Tag: اے این ایف

کراچی : اے این ایف پورٹ کنٹرول یونٹ نے افغانستان قندھار سے پاکستان کے ذریعے کینیڈا منشیات اسمگل کی بڑی کوشش ناکام بناتے ہوئے کروڑوں مالیت کی افیون برآمد کرلی۔

تفصیلات کے مطابق اے این ایف پورٹ کنٹرول یونٹ نے خفیہ اطلاع پر کراچی بندرگاہ پر کارروائی کرتے ہوئے افغانستان قندھار سے پاکستان کے ذریعے کینیڈا منشیات اسمگل کی بڑی کوشش ناکام بنادی۔

ترجمان نے بتایا کہ اے این ایف کی پورٹ کنٹرول یونٹ (PCU) نے پروفائلنگ اورخفیہ اطلاع پر افغان ریڈ اور بلیک ریزن کے کنسائمنٹ کو بدالدین یارڈ کراچی میں روک لیا، یہ سامان کابل سے قندھار میں افغان کسٹمز حکام نے کلیئر کیا، اور پھر چمن بارڈر کے ذریعے پاکستان سے کینیڈا بھیجا جانا تھا۔

ترجمان کا کہنا تھا کہ اپریل۹۱ ۵۲۰۲، کو اے این ایف پی سی یو ٹیم نے ساوتھ ایشیا پاکستان ٹرمینل (SAPT) پر سامان کی مکمل تلاشی لی، جس کے دوران 2600 کلوگرام افیون برآمد ہوئی، منشیات کو انتہائی مہارت سے کشمش میں اس طرح ملایا گیاتھا کہ ان کا رنگ اور شکل ایک جیسی تھی، جس سے شناخت کرنا تقریباً ناممکن تھی۔

مجموعی طور پر 1816 کارٹن میں سے 260 کارٹن میں سیافیون برآمد ہوئی۔ہر کارٹن میں تقریباً 10 کلوگرام افیون ،کشمش کے ساتھ انتہائی مہارت سے ملی ہوئی تھی۔

ترجمان نے مزید بتایا کہ ٹیم نے اعلیٰ پیشہ ورانہ صلاحیت اور انتہائی مہارت سے ان تمام کارٹن کی تلاشی لی، یہ شپمنٹ سلطان محمد سلطانی ولد نور محمد، سکنہ قندھار، افغانستان کی جانب سے محمد کمپنی امپورٹ ایکسپورٹ، کینیڈا کے لیے بک کروائی گئی تھی۔

ابتدائی تحقیقات کے مطابق سامان کا اصل مالک قندہار کا رہنے والا افغان شہری ہے، جس کی شناخت افغان حکومت کے ساتھ وزارت خارجہ (MoFA) کے ذریعے واضح کر دی گئی ہے تاکہ مجرم کی گرفتاری عمل میں لائی جا سکے۔ی

ترجمان کے مطابق یہ کامیاب کارروائی اے این ایف کی پیشہ ورانہ صلاحیت اور جدید اسمگلنگ کے حربوں کا موٴثر انداز میں سدباب کرنے کی بھرپور عکاسی کرتی ہے تاہم ملزمان کے خلاف مقدمہ درج کر کے مزید تحقیقات کا آغاز کر دیا گیا ہے۔

راولپنڈی : کھیلوں کے سامان میں چھپا کر منشیات اسمگل کرنے کی کوشش ناکام بنادی گئی اور کیرم بورڈ میں چھپائی گئی 1 کلو 20 گرام آئس برآمد کرلی۔

تفصیلات کے مطابق اے این ایف نے اسلام آباد سے بیرون ملک منشیات اسمگلنگ کوشش ناکام بناتے پوئے اسلام آباد میں کوریئر آفس سے نیوزی لینڈ کیلئے بک پارسل قبضے میں لے لیا۔

ترجمان نے بتایا کہ منشیات کھیلوں کے سامان میں چھپاکر بیرون ملک بھیجی جارہی تھی ، کارروائی میں پارسل میں کیرم بورڈ میں چھپائی گئی 1 کلو 20 گرام آئس برآمد کی گئی۔

ترجمان کا کہنا تھا کہ پارسل آزاد کشمیرکےرہائشی کی جانب سےبک کروایاگیاتھا تاہم منشیات قبضےمیں لےکرمزیدتحقیقات کا آغاز کردیا گیا ہے۔

گذشتہ روز کراچی ایئرپورٹ پر یوگنڈا کی خاتون کی منشیات اسمگلنگ کی کوشش ناکام بنا دی گئی اور 144گرام 11 کوکین بھرے کیپسول برآمد کرلئے تھے،

تفصیلات کے مطابق اے این ایف نے کراچی ایئرپورٹ پرمنشیات اسمگلنگ کی کوشش ناکام بنادی، ترجمان نے بتایا کہ یوگنڈا سے تعلق رکھنے والی خاتون مسافربراستہ دبئی سےکراچی پہنچی تھی، دوران تفتیش میں خاتون نے منشیات بھرے کیسپولز کی موجودگی کا اعتراف کیا۔

ترجمان کا کہنا تھا کہ ملزمہ کواسپتال منتقل کرکے 144گرام 11کوکین بھرے کیپسول برآمد کرلئے گئے، تاہم دوران تفتیش خاتون نے لاہور میں منشیات اپنے نائجیرین ساتھی کے بارے میں انکشاف کیا۔

کراچی: اینٹی نارکوٹکس فورس (اے این ایف)، پاک نیوی اور پاکستان میری ٹائم نے بحیرہ عرب کے سمندر میں شراب کی اسمگلنگ کی کوشش ناکام بنادی۔

اے آر وائی نیوز کے مطابق اے این ایف حکام کا کہنا ہے کہ پاک نیوی اور پاکستان میری ٹائم کے ساتھ انٹیلیجنس بیسڈ آپریشن کیا گیا اور اس دوران بحیرہ عرب کے سمندر میں شراب اسمگلنگ کی کوشش ناکام بنائی گئی۔

اے این ایف حکام کا کہنا ہے کہ مشترکہ ٹیم سمندر میں پیٹرولنگ میں مصروف تھی، کارروائی کے دوران 6 ملزمان کو رنگے ہاتھوں کو گرفتار کیا گیا۔

الرضا نامی پاکستانی کشتی سے کئی ٹن شراب برآمد کی گئی جس کی مالیت 32 کروڑ روپے بنتی ہے، ملزمان اور شراب اے این ایف حکام کے حوالے کردی گئی۔