Tag: اے این ایف

کراچی: پاکستان رینجرز سندھ اور اینٹی نارکوٹکس فورس نے اندرون سندھ میں 21 ایکڑ پر کاشت شدہ افیون کی فصل تلف کردی۔

تفصیلات کے مطابق پاکستان رینجرز سندھ اور اینٹی نارکوٹکس فورس (اے این ایف) نے مشترکہ کارروائی کرتے ہوئے بلوچستان کی سرحد سے ملحقہ سندھ کے پہاڑی شمالی اضلاع کے قریب گاؤں باجک میں افیون کی 21 ایکڑ پر کاشت کو تلف کردیا۔

ترجمان سندھ رینجرز کے مطابق تھانہ غیبی ڈیرو کی حدود میں واقع گاؤں باجک میں افیون کی فصل تلف کر دی گئی جبکہ ملزمان کی گرفتاری کے لیے چھاپے مارے جا رہے ہیں۔

 ترجمان رینجرز کا مزید کہنا تھا کہ تھانہ غائبی ڈیرو کی حدود میں غیر قانونی طور پر منشیات کاشت کی گئی تھی، 24 فروری سے اب تک مختلف کارروائیوں میں 74 ایکڑ رقبے پر کی گئی افیون کو تلف کیا گیا ہے۔

اسلام آباد: اینٹی نارکوٹکس فورس (اے این ایف ) نے صنعتی کیمیکلز کے غیر قانونی استعمال کے خلاف 8 کارروائیوں میں 10 ملزمان کو گرفتار کر کے 394 ٹن کیمیکل برآمد کر لئے ہیں۔

اےاین ایف کے ترجمان کے مطابق مذکورہ مہم کا آغاز منشیات اسمگلنگ کے بڑھتے ہوئے خطرات کے تناظر میں کیا گیا ہے،  قومی و عسکری قیادت کی سربراہی میں پاکستان کے معاشی اور قومی مفادات کے تحفظ کیلئے انسداد سمگلنگ کی جامع مہم جاری ہے۔

ترجمان کا کہنا ہے کہ کنٹرولڈ کیمیکل کا صنعتی استعمال ملکی پیداوار، ٹیکس آمدنی اور قومی خزانے میں اضافہ کرتا ہے، تاہم صنعت میں استعمال ہونے والے کیمیائی مواد کا غیر قانونی استعمال ایک مستقل خطرہ ہے۔

ترجمان نے کہا کہ اے این ایف نے کنٹرولڈ کیمیکلز استعمال کرنے والی کمپنیوں کی 2 سے 3 ماہ تک نگرانی کی، کمپنیوں کا لائسنس کی آڑ میں کیمیکلز کی درآمد کے غلط استعمال کی نشاندہی ہوئی۔

 اے این ایف نے کیمیکلز کی چوری میں ملوث کمپنیوں کے خلاف 8 کارروائیاں کیں، کارروائیوں میں 394 ٹن کنٹرولڈ کیمیکلز قبضے میں لے لیا۔

ترجمان کا مزید کہنا تھا کہ کمپنیوں کی جانب سے این او سی کوٹےکا غلط استعمال قومی وسائل کے ضیاع کا سبب ہے، جرائم پیشہ عناصر کے مقابلے کیلئے تمام اسٹیک ہولڈرز کی طرف سے کوششوں کی ضرورت ہے۔

کراچی : سبزیوں اور پھلوں کی آڑ میں بیرون ملک منشیات اسمگلنگ کی کوشش ناکام بنا دی گئی، برآمد چرس کو مہارت کیساتھ پیاز کی جھلیوں میں چھپایا گیا تھا۔

تفصیلات کے مطابق اے این ایف نے کراچی میں پاکستان انٹرنیشنل کنٹینر ٹرمینل پر بڑی کارروائی کرتے ہوئے سبزیوں اور پھلوں کی آڑ میں بیرون ملک منشیات اسمگلنگ کی کوشش ناکام بنا دی۔

دوحہ کیلئے بک کئے گئے کنٹینر سے 3 من سے زائد چرس برآمد کر لی گئی، تلاشی لینے پر پیاز سے بھرے کنٹینر میں چھپائی گئی 125 کلوگرام چرس برآمد ہوئی۔

برآمد چرس کو مہارت کیساتھ پیاز کی جھلیوں میں چھپایا گیا تھا، ترجمان اے این ایف کے مطابق کنٹینر کراچی کی نجی کمپنی کی جانب سے قطر کیلئے بک کیا گیا تھا، منشیات قبضے میں لیکر ملوث ملزمان کی تلاش شروع کر دی گئی ہے۔

راولپنڈی:اے این ایف کی جانب سے منشیات اسمگلنگ کے خلاف ملک بھر میں کریک ڈاؤن جاری ہے، 6 ملزمان کو حراست میں لے کر بھاری مقدار میں منشیات برآمد کرلی گئی۔

ترجمان اے این ایف کے مطابق 3 کارروائیوں کے دوران 185 کلو سے زائد منشیات برآمد کرلی گئی جبکہ 6 ملزمان کو حراست میں لے لیا گیا ہے۔

سپرہائی وے، جامشورو پر ٹرک کے خفیہ خانوں سے 180 کلوگرام چرس برآمد کرلی گئی، جبکہ دوران کارروائی شکارپور اور حیدرآباد کے رہائشی 3 ملزمان گرفتار کرلیا گیا۔

ترجمان کا کہنا تھا کہ لک بائی پاس کوئٹہ کے قریب ٹیکسی گاڑی میں سوار چاغی کے رہائشی ملزم کو گرفتار کرلیا گیا، ملزم سے 1 کلو آئس اور 500 گرام ہیروئن برآمد کرلی گئی، ملزم نے برآمد کی گئی منشیات کار کی ڈگی میں چھپائی ہوئی تھی۔

حیات آباد ٹول پلازہ پشاور کے قریب گاڑی میں چھپائی گئی 3 کلو 600 گرام چرس برآمد کرلی گئی۔

خیبر کے رہائشی دو ملزمان منشیات باڑہ سے پشاور اسمگل کرنے کی کوشش میں گرفتار کرلئے گئے، گرفتار ملزمان کیخلاف مقدمات درج کرکے تحقیقات کا آغاز کردیا گیا ہے۔

اے این ایف نے تھائی لینڈ جانے والے وہاڑی کے رہائشی میاں بیوی سے 46 ہیروئن بھرے کیسپول برآمد کرلیے، ملزمان کو گرفتار کرلیا گیا۔

اے آر وائی نیوز کے مطابق اینٹی نارکوٹکس فورس کی جانب سے منشیات کےخلاف کارروائیوں کا سلسلہ جاری ہے، پانچ کارروائیوں میں 113 کلو سے زائد منشیات برآمد کرتے ہوئے خاتون سمیت 4 ملزمان کو گرفتار کیا گیا ہے۔

علامہ اقبال انٹرنیشنل ائیرپورٹ لاہور پر اے این ایف حکام نے 3 کارروائیاں کیں، تھائی لینڈ جانے والے وہاڑی کے رہائشی میاں بیوی کو گرفتار کرتے ہوئے ان سے 46 ہیروئن بھرے کیسپول برآمد کر لیے گئے۔

ترجمان اے این ایف نے بتایا کہ دوسری کارروائی میں مسافر کے پیٹ سے 40 آئس بھرے کیپسول برآمد ہوئے، بھکرکا رہائشی ملزم پروازنمبر کیو آر 621 کے ذریعے دوحہ کے لیے روانہ ہو رہا تھا،

تیسری کارروائی میں لاہورکے رہائشی مسافر کے بیگ سے 675 گرام کوکین برآمد ہوئی، اس کے علاوہ گوادر کےعلاقے نیلنٹ کے قریب جھاڑیوں میں چھپائی گئی 100 کلو چرس برآمد کر لی گئی، برآمدشدہ چرس بیرون ملک اسمگل کرنے کی غرض سے ذخیرہ کی گئی تھی۔

ترجمان اے این ایف کے مطابق خیبر کے علاقے جروبی زخاخیل میں اسمگلنگ کی غرض سے چھپائی گئی 12 کلو چرس برآمد ہوئی۔

حکام نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کرلیے گئے ہیں اور تحقیقات کا آغاز کر دیا گیا ہے۔