کراچی اور حیدآباد سمیت سندھ کے بیشترشہروں میں اے آروائی نیوز کی نشریات بند کردی گئی، پیپلزپارٹی کی رہنما شیری رحمان نے پیمراسے بندش کا نوٹس لینے کی اپیل کردی۔
بندش کے خلاف صحافی تنظیموں میں احتجاج کیا، لاہور،میں اےآروائی نیوز کی بندش پر صحافتی تنظیموں اور پریس کلبوں کا مشترکہ اجلاس طلب کرلیاگیا ہے، پیپلزپارٹی کی رہنما شیری رحمان نےپیمراسے اپیل کی کہ وہ اے آروائی نیوزکی بندش کا نوٹس لیں، تحریکِ انصاف کےچیئرمین عمران خان نے بندش کی مذمت کرتے ہوئے اے آروائی کو حق اور سچ دکھانےکی سزا دی جارہی ہے،کپتان نے چینل دیکھنے کیلئےفوری طورپر ڈش رسیورلگالیا۔
عوامی تحریک کے سربراہ طاہر القادری نے بھی چینل بندش پر احتجاج کرتے ہوئے نشریات کی فوری بحالی کا مطالبہ کیا۔ سنی اتحاد کونسل کے سربراہ حامد رضا نے بھی اے آروائی بندش کی مذمت کی، جماعت اسلامی کے رہنما لیاقت بلو چ نے بندش کو آزادی صحافت پر حملہ قراردیا، مجلس وحدت مسلمین کے سربراہ علامہ ناصر عباس جعفری نے بھی نشریات کی فوری بحالی کا مطالبہ کیاہے، کرسچیئن پروگریسو موومنٹ نے کہا ہے کہ کسی کو صحافت پر شب خون نہیں مارنے دیں گے۔
