مٹر ایک ایسی چیز ہے جسے بچے ہوں یا بڑے سب ہی بڑے شوق سے کھاتے ہیں، مگر ہر کوئی یہ نہیں جانتا کہ مٹر آپ کی صحت کے لئے کتنا فائدہ مند ہے۔
مٹر کا استعمال سردیوں میں عموماً زیادہ کیا جاتا ہے، کوئی اسے چاول کے ساتھ استعمال کرتا ہے تو کوئی اسے سالن میں استعمال کرتا ہے، یہی نہیں مٹر کی سلاد بھی تیار کی جاتی ہے۔
آج ہم آپ کو مٹر کے حیرت انگیز فوائد کے بارے میں بتاتے ہیں؟
فائبر:
مٹر میں وٹامن کے ساتھ فائبر کی بھی اچھی خاصی مقدار ہوتی ہے، اس کے علاوہ مٹر میں وٹامن اے بھی پایا جاتا ہے جو جلد کی دلکشی کو بڑھانے کے لیے اہم کردار ادا کرتا ہے۔
آئرن:
مٹر میں آئرن بڑی مقدار میں پایا جاتا ہے، جو پورے جسم میں آکسیجن کو زیادہ بہتر طریقے سے پہنچانے میں مدد فراہم کرتا ہے۔
وٹامن سی:
چھوٹے چھوٹے مٹر کے دانوں میں وٹامن سی کی بڑی مقدار موجود ہوتی ہے جو انسانی جسم میں قوت مدافعت کو بڑھانے میں مدد فراہم کرتی ہے۔
ذیابیطس اور بلڈ پریشر:
مٹر میں کم مقدار میں گلی سیمک اور کم مقدار میں کیلوریز ہوتی ہے جو ذیابیطس اور بلڈ پریشر کے مریضوں کے لیے بہترین ہوتا ہے جب کہ ڈائٹ کرنے والے بھی مٹر کے استعمال سے مطلوبہ نتائج حاصل کرسکتے ہیں۔
