Tag: اے آر وائی

کویت کی وزارت داخلہ کی جانب سے کویت میں شہریوں اور غیر ملکیوں کو نشانہ بنانے والی دھوکہ دہی کی سرگرمیوں میں اضافے کے بارے میں ایک بار پھر سے الرٹ جاری کردیا ہے۔

بین الاقوامی خبر رساں ادارے کی رپورٹ کے مطابق کویت کے فون نمبرز اور مختلف الیکٹرانک کمیونیکیشن میڈیا کا استعمال کرتے ہوئے بیرون ممالک سے کام کرنے والے مجرم خود کو کویتی سکیورٹی اہلکار ظاہر کر رہے ہیں۔

سیکورٹی تعلقات اور میڈیا کے جنرل ڈپارٹمنٹ نے اس حوالے سے ایک پریس ریلیز جاری کی ہے جس میں کویتی شہریوں اور غیر ملکی تارکین وطن پر دونوں پر زور دیا ہے کہ وہ احتیاط برتیں اور اس طرح کے فریب کارانہ مواصلات کے سلسلے میں ہوشیار رہیں۔

سیکورٹی تعلقات اور میڈیا کے جنرل ڈپارٹمنٹ نے ان دھوکے بازوں کے ساتھ کسی بھی بینک کی تفصیلات فراہم کرنے سے سختی سے منع کیا اور اس بات پر زور دیا ہے کہ وہ کسی بھی مشکوک کال کی اطلاع فوری طور پر متعلقہ حکام کو دیں۔

عوام کو اس بات کا یقین دلاتے ہوئے وزارت داخلہ کا کہنا تھا کہ ان غیر قانونی مواصلات کی چھان بین کی جارہی ہے۔ نگرانی اور ٹریکنگ کی کوششیں کی جا رہی ہیں اور ان دھوکہ دہی کی کارروائیوں سے پیدا ہونے والے کسی بھی ممکنہ خطرات سے نمٹنے اور اسے بے اثر کرنے کے لیے فوری ایکشن لیا جائے گا۔

دوسری جانب ایک مصری نرس کو کویت کی فوجداری عدالت کی جانب سے دس سال قید کی سزا سنائی گئی جس نے وزارت صحت کی طرف سے تقرری کے لیے اپنی دستاویزات میں جعلسازی کی تھی۔

غیر ملکی ذرائع ابلاغ کے مطابق مصری خاتون کو دستاویزات میں جعلسازی کرنے کے جرم میں پانچ سالوں میں وصول کی گئی غیر مستحق تنخواہ پر 21,000 دینار جرمانہ عائد کردیا گیا ہے، جبکہ عدالت نے نرس کی تقرری میں جعلسازی کرنے پر ایک اور شخص پر 5,000 دینار کا جرمانہ بھی عائد کیا۔

کویت کے پبلک پراسیکیوشن نے دونوں ملزمان پر وزارت صحت میں ملازمت کے لیے سرکاری دستاویزات میں جعلسازی، غیر سرکاری کاغذات استعمال کرنے، اور اس جرم کے نتیجے میں وہ رقم وصول کرنے کا الزام عائد کیا، تاہم دونوں ملزمان نے استغاثہ کی طرف سے ان پر لگائے گئے الزامات کی تردید کردی ہے۔

سعودی وزیر خارجہ فیصل بن فرحان کا کہنا ہے کہ ایسا لگتا ہے کہ کچھ حکومتیں غزہ میں جنگ بندی کو ترجیح کے طور پر نہیں دیکھ رہیں، انہوں نے کہ غزہ میں فوری جنگ بندی ضروری ہے۔

بین الاقوامی خبر رساں ادارے کی رپورٹ کے مطابق فیصل بن فرحان کا اپنے بیان میں کہنا تھا کہ فلسطینی ریاست کے قیام کے لیے ایک قابل اعتبار روڈ میپ بھی ہونا چاہیے۔

واضح رہے کہ اقوام متحدہ کی سلامتی کونسل میں غزہ میں انسانی بنیادوں پر جنگ بندی کی قرارداد کو امریکا نے ویٹو کردیا ہے۔

بین الاقوامی خبر رساں ادارے کی رپورٹ کے مطابق سلامتی کونسل میں متحدہ عرب امارات (یو اے ای) کی جانب سے غزہ میں انسانی بنیادوں پر فوری جنگ بندی کی قرار داد پیش کی گئی تھی۔

اقوام متحدہ میں امریکی نمائندے کا کہنا تھا کہ قرارداد میں اب بھی غیر مشروط جنگ بندی کا مطالبہ موجود ہے۔ سلامتی کونسل کے 15 میں سے 13 ارکان نے قرارداد کی حمایت کی، جبکہ برطانیہ نے اس میں حصہ نہیں لیا۔

اسرائیل کی اندھی حمایت پر بائیڈن انتظامیہ کو سبکی

امریکا کے مطابق یہ مطالبہ حماس کو اس قابل بنا دے گا جو اس نے 7 اکتوبر کو کیا تھا، متحدہ عرب امارات نے قراردار ویٹو کیے جانے پر اظہار مایوسی کیا۔

روسی صدر ولادیمیر پیوٹن اپنے غیر معمولی سرکاری دورے پر سعودی عرب پہنچ گئے جہاں اُن کی سعودی ولی عہد محمد بن سلمان سے ملاقات ہوئی۔

بین الاقوامی خبر رساں ادارے کی رپورٹ کے مطابق پیوٹن اور سعودی ولی عہد کی ملاقات کے موقع پر سعودی ولی عہد نے مشرق وسطیٰ میں تنازعات کے حل کیلئے دونوں ممالک روس اورسعودی عرب کے مشترکہ کردار کو سراہا۔

عرب میڈیا کا کہنا ہے کہ سعودی اور روس باہمی مفادات سمیت روس، سعودی عرب، مشرق وسطیٰ اور پوری دنیا کیلئے فائدہ مند منصوبوں پر مشترکہ طور پر کام کر رہے ہیں۔

سعودی روس تعلقات میں اضافے پر روسی صدر ولادیمیر پیوٹن نے سعودی ولی عہد کا شکریہ ادا کرتے ہوئے کہا کہ روس اور سعودی عرب کے دوستانہ تعلقات کے لیول کی اس سے قبل کوئی مثال نہیں ملتی، اور ہمارے تعلقات میں مزید اضافے کو کوئی نہیں روک سکتا۔

روسی وزارت خارجہ کے ترجمان دمیتری پاسکوف کے مطابق روسی صدر پیوٹن اور سعودی ولی عہد محمد بن سلمان نے اوپیک کوآپریشن پر بھی تبادلہ خیال کیا اور مستقل میں بھی تعاون جاری رکھنے پر اتفاق کیا۔

اس سے قبل پیوٹن کے یو اے ای کے دورے کے دوران اماراتی صدر شیخ محمد بن زاید النیہان سے ملاقات میں غزہ کی صورتحال کے علاوہ توانائی، انفرااسٹرکچر اور ٹیکنالوجی کے شعبوں میں باہمی تعاون پر تفصیلی گفتگو ہوئی۔

سعودی عرب کا نیا بجٹ کتنا ہے؟

اماراتی طیاروں نے ابوظبی پہنچنے پر آسمان پر روسی پرچم کے رنگ بکھیر کر روسی صدر کو خوش آمدید کہا، روسی صدر کے طیارے کو روسی لڑاکا طیاروں نے حصار میں لے کر روس سے ابوظبی تک پہنچایا۔

بھارت میں کرناٹک کے دارالحکومت بنگلورو کے 15 اسکولوں کو بم سے اُڑانے کی دھمکی موصول ہونے کے بعد طلباء کو اسکولوں سے نکال لیا گیا ہے،جبکہ عملے، طلباء اور والدین میں خوف و ہراس پھیل گیا ہے۔

بین الاقوامی خبر رساں ادارے کی رپورٹ کے مطابق سٹی پولیس نے دھمکی آمیز ای میلز موصول ہونے کے بعد تحقیقات کا آغاز کردیا ہے۔

رپورٹ کے مطابق کرناٹک کے دارالحکومت بنگلورو کے 15 اسکولوں کو جمعہ کی صبح بم سے اڑانے کی دھمکی آمیز ای میل موصول ہوئیں، جس کے بعد حکام، طلباء، والدین اور عملے میں خوف و ہراس پھیل گیا۔

بم ڈسپوزل اسکواڈ کی جانب سے اسکولوں کی کلیئرنس کے لئے تلاشی کا عمل شروع کردیا گیا، پولیس نے احتیاطی تدابیر کے طور پر اسکولوں سے طلباء اور عملے کو بھی باہر نکال دیااور بہت سے اسکولوں نے والدین کو ہدایت کی ہے کہ وہ اپنے بچوں کو جلد لے جائیں۔

ایک سینئر پولیس اہلکار نے میڈیا سے بات کرتے ہوئے بتایا کہ موصول ہونے والی ای میلز میں دعویٰ کیا گیا ہے کہ دھماکہ خیز مواد اسکول کے احاطے میں نصب کیا گیا ہے۔ کمانڈ سینٹر سے کال موصول ہونے کے بعد فوری طور پر اپنی ٹیمیں شہر کے مختلف حصوں میں واقع اسکولوں میں بھیج دی ہیں۔

انہوں نے بتایا کہ ابھی تک کچھ بھی مشتبہ نہیں ملا ہے اور ابتدائی طور پر ایسا لگتا ہے کہ یہ دھمکی آمیز ای میل صرف خوف و ہراس پھیلانے کے لئے کی گئی تھی، انہوں نے کہا کہ والدین کو گھبرانے کی ضرورت نہیں، ہماری ٹیمیں میدان میں ہیں۔

کرناٹک کے وزیر داخلہ نے بھی صورتحال پر بات کرتے ہوئے کہا کہ ہمیں 15 اسکولوں کے بارے میں معلومات ملی ہیں جہاں دھمکی آمیز ای میل موصول ہوئے ہیں، پچھلے سال بھی ایسی دھمکیاں موصول ہوئی تھیں۔

بھارت مجھے ہر صورت قتل کرانا چاہتا ہے، گرپتونت سنگھ پنوں

انہوں نے کہا کہ ہم کوئی خطرہ مول نہیں لے سکتے، ہم اسکولوں کا معائنہ کر رہے ہیں اور اسکولوں میں تمام احتیاطی تدابیر اختیار کر رہے ہیں۔ دھمکی آمیز ای میلزکرنے والوں کے خلاف سخت کارروائی کی جائے گی۔

بھارتی کرناٹک کے تمکور شہر میں ایک دل دہلا دینے والا واقعہ رونما ہوا، جس کے بعد ہر جانب سوگ کی فضا پھیل گئی، اتوار کی رات ایک ہی خاندان کے پانچ افراد اپنے گھر کے اندر مردہ حالت میں پائے گئے اور خیال کیا جارہا ہے کہ مذکورہ افراد نے مالی پریشانی اور مبینہ ذہنی اذیت کی وجہ سے اپنی زندگی کا خاتمہ کرلیا۔

غیر ملکی ذرائع ابلاغ کا اس حوالے سے کہنا ہے کہ غریب صاحب اور ان کی بیوی سمیہ اپنے کمرے کی چھت سے لٹکے ہوئے مردہ حالت میں پائے گئے، جبکہ ان کے تین بچوں کی لاشیں بستر پر پڑی ہوئی تھیں۔

پولیس کا اس حوالے سے کہنا ہے کہ غریب صاحب کباب کی دکان چلاتا تھا، جس میں اسے نقصان کا سامنا کرنا پڑ رہا تھا، خودکشی سے قبل انہوں نے ایک خودکشی نوٹ لکھا اور ایک ویڈیو بھی بنائی، جس میں انہوں نے اپنی مالی پریشانی کا ذکر کیا۔

ویڈیو میں اس نے کرناٹک کے وزیر داخلہ کو مخاطب کرتے ہوئے کہا کہ قلندر نام کے شخص نے اسے متعدد بار ہراساں کیا، جبکہ بدسلوکی اور تذلیل بھے کی۔

ایک منٹ کی ویڈیو میں انہیں یہ کہتے ہوئے سنا جا سکتا ہے کہ ”قلندر نے ہمارے بارے میں غلط افواہیں پھیلائیں اور ہمارے گھر کے باہر متعدد بار ہم سے جھگڑا کیا، قلندر اور اس کے گھر والے ہماری موت کے ذمہ دار ہیں“۔

پولیس کے مطابق کل ہمیں اطلاع ملی کہ ایک ہی گھر میں پانچ لاشیں موجود ہیں، جنہیں اسپتال منتقل کردیا گیا ہے، جبکہ مقتول کے خاندان کی خودکشی کے حوالے سے تحقیقات کا آغاز کردیا گیا ہے۔