Tag: اے ایس ایف

کراچی: سکھر ایئر پورٹ سے منی لانڈرنگ کی بڑی کوشش ناکام بنا دی گئی، اے ایس ایف کا کہنا ہے کہ ایک خاتون سمیت 2 مسافروں سے لاکھوں ڈالر اور سونا برآمد کیا گیا۔

تفصیلات کے مطابق اے ایس ایف نے سکھر ایئر پورٹ پر خاتون سمیت دو مسافر گرفتار کیے ہیں، جن سے 4 لاکھ 50 ہزار ڈالر برآمد ہوئے، خاتون مسافر سے 5 کلو سونا، دو سو گرام موتی اور 255 یو اے ای درہم بھی برآمد ہوئے۔

اے ایس ایف ذرایع نے بتایا کہ تلاشی پر معلوم ہوا کہ مسافر محمد اسلام اور خاتون اناہیتا سہراب ایرانی نے بیگ میں غیر ملکی کرنسی چھپا رکھی تھی، دونوں مسافر پی کے 531 سے کراچی جا رہے تھے، کراچی پہنچنے کے بعد دونوں نے بیرون ملک سفر کرنا تھا، اے ایس ایف نے دونوں مسافروں کو مزید کارروائی کے لیے کسٹم حکام کے حوالے کر دیا۔

یاد رہے کہ نومبر میں علامہ اقبال انٹرنیشنل ایئرپورٹ پر تعینات کسٹم اہل کاروں نے چیکنگ کے دوران مسافر کے سامان سے 17 ہزار امریکی ڈالر، 25 ہزار 600 یوآن جب کہ 25 ہزار 780 بھارتی روپے برآمد کیے تھے۔

لاہور ایئرپورٹ پر سونے کی اسمگلنگ کو ناکام بنا دیا گیا

کسٹم حکام کا کہنا تھا کہ مسافر نجی ایئر لائن لائن کی پرواز 6018 سے ارمچی جا رہا تھا۔ گزشتہ ماہ علامہ اقبال انٹرنیشل ایئرپورٹ پر سونے کی اسمگلنگ کو ناکام بنایا گیا تھا۔ امریکی خاتون پرواز 342 لاہور سے مسقط جا رہی تھی، دوران چیکنگ خاتون کے سامان سے 2 سونے کے بسکٹ برآمد ہوئے۔

لاہور: علامہ اقبال انٹرنیشنل ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے ملزم کو گرفتار کرلیا۔

تفصیلات کے مطابق لاہور ایئرپورٹ پر اے ایس ایف نے غیرملکی ایئرلائن کی پرواز کیو آر 629 کے ذریعے دوحہ جانے والے مسافر کے سامان سے 3 سو گرام اعلیٰ کوالٹی کی چرس برآمد کرلی۔

ایئرپورٹ سیکیورٹی فورس کے مطابق چرس ٹریولنگ بیگ میں مہارت سے چھپائی گئی تھی۔ اے ایس ایف حکام کا کہنا ہے کہ ملزم کو اینٹی نارکوٹکس فورس (اے این ایف) حکام کے حوالے کردیا گیا ہے۔

اسلام آباد ایئرپورٹ: بیرون ملک منشیات اسمگلنگ کی کوشش ناکام ، ملزم گرفتار

یاد رہے کہ گزشتہ ماہ نیو اسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے سعودی عرب جانے والے مسافر سے 03 کلو آئس ہیروئن برآمد کرکے گرفتار کیا تھا۔

ترجمان اے ایس ایف کے مطابق عملے نے شک کی بنیاد پر مسافر کی تلاشی لی تو یہ انکشاف ہوا کہ اس کے سامان میں موجود نمکو کے پیکٹس میں آئس ہیروئین چھپا کر رکھی گئی تھی۔

اسلام آباد: اسلام آباد ایئرپورٹ پر مسافروں سے لڑنے والے اے ایس ایف اہلکاروں کا کورٹ مارشل کر دیا گیا۔

تفصیلات کے مطابق اسلام آباد ایئرپورٹ پر مسافروں سے ہاتھا پائی کرنے والے والے اے ایس ایف اہلکاروں کا آرمی ایکٹ کے تحت کورٹ مارشل کر دیا گیا۔ ڈی جی اے ایس ایف میجر جنرل ظفرالحق نے سینیٹ قائمہ کمیٹی میں رپورٹ جمع کرا دی۔

رواں سال اکتوبر میں نیو اسلام آباد انٹرنیشنل ایئرپورٹ پر اے ایس ایف اہلکاروں کی جانب سے مسافروں سے بد اخلاقی کے واقعے پر وزیرِ اعظم عمران خان نے سخت نوٹس لیتے ہوئے متعلقہ افسران کے خلاف سخت ایکشن لینے کی ہدایت کی تھی۔

یاد رہے کہ چند روز قبل ریاض سے پشاور آنے والی پی آئی اے کی پرواز موسم کی خرابی کے باعث اسلام آباد ائیرپورٹ پر اتار لی گئی تھی۔

اے ایس ایف اہلکاروں کی بدتمیزی: واقعے پر تحقیقات کے لیے انکوائری کمیٹی قائم

موسم کی خرابی کے باعث پرواز کی روانگی میں کئی گھنٹے تاخیر پر مسافروں نے احتجاج کیا جس کو روکنے کے لیے اے ایس ایف اہلکاروں کو طلب کیا گیا۔

اے ایس ایف اہلکاروں نے معاملہ حل کرنے کے بجائے مسافروں پر تھپڑ اور گھونسوں کی بارش کردی لیکن واقعے کے بعد اے ایس ایف اور سی اے اے کی جانب سے کوئی ایکشن نہیں لیا گیا جس کے بعد ہنگامے کی ویڈیو سوشل میڈیا پر وائرل ہوگئی۔

لاہور: علامہ اقبال انٹرنیشنل ائیرپورٹ سے بنکاک جانے والے تھائی مسافر کو جہاز میں ہلڑ بازی کرنے پر آف لوڈ کردیا گیا، ایئرلائن نے مسافر کو بلیک لسٹ کرتے ہوئے تھائی ایئر پر سفر کرنے پر پابندی عائد کردی۔

تفصیلات کے مطابق لاہور سے غیرملکی ایئرلائن کی پرواز سے بنکاک جانے والے تھائی مسافر نے جہاز میں اس وقت ہلڑ بازی شروع کردی جب فضائی میزبان نے دوسرے مسافر کی سیٹ پر بیٹھنے پر سیٹ سے اٹھنے کو کہا تو مسافر نے جہاز میں شور شرابہ شروع کردیا اور فضائی میزبان سے بدتمیزی کی اور ہلڑ بازی کرنے لگا۔

تھائی نیشنل سوم ساک وانگ چینگ نامی مسافر غیر ملکی ایئرلائن (تھائی ائیر ) کی پرواز ٹی جی 346 سے بنکاک جا رہا تھا۔ مسافر کے شور شرابہ کرنے پر کپتان نے فوری طور پر اے ایس ایف کو طلب کرلیا۔ اے ایس ایف نے مسافر کو کیبن کریو سے بدتمیزی اور لڑائی جھگڑا کرنے پر جہاز سے اتار دیا۔

ائیرلائن انتظامیہ کے مطابق مسافر نے ائیرکرافٹ سیکیورٹی ریگولوشن کی خلاف ورزی کی ہے۔ ہلڑ بازی کرنے پر مسافر کو آف لوڈ کرکے اے ایس ایف کے حوالے کر دیا گیا۔ ایئرلائن نے مسافر کو بلیک لسٹ کرتے ہوئے تھائی ایئرپر سفر کرنے پر پابندی عائد کردی۔

دوسری جانب نیو اسلام آباد ایئرپورٹ پر پی آئی اے کی ٹاسک فورس نے کارروائی کرتے ہوئے کینیڈا جانے والے افغانی شہری کو حراست میں لے لیا۔ افغانی شہری جعلی ویزے پر کینیڈا جا رہا تھا۔

مسافر نے پی آئی اے کی پرواز پی کے 781 کے ذریعے ٹورنٹو کے لیے اپنی سیٹ بک کرائی تھی، پی آئی اے کی ٹاسک فورس نے مسافر کا ویزا چیک کیا تو وہ جعلی نکلا۔ شر زاد شکور جان نامی مسافر کو ایف آئی اے ایمیگریشن کے حوالے کردیا گیا۔ ایف آئی اے ایمیگریشن نے مسافر کو حراست میں لے کر تفتیش شروع کر دی۔

ادھر اےایس ایف نے لاہور ایئرپورٹ پرمنی لانڈرنگ کی کوشش ناکام بناتے ہوئے بنکاک جانے والے مسافر کے بیگ سے 47 ہزار ڈالر برآمد کرلیے، ایک بیگ سے 44 ہزار امریکی ڈالر، دوسرے بیگ سے 3 ہزارآسٹریلین ڈالر برآمد ہوئے۔ مسافر میاں بیوی کے ساتھ بچے بھی تھے، مسافر کو تفتیش کے لیے کسٹم کے حوالے کر دیا گیا۔

اسلام آباد: نیو اسلام آباد ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے ملزم کو گرفتار کرلیا۔

تفصیلات کے مطابق نیواسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے عمان جانے والے مسافر کے سامان سے 3 کلو 378 گرام اعلیٰ کوالٹی کی چرس برآمد کرلی۔

اے ایس ایف حکام کا کہنا ہے کہ ملزم کو اینٹی نارکوٹکس فورس (اے این ایف) حکام کے حوالے کردیا گیا ہے۔

دوسری جانب پشاور ایئرپورٹ پر اے ایس ایف نے بیرون ملک منشیات اسمگلنگ کرنے کی کوشش ناکام بناتے ہوئے ملزم کو گرفتار کرلیا۔اے ایس ایف ذرائع کے مطابق ضلع کرم کا رہائشی امرود میں چرس اسمگل کرتے پکڑا گیا، ملزم قومی ایئرلائن کی پرواز سے دوحہ جا رہا تھا۔

اسلام آباد ایئرپورٹ: بیرون ملک منشیات اسمگلنگ کی کوشش ناکام ، ملزم گرفتار

یاد رہے کہ گزشتہ ہفتے نیواسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے سعودی عرب جانے والے مسافر سے 03 کلو آئس ہیروئن برآمد کرکے گرفتار کیا تھا۔

ترجمان اے ایس ایف کے مطابق عملے نے شک کی بنیاد پر مسافر کی تلاشی لی تو یہ انکشاف ہوا کہ اس کے سامان میں موجود نمکو کے پیکٹس میں آئس ہیروئین چھپا کر رکھی گئی تھی۔

پشاور/ اسلام آباد: چرس اسمگلنگ کے دو الگ الگ واقعات میں 2 مسافروں کو گرفتار کر لیا گیا ہے، ایئرپورٹ سیکورٹی فورس نے اسمگلنگ کی دونوں کوششیں ناکام بنا دیں۔

تفصیلات کے مطابق پشاور ایئر پورٹ پر اے ایس ایف نے کارروائی کرتے ہوئے امرود میں چھپا کر بیرون ملک چرس اسمگلنگ کی کوشش ناکام بنا دی، اے ایس ایف ذرایع کا کہنا ہے کہ ضلع کرم کا رہایشی امرود میں چرس اسمگل کرتے پکڑا گیا۔

ذرایع نے بتایا کہ ملزم قومی ائیر لائن کی پرواز سے دوحہ جا رہا تھا، تلاشی پر امرود سے چرس نکل آئی، جس پر مسافر کو حراست میں لے لیا گیا۔

دوسرے واقعے میں اسلام آباد انٹرنیشنل ایئر پورٹ پر اے ایس ایف نے کارروائی کرتے ہوئے عمان منشیات اسمگلنگ کی کوشش نا کام بنا دی اور مسافر کو حراست میں لے لیا، مسافر پرواز ڈبلیو وائے 346 سے مسقط جا رہا تھا، جس سے 2 کلو 378 گرام چرس برآمد ہوئی۔

یہ بھی پڑھیں:  کیا آپ کو امرود کے یہ فوائد معلوم ہیں؟

اے ایس ایف کے مطابق مسافر نے چرس گھر کی بنی ہوئی مٹھائی میں چھپا رکھی تھی، جس کا تعلق باجوڑ ایجنسی سے ہے، ملزم کو اے ایس ایف حکام نے قانونی کاروائی کے لیے اے این ایف کے حوالے کر دیا۔

یاد رہے کہ ایک ہفتہ قبل نیو اسلام آباد ایئر پورٹ پر اے ایس ایف نے ایک مسافر کو حراست میں لیا تھا جو نمکو کے پیکٹس کے اندر تین کلو آئس ہیروئن چھپا کر اسمگل کرنے کی کوشش کر رہا تھا، صوابی کا رہایشی بختی رحمان سعودی عرب جا رہا تھا۔

کراچی: کراچی ایئرپورٹ پر اے ایس ایف نے کارروائی کرتے ہوئے مسافر کو گرفتار کرکے ڈھائی کلو منشیات برآمد کرلی۔

تفصیلات کے مطابق کراچی ایئرپورٹ پر اے ایس ایف نے غیرملکی ایئرلائن کی پرواز کے ذریعے شارجہ جانے والے مسافر کے سامان سے ڈھائی کلو منشیات برآمد کرلی۔

اے ایس ایف کے مطابق مسافر پی کے257 کے ذریعے شارجہ جا رہا تھا، مسافر پی کے257 کے ذریعے شارجہ جا رہا تھا۔

ایئرپورٹ سیکیورٹی فورسز کے مطابق ملزم کو گرفتار کرکے اے این ایف کے حوالے کردیا گیا۔

رواں سال اگست میں نیواسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے ابوظہبی جانے والے مسافر کے سامان سے 3 کلو 600 گرام اعلیٰ کوالٹی کی ہیروئن برآمد کی تھی۔

اے ایس ایف کے مطابق مسافر اللہ یارنجی ایئرلائن سے ابوظہبی جانا چاہتا تھا، ہیروئن کی بین الاقوامی منڈی میں مالیت کروڑوں روپے بتائی جاتی ہے۔

اسلام آباد ایئرپورٹ پراے این ایف کی کارروائی‘ 2 افراد گرفتار

یاد رہے کہ 24 مئی کو اسلام آباد ایئرپورٹ پراینٹی نارکوٹکس فورس نے مسافر کے قبضے سے1 کلو سے زائد آئس ہیروئن برآمد کی تھی۔

اے این ایف حکام کے مطابق ملزم چائے کے پیکٹ میں آئس ہیروئن چھپا کراسمگل کرنا چاہتا تھا، ملزم ثاقب کے ہمراہ خاتون جمیل اختربھی سفرکرنا چاہتی تھی۔