Tag: اے اْر وائی نیوز

مشرق وسطی میں قیام امن کے حوالے سے ہونے والے مذاکرات کی کامیابی کے بعد اسرائیل نے چھبیس فلسطینی قیدیوں کو رہا کر دیا، فلسطینی قیدیوں کی رہائی کے خلاف اسرائیلی وزیراعظم کے دفتر کے باہر اسرائیلی شہریوں نے مظاہرہ کیا۔

اسرائیل کی جیلوں میں قید چھبیس فلسطینی قیدیوں کو رہا کر دیا گیا، اسرائیلی حکومت کیجانب سے فلسطینی قیدیوں کی رہائی کا فیصلہ مشرق وسطی میں قیام امن کیلئےکی جانیوالی کوششوں کو کامیاب بنانے کیلئے کیا گیا تھا۔

اسرائیلی حکومت کیجانب سے فلسطینی قیدیوں کی رہائی کے فیصلے کے خلاف ہزاروں اسرائیلی شہریوں نے وزیراعظم نیتن یاہو کے دفتر کے باہر سخت احتجاج کیا۔

رہائی پانے والے قیدیوں کے ناموں کی منظوری اسرائیلی وزیراعظم نے گذشتہ روز دی تھی، اسرائیل کیجانب سے فلسطینی قیدیوں کی رہائی کا فیصلہ امن مذاکرات کا نتیجہ ہے۔
   

امریکی ریاست ڈکوٹا کے شہر کیسلٹن میں تیل بردار ٹرین پٹری سے اتر گئی، جس کے باعث کئی بوگیوں نے آگ پکڑلی۔

خبر ملکی خبر رساں ادارے کے مطابق تیل بردار ٹرین کے پٹری سے اترتے ہی شہر دھماکوں سے گونج اٹھا، ٹرین کی پانچ بوگیاں الٹ گئیں، جس سے ٹرین کی تیل بردار بوگیوں میں آگ بھڑکنے سے دھماکے شروع ہوگئے۔

تاہم حادثے میں کسی قسم کے جانی نقصان کی اطلاعات موصول نہیں ہوئیں، خبر رساں اداے کے مطابق دھماکوں کے بعد سینکڑوں فٹ بلند شعلے دکھائی دئیے، حادثے کے فوری بعد آگ پر قابو پانے کے لئے فائر فائٹرز نے کاروائی شروع کر دیں تھیں۔

روس میں بم دھماکوں کے واقعات کے بعد امریکہ نے روس میں ہونے والے اولمپکس گیمز کی سیکورٹی میں معاونت کی پیشکش کر دی۔

روس میں حالیہ بم دھماکوں کے بعد اگلے سال ہونے والے اولمپکس گیمز میں ممکنہ بم دھماکوں کا خدشہ ظاہر کیا جارہا ہے، جس سے اولمپکس گیمز متاثر ہونے کا امکان ہے۔

امریکہ نے روس میں سیکیورٹی صورتحال اور مہمان کھلاڑیوں کی حفاظت کے پیش نظر اولپکس گیمز میں کسی بڑے واقعے سے بچنے کے لیے معاونت کی پیشکش کی ہے۔

واضح رہے کہ رواں سال امریکہ کے جاسوسی پروگرام، سنوڈن کو پناہ دینے اور شام کے تنازعے پر اختلاف کے باعث دونوں ممالک کے تعلقات کشیدہ ہیں۔
   

بنگلہ دیش میں اپوزيشن اور حکمراں جماعت کے حامیوں کے درمیان تصادم کے نتیجے میں متعدد افراد معمولی زخمی ہوگئے۔

بنگلہ دیش میں حکومت مخالف مظاہرے جاری ہیں،  تازہ واقعے میں حکمران جماعت اور حزب اختلاف کے حامیوں کے درمیان تصادم اس وقت ہوا، جب حکمران جماعت کی ریلی کا اپوزیشن کی ریلی سے آمنا سامنا ہوگیا۔

دونوں جانب سے ایک دوسرے پر ڈنڈوں اور پتھروں کا آزادانہ استعمال ہوا، بنگلہ دیش میں پانچ جنوری کو ہونیوالے انتخابات کا اپوزیشن اور اتحادیوں نے انتخابات کے بائیکاٹ کا اعلان کیا ہے، اپوزیشن کی جانب سے وزیراعظم حسینہ واجد کے مستعفی ہونے کا مطالبے کو حکومت نے مسترد کردیا۔
   

سانتا کلاز کرسمس کے موقع پر بچوں میں تحائف تقسیم کرنے کے لئے مشہور ہے لیکن سربیا کے شہر بلغراد میں سانتا کلاز نے ایک نیا کام کیا۔

سربیا کے دارالحکومت میں سانتا کلاز کا روپ دھارے افراد کے درمیان دوڑ کا مقابلہ بلغراد کی گلیوں اور سڑکوں پر ہوا، جسے دیکھ کر بچے اور بڑے سب ہی بہت محظوظ ہوئے، اس ریس کا مقصد لاوارث بچوں کے لئے فنڈز اکٹھا کرنا تھا۔

سن دو ہزار گیارہ کی ریس کے فاتح اور دوہزار بارہ میں رنر اپ رہنے والے ساسا اسٹولک نے اس موقع پر کہا کہ ہر سال کرسمس کے موقع پر سانتا کلاز کا روپ دھار کر ریس میں حصہ لینا اور جیتنا ان کے لئے ایک اعزاز کی بات ہے۔