ARYNews.tv | Urdu – Har Lamha Bakhabar

Tag: اے آر وائی

  • کوئٹہ لہولہان، سانحہ سول اسپتال کی دوسری برسی آج منائی جارہی ہے

    کوئٹہ لہولہان، سانحہ سول اسپتال کی دوسری برسی آج منائی جارہی ہے

    کوئٹہ: آٹھ اگست کو رونما ہونے والے سانحہ سول اسپتال کے شہدا کی دوسری برسی آج منائی جارہی ہے.

    تفصیلات کے مطابق آٹھ اگست 2016 کو کوئٹہ کے سول اسپتال میں ہونے والے سانحے کی آج دوسری برسی منائی گئی. اس سانحے میں‌ دہشت گردوں کی جانب سے آٹھ اگست کو وکلا، صحافیوں اور سول سوسائٹی کو نشانہ بنایا گیا تھا.

    وکلاء تنظیموں کی جانب سے بلوچستان بھر میں یوم سوگ منایا گیا، بار رومز میں سیاہ جھنڈے لگائے گئے، عدالتی کارروائیوں کا بائیکاٹ کیا گیا بلوچستان ہائی کورٹ میں تعزیتی ریفرنس کا انعقاد بھی کیا گیا.

    وکلا تنظیموں نے مطالبہ کیا کہ واقعے میں ملوث عناصر کو کیفر کردار تک پہنچایا جائے اور جسٹس قاضی فائز عیسیٰ کمیشن کی رپورٹ پر عمل درآمد کیا جائے، تاکہ وکلا  اور شہریوں کو تحفظ مل سکے.

    سانحہ کوئٹہ پر کمیشن نے حکومتی کارکردگی پر سوال اٹھا دیے

    دو سال گزرنے کے باوجود سانحے کی تلخ یادیں‌ کوئٹہ کے عوام دلوں پر نقش ہے، 74 افراد جاں بحق ہوئے تھے، جن میں وکلا کی اکثریت تھی۔

    یاد رہے کہ واقعے کی تحقیقاتی رپورٹ میں وزارت داخلہ کے کردار پر سوال اٹھایا گیا تھا. کمیشن نے تنبیہہ کی کہ منافقت ختم کی جائے اور کالعدم تنظیموں‌پر فوری پابندی عائد کی جائے۔

  • ایشین گیمز بحران: قومی کھیل کو بچانے کے لیے اے آر وائی اور بحریہ ٹاؤن میدان میں آگئے

    ایشین گیمز بحران: قومی کھیل کو بچانے کے لیے اے آر وائی اور بحریہ ٹاؤن میدان میں آگئے

    کراچی: اے آر وائی اور بحریہ ٹاؤن قومی کھیل ہاکی کو بچانے کے لیے میدان میں‌ آگئے، پاکستان ہاکی فیڈریشن کو مسائل کے حل کی یقین دہانی کروا دی.

    تفصیلات کے مطابق آؤ مل کر بنائیں پاکستان کے تحت اے آر وائی اور بحریہ ٹاؤن نے ہاکی کو بچانے کے عزم کا اعادہ کرتے ہوئے اقدامات شروع کر دیے.

    اس ضمن میں انتظامیہ کو تمام مسائل حل کرنے کی یقین دہانی کرواتے ہوئے کہا کہ ہاکی ٹیم کی ایشین گیمزمیں شرکت یقینی بنائیں گے.

    اس ضمن میں صدر پی ایچ ایف بریگیڈئیرریٹائرڈ خالد سجاد کھوکھر کہتے ہیں کہ معاونت پر اے آر وائی اور بحریہ ٹاؤن کے شکر گزار ہیں۔

    یاد رہے کہ گذشتہ دنوں‌ یہ خبر آئی تھی کہ پاکستان ہاکی ٹیم کے کھلاڑیوں نے احتجاجاً ایشین گیمز کا بائیکاٹ کردیا. کھلاڑیوں کا کہنا تھا کہ جیب خالی ہو توکارکردگی کیسے دکھائیں؟ قوم کے سامنے شرمندہ ہونا نہیں چاہتے.

    کھلاڑیوں کا کہنا تھا کہ تا حال یومیہ الاؤنسز سے بھی محروم ہیں، پی ایچ ایف کے جھوٹے وعدوں اور اعلانات سے گھر کا چولھا نہیں جلا سکتے۔

    شہناز شیخ کا تبصرہ

    سابق اولمپئن شہناز شیخ نے پی ایچ ایف کی مدد کرنے پر سی ای او اے آر وائی ڈیجیٹل سلمان اقبال کا شکر ادا کیا۔

    ان کا کہنا تھا کہ کئی جگہوں پرپی ایچ ایف نے فضول خرچی کی، امید ہے، اب یہ مسئلہ حل ہوجائے گا.

    کپتان ہاکی ٹیم کا موقف

    کپتان پاکستان ہاکی ٹیم نے اپنے حالیہ بیان میں کہا کہ صدر پی ایچ ایف نے معاملات سلجھانے کی یقین دہانی کرائی ہے.

    محمد رضوان سینئر نے کہا کہ بائیکاٹ نہیں کیا، ٹریننگ جاری رکھی ہوئی ہے، البتہ یہ بات پیش نظر رکھی جائے کہ فنڈز نہ ملنے سے کھلاڑی ذہنی مسائل سے دوچارہوجاتے ہیں.

    انھوں نے کہا کہ بڑے ایونٹ کے فنڈز پی ایچ ایف کونہیں ملتے، ہماری رینکنگ تنزلی کی جانب بڑھ رہی ہے.

    واضح رہے کہ اٹھارویں ایشین گیمز آئندہ ماہ انڈونیشیا میں 18 اگست سے منعقد ہوں گے جو جکارتہ اور پالمبنگ میں 2 ستمبر تک جاری رہیں گے، میگا ایونٹ کی تیاری کیلئے تربیتی کیمپ کراچی میں لگا ہوا ہے۔

    پاکستان ہاکی فیڈریشن کھلاڑیوں کی مقروض

    یومیہ الاؤنسز سے محروم پاکستان ہاکی ٹیم نے ایشین گیمز کا بائیکاٹ کردیا

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • ن لیگ کا لائحہ عمل تیار، شہباز شریف قومی اسمبلی میں اپوزیشن لیڈر ہوں گے

    ن لیگ کا لائحہ عمل تیار، شہباز شریف قومی اسمبلی میں اپوزیشن لیڈر ہوں گے

    لاہور: مسلم لیگ ن نے مستقبل کا لائحہ عمل تیار کر لیا، شہباز شریف قومی اسمبلی میں اپوزیشن لیڈرکا کردار ادا کریں گے.

    تفصیلات کے مطابق 25 جولائی کو ہونے والے عام انتخابات کے نتائج پر جہاں سیاسی جماعتوں کی جانب سے تحفظات ظاہر کیے جارہے ہیں، وہی مستقبل کی تیاری بھی شروع ہوگئی ہے۔

    انتخابات میں دوسرے نمبر پر آنے والی سابق حکمران جماعت مسلم لیگ ن نے بھی اپنے صدر شہباز شریف کی قیادت میں مستقبل کا لائحہ عمل تیار کرلیا۔

    سابق وزیر اعلیٰ پنجاب قومی اسمبلی میں اپوزیشن لیڈر ہوں گے، جہاں انھیں اپنی پارٹی کے 60 سے زائد ارکان قومی اسمبلی کی حمایت حاصل ہوگی۔

    ن لیگ کی جانب سے وزیر اعلیٰ پنجاب کے عہدے کے لیے حمزہ شہباز کو نامزد کیے جانے کا امکان ہے۔

    یاد رہے کہ آج مسلم لیگ ن کے رہنما حمزہ شہباز نے پنجاب میں حکومت بنانے کا اعلان کرتے ہوئے مسلم لیگ ق اور پیپلز پارٹی سے بات کرنے کا عندیہ دیا تھا۔

    البتہ اگر ن لیگ پنجاب میں صوبائی حکومت نہیں بنا سکی، تو سعدرفیق اپوزیشن لیڈرکاکرداراداکریں گے۔

    واضح رہے کہ تحریک انصاف نے پنجاب میں 120، ن لیگ نے 129 نشستیں حاصل کی ہیں۔ تحریک انصاف کی قیادت کی جانب سے بھی پنجاب میں حکومت بنانے کا اعلان کیا گیا ہے۔

    حمزہ شہباز کا پنجاب میں حکومت بنانے کا اعلان

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فاٹا انضمام سے قبائلی عوام قومی دھارے میں شامل ہوئے: قومی سلامتی کمیٹی

    فاٹا انضمام سے قبائلی عوام قومی دھارے میں شامل ہوئے: قومی سلامتی کمیٹی

    اسلام: آج وزیراعظم شاہد خاقان عباسی کی زیر صدارت قومی سلامتی کمیٹی کا اجلاس منعقد ہوا، جس میں اہم امور پر غور کیا گیا۔

    اس اجلاس میں چیئرمین جوائنٹ چیفس آف اسٹاف کمیٹی سمیت مسلح افواج کے سربراہان، کمیٹی کے ممبر وفاقی وزرا اور سینئر عسکری و سول قیادت نے شرکت کی.

    اجلاس کے اعلامیے کے مطابق کمیٹی نے اس امر پر اطمینان کا اظہار کیا کہ فاٹا انضمام سے قبائلی عوام قومی دھارے میں شامل ہوئے.

    اجلاس میں‌ معصوم کشمیریوں پربھارتی جارحیت اور فلسطینی عوام پراسرائیلی جارحیت کی شدید الفاظ میں مذمت کی گئی اور فلسطینی عوام کے حق کی مکمل حمایت کا اعادہ کیا گیا.

    قومی سلامتی کمیٹی کے اجلاس میں‌ میں فاٹا، گلگت بلتستان اصلاحات پراطمینان کا اظہار کیا گیا. کمیٹی نے کہا کہ فاٹا کے پی انضمام سے قبائلی عوام کا دیرینہ مطالبہ پورا ہوا. فاٹا انضمام سے قبائلی عوام قومی دھارے میں شامل ہوئے.

    قومی سلامتی کمیٹی کو وزارت داخلہ کی جانب سےنئی ویزا پالیسی پربریفنگ دی گئی، اجلاس میں علاقائی اور بین الاقومی سطح پررونما ہونے والی تبدیلیوں کا بھی جائزہ لیا گیا.

    قومی سلامتی کمیٹی نے موقف اختیار کیا کہ پاکستان امن واستحکام کے لیے سیاسی وسفارتی کوششیں جاری رکھے گا. اجلاس میں مؤثر اورفعال سفارتکاری کی ضرورت پر زور دیا گیا. ساتھ ہی گلگت بلتستان عوام کوپاکستان کےعوام کے مساوی حقوق ملنے کو خوش آئند ٹھہرایا گیا.

    اجلاس میں فنانشل ایکشن ٹاسک فورس (ایف اے ٹی ایف) کے آئندہ ماہ ممکنہ اجلاس میں فیصلوں‌ پر بھی غور کیا گیا.

    مزید پڑھیں: وزیراعظم نے قومی سلامتی کمیٹی کا اجلاس آج طلب کرلیا، اسد درانی کی کتاب زیرغورآنے کا امکان

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لاہور میں جلسہ کرنا ہے تو عمران خان لاہور کے لوگ لائیں: عابد شیر علی

    لاہور میں جلسہ کرنا ہے تو عمران خان لاہور کے لوگ لائیں: عابد شیر علی

    لاہور: مسلم لیگ ن کے سینئر رہنما عابد شیر علی نے کہا ہے کہ لاہور میں جلسہ کرنا ہے، تو عمران خان لاہور کے لوگ لائیں.

    ان خیالات کا اظہار انھوں نے احتساب عدالت کے باہر میڈیا سے گفتگو کرتے ہوئے کیا، انھوں نے کہا کہ کہ لاہور نے پہلے بھی عمران خان کو رد کیا اس بار بھی مایوس ہوکر نکلیں گے.

    [bs-quote quote=” لاہور نے پہلے بھی عمران خان کو رد کیا اس بار بھی مایوس ہوکر نکلیں گے” style=”style-2″ align=”left” author_name=”عابد شیر علی”][/bs-quote]

    انھوں نے کہا کہ یہ پورے پاکستان سے لوگ لاہور لا کر کہیں گے کہ پہاڑ گرالیا، جلسہ کرنا ہے، تو لاہور ہی سے لوگ لائیں.

    انھوں نے مخالفین کو آڑے ہاتھ لیتے ہوئے کہا کہ عزیر بلوچ کی جے آئی ٹی رپورٹ پر ایکشن نہیں لیا جاتا، ڈاکٹر عاصم، شرجیل میمن، ایان علی کو بیرون ملک جانے دیا گیا۔

    وزیر مملکت برائے پانی و بجلی کا کہنا تھا کہ سب چور ایک جگہ اکٹھے ہو گئے ہیں۔ آج ملک میں کہیں بھی لوڈشیڈنگ پر احتجاج نہیں ہو رہا، کراچی میں بجلی بحران کی ذمہ دار نیپرا اور کے الیٹرک ہیں.

    عابد شیرعلی کا کہنا تھا کہ کراچی کو وزیر اعظم کی ہدایت پر اضافی گیس دلوائی، وزیر اعلیٰ سندھ  کو کہہ دیا ہے کہ 15 دن میں معاملات ٹھیک کریں، اب کراچی میں بجلی کا بحران ہوا تو ذمہ دار سندھ حکومت ہو گی.

    :نوازشریف کو پاکستان کا خیر خواہ ہونے کی سزا دی گئی عابد شیر علی

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

  • پنجاب پیپلزپارٹی کا قلعہ تھا، آج بھی ہے اور ہمیشہ رہے گا: آصف زرداری

    پنجاب پیپلزپارٹی کا قلعہ تھا، آج بھی ہے اور ہمیشہ رہے گا: آصف زرداری

    اسلام آباد: سابق صدر آصف زرداری نے کہا ہے کہ پنجاب پیپلزپارٹی کا قلعہ تھا، آج بھی ہے اور ہمیشہ رہے گا، پنجاب ہم سے کوئی نہیں چھین سکتا۔

    ان خیالات کا اظہار انھوں نے اسلام آباد میں پیپلزپارٹی کے سینئر رہنماؤں سے ملاقات میں کہی۔ پاکستان پیپلزپارٹی کے شریک چیئرمین نے قمرزمان کائرہ، شاہجہان کھرل، رائےعمر کھرل اور دیگر سے ملاقات کی۔

    [bs-quote quote=”ماضی کی طرح دھاندلی اور انتخابی نتائج چوری نہیں ہونے دیں گے” style=”style-2″ align=”left” author_name=”آصف زرداری” author_avatar=”https://arynewsudweb.wpengine.com/wp-content/uploads/2018/04/ZARDARI60.jpg”][/bs-quote]

    ملاقات میں انھوں نے کہا کہ پنجاب پیپلزپارٹی کا قلعہ تھا اور رہے گا، جیالے اور جانثار بھرپور قوت سے آئندہ انتخابات لڑیں گے۔

    آصف زرداری کا کہنا تھا کہ ماضی میں انتخابی نتائج چوری کئے جاتے رہے ہیں، اب وقت بدل چکا، مخالفین کو ماضی دہرانے نہیں دیں گے۔

    سابق صدر کا کہنا تھا کہ ہم ماضی کی طرح دھاندلی اور انتخابی نتائج چوری نہیں ہونے دیں گے، پیپلزپارٹی عوام کا مینڈیٹ لے کر اقتدار میں آتی ہے۔

    انھوں نے پارٹی عہدے داروں اور کارکنوں کو متحرک کرنے کی ہدایت کرتے ہوئے کہا کہ آپ گھر گھر جا کر پارٹی کے چیئرمین بلاول بھٹو زرداری کا پیغام پہنچائیں۔

    آصف زرداری نے کہا کہ پیپلزپارٹی اقتدارمیں آکر بے روزگاری کا خاتمہ کرے گی، پیپلزپارٹی نوجوانوں کے لئے ملازمتوں کے مواقع فراہم کرے گی۔

    ملاقات میں آصف زداری نے رائے شاہجہان کھرل کی کی لنڈیانوالہ آنےکی دعوت قبول کرلی اور سیاسی دورے کی یقین دہانی کروائی۔

    ہم نے نواز شریف کوبارباربچایااورانہوں نےہماری پیٹھ میں چھراگھونپا،آصف زرداری

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • علی جہانگیر صدیقی کو سفیر لگانے کے لیے پارلیمنٹ کی اجازت درکار نہیں: خواجہ آصف

    علی جہانگیر صدیقی کو سفیر لگانے کے لیے پارلیمنٹ کی اجازت درکار نہیں: خواجہ آصف

    اسلام آباد: وزیر خارجہ خواجہ آصف نے کہا ہے کہ علی جہانگیر صدیقی کی بطور امریکی سفیر تقرری کے لئے پارلیمنٹ کی اجازت کی ضرورت نہیں.

    تفصیلات کے مطابق خواجہ آصف نے حکومتی فیصلے کا دفاع کرتے ہوئے کہا کہ علی جہانگیر صدیقی پر کسی قسم کا کیس نہیں ہے، علی جہانگیر صدیقی پرنیب میں بھی کوئی کیس زیرالتوا نہیں.

    انھوں نے کہا کہ علی جہانگیر کے خلاف نیب میں صرف انکوائری چل رہی ہے، کوئی سفیر کی تقرری کے لئے پارلیمنٹ کی اجازت چاہتا ہے، تو قانون لائے.

    خواجہ آصف کا کہنا تھا کہ ماضی میں‌ غیرسفارتی شخصیات کو سفیر بنانے کی مثالیں موجود ہیں، علی جہانگیرکی تقرری میں کوئی قانونی وآئینی رکاوٹ نہیں.

    ایک سوال کے جواب میں‌ انھوں نے کہا کہ وزیر اعظم برطانیہ اور امریکا ذاتی حیثیت میں گئے تھے، شاہد خاقان عباسی ذاتی حیثیت میں جائیں، تو تلاشی میں کوئی مضایقہ نہیں، وہ وزیر اعظم کے پروٹوکول کے ساتھ نہیں‌ گئے تھے.

    انھوں نے کہا ہے کہ وزیراعظم پروٹوکول پریقین نہیں رکھتے، جو قابل ستائش عمل ہے. اس معاملے کو متنازع نہیں بنانا چاہیے.

    یاد رہے کہ علی جہانگیر صدیقی کی تعیناتی کے فیصلے پر حکومت کو شدید تنقید کا سامنا ہے، آج علی جہانگیر صدیقی سے متعلق ہائیکورٹ کا تحریری حکم جاری ہوا ہے، جس میں‌ عدالت نے تعیناتی سےمتعلق ریکارڈ اورسمری پیش کرنے کا حکم دیا ہے.

    مشرف دورمیں شہری پیسوں کے عوض امریکا کو دیے گئے، خواجہ آصف

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • پاکستان سے نہ کھیلنے کی ضد، بھارت ایشیا کپ کی میزبانی سے محروم

    پاکستان سے نہ کھیلنے کی ضد، بھارت ایشیا کپ کی میزبانی سے محروم

    کولاالمپور: بھارت کو ہٹ دھرمی مہنگی پڑ گئی، پاکستان سے نہ کھیلنے کی ضد پر ایشیا کپ کی میزبانی چھن گئی۔ اب ٹورنارمنٹ متحدہ عرب امارات میں منعقد ہوگا۔

    تفصیلات کے مطابق بھارتی ہٹ دھرمی کے باعث پی سی بی کو بھارت میں کھیلنے پر تحفظات تھے، پاکستان کرکٹ بورڈ کا موقف تھا کہ اگر بھارتی ٹیم پاکستان کا دورہ نہیں کرتی، تو پاکستانی ٹیم بھی پڑوسی ملک نہیں جائے گی۔ 

    ملائیشیا کے دارالحکومت کوالالمپور میں ایشین کرکٹ کونسل کا سالانہ اجلاس چیئرمین پی سی بی نجم سیٹھی کی صدارت میں ہوا، جس میں پاکستان نے اپنے تحفظات کا اظہار کیا۔

    کونسل نے پاکستان کے موقف کو تسلیم کرتے ہوئے ایشیا کپ ٹورنامنٹ کی میزبانی متحدہ عرب امارات کو سونپ دی، ایشین کرکٹ کونسل نے منظوری کے بعد اب ایشیا کپ متحدہ عرب امارات میں منعقد کیا جائے گا، ایونٹ کے مقابلے 13 سے 28 ستمبر تک ہوں گے۔

    یاد رہے کہ ایشیا کپ رواں برس ستمبر میں ہونا ہے، جس کا میزبان بھارت تھا، مگر بھارت کے منفی رویے کی وجہ سے پاکستان کے بھارت جا کر کھیلنے پر شدید تحفظات تھے۔ 

    اجلاس میں ایمرجنگ ایشیا کپ دسمبر میں پاکستان اورسری لنکا میں کرنے کا فیصلہ کیا گیا ہے، ایشین کرکٹ کونسل کی آئندہ سالانہ میٹنگ ستمبر میں پاکستان میں ہوگی۔

    دورہ آئر لینڈ اور انگلینڈ سے قبل قومی ٹیم کو دھچکا، یاسر شاہ ان فٹ ہوگئے

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • اسی جماعت سے اتحاد کریں گے، جس کا ایجنڈا جنوبی پنجاب کا قیام ہو: خسرو بختیار

    اسی جماعت سے اتحاد کریں گے، جس کا ایجنڈا جنوبی پنجاب کا قیام ہو: خسرو بختیار

    لاہور: مسلم لیگ ن سے الگ ہو کر ’جنوبی پنجاب صوبہ محاذ‘ بنانے والے سابق وفاقی وزیر خسرو بختیار کا کہنا ہے کہ ہم ٹکٹ کے محتاج نہ تو پہلے تھے، نہ ہی اب ہیں.

    ان خیالات کا اظہار انھوں‌ نے اے آر وائی کے پروگرام پاور پلے میں‌ بات چیت کرتے ہوئے کیا. انھوں‌ نے کہا کہ یہ سوال وزارتوں، عہدوں اور حکومتی وسائل کا نہیں ہے، بلکہ ہمارے حقوق کا ہے.

    خسرو بختیار نے مریم اورنگزیب کے بیان پر ردعمل دیتے ہوئے کہا کہ وہ جنوبی پنجاب کی سیاست سے لاعلم ہیں، کابینہ میں مخصوص نشست پر آئی ہیں، ان سے متعلق کیا بات کروں، مریم اورنگزیب کا طریقہ سیاسی کلچر میں‌ منفی روایت ہے.

    انھوں نے کہا کہ اگر کامیابی ملی، تو اسی جماعت سے اتحاد کریں گے، جس کا پہلا ایجنڈا جنوبی پنجاب کا قیام ہو، ن لیگ نے اب جنوبی پنجاب کی آفر کی، تو کہوں گا کہ بہت دیر کردی مہرباں آتے آتے، پی ٹی آئی ٹھوس مؤقف سامنے لائے گی، تو ان سے بات ہو سکتی ہے.

    انھوں‌ نے کہا کہ ہم آزاد حیثیت سے کامیاب ہوئے تھے، تو پھر اس فیصلے پر ووٹ کے تقدس کا سوال کہاں سے پیدا ہوگیا، جب سینیٹ انتخابات کا وقت آیا، تو ن لیگ نے ملتان سے ایک ٹکٹ دیا، ملتان کے امیدوار کو بھی یہ اندازہ تھا کہ وہ ہار جائیں گے.

    انھوں‌ نے اپنے حالیہ فیصلہ سے متعلق کہا کہ ہم نے کافی ہوم ورک کررکھا ہے، مزید کی بھی ضرورت ہے، بہت سے لوگ رابطے میں ہیں۔

    خسرو بختیار کا کہنا تھا کہ صرف جنوبی پنجاب کی آبادی 3 کروڑ کےقریب ہے، جو خیبرپختونخواہ کی آبادی کے برابر ہے، ن لیگ میں‌ ہمارے مطالبے کو اہمیت نہیں‌ دی گئی.

    انھوں‌ نے کہا کہ ہماری آواز جنوبی پنجاب کے ہر گاؤں سے اٹھے گی، یہ ایم این اے یا ایم پی ایز تک محدود نہیں رہے ہم بہاولپور، ڈی جی خان، ملتان اور دیگر شہروں کی ترقی چاہتے ہیں، نئے صوبے بننا وفاق کی مضبوطی کے لئے ضروری ہیں.

    ن لیگ کا بحران شدت اختیار کرگیا، جنوبی پنجاب سے تعلق رکھنے والے آٹھ ارکان مستعفی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • عوام اب عمران خان سے تنگ آگئے ہیں، دھرنوں‌ سے فقط ملک کا نقصان ہوا: ایاز صادق

    عوام اب عمران خان سے تنگ آگئے ہیں، دھرنوں‌ سے فقط ملک کا نقصان ہوا: ایاز صادق

    لاہور: اسپیکر قومی اسمبلی ایاز صادق کا کہنا ہے کہ ایسا نگران وزیراعظم ہوگا، جس کا کسی جماعت کی طرف جھکاؤ نہ ہو.

    ان خیالات کا اظہار انھوں نے لاہور میں‌ میڈیا سے گفتگو کرتے ہوئے کیا. ان کا کہنا تھا کہ عمران خان تو ہر بات پر کہتے ہیں کہ دھرنا دیں گے اورلانگ مارچ کریں گے، مگر لانگ مارچوں کا کیا ہوا، ہم نےدیکھ لیا، صرف ملک کانقصان ہوا۔

    [bs-quote quote=”نوازشریف کا کہیں جانے کا کوئی ارادہ نہیں، وہ ڈٹ کرمقابلہ کریں گے، واجد ضیا کے بیانات سے ظاہر ہو رہا ہے کہ کیس کس کی طرف جانے والا ہے” style=”style-2″ align=”left” author_name=”ایاز صادق”][/bs-quote]

    انھوں نے کہا کہ الیکشن کمیشن نےقانون کےمطابق حلقہ بندیاں کرنے کی کوشش کی، 18ویں ترمیم پرتمام جماعتوں میں اتفاق ہوا تھا.

    انھوں نے عمران خان کے دورہ لاہور پر تبصرہ کرتے ہوئے کہا کہ شکاری پہلے بھی آیا تھا، شکار ہو کر چلا گیا تھا، عوام اب عمران خان سے تنگ آگئے ہیں، ان کی جلسے میں‌ اب کتنے لوگ ہوتے ہیں، سب جانتے ہیں۔

    ان کا کہنا تھا کہ نوازشریف کا کہیں جانے کا کوئی ارادہ نہیں، وہ ڈٹ کرمقابلہ کریں گے، واجد ضیا کے بیانات سے ظاہر ہو رہا ہے کہ کیس کس کی طرف جانے والا ہے، سیاسی فیصلہ نہ توعوام نے پہلے مانا تھا، نہ تو اب مانیں گے، شیرجہاں مرضی ہو، وہ شیرہی ہوتا ہے.

    ایاز صادق نے کہا کہ یقین ہے کہ الیکشن وقت پرہوگا، ن لیگ کی پھر حکومت بنے گی، بجلی کی طرح گیس کامسئلہ بھی حل ہوجائے گا۔ 

    ان کا کہنا تھا کہ آئین کہتا ہے کہ وزیراعظم اوراپوزیشن لیڈرنگران وزیراعظم کا فیصلہ کریں گے، نگرانی وزیراعظم کے پاس حکومتی مشینری کے استعمال کا اختیار نہیں ہوگا،18ویں ترمیم سب کے رائےاورمشورے سے کی گئی تھی۔

    الیکشن وقت پر ہوں‌ گے، پارٹیاں بدلنے والوں کا انجام اچھا نہیں ہوتا: ایاز صادق

     خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔