Tag: اے آر وائی نیوز

بھارتی فلم انڈسٹری کے بھائی جان سپر اسٹار سلمان خان کے ریئلٹی شو بگ باس 19 کی میزبانی کے حوالے سے حیران کر دینے والی رپورٹس سامنے آئی ہیں۔

بھارتی میڈیا رپورٹس کے مطابق بھارت سمیت کئی ممالک میں مشہور و معروف ریئلٹی شو بگ باس کا سیزن 19 اس ماہ سے نشر ہوگا جس کی میزبانی سلمان خان کریں گے۔

بھارتی میڈیا میں سلو بھائی کی ریئلٹی شو بگ باس 19 میں میزبانی کرنے کے معاوضے سے متعلق کچھ دعوے سامنے آئے ہیں۔

ریئلٹی شو بگ باس 19 کے میزبان سلمان خان کے 3 ماہ کے معاوضے سے متعلق اطلاعات سامنے آرہی ہیں کہ یہ بھارتی وزیراعظم مودی کی ایک سال کی تنخواہ سے بھی بہت زیادہ ہے۔

بھارتی میڈیا کا اس حوالے سے کہنا ہے کہ سلمان خان بگ باس 19 کے ایک ویک اینڈ ایپی سوڈ کے لیے 8 سے 10 کروڑ بھارتی روپے وصول کریں گے۔

بھارتی میڈیا کی رپورٹس کے مطابق بھارت میں وزیراعظم کے عہدے کی ماہانہ تنخواہ ایک لاکھ 66 ہزار بھارتی روپے ہے۔ دبنگ خان کسی بھی بھارتی وزیراعظم سے تقریباً 600 گنا زیادہ رقم وصول کریں گے۔

دوسری جانب بالی وڈ کی مشہور فلم بجرنگی بھائی جان کے مداحوں کے لئے اہم خبر سامنے آگئی، 2015 میں ریلیز ہونے والی فلم نے ریکارڈ کامیابی حاصل کی تھی۔ سلمان خان کی بہترین پرفارمنس نے فلم کو چار چاند لگا دیئے تھے۔

بھارتی میڈیا رپورٹس کے مطابق فلم کو 63 ویں نیشنل فلم ایوارڈس میں بہترین پاپولر فلم پرووائیڈنگ ہولسم انٹرٹینمنٹ کا ایوارڈ حاصل ہو چکا ہے۔

فلم میں جذبات، ڈرامہ سب کچھ تھا اور اس فلم کے ذریعے سماجی پیغام بھی پہنچایا گیا تھا، دبنگ خان کے چاہنے والے بے صبری سے اس کے اگلے پارٹ کا انتظار کر رہے ہیں۔

اسی دوران یہ خبر آئی ہے کہ سلمان خان نے مشہور فلم کے رائٹر سے ملاقات کی اور فلم کے دوسرے پارٹ کو لے کر پلاننگ شروع ہوچکی ہے۔ امکان ظاہر کیا جارہا ہے کہ فلم کا دوسرا پارٹ بھی جلد آسکتا ہے۔

’گاڑی کو بم سے اڑا دیں گے‘ سلمان خان کو جان سے مارنے کی ایک اور دھمکی

فلم انڈسٹری کے ذرائع کا کہنا ہے کہ دبنگ خان نے کچھ دن پہلے وی ویجے اندرا پرساد سے ملاقات کی ہے۔ دونوں نے ایک آئیڈیا پر بات کی ہے ساتھ ہی یہ بھی کہا جا رہا ہے کہ اس پروجیکٹ میں ڈائریکٹر کبیر خان بھی شامل ہو سکتے ہیں۔ یعنی سلمان ویجے اندرا پرساد اور کبیر خان کی جوڑی ایک بار پھر ساتھ آ سکتی ہے مگر اس حوالے سے تصدیق نہیں ہوسکی ہے۔