Tag: اے آر وائی

برطانیہ پہنچنے والے افغان پناہ گزین نئی مشکل میں گھر گئے ہیں، برطانیہ کے محکمہ داخلہ نے لگ بھگ ایک ہزار افغان پناہ گزینوں کو ہوٹل خالی کرنے کے لیے 15 دسمبر کی ڈیدلائن دی ہے۔

غیر ملکی ذرائع ابلاغ کے مطابق برطانیہ کی لوکل گورنمنٹ ایسوسی ایشن (ایل جی اے) نے کہا ہے کہ جن افغان شہریوں نے افغانستان میں برطانیہ کے مفاد میں کام کیا، وہ بھی ہوٹل خالی کرنے کی حکم کے بعد سڑکوں پر سونے پر مجبور ہوجائیں گے۔

نئے اعداد و شمار سے یہ انکشاف ہوا ہے کہ پانچ ہزار 200 سے زیادہ یوکرینی خاندان بھی اس وقت ’بے گھر ہونے کی مد میں امداد‘ حاصل کر رہے ہیں۔

ایل جی اے کے چیئرمین شان ڈیوس کا کہنا ہے کہ کونسلز بے گھر ہونے والے افغان اور یوکرینی خاندانوں کی تعداد پر تشویش کا شکار ہو رہی ہیں۔ اس شرح میں ممکنہ طور پر بڑا اضافہ ہو سکتا ہے۔

پاکستان میں نقل مکانی کے منتظر افغانوں کی آمد سے اس بحران میں مزید اضافہ ہوگیا ہے، خیال کیا جارہا ہے کہ پناہ گزینوں کو برطانوی وزارت دفاع کی سابقہ عمارتوں پناہ دی گئی تھی، تاہم کونسلوں کویہ خطرہ ہے کہ کچھ ایسے ہوٹلوں میں دوبارہ رہائش دینا پڑے گی جنہیں حکومت پناہ کے متلاشیوں سے خالی رکھنے کا ارادہ رکھتی ہے۔

افغان مہاجرین کو لے کر پاکستان سے پہلی پرواز جمعے کو برطانیہ پہنچی تھی۔ پاکستان میں مزید تین ہزار دو سو افغان شہری برطانیہ کے ویزوں کے منتظر ہیں۔ یہ وہ افراد ہیں جنہوں نے برطانوی حکومت یا فوج کے لیے اپنی خدمات انجام دی تھیں۔

آئندہ ہفتوں کے دوران مزید کئی ہزار پناہ گزینوں کے برطانیہ آنے کا امکان ظاہر کیا جا رہا ہے۔

ابو ظہبی میں چلتی گاڑیوں سے باہر کچرا پھینکنے والے بھاری جرمانوں کے لئے ہوجائیں تیار، اب چلتی گاڑیوں سے کوڑا کرکٹ پھینکنے والوں پر 1000 درہم جرمانہ عائد کرنے کافیصلہ کرلیا گیا ہے۔

غیر ملکی ذرائع ابلاغ کے مطابق چلتی گاڑی سے سڑک پر کوئی بھی چیز پھینکنا قانون کے آرٹیکل 71 کی خلاف ورزی میں شمار ہوتا ہے، اگر ایسا کیا گیا تو گاڑی کے ڈرائیورز کو جرمانوں کا سامنا کرنا پڑے گا۔

ٹریفک پولیس کا کہنا ہے کہ ابوظہبی میونسپلٹی کی جانب سے‘ہمارا خوبصورت شہر’کے عنوان سے شروع کی گئی مہم کو کامیاب بنانا ہم سب کے لیے انتہائی ضروری ہے۔

دریں اثنا، پٹرولنگ پولیس کے ڈائریکٹر کرنل محمود یوسف البلوشی کی جانب سے ایک بیان سامنے آیا ہے، جس میں انہوں نے کہا ہے کہ ابوظہبی ٹریفک پولیس وقتاً فوقتاً آگاہی مہم چلاتی ہے جس کا بنیادی مقصد معاشرے میں قانون کی اہمیت کو اجاگر کرنا اور قواعد کی پابندی کرنا ہے۔

انہوں نے کہا کہ ٹریفک پولیس کی جانب سے الیکٹرک اسکوٹر سواروں کو اس کے خطرناک پہلو سے آگاہ کرنے کے لیے ایک مہم کا آغاز کیا گیا تھا، جس میں بتایا گیا تھا کہ ہائی ویز پر اسکوٹر چلانا خطرے کا باعث بن سکتا ہے، انہوں نے کہا کہ اقدامات پر سختی سے عمل کرنا ضروری ہے۔

الیکٹرک سکوٹر سواروں کے لیے حفاظتی ہیلمٹ کا لازمی استعمال کریں۔ والدین کو چاہیے کہ وہ اپنے نوعمر بچوں کو ہائی ویز پر سکوٹر چلانے کی اجازت نہ دیں، تاکہ کسی بھی بڑے نقصان سے بچ سکیں۔

اسرائیلی فوج کی جانب سے غزہ میں بمباری کا سلسلہ تاحال جاری ہے، جس کے باعث معصوم شہریوں، بچوں، خواتین سمیت شہداء کی تعداد 6 ہزار سے تجاوز کرگئی ہے۔

غیر ملکی ذرائع ابلاغ کی رپورٹ میں فلسطینی وزارت صحت کا حوالہ دیتے ہوئے بتایا گیا ہے کہ اسرائیلی بمباری سے شہداء کی تعداد 6 ہزار 55 تک پہنچ چکی ہے، جن میں 50 فیصد سے زائد بچے اور خواتین شامل ہیں۔

اسرائیلی جارحیت کے نتیجے میں ڈاکٹروں سمیت طبی عملے کے درجنوں ارکان شہید ہوچکے ہیں، غزہ کے 35 میں سے 12 اسپتالوں نے کام بند کردیا ہے، 72 میں سے 46 طبی مراکز غیر فعال ہوچکے ہیں۔

گزشتہ روز رفح کراسنگ سے امدادی سامان کے 20 ٹرکوں کی غزہ میں منتقلی نہیں ہوسکی، امکان ظاہر کیا جارہا ہے کہ اب امدادی سامان کے ٹرک آج داخل ہوسکیں گے۔

اقوام متحدہ کے ادارہ برائے مہاجرین نے خبردار کرتے ہوئے کہا ہے کہ اگر ایندھن نہ ملا تو آج غزہ کے اسپتال بند ہوجائیں گے، صاف پانی کی فراہمی بھی بند ہوجائے گی۔

دوسری جانب فلسطینیوں کی حمایت میں بیان دینے پر اسرائیل نے سیکریٹری جنرل یواین سے مستعفی ہونے کا مطالبہ کر دیا۔ اقوام متحدہ میں اسرائیلی سفیر گیلاد اردن نے سلامتی کونسل میں انتونیوگوتریس کے تبصرے پر برہمی کا اظہار کیا ہے۔

انہوں نے کہا کہ ان لوگوں سے بات کرنے کا کوئی جواز یا فائدہ نہیں ہے جو اسرائیل کے شہریوں اور یہودیوں کے خلاف ہونے والے بدترین مظالم پر ہمدردی کا اظہار کرتے ہیں بس کوئی الفاظ نہیں ہیں۔سیکریٹری جنرل اقوام متحدہ نے اپنے خطاب میں فلسطینیوں کی 56سالہ گھٹن کا ذکر کیا تھا۔

اسرائیلی فوج کی جانب سے غزہ پر وحشیانہ بمباری کا سلسلہ جاری ہے، تازہ حملوں میں مزید 425 فلسطینی شہید ہوگئے، صرف ایک گھنٹے کے دوران 50 شہری اپنی زندگیوں سے ہاتھ دھو بیٹھے۔

بین الاقوامی خبر رساں ادارے کی رپورٹ کے مطابق فلسطینی شہداء کی تعداد 5 ہزار 8 سے بھی تجاوز کرگئی ہے، جس میں 23 سو سے زیادہ بچے اور 13 سو کے قریب خواتین شامل ہیں، 18 ہزار زخمی ہوئے ہیں۔

اسرائیلی جارحیت کے نتیجے میں ڈاکٹروں سمیت طبی عملے کے 65 ارکان شہید ہوچکے ہیں، غزہ کے 35 میں سے 12 اسپتالوں نے کام بند کردیا ہے، 72 میں سے 46 طبی مراکز غیر فعال ہوچکے ہیں۔

گزشتہ روز رفح کراسنگ سے امدادی سامان کے 20 ٹرکوں کی غزہ میں منتقلی نہیں ہوسکی، امکان ظاہر کیا جارہا ہے کہ اب امدادی سامان کے ٹرک آج داخل ہوسکیں گے۔

اقوام متحدہ کے ادارہ برائے مہاجرین نے خبردار کرتے ہوئے کہا ہے کہ اگر ایندھن نہ ملا تو آج غزہ کے اسپتال بند ہوجائیں گے، صاف پانی کی فراہمی بھی بند ہوجائے گی۔

دوسری جانب فلسطینیوں کی حمایت میں بیان دینے پر اسرائیل نے سیکریٹری جنرل یواین سے مستعفی ہونے کا مطالبہ کر دیا۔ اقوام متحدہ میں اسرائیلی سفیر گیلاد اردن نے سلامتی کونسل میں انتونیوگوتریس کے تبصرے پر برہمی کا اظہار کیا ہے۔

انہوں نے کہا کہ ان لوگوں سے بات کرنے کا کوئی جواز یا فائدہ نہیں ہے جو اسرائیل کے شہریوں اور یہودیوں کے خلاف ہونے والے بدترین مظالم پر ہمدردی کا اظہار کرتے ہیں بس کوئی الفاظ نہیں ہیں۔ سیکریٹری جنرل اقوام متحدہ نے اپنے خطاب میں فلسطینیوں کی 56سالہ گھٹن کا ذکر کیا تھا۔

سعودی عرب میں غیر ملکیوں کی بڑی تعداد ڈرائیونگ کے شعبے سے وابستہ ہے، تاہم اب سعودی عرب میں موجود غیر ملکی ڈرائیورز کے لائسنس سے متعلق اہم وضاحت کی گئی ہے۔

بین الاقوامی خبر رساں ادارے کی رپورٹ کے مطابق سعودی عرب کے ٹریفک حکام کا اس حوالے سے کہنا ہے کہ بیرون ملک سے بطور ڈرائیورز خدمات حاصل کرنے والے افراد اپنے آبائی ممالک میں جاری کردہ ڈرائیونگ لائسنس مملکت میں عارضی طور پر استعمال کر سکتے ہیں۔

سعودی جنرل ٹریفک ڈپارٹمنٹ کی جانب سے وضاحت کی گئی ہے کہ ایسے غیر ملکی ڈرائیور زیادہ سے زیادہ تین ماہ تک اپنے مقامی لائسنس کا استعمال کر سکتے ہیں بشرطیکہ لائسنس کا ترجمہ کسی تسلیم شدہ ایجنسی نے کیا ہو اور اس کی قسم چلائی جانے والی گاڑی کے مطابق ہو۔

مملکت کی جانب سے حال ہی میں اپنی گھریلو لیبر مارکیٹ کو منظم کرنے اور اسے پرکشش بنانے کی کوشش کی گئی ہے۔

گزشتہ ماہ سعودی ٹریفک حکام کی جانب سے یہ بیان سامنے آیا تھا کہ مملکت میں ایک سال کے لیے غیر ملکی ڈرائیونگ لائسنس استعمال کرنے کی اجازت ہے۔

حالیہ برسوں کے دوران سعودی عرب نے مزید غیر ملکی سیاحوں کو ملک کی طرف راغب کرنے کے لیے ڈیزائن کردہ سہولیات کا ایک سیٹ پیش کیا ہے۔ ان میں کئی قومیتوں کے شہریوں کے لیے آمد پر یا آن لائن سیاحتی ویزوں کے اجراء کو بھی شامل کیا گیا ہے۔