Tag: اے آر وائی نیوز

وزیراعظم کا دورہ مصحف بیس، ایف 16 طیارے میں پرواز کی

سرگودھا : وزیرِاعظم شاہد خاقان عباسی نے کہا ہے کہ پاک فضائیہ دہشت گردی کے ناسور کے خاتمے میں کردار ادا کر رہی ہے جب کہ تعلیم اور صحت کے شعبوں میں بھی پاک فضائیہ نے قابل ستائش خدمات انجام دی ہیں.

یہ بات وزیر اعظم شاہد خاقان عباسی نے مصحف بیس سرگودھا کے دورے ایئر چیف سہیل امان اور اعلی افسران سے گفتگو کے دوران کی انہوں نے پاک فضائیہ کی جنگی مہارت اور دفاع وطن کے لیے خدمات پر خراج تحسین پیش کیا.

وزیراعظم شاہد خاقان عباسی کو نے ایف 16 طیارے میں پرواز بھی کی اور پرواز کے دوران ہی انہیں ایئر چیف سہیل امان نے وزیراعظم کو پاک فضائیہ کی آپریشنل تیاریوں، قدرتی آفات سے نمٹنے اور امدادی کاموں اور تعلیم اورصحت کےشعبوں میں بھی پاک فضائیہ کی خدمات پر بریفنگ دی.

خیال رہے شاہد خاقان عباسی پاکستان کی تاریخ کے پہلے وزیراعظم ہیں جنہوں نے ایف16 میں پرواز کی اور دوران پروز ہی بریفنگ لی اس موقع پر وزیراعظم کا کہنا تھا کہ فضائی حدود کے تحفظ میں پاک فضائیہ کا کردار قابل تعریف ہے اور پاک سرزمین کی حفاظت میں پاک فضائیہ کے جوانوں نے اپنے جانوں کے نذرانے پیش کیے.

وزیراعظم شاہد خاقان عباسی نے 1965 کی جنگ میں پاک فضائیہ کے لازوال کردار اور جرات و بہادری کو خراج تحسین پیش کرتے ہوئے کہا کہ پاک فضائیہ نے اپنے سے بڑی فورس کو منہ توڑ جواب دے کر فضائیہ کی دنیا میں ایک تاریخ رقم کی جس کی نظیر نہیں ملتی.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ستمبر 9, 2017
دھوکہ باز دوستوں نے خواجہ سرا سے شادی کرادی، انصاف دلایا جائے، متاثرہ شخص کی اپیل

چنیوٹ : چنیوٹ میں دوستوں نے پیسے کے عوض اپنے ہی دوست کی شادی ایک خواجہ سرا سے کرادی اور خود فرار ہوگئے جب کہ متاثرہ شخص شکایت لے کرتھانے پہنچ گیا.

تفصیلات کے مطابق چنیوٹ کے 52 سالہ گلزار کے دھوکہ باز دوستوں نے شادی کرانے کا وعدہ کر کے 50 ہزار روپے اینٹھ لیے جب کہ دوست کی شادی ایک خواجہ سرا سے کروا دی اور خود فرار ہو گئے۔

حواس باختہ دولہا گلزار کا کہنا ہے کہ اس کا نکاح مئی کے مہینے میں دوستوں نے سونیا کرایا تھا تاہم جب رخصتی ہوئی تو پتہ چلا کہ سونیا دلہن نہیں بلکہ خواجہ سرا ہے جس پے میں دوستوں کے پاس گیا تو وہ بھاگ چکے تھے.

دوستوں سے دھوکہ کھانے والے گلزار نے قریبی تھانے میں اپنے دوستوں کی خلاف درخواست جمع کراتے ہوئے کہا کہ دوست نے پچاس ہزار روپے ایڈوانس لیئے تھے۔

گلزار نے پولیس کو بتایا کہ اُسے بچوں کی خواہش نے اس دھوکے سے دوچار کیا اور میں اپنے ہی دوستوں کے ہاتھوں لُٹ گیا اس لیے میری پولیس سے اپیل ہے کہ مجھے انصاف فراہم کیا جائے.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ستمبر 8, 2017
برما کے سفیر کو ملک بدر کرنے کا مطالبہ کرتے ہیں، سراج الحق

لوئر دیر: امیر جماعت اسلامی سراج الحق نے کہا ہے کہ آئین کے آرٹیکلز 62 اور 63 کا خاتمہ آئین پر خود کش حملہ ہوگا جس کی اجازت نہیں دی جائے گی.

وہ لوئر دیر میں اجتماع سے خطاب کر رہے تھے انہوں نے کہا کہ جماعت اسلامی کل ملک بھر نماز جمعہ کے اجتماعات کے بعد روہنگیا مسلمانوں پر ڈھائے جانے والے مظالم کے خلاف مظاہرے کرے گی جس میں بڑی تعداد میں شرکت کرکےعوام حکومت وقت اور عالمی برادری کو واضح پیغام دیں گے.

انہوں نے کہا کہ ہم اپنے مظلوم روہنگیائی مسلمانوں کے ساتھ دکھ پریشانی اور اذیت کے اس کڑے وقت میں شانہ بشانہ کھڑے ہیں اور روہنگیا کے مسلمانوں کو ظالم و جابر حکمرانوں سے نجات دلانے کے لیے اپنا کردار ادا کرتے رہیں گے اور سطح پر اس کے خلاف آواز اُٹھائیں گے.

امیر جماعت اسلامی سراج الحق نے کہا کہ ہمارا مطالبہ ہے کہ حکومت ملی غیرت و حمیت کا مظاہرہ کرتے ہوئے برما کے سفیر کو ملک بدر کردے اگر حکومت ایسا کرنے میں کامیاب رہتی ہے تو ہم بھی اپنے احتجاج کی کال واپس لے لیں گے.

انہوں نے کہا کہ آئین کا تحفظ ملکی سلامتی وبقا کی ضمانت ہے جس کا ہم نے حلف اٹھا رکھا ہے اس لیے جماعت اسلامی آئین کی شق 63 اور 62 کے خاتمے کی اجازت نہیں دے گی اور حکومت کو اس معاملے پر سخت مزاحمت رہے گا.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

ستمبر 7, 2017
کلثوم نواز کے کاغذات نامزدگی کی منظوری کے خلاف سماعت، فل بینچ تشکیل

اسلام آباد: سابق وزیر اعظم نواز شریف کی اہلیہ کلثوم نواز کے کاغذات نامزدگی کی منظوری کے خلاف درخواست کی سماعت کے لیے فل بینچ تشکیل دے دیا گیا۔

تفصیلات کے مطابق یہ فل بینچ کل کلثوم نواز کے کاغذات نامزدگی کے خلاف درخواست کی سماعت کرے گا۔ بینچ میں جسٹس قاضی امین الدین، جسٹس شمس محمود مرزا، جسٹس عبید الرحمٰن شامل ہیں۔

کلثوم نواز کے کاغذات نامزدگی کی منظوری کے خلاف حلقہ این اے 120 سے پیپلز پارٹی کے امیدوار فیصل میر نے درخواست دی تھی۔

یاد رہے کہ کلثوم نواز اپنی علالت کے باعث آج کل لندن میں زیر علاج ہیں۔

این اے 120 کی انتخابی مہم فی الحال ان کی صاحبزادی مریم نواز چلا رہی ہیں، تاہم ذرائع کا کہنا ہے کہ 7 ستمبر کو سابق وزیر اعظم نواز شریف وطن واپس آرہے ہیں جو آتے ہی انتخابی مہم کا میدان سنبھال لیں گے۔

ستمبر 5, 2017
سابق وزیر اعظم نواز شریف کا 7 ستمبر کو وطن واپسی کا امکان

لاہور: سابق وزیر اعظم نواز شریف کا 7 ستمبر کو لندن سے وطن واپس پہنچنے کا امکان ہے۔

تفصیلات کے مطابق بیمار اہلیہ کلثوم نواز کی تیمار داری کے بعد سابق وزیر اعظم نواز شریف کا 7 ستمبر کو لندن سے لاہور پہنچنے کا امکان ہے۔

ذرائع کے مطابق نواز شریف وطن آتے ہی این اے 120 کے ضمنی معرکے اور عوامی رابطہ مہم کا آغاز کریں گے۔

ذرائع کا کہنا ہے کہ شریف خاندان نواز شریف کی وطن واپسی کے حق میں نہیں ہے تاہم وطن واپسی سے پہلے نواز شریف چھوٹے بھائی اور وزیر اعلیٰ پنجاب شہباز شریف سے تبادلہ خیال کریں گے۔

وزیر اعلیٰ پنجاب شہباز شریف آج صبح ہی پی کے 757 سے 3 روزہ دورے پر لندن روانہ ہوئے ہیں۔

ستمبر 5, 2017
روہنگیا مسلمانوں کا قتل عام: مختلف اسمبلیوں میں مذمتی قراردادیں

اسلام آباد: میانمار میں روہنگیا مسلمانوں کے قتل عام اور لرزہ خیز مظام کے خلاف سینیٹ، قومی اور صوبائی اسمبلیوں میں مذمتی قراردادیں جمع کروائی گئیں۔ قراردادوں میں اقوام متحدہ کے ذریعے میانمار میں مسلمانوں کی نسل کشی رکوانے کا مطالبہ کیا گیا۔

تفصیلات کے مطابق روہنگیا مسلمانوں پر ظلم کے خلاف متحدہ قومی موومنٹ پاکستان نے قومی اسمبلی میں مذمتی قرارداد جمع کروائی۔

قرارداد میں کہا گیا کہ روہنگیا کے مسلمانوں پر مظالم کی انتہا کر دی گئی۔ اقوام متحدہ کے ذریعے برما میں مظالم کا سلسلہ رکوایا جائے۔

قرارداد کے متن میں مطالبہ کیا گیا کہ روہنگیا متاثرین کو ہر ممکن مدد فراہم کی جائے۔ متاثرین کو ہمسایہ ممالک میں داخلے کی اجازت دی جائے۔

ایم کیو ایم پاکستان نے اسی نوعیت کی تحریک التوا سینیٹ میں بھی جمع کروائی۔

سندھ اسمبلی

روہنگیا مسلمانوں کے قتل عام کے خلاف صوبہ سندھ کی اسمبلی میں 2 قراردادیں جمع کروائی گئیں جن میں سے ایک متحدہ قومی موومنٹ پاکستان اور دوسری پاکستان تحریک انصاف نے جمع کروائی۔

ایم کیو ایم کی جانب سے جمع کروائی گئی قرارداد میں کہا گیا کہ روہنگیا کے مسلمانوں پر مظالم کی انتہا کردی گئی۔ اقوام متحدہ کے ذریعے برما میں مظالم کا سلسلہ رکوایا جائے۔

پاکستان تحریک انصاف نے بھی اپنی قرارداد میں برما کے مسلمانوں پر لرزہ خیز مظالم کی مذمت کی۔ قرارداد میں حکومت سے برما میں مسلمانوں کے قتل عام کا معاملہ عالمی سطح پر اٹھانے کا مطالبہ بھی کیا گیا۔

پنجاب اسمبلی

صوبہ پنجاب کی اسمبلی میں بھی پاکستان تحریک انصاف نے میانمار میں روہنگیا مسلمانوں پر لرزہ خیز ظلم کے خلاف قرارداد جمع کروائی۔

مذمتی قرارداد تحریک انصاف کے شعیب صدیقی کی جانب سے جمع کرائی گئی جس میں برما کی حکومت کے خلاف اقوام متحدہ میں بھر پور آواز اٹھانے کا مطالبہ کیا گیا۔

خیبر پختونخواہ اسمبلی

صوبہ خیبر پختونخواہ کی اسمبلی میں بھی روہنگیا مسلمانوں پر دردناک مظالم کے خلاف مذمتی قرارداد جمع کروائی گئی۔

قرارداد میں وفاقی حکومت سے برما کی مسلمانوں کی بھرپور مدد کا مطالبہ کرتے ہوئے کہا گیا کہ پاکستان، او آئی سی اور سیکیورٹی کونسل میں برمی مظالم کے خلاف آواز اٹھائے۔

قرارداد میں مزید کہا گیا کہ پاکستان بھی ترک حکومت کے اقدمات کی تقلید کرے۔

یاد رہے کہ ترکی نے بنگلہ دیش سے روہنگیا مسلمانوں کے لیے اپنی سرحدیں کھولنے کی اپیل کرتے ہوئے یقین دہانی کروائی ہے کہ پناہ گزینوں کے تمام اخراجات ترک حکومت برداشت کرے گی۔

ستمبر 5, 2017
بہادر دریائی گھوڑوں نے مگر مچھ کے منہ سے اس کا نوالہ چھین لیا

گو کہ انسان کو اشرف المخلوقات کا درجہ حاصل ہے، لیکن جانور، جانور ہونے کے باوجود محبت، ’انسانیت‘ اور ہمدردی کی ایسی مثالیں قائم کر جاتے ہیں جنہیں دیکھ کر عقل دنگ رہ جاتی ہے۔

حال ہی میں یوٹیوب پر اپ لوڈ کی جانے والی ایک ویڈیو نے سب کی توجہ حاصل کرلی جس میں 2 دریائی گھوڑے نہایت بہادرانہ انداز میں ایک جانور کو مگر مچھ کے خطرناک جبڑوں سے چھڑا رہے ہیں۔

افریقہ میں پایا جانے والا بکری اور بھیڑ کی نسل کا ایک جانور وائلڈ بیسٹ اس وقت مگر مچھ کے شکنجے میں آگیا جب وہ دریا سے پانی پی رہا تھا۔ مگر مچھ نے مضبوطی سے اس کی ٹانگ اپنے خوفناک جبڑوں میں جکڑ لی۔

گو کہ وہاں زیبروں اور وائلڈ بیسٹس کا اچھا خاصا جھنڈ موجود تھا مگر انہوں نے اس جھگڑے میں اپنی ٹانگ پھنسانے سے گریز کیا اور آرام سے گھاس چرتے رہے۔

بے بس جانور کئی منٹوں تک پوری قوت سے مگر مچھ سے بچنے کی کوشش کرتا رہا، اور قریب تھا کہ وہ ناکام ہوجاتا، کہ اچانک کہیں سے 2 دریائی گھوڑے نمودار ہوئے۔

انہوں نے جب یہ منظر دیکھا تو فوراً اس جانور کی مدد کے لیے دوڑے۔ ایک دریائی گھوڑے نے مگر مچھ کے اوپر چھلانگ لگائی جس سے بالآخر اس نے وائلڈ بیسٹ کی ٹانگ چھوڑ دی۔

دو جثیم دریائی گھوڑوں کو اپنے مدمقابل دیکھ کر مگر مچھ نے بھی واپس پانی میں جانے میں ہی اپنی عافیت سمجھی اور سطح آب سے غائب ہوگیا۔

بے چارہ وائلڈ بیسٹ پانی سے دور جا کر لیٹ گیا اور گہرے سانس لینے لگا جبکہ دریائی گھوڑے بھی خوشی سے اسے دیکھنے لگے۔

یوٹیوب پر اس انوکھی ویڈیو کو اب تک 20 لاکھ سے زائد افراد دیکھ چکے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ستمبر 5, 2017
خیبر پختونخواہ میں ڈینگی کا کاری وار، 15 افراد ہلاک

پشاور: صوبہ خیبر پختونخواہ میں ڈینگی وائرس نے خطرناک طریقے سے اپنے پنجے گاڑ لیے اور اب تک 15 افراد اس مرض کے ہاتھوں جان کی بازی ہار چکے ہیں۔

تفصیلات کے مطابق خیبر پختونخواہ میں گزشتہ 2 ماہ سے ڈینگی کا وائرس سینکڑوں افراد کو اپنا نشانہ بنا چکا ہے اور اب تک 15 افراد اس کا شکار ہو کر جاں بحق ہوچکے ہیں۔

صوبے بھر کے مختلف اسپتالوں میں ڈینگی سے متاثرہ 400 سے زائد افراد زیر علاج ہیں۔

مزید پڑھیں: ڈینگی کی علامات سے باخبر رہیں

ڈینگی رسپانس یونٹ کے مطابق 1500 سے زائد افراد کے ڈینگی وائرس کے ٹیسٹ کیے گئے جن میں 300 کے قریب میں ڈینگی کی تصدیق ہوئی۔

خیبر پختونخواہ کے شہر ایبٹ آباد میں ایوب ٹیچنگ اسپتال میں زیر علاج 2 افراد اس وائرس کے باعث ہلاک ہوئے جبکہ صوبائی دارالحکومت پشاور کا علاقہ تہکال سب سے زیادہ متاثر ہوا ہے۔

ڈینگی کے دیگر مریض ایبٹ آباد، صوابی اور مردان سے آرہے ہیں۔

ڈینگی کے پھیلاؤ کو روکنے کے لیے پشاور میں گھر گھر اسپرے کی مہم شروع کردی گئی ہے۔

مزید پڑھیں: مچھروں سے بچنے کے طریقے

اس سے قبل پنجاب کی صوبائی حکومت نے ڈینگی سے نمٹنے کے لیے محکمہ صحت کی ٹیمیں بھی خیبر پختونخواہ روانہ کی تھیں جنہوں نے مختلف مقامات پر میڈیکل کیمپس لگا رکھے ہیں۔

ڈینگی کے علاج کے لیے آنے والا ڈاکٹر بھی ڈینگی کا شکار

دوسری جانب میانوالی سے پشاور آنے والے ایک ڈاکٹر، ڈاکٹر عابد خود بھی اس وائرس کا شکار ہوگئے۔ ڈاکٹر عابد کو پشاور کے علاقے تہکال میں تعینات کیا گیا تھا جہاں وہ خود بھی ڈینگی وائرس کا شکار ہوگئے جس کے بعد انہیں واپس میانوالی بھجوا دیا گیا۔

تاہم ان کے ساتھ کام کرنے والے دیگر ڈاکٹرز کا کہنا ہے کہ ڈاکٹر عابد ڈینگی نہیں ملیریا کا شکار ہوئے ہیں۔

ڈینگی کے خطرناک پھیلاؤ کو روکنے کے لیے ضلعی و صوبائی انتظامیہ کی بھرپور کوششیں جاری ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ستمبر 5, 2017
اےآر وائی حملہ کیس: فاروق ستار کو گرفتار کر کے پیش کرنے کا حکم

کراچی: پاکستان مخالف نعرے لگانے اور اے آر وائی نیوز کے دفتر پر حملے کے کیس میں انسداد دہشت گردی عدالت نے ڈی جی رینجرز کو ایم کیو ایم رہنما فاروق ستار سمیت دیگر ملزمان کی 31 مئی تک گرفتاری کا ٹاسک دے دیا۔

تفصیلات کے مطابق 22 اگست کو اے آر وائی نیوز کے دفتر پر حملہ کرنے کے کیس میں ایم کیو ایم رہنما فاروق ستار کی گرفتاری کا حکم جاری ہوگیا۔

انسداد دہشت گردی عدالت نے ڈی جی رینجرز میجر جنرل محمد سعید کو ایم کیو ایم رہنما فاروق ستار سمیت دیگر ملزمان کو 31 مئی تک گرفتار کرنے کا ٹاسک دے دیا۔

مزید پڑھیں: اے آر وائی نیوز کے دفتر پر ایم کیو ایم کارکنان کا حملہ

عدالت نے ایم کیو ایم کے کنوینئر ڈاکٹر فاروق ستار اور سینئر ڈپٹی کنوینئر عامر خان کے وارنٹ بھجوا دیے۔

اے ٹی سی نے حکم دیا کہ مفرور ملزمان کو گرفتار کر کے 31 مئی کو پیش کیا جائے۔

یاد رہے کہ 22 اگست کو قائد متحدہ کی اشتعال انگیز تقریر کے بعد ایم کیو ایم کے مشتعل کارکنان نے اے آر وائی نیوز کے دفتر پر حملہ کردیا تھا۔

مظاہرین نے دفتر میں شدید توڑ پھوڑ کی، سیکیورٹی عملے کو تشدد کا نشانہ بنایا جبکہ خواتین سمیت دفتر میں موجود ملازمین کو ہراساں کیا گیا۔

مزید پڑھیں: اے آر وائی کے دفتر پر حملہ کرنے والے 3 ماسٹر مائنڈ گرفتار

واقعے کے بعد ایم کیو ایم رہنماؤں نے اپنے قائد کے بیان سے لاتعلقی کا اظہار کردیا جس کے بعد متحدہ قومی موومنٹ دو دھڑوں، ایم کیو ایم پاکستان اور ایم کیو ایم لندن میں تقسیم ہوگئی۔

حملے میں ملوث متعدد ملزمان کو گرفتار کیا جاچکا ہے جبکہ حملہ آوروں میں شامل خواتین کو بھی گرفتاری کے بعد ضمانت پر رہائی ملی تھی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مئی 16, 2017
ملک سے سودی نظام کا خاتمہ، 13 فروری سے روز سماعت ہوگی، عدالت

اسلام آباد: وفاقی شرعی عدالت میں ملک سے سودی نظام کے خاتمے سے متعلق مقدمات کی سماعت ہوئی، جج نے آئندہ سماعت سے ان مقدمات کی سماعت روزانہ کی بنیاد پر کرنے کے احکامات جاری کیے۔

تفصیلات کے مطابق وفاقی شرعی عدالت میں ملک سے سودی نظام کے خاتمے سے متعلق مقدمات کی سماعت ہوئی، چیف جسٹس وفاقی شرعی عدالت جسٹس ریاض احمد کی سربراہی میں جسٹس ڈاکٹرفدامحمد خان،جسٹس نجم الحسن اور جسٹس ظہور احمدشیروانی پر مشتمل عدالت کے چار رکنی لارجر بینچ نے مقدمات کی سماعت کی۔

وفاقی شرعی عدالت نے سودی نظام خاتمے کے مقدمات کی سماعت 13 فروری تک ملتوی کرتے ہوئے احکامات جاری کیے کہ آئندہ سے ان مقدمات کی سماعت روزانہ کی بنیاد پر کی جائے گی اور کسی صورت کیس ملتوی نہیں کیا جائے گا۔

اٹارنی جنرل نے بھی سماعت مکمل کرنے کیلئے بھرپور تعاون کی یقین دہانی کراوائی جبکہ کیس کی سماعت کے دوران فریقین نے باہمی مشاورت سے عدالت کو آگاہ کیا کہ آئندہ سماعت سے جماعت اسلامی کے وکیل دلائل کاآغاز کرینگے۔

دوران سماعت اٹارنی جنرل اشتر اوصاف، جماعت اسلامی کے وکلا قیصر امام، سیف اللہ گوندل،توصیف عباسی، شیر حامد خان اور دیگر فریقین عدالت میں پیش ہوئے۔جماعت اسلامی کے وکیل قیصر امام نے عدالت کو بتایا کہ جماعت اسلامی کے وکلاء ایک ٹیم کی اس مقدمہ کے تمام پہلوؤں پر عدالت کی معاونت کرے گی۔

ان کا کہنا تھاکہ سپریم کورٹ کی طرف سے اس مقدمہ کو شرعی عدالت میں ریمانڈ کرنے اور اس ضمن میں اٹھائے گئے تمام سوالات کے جوابات کے حوالے سے بھی معاونت کی جائے گی۔

اٹارنی جنرل نے موقف اختیار کیا کہ وفاقی حکومت خود چاہتی ہے کہ از کیس کا فیصلہ جلد ہو کیونکہ یہ مقدمہ ملک کے عوام کے معاشی مسائل سے متعلق ہے۔ بعد ازاں عدالت نے کیس کی سماعت 13فروری تک ملتوی کردی۔

جنوری 31, 2017