لاہور: وفاقی وزیر خزانہ اسد عمر نے کہا ہے کہ ضمنی الیکشن میں سب سے زیادہ نشستیں پی ٹی آئی نے جیتی ہیں.
ان خیالات کا اظہار انھوں نے اے آر وائی کے پروگرام آف دی ریکارڈز میں گفتگو کرتے ہوئے کیا، ان کا کہنا تھا کہ ضمنی الیکشن میں نشستیں ہارنے کی وجہ حکومتی کارکردگی کو قرارنہیں دیا جا سکتا.
[bs-quote quote=”پانچ بڑی صنعتوں کے لیے گیس سستی کردی ہے، بجلی سستی کرنےکا اعلان کل کریں گے” style=”style-7″ align=”left” author_name=”اسد عمر”][/bs-quote]
اسدعمر نے کہا کہ ضمنی انتخابات میں عام انتخابات کا عکس نظرآیا، ہر سیاسی جماعت میں اونچ نیچ ہوتی ہے.
انھوں نے گیس اور بجلی کی بڑھتی قیمتوں پر کہا کہ ماضی کی حکومتوں کے اقدامات کی وجہ سے بال بال قرض میں ڈوبا ہوا ہے، اداروں میں لوگ ن لیگ کے اور قانون بھی پچھلی حکومتوں کا ہے.
اسد عمر کا کہنا تھا کہ پی ٹی آئی حکومت نے جو فیصلے کئے وہ ماضی کی حکومتوں کی وجہ سےکرنے پڑے، ن لیگ نے 37فیصد بجلی کی قیمتیں بڑھائی تھیں، بجلی کی قیمتیں نہ بڑھانے کا ن لیگ کا دعویٰ جھوٹا ہے.
اسد عمر نے کہا کہ قرض کے دلدل کی وجہ سے روپے کی قدر میں کمی آئی ہے، پچھلے 5 سال ن لیگ میں ملک کی معیشت کا بیڑہ غرق کیا ہے، 2018میں جو تباہی آئی ہے اس کی ذمے دار 100فیصدن لیگ ہے۔
انھوں نے کہا کہ پانچ بڑی صنعتوں کے لیے گیس سستی کردی ہے، بجلی سستی کرنےکا اعلان کل کریں گے۔
ان کا کہنا تھا کہ آئی ایم ایف سے قرض نہیں لیا تو بہت تکلیف سےگزرناپڑےگا، آئی ایم ایف سے ایساپروگرام طےکرناہے جو عوام کو مشکلات سے بچائے۔ ہم ایسی شرائط نہیں مانیں گے جو پاکستان کے خلاف ہو۔
اسد عمر کے مطابق حکومت پیسے ان جگہوں پر خرچ کرے گی، جس سے عوام کو فائدہ ہو۔ جو بھی پروگرام ہو گا۔ پارلیمنٹ لے کر جائیں گے۔
وزیر خزانہ نے کہا کہ برآمدات بڑھا کر ہی مشکل سے نکل سکتے ہیں، منی لانڈرنگ کے خلاف قانون تیار کرلیا۔ یہ بڑی لعنت ختم ہو گی تو ملک ترقی کرے۔
اسلام آباد: ملک بھر میں قومی اور صوبائی اسمبلی کی 35 نشتوں پر ہونے والے ضمنی انتخابات کے غیر حتمی اور غیر سرکاری نتائج مکمل ہوچکے ہیں، تحریک انصاف اور مسلم لیگ ن قومی اسمبلی کی چار چار نشستیں حاصل کرنے میں کامیاب ہوگئیں۔
تفصیلات کے مطابق عام انتخابات کے ملک کے مختلف 35 حلقوں میں ضمنی انتخابات کا انعقاد کیا گیا، جس میں شہریوں اور تاریخ میں پہلی بار سمندر پار پاکستانیوں نے آن لائن ووٹ کاسٹ کیا۔
قومی اسمبلی کی نشستوں کے غیر حتمی غیر سرکاری نتائج
صوبائی اسمبلی کی نشستوں کے غیر حتمی غیر سرکاری نتائج
قومی اسمبلی کے حلقے
قومی اسمبلی کی 11نشستوں کے غیرسرکاری غیر حتمی نتائج کے مطابق مسلم لیگ ن کے 4، تحریک انصاف کے 4، مسلم لیگ ق 2 اور ایک نشست پر ایم ایم اے امیدوار کامیاب ہوئے۔
این اے124لاہور 2سے مسلم لیگ ن کے شاہدخاقان عباسی، این اے56 سےمسلم لیگ ن کےسہیل خان، این اے 103 فیصل آباد سے مسلم لیگ ن کےعلی گوہر بلوچ، این اے65 چکوال سے ق لیگ کےچوہدری سالک کامیاب اور این اے 69گجرات2 سے مسلم لیگ ق کے مونس الہٰی نے میدان مارلیا۔ اسی طرح این اے53 پرپی ٹی آئی کے امیدوار علی نواز اعوان نےمیدان مارا اور این اے 243 پر پی ٹی آئی کےعالمگیر خان کامیاب قرار پائے۔
این اے 65 ق لیگ کی کامیابی
این اے 65چکوال 2سے مسلم لیگ ق کے چوہدری سالک حسین نے 98ہزار 364 ووٹ لے میدان مار ا جبکہ تحریک لبیک پاکستان کے محمد یعقوب 34ہزار 811 کے ساتھ دوسرے نمبر پر رہے۔
این اے 124 شاہد خاقان عباسی کامیاب
قومی اسمبلی کے حلقہ این اے این اے 124لاہور سے مسلم لیگ ن کے شاہدخاقان عباسی 75 ہزار 102 ووٹ لے کر کامیاب ہوئے جبکہ تحریک انصاف کے غلام محی الدین 30ہزار 115 ووٹ لے کر دوسرے نمبر پر رہے۔
این اے 153 پی ٹی آئی کامیاب
قومی اسمبلی کے حلقہ این اے 53 سے پی ٹی آئی کے علی نواز اعوان 56ہزار 664 ووٹ لے کر کامیاب قرار پائے جبکہ مسلم لیگ ن کے امیدوار وقار احمد نے 32ہزار 171 ووٹ حاصل کیے۔
این اے 56 ن لیگ کو برتری
این اے 56 اٹک سے مسلم لیگ ن کے امیدوارسہیل خان 25 ہزار 665 ووٹ حاصل کر کے کامیاب قرار پائے جبکہ تحریک انصاف کے خرم علی خان 89 ہزار 709 ووٹز کے ساتھ دوسرے نمبر پر رہے۔
این اے 69 مونس الہٰی کامیاب
این اے 69گجرات2سے مسلم لیگ ق کے امیدوار مونس الہٰی 61 ہزار 763 ووٹ لے کر فاتح قرار پائے جبکہ مسلم لیگ ن کے عمران ظفر 19 ہزار 867 ووٹ لے کر دوسرے نمبر پر رہے۔
این اے 243 پی ٹی آئی کامیاب
کراچی قومی اسمبلی کے حلقہ این اے 243 کے 216 پولنگ اسٹیشنز سے عالمگیر خان محسود 35727 ووٹ لے کر کامیاب قرار پائے جبکہ ایم کیو ایم کے عامر چشتی 15ہزار 113 ووٹ حاصل کرسکے۔
این اے 60پی ٹی آئی کو برتری
این اے 60سے پی ٹی آئی کے راشد شفیق کامیاب قرار پائے، غیر سرکاری نتیجہ کے مطابق راشد شفیق نے 44283ووٹ حاصل کئے جبکہ ان کے مد مقابل ن لیگ کے سجاد خان نے43839ووٹ حاصل کئے۔
این اے 131 خواجہ سعد رفیق کامیاب
این اے 131کا معرکہ مسلم لیگ ن کے خواجہ سعد رفیق نے اپنے نام کرلیا، غیرسرکاری اور غیرحتمی نتیجہ کے مطابق خواجہ سعد رفیق نے60476ووٹ حاصل کئے جبکہ ان کے مدمقابل پی ٹی آئی کے ہمایوں اختر 50245ووٹ لے کردوسرے نمبر پر رہے۔
صوبائی نشستیں
پنجاب اسمبلی :
پنجاب اسمبلی کی 11میں سے9 نشستوں کے موصول ہونے والے غیر حتمی غیرسرکاری نتائج کے مطابق تحریک انصاف کے 3، مسلم لیگ ن کے 4جبکہ دو نشستوں پر آزاد امیدوار کامیاب ہوئے۔
پی پی 261 رحیم یار خان سے تحریک انصاف کے فوازاحمد ، پی پی201سےپی ٹی آئی کےصمصام بخاری، پی پی272مظفرگڑھ سے پی ٹی آئی کی زہرہ بتول کامیاب قرار پائے،
جبکہ پی پی165لاہور سےمسلم لیگ ن کے سیف الملوک کھوکھر، پی پی 27 جہلم سے ن لیگ کے ناصر محمود،پی پی 164 سے ن لیگ کے سہیل شوکت بٹ، پی پی 292 ڈیرہ غازی خان سے مسلم لیگ ن کے اویس لغاری نے کامیابی حاصل کی۔
جبکہ آزاد امیدواروں میں سے پی پی 118 ٹوبہ ٹیک سنگھ سے آواز امیدوار بلال چوہدری فاتح قرار پائے اور پی پی222ملتان سے آزاد امیدوار قاسم عباس خان کامیاب ہوئے۔
پی پی 118ٹوبہ ٹیک سنگھ سے آزادامیدوار چوہدری بلال اصغر 35 ہزار 230 ووٹ لے کر کامیاب ہوئے جبکہ تحریک انصاف کے امیدوار اسد زمان 31ہزار 254 ووٹ لے کر دوسرے نمبر پر رہے۔
پی پی201 ساہیوال سے تحریک انصاف کے ٹکٹ پر الیکشن لڑنے والے امیدوار صمصام بخاری 58280 ووٹ لیکرکامیاب قرار پائے جبکہ مسلم لیگ ن کے محمدطفیل نے 51662 ووٹ لے کر دوسرے نمبر پر رہے۔
پی پی 3اٹک کے پولنگ اسٹیشنز کے غیرحتمی اورغیرسرکاری نتیجہ کے مطابق ن لیگ کے افتخاراحمد خان 43ہزار259ووٹ لے کرآگے ہیں جبکہ ان کے مد مقابل پی ٹی آئی کے محمد اکبرخان 43ہزار32ووٹ لے کر دوسرے نمبر پر ہیں۔
خیبرپختونخواہ اسمبلی :
کے پی کے اسمبلی کی 9میں سے7نشستوں کےغیرسرکاری نتائج کے مطابق تحریک انصاف 4، عوامی نیشنل پارٹی 2 اور مسلم لیگ ن 1 نشست پر کامیاب قرار پائی۔
پی کے44صوابی 2 سے پی ٹی آئی کےعاقب اللہ، پی کے61 نوشہرہ سے تحریک انصاف کے ابراہیم خٹک، پی کے 64 نوشہرہ سے پی ٹی آئی کے لیاقت خان، پی کے97 ڈیرہ اسماعیل خان سے تحریک انصاف کے فیصل امین گنڈاپورکامیاب قرار پائے۔
اسی طرح پی کے3سوات سے مسلم لیگ ن کے سردارخان، پی کے78 پشاور سے اےاین پی کی ثمربلور ، پی کے7 سوات سے عوامی نیشنل پارٹی کے وقار احمد غیر حتمی غیر سرکاری نتائج میں کامیاب قرار پائے۔
سندھ اسمبلی:
ضمنی انتخابات میں سندھ اسمبلی کی دونوں نشستیں پیپلز پارٹی نے جیت لیں ، ایک نشست پی ایس 30 خیر پور سے پرپیپلزپارٹی کے سید احمد رضا شاہ جیلانی فاتح قرار پائے جبکہ ان کے مدمقابل جی ڈی اے کے سید محرم علی شاہ دوسرے نمبر پر رہے۔
دوسرے حلقے پی ایس 87 ملیر سے پیپلز پارٹی کے محمد ساجد فاتح قرار پائے ان کے مد مقابل پی ٹی آئی کے قادر بخش گبول دوسرے نمبر پررہے۔
بلوچستان اسمبلی :
ضمنی انتخابات میں بلوچستان اسمبلی کی 2میں سے ایک پی بی 40 خصدار نشست پر غیر حتمی غیر سرکاری نتیجے کے مطابق بلوچستان نیشنل پارٹی کے امیدوار محمد اکبر کامیاب قرار پائے۔ محمد اکبر 23722ووٹ لے کر کامیاب قرار پائے جبکہ آزادامیدوار میرشفیق الرحمان 14312ووٹ لیکردوسرے نمبرپررہے۔
دوسرے حلقے پی بی 35 مستونگ میں آزاد امیدوار اسلم خان رئیسانی قرار پائے جبکہ بی این پی کے سردار نور احمد دوسرے نمبر پر رہے۔
ابتدائی نتائج
اے آر وائی کو نتائج موصول ہونا شروع ہوگئے۔ پہلا نتیجہ خیبرپختونخواہ کے صوبائی حلقے پی کے 3کے ایک پولنگ اسٹیشن کا غیرسرکاری نتیجہ موصول ہوا ہے۔ پی کے3 پولنگ اسٹیشن لنگر میں 2 ووٹ کاسٹ ہوئے، پی ٹی آئی کےساجدعلی اورن لیگ کے سردارخان کوایک ایک ووٹ ملا۔
پولنگ صبح 8 بجے سے شام 5 بجے تک بلا تعطل جاری رہی، الیکشن کمیشن کے مطابق پولنگ کے دوران پنجاب سے 19، خیبرپختونخواہ سے 2 اور سمندرپار پاکستانیوں کی ووٹنگ کے حوالے سے 3 شکایات موصول ہوئیں جبکہ بلوچستان اور سندھ سے کوئی شکایات نہیں ملی۔
الیکشن کمیشن کے ترجمان کا کہنا تھا کہ ’ کل 5 ہزار 881 سمندر پار پاکستانیوں نے ووٹ کاسٹ کیا، جن میں سے 4 ہزار864 اوورسیز پاکستانیوں نےقومی اسمبلی جبکہ 1071 نے صوبائی نشستوں کےلیےووٹ کاسٹ کیا، مجموعی طور پر 80 فیصد لوگوں نے اپنا حق رائے دہی استعمال کیا۔
ضمنی انتخابات میں کسی بھی ناخوشگوار واقعے سے نمٹنے کے لیے فوجی جوان جبکہ ایک لاکھ سے زائد پولیس اور قانون نافذ کرنے والے اداروں کے اہلکار پولنگ اسیٹیشن کے اندر و باہر تعینات رہے، پولنگ کے دوران کسی قسم کاکوئی ناخوشگوار واقعہ پیش نہیں آیا۔
الیکشن کمیشن آف پاکستان نے سیکیورٹی اسٹاف کے لیے ضابطہ اخلاق جاری کیا ہے جس کے مطابق سیکیورٹی اسٹاف، پریذائیڈنگ افسرآراوز کے ماتحت ہوں گے۔
اسلام آباد: فواد حسن فواد کے قریبی رشتہ دار ناصر اقبال کو قومی احتساب بیورو سے باہرباہر کا راستہ دکھا دیا گیا.
تفصیلات کے مطابق قومی احتساب بیورو (نیب) میں بڑے پیمانے پر تبادلے ہوئے ہیں، نیب سے منسلک ناصراقبال کی خدمات اب اسٹیبلشمنٹ ڈویژن کے حوالے کر دی گئی ہیں.
ڈی جی نیب بلوچستان اور ڈی جی نیب کراچی کا تبادلہ کر دیا گیا ہے. گریڈ 22 کےافسرعابد جاوید اب ڈی جی نیب بلوچستان، جب کہ بریگیڈیئر(ر) فاروق ناصراعوان نئے ڈی جی نیب کراچی ہوں گے.
ڈی جی نیب کراچی الطاف بھوانی کو بھی ہیڈ کوارٹرزرپورٹ کرنے کی ہدایت کی گئی ہے، جب کہ ڈائریکٹر مرزاعرفان بیگ کو ڈائریکٹر نیب سکھر تعینات کیا گیا ہے.
ڈائریکٹرفیاض قریشی، اے ڈی نیب لاہورغلام صفدرکو ہیڈ کوارٹرز رپورٹ کرنے کی ہدایت کی گئی ہے۔
نیب افسران کے تبادلوں کا نوٹی فکیشن جاری کردیا گیا ہے، جن کے مطابق فواد حسن فواد کے قریبی رشتہ دارناصراقبال کو نیب سے نکال دیا گیا ہے.
یاد رہے کہ آشیانہ اقبال اسکینڈل کیس میں گرفتار احد چیمہ اور فواد حسن فواد نے تمام ملبہ شہباز شریف پر ڈال دیا ہے۔ ذرائع کے مطابق فواد حسن فواد وعدہ معاف گواہ بن گئے انہوں نے کہا کہ جو کچھ کیا شہباز شریف کے کہنے پر کیا۔
شیخ رشید نے کہا کہ پاکستان ریلوےعوام کی ریل ہے، ملکی کاروباری افرادکے لئےنئی سہولتیں دینے جا رہے ہیں.
واضح رہے کہ گذشتہ دنوں وزیر ریلوے شیخ رشید احمد نے میڈیا سے گفتگو کرتے ہوئے کہا تھا کہ پاکستان ریلوے ڈیم فنڈ میں 10 کروڑ روپے سالانہ جمع کروائے گی۔ 100 روپے کے ٹکٹ پر ایک روپے کا اضافہ کیا جائے گا۔
اسلام آباد: مشیرتجارت عبدالرزاق داؤد کا کہنا ہے کہ سی پیک سے متعلق میرے بیان کوسیاق و سباق سے ہٹ کر پیش کیا گیا.
تفصیلات کے مطابق مشیر تجارت نے فنانشل ٹائمز کی سی پی سے متعلق خبرکی تردید کرتے ہوئے کہا کہ ان کے بیان کو غلط معنی پہنائے گئے۔
عبدالرزاق داؤد کا کہنا تھا کہ چین کو آگاہ کیا گیا تھا کہ سی پیک ہماری قومی ترجیح ہے اور رہے گی. چینی وزیرخارجہ نے بھی دونوں ممالک کے لئے سی پیک کی اہمیت پرزوردیا.
واضح رہے کہ عبدالرزاق داؤد نے اے آروائی نیوزکے رابطے پر بھی رپورٹ کو یکسر غلط قراردیا تھا.
کراچی: اے آر وائی نیٹ ورک کے تحت ملک میں ڈیموں کی تعمیر کے لیے فنڈریزنگ ٹیلی تھون کا اہتمام کیا گیا، جس میں ملک کی معروف شخصیات نے شرکت کی۔
تفصیلات کے مطابق "آؤڈیم بنائیں، ملک بچائیں” کے تحت ملک کے اہم ترین مسئلے کے حل کے لیے اے آر وائی کی جانب سے بڑا قدم اٹھایا گیا.
اس ضمن میںفنڈریزنگ ٹیلی تھون کا اہتمام کیا گیا، جس میں ملک کی معروف شخصیات نے حصہ لیا، ٹیلی تھون نشریات اے آر وائی نیٹ ورک کے تمام چینلز سے براہ راست نشر کی گئیں۔
پروگرام کی میزبانی کا فریضہ فیصل قریشی اور ماریہ میمن نے ادا کیا جبکہ دیگر شرکاء میں بہروز سبزواری، شہود علوی، عتیقہ اوڈھو، فیصل جاوید، عارف حمید بھٹی، ہمایوں سعید اور اقرار الحسن شامل تھے۔
سینیٹر فیصل جاوید نے کہا کہ ڈیم بنانےکی مہم شروع کرنے پرچیف جسٹس مبارک بادکےمستحق ہیں، حکومت ڈیم کے لئےفنڈزاکٹھےکرےگی، انہوں نے بتایا کہ وزیر اعظم عمران خان خودپیسےاکٹھےکریں گے۔
اس موقع پر بہروز سبزواری کا کہنا تھا کہ بجلی اور گیس کے بل کے ساتھ اس مد میں کوئی انتظام کیا جائے، عتیقہ اوڈھو نے کہا کہ عطیہ کرنے والوں کو یقین رکھنا چاہیے کہ ان کی رقم ایمان دار افراد صحیح جگہ استعمال کریں گے۔
اس موقع پر معروف ٹی وی شخصیت انور مقصود کی جانب سے ایک لاکھ روپے فنڈ میں عطیہ کیے گئے، کینیڈاسےسماجی شخصیت احمدسعید نے ڈیم فنڈمیں 10لاکھ روپےدینےکااعلان کیا۔
ان کا کہنا تھا کہ ٹیلی تھون میں اکٹھی ہونے والی رقم سپریم کورٹ ڈیم فنڈ میں جمع کرائی جائے گی. آئیں اس کار خیر میں حصہ لیں اور سپریم کورٹ کی اس مہم میں اے آر وائی ڈیجیٹل نیٹ ورک کے ساتھ شامل ہوجائیں۔
چیف جسٹس کا ٹیلی تھون میں ایک لاکھ روپے عطیہ
ٹیلی تھون میں چیف جسٹس آف پاکستان جسٹس ثاقب نثار نے بھی خصوصی گفتگو کی، چیف جسٹس نے کہا کہ اس کارخیرمیں حصہ ڈالنےپراےآروائی کا شکریہ ادا کرتا ہوں۔
چیف جسٹس نے اےآروائی ٹیلی تھون میں ڈیم فنڈ میں ایک بار پھر ایک لاکھ روپے دینےکااعلان کیا، انھوں نے امید ظاہر کی کہ پاکستانی قوم اس میں بھرپور حصہ لے گی،چیف جسٹس نے کہا کہ قوم کسی افواہ پر یقین نہ کرے، انشاءاللہ یہ ڈیم 9 سے ساڑھے نو سال میں تعمیر ہو جائےگا، انھوں نے مزیدکہا کہ ایک گروپ جو اپنانام ظاہر نہیں کرناچاہتااورایک ارب روپے عطیہ کرنے کا ارادہ رکھتا ہے
پنجاب حکومت کی جانب سے مہم میں بھرپور حصہ لیا جائے گا: گورنر پنجاب
گورنر پنجاب چوہدری سرور نے پروگرام میں خصوصی گفتگو کرتے ہوئے کہا کہ ملک میں پانی کا مسئلہ سنگین شکل اختیار کر گیا ہے، بدقسمتی سے ماضی کی حکومتوں نے اس جانب کوئی خاص توجہ نہیں دی۔
انہوں نے چیف جسٹس کی مہم اور اے آر وائی کی کاوش کو سراہتے ہوئے کہا کہ پنجاب حکومت کی جانب سے اس میں بھرپور حصہ لیا جائے گا۔
معصوم بچوں کے عطیات
فنڈ ریزنگ مہم میں بچوں نے بھی عطیات دیے۔ فیصل قریشی کی بیٹی نےساڑھے13روپے فنڈ میں دیئے، تھیلیسیما کےشکاربچوں نےچندہ کرکے ڈیم کے لئےرقم عطیہ کی، کچھ عرصہ قبل چیف جسٹس کی نواسی نے بھی اپنی جیب خرچ اور عیدی کی رقم سات ہزار
لاہور: امیر جماعت اسلامی سراج الحق نے کہا ہے کہ ایک دو سیاسی جماعتوں کےعلاوہ سب کوالیکشن پر تحفظات ہیں.
ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ تحفظات کے باوجود ہم چاہتے ہیں پارلیمنٹ اپنا کام کرے.
امیر جماعت اسلامی نے کہا کہ قوم کی آواز اسمبلیوں میں اٹھانی چاہیے، وہی اصل پلیٹ فورم ہے.
انھوں نے پی ٹی آئی کے وعدوں کا حوالہ دیتے ہوئے کہا کہ قوم سے ایک کروڑ نوکریاں،50لاکھ گھروں کا وعدہ کیا گیا ہے، قوم سے یہ وعدہ بھی کیا گیا تھا کہ آئی ایم ایف کے پا س نہیں جائیں گے، ہم امید کرتے ہیں کہ یہ وعدے پورے ہوں.
امیرجماعت اسلامی نے کہا کہ اقوام متحدہ اور اوآئی سی اجلاس میں گستاخانہ خاکوں کامعاملہ اٹھایا جائے.
سراج الحق نے کہا کہ اس قسم کی دہشت گردی سےمسلمانوں کےجذبات مجروح ہوتےہیں، اس کا سدباب ضروری ہے.
یاد رہے کہ جماعت اسلامی نے مذہمی جماعت کے تحت ایم ایم اے کے پلیٹ فورم سے کتاب کے نشان پر الیکشن لڑا تھا، مگر وہ نمایاں کامیابی حاصل کرنے میں ناکام رہی.
اسلام آباد: ایون فیلڈ میں سزا پانے والے نوازشریف کی درخواست ضمانت سے متعلق سماعت پیر کو ہوگی.
تفصیلات کے مطابق سابق وزیراعظم کی ضمانت سے متعلق سماعت پیر 13 اگست کو مقرر کی گئی ہے.
جسٹس عامرفاروق موسم گرما کی تعطیل کے باعث رخصت پرچلےگئے ہیں، اب جسٹس اطہرمن اللہ، جسٹس میاں گل حسن اورنگزیب پر مشتمل نیا بینچ نوازشریف اور دیگرکی ضمانتوں کی درخواستوں پرسماعت کرے گا.
یاد رہے کہ ایون فیلڈ کیس میں میاں نواز شریف کو گیارہ، ان کی صاحب زادی مریم نواز کو آٹھ اور داماد کیپٹن (ر) صفدر کو ایک سال قید اور جرمانے کی سزا سنائے گئی تھی.
کراچی: پاکستان پیپلز پارٹی کی مرکزی رہنما شہلا رضا نے کہا ہے کہ جیتنے اور ہارنے والے دونوں پریشان ہیں، پی پی قیادت کا میڈیا ٹرائل کیا گیا۔
ان خیالات کا اظہار انہوں نے اے آر وائی نیوز کے پروگرام الیونتھ آور میں انٹرویو دیتے ہوئے کیا، شہلا رضا کا کہنا تھا کہ پیپلز پارٹی کو اندرون سندھ میں ہرانے کی کوشش کی گئی، ہمارا میڈیا ٹرائل ہوا۔
انہوں نے کہا کہ ایم کیو ایم اور پی ٹی آئی کا اتحاد نیا نہیں ہے، بلدیاتی انتخابات میں بھی ایم کیو ایم اور پی ٹی آئی کا اتحاد ہوچکا ہے، دیکھتے ہیں مستقبل میں کیا ہوتا ہے۔
رہنما پی پی کا کہنا تھا کہ سندھ اسمبلی نے بہت سی قانون سازی کی ہے جس کی تعریف کی گئی، پیپلز پارٹی نے صوبے کے لیے خدامات انجام دیں۔
شہلا رضا کا کہنا تھا کہ کراچی میں امن ن لیگ نہیں پیپلزپارٹی لےکر آئی ہے، ہم نے شہر میں امن کے لیے ہر ممکن اقدامات کیے، پی پی نے سندھ میں 100 میگاواٹ بجلی پیدا کی۔
ان کا مزید کہنا تھا کہ ن لیگ نے سندھ حکومت کو ایک پائی نہیں دی تھی، کراچی میں ماضی میں لاشیں گرتی تھیں ایسی صورت حال کو پیپلزپارٹی نے کنٹرول کیا۔
خیال رہے کہ گذشتہ ماہ شہلا رضا نے پیپلز پارٹی کے دور حکومت میں ہونے والے اقدامات کا ذکر کرتے ہوئے کہا تھا کہ کراچی میں تمام غیر قانونی ہائیڈرنٹس پیپلزپارٹی دور میں ختم کئے گئے، ہم نے عوام کے لیے ہر ممکن اقدامات کیے۔
