیل اورقدرتی وسائل کے مطابق ڈالر کی قدر میں اضافہ سے پاکستان کو خام تیل کی درٓمدات پر دس فیصد زائد ادا کرنا پڑا ہے
خیبر پختونخواکےرکن اسمبلی بیرسٹرسلطان پانچ سا تھیوں سمیت جیل بھیجوادیئےگئے۔انھیں دہشت گردی کےمقدمے میں گرفتار کیا گیا۔ چارسدہ پولیس نے قومی وطن پارٹی ۔پی کے۔ اٹھارہ کے ایم پی اے بیرسٹر سلطان محمد خان کو کار سرکار میں مداخلت اور پولیس کو جان سے مارنےکی دھمکیاں دینےکے الزام میں پانچ ساتھیوں سمیت گرفتار کرلیا۔
ملزمان کو اسپیشل مجسٹریٹ کے روبرو پیش کیا گیا جنھوں نے ملزمان کو جیل بھیجنے کے احکامات جاری کردئیے۔ ڈی پی او چارسدہ نے بتایا رجڑکے علاقے میں ہوائی فائرنگ میں ملوث ملزم اسلحے سمیت گرفتار کئے جنھیں چھڑانے کیلئے سلطان خان نے زبردستی کی اور پولیس پراسلحہ تھان کر سنگین نتائج کی دھمکیاں دیں۔
ڈی پی او چارسدہ کے مطابق ان ملزمان کے خلاف دہشت گردی سمیت مختلف دفعات کے تحت مقدمات درج کئےہیں۔
دوسری جانب سلطان خان نے الزام عائد کیا کہ پولیس نےغیر قانونی گرفتاریاں کیں جس پر وہ تھانے پہنچے تو اُنھیں سنگین نتائج کی دھمکیاں دی گئیں جس کے خلاف انھوں نے احتجاج بھی کیا۔ واقعے پرقومی وطن پارٹی کے کارکنوں نےسٹی تھانے پرشدیداحتجاج کیاجس سےٹریفک درہم برہم ہوکررہ گیا۔
خیبرپختونخوا حکومت نے صوبے میں بجلی اور گیس کی لوڈشیدنگ کے خلاف احتجاج کا اعلان کردیا خیبر پختونخوا کے مشیرمعدنیات ضیاءاللہ کہتےہیں میاں نواز شریف آٹے کی طرح بجلی اور گیس کو بطور ہتھیار استعمال کر رہے ہیں۔
بجلی اور گیس کی بندش کے خلاف خیبر پختون خوا حکومت نے اعلان احتجاج کردیا۔ خیبر پختون خوا حکومت کے مشیرمعدنیات ضیاءاللہ نے پشاور میں ارکان اسمبلی کے ساتھ مشترکہ پریس کانفرنس میں کہا کہ ۔بجلی اور گیس کو پی ٹی آئی حکومت کے خلاف بطورہتھیاراستعمال کیا جارہا ہے۔
انھوں نے کہا کہ وفاقی حکومت کے خلاف احتجاج میں عمران خان اور وزیر اعلیٰ کی حمایت بھی حاصل ہے۔احتجاج کے دوران واپڈا اور سوئی گیس کے دفاتر کا گھیراؤ کیا جائے گا، صوبائی مشیرضیاءاللہ کا کہنا تھا کہ کل سے ہونے والے احتجاج کے حوالے سے جماعت اسلامی سے بھی رابطہ کریں گے