Tag: اے این ایف

راولپنڈی : تعلیمی اداروں میں طلبا کو منشیات فروخت کرنے والی خاتون سمیت 5 ملزمان کو گرفتار کرلیا گیا۔

تفصیلات کے مطابق اینٹی نارکوٹکس فورس (اے این ایف ) کی جانب سے تعلیمی اداروں کے اطراف منشیات فروشی کیخلاف کریک ڈاؤن جاری ہے۔

ترجمان نے بتایا کہ 24 گھنٹے کے دوران 5 کارروائیوں میں خاتون سمیت 5 ملزمان کو گرفتار کیا گیا اور کارروائیوں میں 44 لاکھ سے زائد مالیت کی 3.445 کلو گرام منشیات برآمد کی گئی۔

اے این ایف کا کہنا ہے کہ اسلام آبادکی یونیورسٹی کے قریب سے خاتون منشیات فروش سے1کلوہیروئین، کوہاٹ میں بس اسٹینڈ پر ملزم کے قبضے سے 550 گرام منشیات اور ملتان میں یونیورسٹی کےقریب ملزم سے495گرام آئس برآمد ہوئی۔

ترجمان نے کہا کہ ملزمان نے تعلیمی اداروں کے طلبا کو منشیات فروخت کرنے کا اعتراف کیا ، منشیات سے پاک تعلیمی اداروں کا قیام اےاین ایف کی اولین ترجیح ہے۔

اے این ایف نے ٹونمی موڑ ڈیرہ غازی کے قریب کارروائی کرتے ہوئے 2 ملزمان کو گرفتار کرکے ایک کلو سے زائدآئس برآمد کرلی۔

ترجمان نے بتایا کہ ملزمان کیخلاف منشیات ایکٹ کے تحت مقدمات درج کرکے تحقیقات کا آغاز کر دیا گیا ہے۔

راولپنڈی : 4 ممالک کیلئے مٹھائی کے ٹنوں میں چھپائی گئی منشیات اسمگل کی کوشش ناکام بنادی گئی، منشیات یو کے، سری لنکا، ہانگ کانگ اور نیوزی لینڈ بھیجی جارہی تھی۔

تفصیلات کے مطابق اینٹی نارکوٹکس فورس ( اے این ایف ) نے کراچی میں انٹرنیشنل کنسائنمنٹ کے ذریعے منشیات اسمگلنگ کی کوشش ناکام بنادی۔

ترجمان اے این ایف نے بتایا کہ 4 ممالک کیلئے مٹھائی کےٹنوں میں چھپائی گئی منشیات برآمد کی گئی ، کراچی میں کوریئرآفس میں بھیجے جانیوالے مٹھائی کے ٹنوں میں چھپائی گئی منشیات قبضے میں لے لی ہے۔

ترجمان کا کہنا تھا کہ منشیات یو کے، سری لنکا، ہانگ کانگ اور نیوزی لینڈ بھیجی جارہی تھی، مجموعی طورپر9.55 ملین مالیت کی 3.5 کلو ہیروئن اور 7.2 کلو آئس قبضے میں لے لی گئی ہے۔

ترجمان کے مطابق کارروائی کے دوران ایک ملزم کو بھی گرفتار کیا گیا ہے ، ملزم نے دوران تفتیش منظم منشیات نیٹ ورک کا انکشاف کیا ہے۔

اینٹی نارکوٹکس فورس نے کہا کہ ملزم کیخلاف منشیات ایکٹ کے تحت مقدمہ درج کرکے مزید تفتیش کی جارہی ہے۔

راولپنڈی: : سری لنکا بھیجے جانیوالے کنٹینر میں آلوؤں سے بھاری مقدار میں ہیروئن برآمد کرلی گئی، ہیروئن 122 آلوؤں میں مہارت سے چھپائی گئی تھی۔

تفصیلات کے مطابق اینٹی نارکوٹکس فورس (اے این ایف) نے خفیہ اطلاع پر کراچی انٹرنیشنل کنٹینر ٹرمینل پر بڑی کاروائی کرکے کولمبو سری لنکا بھیجے جانیوالے آلوؤں سے بھرے کنٹینر سے بھاری مقدار میں ہیروئن برآمد کرلی۔

اے این ایف نے بتایا کہ مشکوک ریفریجریٹر کی تلاشی لینے پر 1198 تھیلوں میں سے 122 آلوؤں میں مہارت سے چھپائی گئی مجموعی طور پر تقریباً 5 کلو ہیروئن برآمد ہوئی۔

مجموعی طور پر 80 تھیلوں میں سے ہر تھیلے میں 1 سے 2 ہیروئن بھرے آلو مہارت سے چھپائے گئے تھے۔

اینٹی نارکوٹکس فورس کی ٹیم نے اعلیٰ پیشہ ورانہ صلاحیت اور انتہائی مہارت سے ان تمام ہیروئن بھرے آلوؤں کی تلاشی لی تاہم ابتدائی تفتیش کے ذریعے ایک ملزم کو گرفتار کر لیا گیا ہے۔

ترجمان نے بتایا کہ مزکورہ کینٹنر ایک نجی کمپنی کی طرف سے بُک کروایا گیا تھام مزید ملزمان کی گرفتاری کیلئے چھاپہ مار کاروائیوں کا سلسلہ جاری ہے۔

گرفتار ملزم کو اے این ایف پولیس اسٹیشن منتقل کر کے مزید تحقیقات کا آغاز کر دیا گیا ہے۔

نوجوانوں کے عالمی دن کے موقع پر شعور اجاگر کرنے کے لیے اے این ایف کے تحت ’’نشے سے بچاؤ‘‘ تقریب کا انعقاد کیا گیا۔

ریجنل ڈائریکٹر اے این ایف عمرفاروق نے نوجوان کے عالمی دن پر تقریب سے خطاب کرتے ہوئے کہا کہ نوجوانوں کے عالمی دن کے موقع پر اینٹی نارکوٹکس فورس منشیات کیخلاف مہم کا آغاز کررہی ہے۔

انھوں نے کہا کہ تمام نجی اور سرکاری یونیورسٹییو میں اس مہم کو چلایا جائے گا، نوجوانوں میں منشیات کا رجحان بڑھ رہا ہے۔

ریجنل ڈائریکٹر اے این ایف عمرفاروق کا مزید کہنا تھا کہ منشیات فروشوں کے خلاف کام کرنا ہمارا فرض ہے۔

انھوں نے زور دیتے ہوئے کہا کہ تمام مکاتب فکر اور نوجوان اس مہم میں لازمی شامل ہوں، امید ہے کہ اے این ایف کے ساتھ ملکر اچھا مستقبل اور خوشحال پاکستان بنائیں گے۔

راولپنڈی: اے این ایف نے پسنی میں بیرون ملک اسمگلنگ کیلئے چھپائی گئی منشیات کی کھیپ پکڑلی۔

تفصیلات کے مطابقاینٹی نارکوٹکس فورس  نے منشیات اسمگلنگ کیخلاف انٹیلی جنس بیسڈ آپریشن میں پسنی میں بیرون ملک اسمگلنگ کیلئے چھپائی گئی منشیات کی کھیپ پکڑلی۔

ترجمان نے بتایا کہ آپریشن مکران کوسٹل لائن سےمتصل چوڑ بندر کے علاقے میں کیا گیا، آپریشن اسمگلنگ میں ملوث گروہ کی سرگرمیوں کو مدنظر رکھتے ہوئے عمل میں لایا گیا۔

ترجمان کا کہنا تھا کہ لیاقت اور واحد مذکورہ گروہ کےسرغنہ ہیں اور یہ گروہ کے ارکان سمندری راستے سے بیرون ممالک منشیات اسمگلنگ میں ملوث ہیں۔

انٹیلی جنس اطلاع پر اے این ایف ٹیم نے مذکورہ علاقے میں چھاپہ مارکارروائی کی، چھاپہ مار کارروائی کے دوران خفیہ مقام پر ذخیرہ کی گئی منشیات برآمد کرلی گئیں۔

آپریشن کے دوران ایک ٹن سے زائد منشیات اور51 ہزار نشہ آورکیپسول برآمد ہوئے ، برآمد شدہ منشیات میں 850 کلو، چرس 164 کلو آئس شامل ہے۔

اینٹی نارکوٹکس فورس کا کہنا ہے کہ پکڑی گئی منشیات سمندری راستے سے بین الاقوامی منڈیوں تک پہنچائی جانی تھی۔

ترجمان کے مطابق گروہ کے سرغنہ لیاقت اور واحد کی گرفتاری کیلئے چھاپے مارے جا رہے ہیں، اے این ایف منشیات سے پاک معاشرے کے قیام کیلئے سرگرم ہے۔

کراچی : ملکی تاریخ کی بیرون ملک اسمگل کی جانے والی میتھ آئس کی بڑی کھیپ پکڑگئی، میتھ ایمفیٹا مائن 5 کنٹینرز کی چھت اور دروازوں میں چھپائی گئی تھی۔

تفصیلات کے مطابق اے این ایف نے ملکی تاریخ کی بیرون ملک اسمگل کی جانے والی میتھ آئس کی سب سے بڑی کھیپ پکڑلی۔

ترجمان اے این ایف نے کہا 224 کلو آئس، افغانستان سے سوپ سٹونز کی ایکسپورٹ کی آڑ میں، بیلجیئم اسمگل کی جا رہی تھی، منشیات براستہ طورخم، افغانستان سے اپنی منتقی منزل بیلجئم سمگل کرنے کے لئے پہلے کراچی اسمگل کی گئی۔

ترجمان نے کہا کہ میتھ ایمفیٹامائن 5 کنٹینیرز کی چھت اور دروازوں میں انتہائی محارت سے چھپائی گئی تھی۔

اے این ایف نے کراچی پورٹ پر سمگلنگ میں استعمال ہونے والے تمام کنٹینرز کو تحویل میں لے لیا، کنٹینر بھجوانے والے 3 ملزمان جن میں سے 2 کا تعلق افغانستان سے ہے، کو گرفتار کرلیا گیا، گرفتار ملزمان طورخم بارڈر سے افغانستان فرار کی کوشش کررہے تھے۔

ترجمان کا کہنا تھا کہ اے این ایف منشیات کی اسمگلنگ کے انسداد اور دنیا کو منشیات کے مضر اثرات سے محفوظ رکھنے کیلئے پرعزم ہے۔