ARYNews.tv | Urdu – Har Lamha Bakhabar

Tag: اے آروائی نیوز

  • کچھ شیشے ٹوٹ گئے تو کون سی قیامت آگئی؟ مصطفی عزیز آبادی

    کچھ شیشے ٹوٹ گئے تو کون سی قیامت آگئی؟ مصطفی عزیز آبادی

    کراچی : رہنما ایم کیو ایم مصطفی عزیر آبادی کا کہنا ہے کہ مشتعل افراد نے کچھ شیشے توڑ دیئے تو کون سی قیامت آگئی؟۔

    متحدہ قومی مومنٹ کے کارکنان کی جانب سے اے آر وائی نیوز کے دفتر پر حملے کے بعد ایم کیو ایم کے رہنما مصطفی عزیر آبادی نے اے آر وائی نیوز کے پروگرام آف دی ریکارڈ میں اپنا موقف بیان کرتے ہوئے کہا کہ کچھ لوگوں نے جذبات میں چند کھڑکیاں اور دروازے توڑ دیئے تو ایک طوفان کھڑا کردیا گیا، اس سے قبل بھی میڈیا ہاوسزز پر حملے ہوئے اس کا ذمہ دار کون ہے ؟

    ان کا کہنا تھا کہ روزانہ ٹاک شو میں عدالتیں لگائی جاتی ہیں ہمیں دہشتگرد قرار دیا جاتا ہے ،آپ سیاسی نظریات سے اختلاف کیجیئے لیکن کردار کشی مت کریں، یہاں انسانی جانیں جا رہی ہیں اس کا ذمہ دار کون ہے ؟ ایم کیو ایم کے 62 کارکنان واپس نہیں آئے گے ۔

    ایک سوال کے جواب میں ایم کیو ایم کے رہنما کا کہنا تھا کہ اگر آپ نے الطاف حسین کی دو گھنٹوں کی تقاریر نشر کی ہیں تو کوئی احسان نہیں کیا۔

    پروگرام میں شامل مہمان پاکستان پیپلز پارٹی کے رہنما قمر زمان کائرہ کا کہنا تھا کہ مصطفی عزیر آبادی کی گفتگو اقرار ہے کہ اے آر وائی نیوز پر حملہ ایم کیوایم نے ہی کروایا ہے۔

    اس سے قبل ایم کیو ایم کے رہنما عامر لیاقت حسین کا اے آر وائی نیوز کے دفتر پر ہونے والے حملے پر کہنا تھا کہ میں اے آروائی انتظامیہ سے معافی مانگتا ہو لیکن ابھی شک ہے کہ یہ ایم کیو ایم کے کارکن تھے یا نہیں۔

  • وزیراعلیٰ سندھ اورڈی جی رینجرز نے اے آروائی نیوز کے دفتر کا دورہ کیا

    وزیراعلیٰ سندھ اورڈی جی رینجرز نے اے آروائی نیوز کے دفتر کا دورہ کیا

    کراچی : وزیراعلیٰ سندھ سید مراد علی شاہ نے ڈی جی رینجرز میجر جنرل بلال اکبر کے ہمراہ اے آروائی نیوز کے دفتر کا دورہ کیا اور ہونے والے نقصان کا جائرہ لیا۔

    تفصیلات کے مطابق وزیراعلیٰ سندھ سید مراد علی شاہ اور ڈی جی رینجرز میجر جنرل بلال اکبر حملے کے کچھ دیر بعد اے آروائی نیوز کے دفتر پہنچے، وزیراعلیٰ سندھ نے دفتر کے مختلف حصوں کا دورہ کیا اور ہونے والے نقصانات کا جائزہ لیا۔

    اس موقع پرانتظامیہ نے انہیں بتایا کہ مسلح حملہ آورکس طرح دفتر میں گھسے اورکس طرح تباہی مچائی ،مراد علی شاہ نے دریافت کیا کہ کیا حملے کی سی سی ٹی وی فوٹیج موجود ہے؟ جس پر انتظامیہ نے بتایا کہ حملے کی سی سی ٹی وی کیمروں کی تمام فوٹیج محفوظ ہیں۔

    اس موقع پر گفتگو کرتے ہوئے انہوں نے کہا کہ میڈ یا پر حملوں کی شدید مذمت کرتے ہیں اور واقعات میں ملوث افراد کو کیفر کردار تک پہنچا یا جائے گا۔

    وزیر اعلیٰ سندھ مراد علی شاہ نے کہا کہ کراچی میں صورتحال کشیدہ کرنا دہشت گردوں کا منصوبہ تھا ،اس کشیدگی کے فوراً بعد میں نے ایم کیو ایم کے رہنما خواجہ اظہار الحسن کو فون کیا اور شہر میں کشیدہ صورتحال سے متعلق دریافت کیا جس پر خواجہ اظہار الحسن نے بتایا کہ شہر میں کشیدہ صورتحال سے ایم کیو ایم کا کوئی تعلق نہیں اور واقعے میں ملوث افراد کو گرفتار کیا جائے۔

    ایک سوال کے جواب میں کہ کل ایم کیو ایم نے وزیر اعلیٰ ہاؤس کے گھیراؤ کا بھی اعلان کیا ہے ،آپ کیا کریں گے؟ جس کا جواب دیتے ہوئے سید مرادعلی شاہ نے کہا کہ آنے دیں ہم دیکھیں گے۔

    ڈی جی رینجرز میجرجنرل بلال اکبر نے بھی اے آروائی نیوز کے دفتر میں توڑپھوڑ کا جائز ہ لیا۔ میجرجنرل بلال اکبر نے اے آروائی نیوز کے دفترمیں وزیراعلٰی سندھ سے بھی ملاقات کی۔ دونوں شخصیات کچھ دیر تک آپس میں تبادلہ خیال کرتے رہے۔

  • پنجاب میں کیبل پر اے آروائی نیوز کی پوزیشن تبدیل، اے آروائی نیوز کا پیمرا کو خط

    پنجاب میں کیبل پر اے آروائی نیوز کی پوزیشن تبدیل، اے آروائی نیوز کا پیمرا کو خط

    اسلام آباد : چیئرمین پیمرا ابصار عالم نے جیو نیوز کی پرانے نمبروں پر بحالی کے لیئے سیکشن تینتیس اے کو استعمال کیا ہے، جس کے ذریعہ وزیراعظم سے جیو نیوز کی بحالی کے لیئے مدد مانگی ہے ۔

    خط میں وزیراعظم سے کہا گیا ہے کہ وہ سندھ رینجرز، سندھ پولیس اور انٹیلی جینس ادارے جیو نیوز کو کراچی میں بحال کرانے میں پیمرا کی مدد کریں۔

    جیو نیوز کی کراچی میں پرانے نمبرز پر بحالی کی درخواست پر چیئرمین پیمرا کا فوری ایکشن میں آنا قابل تحسین ہے، اے آروائی نیوز کی انتظامیہ سمجھتی ہے کہ پنجاب میں اے آروائی نیوز کے ساتھ جو ہورہا ہے اس پر بھی چیئرمین پیمرا ایسا ہی ایکشن لیں گے۔

    اے آروائی انتظامیہ نے پیمرا کو خط بھیجا ہے جس میں اپنی شکایت بتائی گئی ہے کہ پنجاب میں سیاسی بنیاد پراے آروائی نیوز کو بار بار بند کیا جاتا ہے، پروگراموں کے درمیان آواز بند کردی جاتی ہے یا پھر اے آروائی نیوز کی پوزیشن تبدیل کردی جاتی ہے، مسلم لیگ ن نے ہمارا بائیکاٹ کررکھا ہے جن کی پنجاب میں حکومت ہے۔

    13882655_1399180630109564_8364999000568217885_n

    شکایت خط میں پیمرا کو بتایا گیا ہے کہ پنجاب میں مسلسل ان اقدامات سے اے آروائی نیوز کی نہ صرف ریٹنگ متاثر ہورہی ہے بلکہ ریونیو پر بھی منفی اثر پڑ رہا ہے۔

    ہم امید کرتے ہیں کہ چیئرمین پیمرانے جس طرح جیو کے معاملے میں دلچسپی لی ہے اسی طرح ہماری شکایت پر بھی ایکش لیں گے اور اے آروائی نیوز کی بحالی کے لیئے پنجاب رینجرز، پنجاب پولیس اور پنجاب میں انٹیلی جینس اداروں کا تعاون وزیراعظم سے مانگیں گے۔

    پیمرا نے خط کے جواب میں کہا ہے کہ اے آر وائی نیوز کی درخواست کا جائزہ لیا جائے گا درخواست کے حوالے سے تحقیقات ہوں گی۔


    ARY sends complaint letter to PEMRA by arynews

  • بیرون ملک جانے کی اجازت دینے پر وزیراعظم اور وزیرداخلہ کا شکر یہ ادا کرتاہوں، پرویزمشرف

    بیرون ملک جانے کی اجازت دینے پر وزیراعظم اور وزیرداخلہ کا شکر یہ ادا کرتاہوں، پرویزمشرف

    دبئی: سابق صدر پرویز مشرف نے علاج کے بیرون ملک جانے کی اجازت دینے پر وزیر اعظم کا شکریہ ادا کیا ان کا کہنا تھا کہ انھوں نے بیرون ملک علاج کیلئے کوئی ڈیل نہیں کی ہے۔

    سابق صدر پرویز مشرف نے اے آروائی نیوز کو خصوصی انٹرویو دیتے ہوئے وزیراعظم اوروزیر داخلہ کا شکریہ ادا کیا ، سابق صدر کا کہنا تھا کہ وہ کسی ڈیل کے تحت دبئی نہیں آئے۔

    وسیم بادامی کو خصوصی انٹرویو میں وطن واپسی کے بارے میں ان کا کہنا تھا کہ وہ اس بارے میں کچھ نہیں کہہ سکتے۔

    سابق صدر کا کہنا تھا کہ وہ علاج کےلئے امریکا جانا چاہتے ہیں، پرویز مشرف نے واضع کیا کہہ فی الحال دبئی میں سیاسی سرگرمیوں کا ارادہ نہیں۔

  • اے آروائی نیوزکے اسلام آباد آفس پردستی بم حملہ اورفائرنگ

    اے آروائی نیوزکے اسلام آباد آفس پردستی بم حملہ اورفائرنگ

    اسلام آباد : اے آر وائی نیوز کے اسلام آباد آفس پر دہشت گرد بزدلانہ کارروائی کرتے ہوئے دستی بم پھینک کر فرارہوگئے۔ حملہ کی ذمہ داری داعش افغانستان نے قبول کی ہے۔

    تفصیلات کے مطابق سچ کو دکھانے پر اے آر وائی پر ایک اور حملہ کردیا گیا، اے آر وائی نیوز کے اسلام آباد بیورو آفس کے باہر نامعلوم موٹر سائیکل سوار ملزمان نے دستی بم پھینکنے کے بعد فائرنگ کرتے ہوئے فرار ہوگئے۔

    ملزمان فرار ہوتے ہوئے پمفلٹ بھی پھینک گئے۔ جس میں داعش افغانستان کی جانب سے حملہ کی ذمہ داری قبول کی   گئی ہے۔ حملہ شام چھ بجکر پانچ منٹ پر کیا گیا۔

     خوش قسمتی سے کوئی جانی نہیں ہوا، البتہ ایک کارکن سر پر چوٹ لگنے سے زخمی ہواہے جسے طبی امداد کیلئے اسپتال منتقل کر دیا گیا ہے۔

    حملے کے بعد عملے میں خوف وہراس پھیل گیا۔ ملازمیں نے کمروں کے دروازے بند کر کے لائٹس آف کردیں، اطلاع ملتے ہی پولیس کی بھاری نفری جائے وقوعہ پر پہنچ گئی۔

    نواز شریف اور پرویز رشید کی اے آر وائی پر حملے کی مذمت 

     وزیر اعظم میاں نواز شریف نے واقعے کی پرزور مذمت کرتے ہوئے،ملزمان کی فوری گرفتاری کے احکامات دیئے  ہیں، اور انہوں نے متعلقہ حکام کو ہدایات دیں کہ اے آر وائی کے ملازمین کو مکمل تحفظ فراہم کیا جائے۔

    وزیراطلاعات پرویزرشید نے ے آر وائی نیوز پر حملے کی پرزور مذمت کرتے ہوئے کہا ہے کہ صحافت  پرحملےکوجمہوریت پرحملہ سمجھتےہیں۔یہ بات انہوں نے اے آر وائی نیوز سے خصوصی گفتگو کرتے ہوئے کہی۔

     انہوں نے کہا کہ ملک کے تمام ادارے دہشت گردی کے خلاف ہیں۔ صحافت پرحملہ جمہوریت پرحملہ سمجھتےہیں، دہشت گرد چاہے اپنا کوئی بھی نام رکھ لیں ان کے خلاف سخت کارروائی ہوگی ۔

     ان کا کہنا تھا کہ دہشت گردوں کا قلع قمع کر دیں گے اور اسلام آباد میں موجود تمام میڈیا ہاؤسز کو تحفظ فراہم کیا جائے گا ۔

     

    عمران خان  پرویز رشید ، رشید گوڈیل ودیگر نے اے آر وائی نیوزکے دفترکا دورہ کیا  

    پاکستان تحریک انصاف کے چیئرمین عمران خان نے واقعے کے فوری بعد اے آر وائی کے اسلام آباد آفس کا دورہ کیا، اس موقع پر ان کے ہمراہ جہانگیر ترین، شاہ محمود قریشی اور رہنما بھی موجود تھے۔

    عمران خان کو واقعے کی تفصیلات بیان کی گئیں، جس پر انہوں نے نہایت دکھ اور افسوس کا اظہار بھی کیا، انہوں نے  نے متاثرہ جگہوں کا معانہ بھی کیا

    عمران خان کا کہنا تھا کہ دہشت گردوں نے اب آزادیء صحافت پر بھی حملے شروع کردیئے ہیں جو انتہائی قابل مذمت ، ۔ ہے۔ انہوں نے کہا کہ نیشنل ایکشن پلان پر ملک کی تمام جماعتیں متفق ہیں

    علاوہ ازیں ایم کیو ایم کے رہنما رشید گوڈیل ، آصف حسنین اور پرویز رشید نے بھی اے آر وائی کے اسلام آباد آفس کا دورہ کیا، اور واقعے کی پر زور الفاظ میں مذمت کی ۔

    آئی ایس پی آر کی اے آر وائی آفس پر حملے کی مذمت

    پاک فوج کے شعبہ تعلقات عامہ آئی ایس پی آر نے اے آر وائی نیوز کے اسلام آباد آفس پر دہشت گردوں کے بزدلانہ حملے کی پرزور الفاظ میں مذمت کی ہے، ڈی جی آئی ایس پی آر عاصم سلیم باجوہ نے کہا کہ ملک میں امن اور سلامتی کیلئے میڈیا کے ساتھ کھڑے ہیں، ان کہا کہن اتھا کہ قوم ملک سے دہشت گردی کے خاتمے کیلئے پر عزم ہے۔ پاکستانی عوام نے دہشت گردوں کے نظریے کو یکسر مسترد کردیا ہے ۔ انہوں نے اس عزم کا اعادہ کیا کہ پاکستان میں مستقل اور پائیدار امن کیلئے کوشاں ہیں۔

     

     

  • اسپتال کے فنڈز کے لئے انڈیا بھی جاؤں گی، اداکارہ میرا

    اسپتال کے فنڈز کے لئے انڈیا بھی جاؤں گی، اداکارہ میرا

    کراچی: اداکارہ میراہ نے کہاہے کہ پاکستان میں اسپتال کی تعمیر کے سلسلے وہ جلدہی بھارت جارہی ہیں اور وہاں سے خوشخبری لیکر آئینگی۔

    اداکارہ میرا اپنے ہسپتال کی فنڈریزنگ مہم کے لیئے کراچی چیمبرآف کامرس کا دورہ کیاکراچی چیمبر کے تاجروں سے خطاب میں اداکارہ میرا کا کہنا تھا کہ وہ جلد ہی بھارت جائیں گی اور ہسپتال کی تعمیر کے حوالے سے بھارتی اداکاروں سے ملاقات کریں گی۔

    انکاکہناتھاکہ کراچی چیمبر آنے کا مقصد اپنے اسپتال کے حوالے سے تاجروں، صنعتکاروں سے تعاون کو یقینی بنانا ہے۔

    میرا نے بتایا کہ انکی فلم "ہوٹل”عنقریب ریلیزہونے والی ہے اورانکی فلم "دیوداس "تیار ہوچکی ہے۔

  • پانچویں کلاس تک اسکول پڑھا، میرا

    پانچویں کلاس تک اسکول پڑھا، میرا

    کراچی: اے آروائی نیوز کے مارننگ شو میں بھی صنم بلوچ سے دل کی باتیں کیں، میرا نے مارننگ شو میں اپنی کہانی  سنادی۔

    تنازعات پر میرا کا کہنا تھا کہ سیاستدانوں کی طرح اپنی صفائی نہیں دے سکتی، میرا نے شکوہ کیا کہ غلط اردو بولنے پر کوئی نہیں ٹوکتا مگر میری غلط انگریزی پر باتیں بنائیں۔

    میرا نے یہ بھی بتایا کہ پانچویں کلاس تک اسکول پڑھا پھر میں نے شوبز میں کام شروع کردیا ، اسی لئے انگلش میں تھوڑی پرابلم ہے۔ میرا کا کہنا تھا کہ میں اب تک فلم انڈسٹری میں کام کررہی، وینا اور ریما کی شادی ہوگئی اور وہ باہر چلی گئی۔

    انھوں نے کہا کہ میں نے اسپتال کا پروجیکٹ شروع کیا ، انڈیا اور پاکستان میں پہلے کسی نے اس بارے میں نہیں سوچا ، میں نے اسپتال کیلئے فنڈز ریزنگ کی ، امریکہ جاکر شوز کئے، اسپتال پروجیکٹ میں وقار علی نے بہت تعاون کیا،امریکہ میں ڈاکٹر اسد اور انکی اہلیہ نے بھی بہت تعاون کیا لیکن جب میڈیا پر اس طرح کی باتیں آتی ہیں تو پریشان ہوجاتے ہیں۔

    انھوں نے بتایا کہ مجھے بگ باس سے تین سے چار بار آفر آئی پر میں نے انکار کردیا کیونکہ جو وہ چاہتے میں نہیں کرسکتی۔

    میرا نے کہا کہ میں کچھ جان بوجھ کر کچھ نہیں کرتی اب پاکستانی اداکارہ ماہرہ خان بھارت گئی وہاں انھیں دھمکیاں مل رہی ہے تو کیا وہ یہ جان بوجھ کر کر رہی ہے۔

    میرا کا انگلش بولنے کے حوالے سے کہا کہ برطانیہ میں انگلش بولنےکا انداز الگ ہیں اور امریکہ میں انگلش الگ انداز میں پولی جاتی ہییں ۔ میں انگلش بولتی ہو تو لوگ اسکو خبر بنانے کیلئےغلط انداز میں پیش کرتے ہیں۔

    میرا کا شادی  سے متعلق کہنا تھا کہ کوئی مجھ سے شادی ہی نہیں کرتا ، جب بارات کا وقت آتا ہے تو سب بھاگ جاتے ہیں۔

    انکا کہنا تھا کہ بھارت جاکر ایکٹنگ اور ڈانس کی کلاسز لیتی ہوں، میں نے ہندی ، انگلش سیکھی، میرا کا کہنا تھا کہ میں کیسی بھی بات کی صفائی دینا ضروری نہیں سمجھتی، میری اپنی فیملی ہے، اللہ نے مجھے بہت کچھ دیا ہے۔

  • مہمندایجنسی: صحت مراکز کے فنڈز میں غبن کا انکشاف

    مہمندایجنسی: صحت مراکز کے فنڈز میں غبن کا انکشاف

    پشاور: مہمندایجنسی میں صحت کے بنیادی مراکز میں ایک کروڑ روپے سے زائد کے غبن کاانکشاف ہوا ہے اور حکومت نے ذمہ داروں کے خلاف کاروائی کاحکم بھی دیدیا گیا ہے۔

    سرکاری ذرائع نے اے آروائی نیوز کو بتایا  ہے کہ مہمندایجنسی کے مختلف علاقوں میں قائم چوالیس صحت کے مراکز کے لیے مختص فنڈزمیں غبن کی گئی ہے، سرکاری اہل کاروں نے ایک کروڑساٹھ لاکھ روپے کی رقم ہڑپ کرلی ہے جبکہ ملازمین کوتنخواہیں بھی ادا نہیں کی گئی ہیں۔

    ایڈیشنل چیف سیکرٹری فاٹا اعظم خان نے صحت کے بنیادی مراکز میں غبن کا نوٹس لیتے ہوئے ذمہ داروں کی نشاندہی اورخردبرد کئے گئے سرکاری فنڈزکی ریکوری کاحکم بھی دے دیا ہے۔

  • مسلم لیگ ن کے کارکنان کا اے آروائی نیوز کی ڈٰی ایس این جی پر حملہ

    مسلم لیگ ن کے کارکنان کا اے آروائی نیوز کی ڈٰی ایس این جی پر حملہ

    اسلام آباد : ہائی وے پر مسلم لیگ کے کارکنوں نے اے آر وائی نیوز کی ڈی ایس این جی پر حملہ کردیا۔

    اسلام آباد : قائد آباد انٹر چینج سے حکومت سے اظہار یکجہتی کے لئے نکالی جانے والی ریلی کی کوریج کے لئے موجود  اے آر وائی کی ڈی ایس این جی پر حکمراں جماعت کے بے لگام کارکنوں نے حملہ کیا گیا، ریلی کی قیادت صوبائی وزیر راجہ اشفاق سرور کر رہے تھےجبکہ دیگر اراکین قومی و صوبائی اسمبلی شریک تھے، حملہ آروں نے ڈنڈوں سے  اے آر وائی نیوز کی ڈی ایس این جی کے شیشے توڑ ڈالے اور ساتھ ہی اے آر وائی نیوز کے عملے کو شدید نتائج کی دھمکیاں بھی دیں، ڈی ایس این جی پر حملے کی ملکی مذہبی و سیاسی اور صحافتی تنظٕیوں کی جانب سے مذمتوں کا سلسلہ جاری ہے۔

  • اے آروائی نیوز کی معطلی کا فیصلہ درست نہیں تھا،اسرارعباسی

    اے آروائی نیوز کی معطلی کا فیصلہ درست نہیں تھا،اسرارعباسی

    پیمراکے پرائیویٹ ممبران اسرارعباسی اور میاں شمس نےکہا ہے اے آروائی نیوز کی نشریات معطلی کا فیصلہ درست نہیں تھا، پرویز راٹھور سےمتعلق ان کا موقف درست ثابت ہوگیا،پرویزراٹھور کے فیصلوں پر نظرثانی ہوگی۔

    پرویزراٹھورکا قائم مقام چیئرمین اورممبرپیمراکانوٹی فکیشن معطل ہونے پر ممبر پیمرا اسرارعباسی نے کہا ہے ہائی کورٹ کے فیصلے سے ہمارا موقف درست ثابت ہوگیاکہ حکومت پیمرا کے معاملات میں مداخلت کر رہی ہے۔

    اسرارعباسی نے کہا کہ اے آروائی نیوز کی نشریات معطلی کا فیصلہ درست نہیں تھا،چوہدری رشید کی پیٹشن کافیصلہ آنے کے بعد اجلاس طلب کرینگے۔  ممبر پیمرا میاں شمس کا کہنا تھا اے آروائی نیوز کی نشریات معطلی اورجرمانہ غیرقانونی تھا،عدالت نے انصاف کردیا،پرویز راٹھور کے فیصلوں پرنظرثانی کی جائے گی۔

    اسلام آباد ہائی کورٹ کے فیصلے کا ملک کی صحافتی تنظیوں نے خیر مقدم کیا ہے اور اسے سچائی کی فتح قرار دیا۔سیکریٹری جنرل پی ایف یو جے امین یوسف نے کہا کہ قائم مقام چیئرمین پیمرا کوہٹانا ہمارا بھی مطالبہ تھا۔