اسلام آباد: وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ مریم نواز پہلے ابو سے کہیں کہ قوم سے معافی مانگیں.
ان خیالات کا اظہار انھوں نے مسلم لیگ ن کی نائب صدر مریم نواز کی پریس کانفرنس پر ردعمل دیتے ہوئے کیا.
وفاقی وزیر نے کہا کہ ابو کو معافی مانگے کا کہیں، پھربھائیوں کوفون کریں اور جتنے پیسے پاکستان سے باہر گئے ہیں، انھیں واپس منگوائیں.
انھوں نے کہا کہ جب یہ تمام مراحل طے ہوجائیں، تب آپ پلی بارگین کی درخواست دیں اور درخواست منظور ہو جائے تو ابو کو جیل سے لندن لے جائیں.
خیال رہے کہ آج پریس کانفرنس میں مسلم لیگ ن کی نائب صدر مریم نواز نے حکومت کو کڑی تنقید کا نشانہ بنایا. اس پریس کانفرنس سے ان کے اور شہباز شریف کے اختلافات کھل کر سامنے آگئے.
مزید پڑھیں: مریم نواز نے شہبازشریف کی میثاق معیشت کی تجویز کی مخالفت کردی
مریم نوازنےشہبازشریف کی میثاق معیشت کی تجویز مسترد کردی اور کہا میاں نوازشریف کوانصاف دلانے کے لیے آخری حدتک جاؤں گی ، نوازشریف کو کچھ ہوا تو معاملے میں شامل افراد سب ذمہ دار ہوں گے، میاں صاحب کو مرسی نہیں بننے دیں گے.
پریس کانفرنس پر ردعمل دیتے ہوئے شیخ رشید نے کہا تھا کہ مریم نواز سیاسی شہید بننا چاہتی ہیں، مگر شہبازشریف کی سوچ مختلف ہے.
