ARYNews.tv | Urdu – Har Lamha Bakhabar

Tag: اے ایس ایف

  • بھرتی کے تحریری امتحانات کے دوران بڑا ’چیٹنگ گینگ‘ بے نقاب ہو گیا، جدید آلات برآمد

    بھرتی کے تحریری امتحانات کے دوران بڑا ’چیٹنگ گینگ‘ بے نقاب ہو گیا، جدید آلات برآمد

    کراچی: اے ایس ایف نے بھرتی کے تحریری امتحانات کے دوران ایک بڑے ’چیٹنگ گینگ‘ کو بے نقاب کیا ہے، اور ملزمان سے جدید الیکٹرانک آلات برآمد کیے گئے ہیں۔

    تفصیلات کے مطابق ایئرپورٹس سیکیورٹی فورس کی ایوی ایشن انٹیلیجنس نے لاہور میں بروقت اور مؤثر کارروائی میں بھرتی کے تحریری امتحانات کے دوران نئی طرز کے ایک منظم اور ہائی ٹیک چیٹنگ گینگ کو بے نقاب کیا ہے۔

    ترجمان اے ایس ایف کے مطابق ملک بھر میں اے ایس ایف ہر سال ملک کے مختلف ریکروٹمنٹ سینٹرز میں بھرتی کے تحریری امتحانات کے دوران نقل اور غیر قانونی ذرائع کے استعمال کی روک تھام کے لیے خصوصی سیکیورٹی انتظامات کو یقینی بناتی ہے۔چیٹنگ گینگ بھرتی کے تحریری امتحانات اے ایس ایف

    ترجمان کا کہنا ہے کہ اس سال 8 اپریل سے شروع ہونے والے بھرتی امتحان کے دوران اے ایس ایف کے عملے کی جسمانی/سامان کی تلاشی میں مثالی مہارت اور استعداد کی بدولت لاہور میں متعدد امیدواروں سے نقل میں استعمال کیے جانے والے جدید الیکٹرانک آلات برآمد کیے گئے۔

    امتحانات کا تیسرا روز، کس شفٹ میں‌ کس جماعت کا پرچہ ہے؟

    جس کے بعد اے ایس ایف انٹیلیجنس کی تفتیش سے حاصل ہونے والی معلومات کی روشنی میں مقتدر اداروں کی مدد سے امیدواروں کو غیر قانونی امداد فراہم کرنے والے بڑے نیٹ ورک کو سرغنہ سمیت گرفتار کر لیا گیا۔

    ابتدائی تفتیش کے دوران ملزمان نے امیدواروں کو غیر قانونی سہولیات فراہم کرنے کے عوض ڈھائی لاکھ سے 6 لاکھ روپے تک رقم وصول کرنے کا اعتراف کیا، نیٹ ورک کے سرغنہ سے برآمد ہونے والے کل 80 آلات میں سمارٹ ڈیوائسز، سم کارڈز، مدر بورڈز، ایل سی ڈیز، مائیکروفونز، سمارٹ واچز، بلوٹوتھ ڈیوائسز اور موبائل فونز شامل ہیں-

    گرفتار ملزمان اور ملوث امیدواروں کو مزید قانونی کارروائی کے لیے پولیس کے حوالے کر دیا گیا ہے۔

  • جدید ترین خطوط پر تیار کیا گیا باڈی سکینرز اے ایس ایف کے حوالے

    جدید ترین خطوط پر تیار کیا گیا باڈی سکینرز اے ایس ایف کے حوالے

    کراچی: پاکستان میں ایوی ایشن سکیورٹی کو مزید مستحکم بنانے کے لئے یو این او ڈی سی اور کینیڈا حکومت کی جانب سے پاکستان ایئرپورٹس سکیورٹی فورس (اے ایس ایف) کو جدید ترین خطوط پر تیار کئے گئے -360 ڈگری باڈی سکینرز دئیے جا رہے ہیں، پہلا سکینر ایئرپورٹس سکیورٹی فورس کے حوالے کر دیا گیا ہے۔

    اے آر وائی نیوز کے مطابق یہ سکینرز بڑے ایئرپورٹس پر لگائے جائیں گے جن کی بدولت مسافروں کی سکریننگ کی کارروائی میں بہتری آئے گی، جدید ٹیکنالوجی کے حامل اسریننگ سے، ممنوعہ اشیاء کی سمگلنگ کی روک تھام ممکن ہو سکے گی اور سرحدی سلامتی مستحکم ہو گی۔

    اس سلسلے میں تقریب اے ایس ایف سنٹر کراچی میں منعقد ہوئی، ڈائریکٹر جنرل اے ایس ایف میجر جنرل عدنان آصف جاہ شاد نے سکینر وصول کیا۔ سکیورٹی سرگرمیوں کو جدید خطوط پر استوار کرنے کے لئے اس سکینر کی اہمیت پر روشنی ڈالی۔

    یو این او ڈی سی کے کنٹری ریپریزنٹیٹو ٹروئلز ویسٹر نے اس اقدام کے دوررس اثرات پر اظہار خیال کرتے ہوئے یو این او ڈی سی اور کینیڈا حکومت کے اس عزم کا اعادہ کیا کہ پاکستان کی ایوی ایشن سکیورٹی اور سرحدی انتظامی امور میں بہتری کے لئے ہر ممکن معاونت فراہم کی جائے گی۔

    اے ایس ایف کراچی کے عملے نے فرض شناسی کی مثال قائم کردی

    پاکستان میں کینیڈا کی ہائی کمشنر، لیزلی سکینلون نے دونوں حکومتوں کے درمیان گہرے تعلقات اور مشترکہ سکیورٹی مشکلات سے نمٹنے کے لئے عالمی تعاون کی اہمیت پر زور دیا۔

  • اے ایس ایف نے بیرون ملک منشیات اسمگلنگ کی کوشش ناکام بنا دی

    اے ایس ایف نے بیرون ملک منشیات اسمگلنگ کی کوشش ناکام بنا دی

    ائیرپورٹس سیکیورٹی فورس کی اسلام آباد اور پشاور ائیر پورٹس پر کارروائیاں کرتے ہوئے مسافروں سے علی الترتیب 1.166 کلو گرام آئس ہیروئن اور 1.210 کلو گرام آئس ہیروئن برآمد کر لی۔

      اے ایس ایف حکام کے مطابق اسلام آباد ائیرپورٹ پر دوحہ کی پرواز پر اے ایس ایف عملہ نے مسافر شیر خان اور پشاور ائیر پورٹ پر جدہ کی پرواز پر مسافر اقبال حسین کے سامان میں منشیات کی موجودگی کی نشاندہی کی۔

    حکام کا کہنا ہے کہ اسلام آباد میں مسافر نے مذکورہ منشیات ٹرالی بیگ کی اندرونی تہوں میں جبکہ پشاور میں یہ منشیات اندرسوں (مٹھائی) میں مہارت سے چھپائی گئی تھی۔

     تاہم اے ایس ایف کے عملے نے دونوں مسافروں کے سامان کی سرچ کرنے پر سامان کی تلاشی پر بیگ سے بالترتیب 1.166 کلو گرام اور 1.210 کلوگرام آئس ہیروئن برآمد کرکے اسمگلنگ کی کوشش ناکام بنادی۔

    اے ایس ایف حکام نے کہا کہ ملزمان کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔

  • کوالالمپور جانے والی پرواز پر مسافر سے براؤن ہیروئن برآمد

    کوالالمپور جانے والی پرواز پر مسافر سے براؤن ہیروئن برآمد

    ائیرپورٹس سیکیورٹی فورس نے لاہور ائیر پورٹ پر کارروائی کرتے ہوئے کوالالمپور جانے والی پرواز پر ایک مسافر سے 2.4 کلو گرام براؤن ہیروئن برآمد کر لی۔

      اے ایس ایف کے مطابق کوالالمپور کی پرواز پر اے ایس ایف عملہ نے مسافر جنید حیدر کے سامان میں منشیات کی موجودگی کی نشاندہی کی۔ مسافر نے مذکورہ منشیات بیگ کی اندرونی تہوں میں مہارت سے چھپا رکھی تھی۔

    تاہم اے ایس ایف کے عملے نے مسافر کے سامان کی سرچ کرنے پر سامان تلاشی پر بیگ سے 2.4 کلو گرام آئس ہیروئن برآمد کرکے اسمگلنگ کی کوشش ناکام بنادی۔

    اے ایس ایف کا کہنا ہے کہ ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔

  • دبئی جانے والے مسافر سے 45 پاکستانی پاسپورٹ برآمد

    دبئی جانے والے مسافر سے 45 پاکستانی پاسپورٹ برآمد

    کراچی: جناح انٹرنیشنل ایئرپورٹ پر دبئی جانے والے ایک مسافر سے 45 پاکستانی پاسپورٹ برآمد ہوئے ہیں۔

    اے ایس ایف نے آج پیر کو کراچی ایئرپورٹ پر ایک کارروائی میں دبئی جانے والے مسافر کے قبضے سے پینتالیس پاکستانی پاسپورٹ برآمد کیے ہیں۔

    محمد عدنان فلائی دبئی کی پرواز سے کراچی سے دبئی جا رہا تھا، جناح ٹرمینل پر سامان کی اسکیننگ کے دوران اے ایس ایف کے عملے نے پاسپورٹ برآمد کیے۔

    غیر متعلقہ افراد کے پاسپورٹس کی موجودگی کے حوالے سے مسافر کوئی تسلی بخش جواب نہ دے سکا، مسافر عدنان مختلف شہریوں کے پاسپورٹس غیر قانونی طور پر ایران براستہ دبئی لے جا رہا تھا۔

    مسافر کو برآمد شدہ پاسپورٹس سمیت ایف آئی اے امیگریشن نے مزید کارروائی کے لیے ایف آئی اے پاسپورٹ سرکل منتقل کر دیا ہے۔

  • بہادر سپوتوں کی عظیم قربانیوں کو فراموش نہیں کیا جاسکتا، ڈی جی اے ایس ایف

    بہادر سپوتوں کی عظیم قربانیوں کو فراموش نہیں کیا جاسکتا، ڈی جی اے ایس ایف

    کراچی: ایئرپورٹ سیکیورٹی فورسز ( اے ایس ایف) کے زیراہتمام یوم تکریم پاکستان نہایت عقیدت واحترام سے منایا گیا۔

    اے آر وائی نیوز کے مطابق کراچی میں یوم تکریم پاکستان کی تقریب اے ایس ایف ہیڈ کوارٹرز میں منعقد کی گئی، دن کا آغاز مساجد میں قرآن خوانی اور ملکی استحکام کے لئے دعاؤں کے ساتھ ہوا۔

    اس ضمن میں مرکزی تقریب اے ایس ایف ہیڈ کوارٹرز کراچی میں منعقد ہوئی، ڈائریکٹر جنرل اے ایس ایف نے یادگار شہدا پر پھولوں کی چادر چڑھائی اور شہدا کے درجات کی بلندی کے لیے دعا کی۔

    بعد ازاں تقریب میں شہدا پاکستان کی لازوال قربانیوں کو خراجِ تحسین پیش کرتے ہوئے ڈائریکٹر جنرل اے ایس ایف میجر جنرل عدنان آصف جاہ شاد ہلالِ امتیاز (ملٹری ) نے اپنے پیغام میں کہا کہ مادر وطن کی خاطر جان نچھاور کرنے والے بہادر سپوتوں کی عظیم قربانیوں کو کبھی بھی فراموش نہیں کیا جاسکتا۔

    یہ بھی پڑھیں: پوری قوم کو آپ کے بابا پر ناز ہے، آرمی چیف کی سپاہی عمران شہید کی بیٹی سے ملاقات

    انہوں نے اعادہ کیا کہ شہید ہمارا فخر ہیں اور شہیدوں کے خون سے وفا کا تقاضا ہے کہ ہم دشمن کو ایک آواز سے یہ پیغام دیں کہ ساری قوم شہدا وطن کی عظمتوں کی معترف ہے اور جب کبھی بھی ملک کے دفاع اور بقا کی بات ہوگی ساری غیور قوم پاکستان کی افواج کے شانہ بشانہ کھڑی ہوگی۔

    ڈائریکٹر جنرل اے ایس ایف نے مز ید کہا کہ مادروطن کی خاطر کسی بھی قسم کی قربانی سے دریغ نہیں کیا جائیگا اور اے ایس ایف پاکستان کی تمام فورسز کے شہدا خصوصا پاک فوج کے شہداء کی عظمت کو سلام پیش کرتی ہے۔

    اس دن کی اہمیت کو اجاگر کرنے کے لیے ملک بھر کے تمام ائیرپورٹس پروقار فورس ممبران کو شہدا کی لازوال قربانیوں سے آگاہی دی گئی۔

    تقاریب میں چیف سیکیورٹی آفیسرز اور آفیسرز کمانڈنگز نے اس دن کی مناسبت سے ڈائریکٹر جنرل کا خصوصی پیغام پڑھ کر سنایا۔

    واضح رہے کہ پاک فوج کے سربراہ جنرل سیّد عاصم منیر نے بھی تکریم پاکستان کی مرکزی تقریب سے خطاب کرتے ہوئے کہا کہ جو کچھ نو مئی کو ہوا وہ انتہائی افسوسناک اور قابل مذمت ہے۔

    شہداء کی یادگاروں کی بے حرمتی اور ان کے وقار کو مجروح کرنے والوں کو قوم نہ معاف کرے گی، نہ ہی بھولے گی اور ایسے امر کو برداشت نہیں کیا جائے گا۔

  • 2021: پاکستانی ایئر پورٹس پر اربوں مالیت کی منشیات، سونا، غیر ملکی کرنسی پکڑی گئی

    2021: پاکستانی ایئر پورٹس پر اربوں مالیت کی منشیات، سونا، غیر ملکی کرنسی پکڑی گئی

    کراچی: رواں سال پاکستانی ایئر پورٹس پر منشیات اسمگلنگ اور منی لانڈرنگ کے خلاف بڑی کارروائیاں کی گئیں، جن میں اربوں روپے مالیت کی اشیا اور کرنسی ضبط کی گئی۔

    اے آر وائی نیوز کے مطابق ایئر پورٹ سیکیورٹی فورس کی جانب سے سال 2021 میں مختلف ایئر پورٹس پر کی گئی کارروائیوں کی رپورٹ جاری کر دی گئی ہے۔

    ترجمان اے ایس ایف کا کہنا ہے کہ رواں سال کے دوران پاکستان کے مختلف ایئر پورٹس پر فورس کی کارروائیوں میں اربوں روپے مالیت کی منشیات، سونا اور اور غیر ملکی کرنسی ضبط کی گئی۔

    ترجمان کے مطابق دو ہزار اکیس میں منی لانڈرنگ کی درجنوں وارداتیں ناکام بنائی گئیں، اور درجنوں ملزمان گرفتار کیے گئے۔

    اس دوران 26.68 کلو گرام سونا بیرون ملک اسمگل کرنے کی کوشش ناکام بنائی گئی، ضبط کیے گئے سونے کی مالیت ساڑھے 25 کروڑ سے زائد ہے، جب کہ ضبط کی گئی 57 ملین سے زائد کی غیر ملکی کرنسی میں ڈالرز، برطانوی پاؤنڈز، یورو سعودی ریال اور دیگر کرنسیاں شامل ہیں۔

    ترجمان کے مطابق کارروائیوں کے دوران 95 کلو گرام ہیروئن اور 54 کلو گرام سے زائد آئس ضبط کی گئی، ہیروئین، آئس اور دیگر منشیات مختلف ممالک کو اسمگل کی جا رہی تھی۔

    ان کارروائیوں کے دوران مختلف برانڈز کی غیر ملکی شراب کی 265 بوتلیں بھی ضبط کی گئیں۔

  • اے ایس ایف پہلی بار یوم پاکستان پریڈ میں شرکت کرے گی

    اے ایس ایف پہلی بار یوم پاکستان پریڈ میں شرکت کرے گی

    کراچی: ایئر پورٹ سیکیورٹی فورس (اے ایس ایف) پہلی بار 23 مارچ کو یوم پاکستان پریڈ میں شرکت کرے گی۔

    اے آر وائی نیوز کے مطابق ایئر پورٹ کی اہم سرحدوں کی حفاظت پر مامور سیکیورٹی فورس بھی اب یوم پاکستان پریڈ میں پیشہ ورانہ جوہر دکھائے گی۔

    ذرائع کا کہنا ہے کہ ڈی جی اے ایس ایف میجر جنرل ظفر الحق بھی پریڈ میں شریک ہوں گے، جب کہ اے ایس ایف کے 200 سے زائد جوان و افسران پریڈ کی ریہرسل میں مصروف ہیں۔

    یاد رہے کہ گزشتہ روز آئی ایس پی آر نے یومِ پاکستان کی مناسبت سے نیا پرومو جاری کر دیا ہے، پرومو میں قائد کی پاکستان حاصل کرنے کے لیے دی جانے والی قربانیوں کا پیغام دیا گیا ہے اور پاکستانی قوم کے عزم اور حوصلے کو بیان کیا گیا ہے، پرومو میں دکھایا گیا ہے کہ متحد ہو کر پاکستانیوں نے ہر چیلنج کا مقابلہ کیا ہے۔

    خیال رہے کہ یوم پاکستان، پاکستان کی تاریخ کا بہت اہم دن ہے، اس دن قرارداد پاکستان پیش کی گئی تھی، جس کی بنیاد پر مسلم لیگ نے برصغیر میں مسلمانوں کے جدا وطن کے حصول کے لیے تحریک شروع کی تھی، اور 7 برس کے بعد اپنا مطالبہ منظور کرانے میں کامیاب رہی، وہ مطالبہ جو اسلامی جمہوریۂ پاکستان کے نام سے دنیا کے نقشے پر ابھرا۔

    یوم پاکستان: آئی ایس پی آر کا نیا پرومو جاری

    یوم پاکستان منانے کے لیے ہر سال 23 مارچ کو خصوصی تقریب کا اہتمام کیا جاتا ہے، جس میں پاکستان مسلح افواج پریڈ بھی کرتے ہیں۔

  • اسلام آباد ایئر پورٹ پر اسکیننگ کے دوران مسافر سے پستول برآمد

    اسلام آباد ایئر پورٹ پر اسکیننگ کے دوران مسافر سے پستول برآمد

    اسلام آباد: وفاقی دارالحکومت کے ایئرپورٹ پر ایک مسافر کے سامان سے اسکیننگ کے دوران پستول اور گولیاں برآمد ہو گئیں۔

    اے آر وائی نیوز کے مطابق اسلام آباد ایئر پورٹ پر اے ایس ایف نے ایک کارروائی کے دوران کراچی جانے والے مسافر کے سامان سے اسلحہ اور گولیاں برآمد کر لیں۔

    مسافر مسرور علی پرواز پی اے 207 کے ذریعے اسلام آباد سے کراچی جا رہا تھا، اے ایس ایف نے دوران اسکینگ ان کے ہینڈ کیری سے نائن ایم ایم پسٹل، تین میگزین اور 32 گولیاں برآمد کر لیں۔

    مسافر کے پاس اسلحے کا ایکسپائر لائسنس بھی پایا گیا، ذرایع کا کہنا ہے کہ اے ایس ایف نے ڈاکٹر مسرور علی نامی مسافر کو حراست میں لے کر مزید قانونی کارروائی کے لیے تھانہ ایئر پورٹ پولیس چوکی کے حوالے کر دیا۔

    اسلام آبادایئرپورٹ پر بیگ چھیننے کا ڈراما رچانے والی خاتون کی اصل حقیقت سامنے آگئی

    یاد رہے کہ چند دن قبل اسلام آباد ایئرپورٹ پر ایک عجیب واقعہ پیش آیا تھا، ابوظہبی سے اسلام آباد پہنچنے والی ایک خاتون نے ٹرمینل منیجر کو درخواست دی کہ پارکنگ میں ان کے ساتھ ڈکیتی کی واردات ہوئی ہے جس میں ان سے بیگ چھینا گیا جس میں زیورات اور نقد رقم تھی، چھیننے والے نے آنکھوں پر اسپرے بھی کیا۔

    سی اے اے کے ڈاکٹرز نے جب خاتون کی آنکھوں کا معائنہ کیا تو ایسی کوئی چیز سامنے نہیں آئی، جس پر خاتون کی تلاشی لی گئی تو اس کے کپڑوں میں چھپے ہوئے زیورات اور رقم برآمد ہو گئی، ڈراما رچانے پر انھیں حراست میں لے لیا گیا۔

  • اسلام آباد ایئر پورٹ پر منی لانڈرنگ کی کوشش ناکام بنا دی گئی

    اسلام آباد ایئر پورٹ پر منی لانڈرنگ کی کوشش ناکام بنا دی گئی

    کراچی: اسلام آباد ایئر پورٹ پر اے ایس ایف نے کارروائی کرتے ہوئے منی لانڈرنگ کی کوشش ناکام بنا دی۔

    اے آر وائی نیوز کے مطابق ایئر پورٹ سیکورٹی فورس کے اہل کاروں نے اسلام آباد ایئرپورٹ پر ایک مسافر کو حراست میں لے کر اس کے قبضے سے 60 ہزار سے زائد غیر ملکی کر نسی برآمد کر لی۔

    اے ایس ایف ذرایع کا کہنا ہے کہ مسافر ناصر سے 53 ہزار 65 درہم جب کہ 10 ہزار قطری دینار برآمد کیے گئے ہیں۔

    ذرایع نے بتایا کہ زیر حراست مسافر غیر ملکی پرواز FZ.8258 کے ذریعے اسلام آباد سے دبئی جانا چاہتا تھا، مسافر نے کرنسی اسپیکر میں چھپا رکھی تھی، تلاشی پر اسپیکر کے اندر سے غیر ملکی کرنسی نکل آئی۔

    اے ایس ایف نے مسافر ناصر سے تفیش کے بعد اسے مزید قانونی کارروائی کے لیے برآمد شدہ کرنسی سمیت کسٹم حکام کے حوالے کر دیا۔

    قومی اسمبلی نے انسداد منی لانڈرنگ ترمیمی بل 2020 کی منظوری دے دی

    یاد رہے کہ آج اسلام آباد ایئر پورٹ پر بیرون ملک ممنوعہ دوائیں اسمگلنگ کرنے کی کوشش بھی ناکام بنائی گئی ہے، ایئر پورٹ انتظامیہ کا کہنا تھا کہ ممنوعہ دوائیں آزاد کشمیر کے رہائشی 2 مسافر دبئی لے جانا چاہتے تھے۔

    حکام کا کہنا تھا کہ 1000 ممنوعہ گولیاں قبضے میں لے کر مسافروں کو سفر کی اجازت دے دی گئی، مسافر عظیم اور انیس کو تحریری معافی نامے کے بعد سفر کی اجازت دی گئی۔