Tag: اے بی ڈی ویلیئرز

بھارتی آل راؤنڈر ہاردک پانڈیا پر ٹی ٹوئنٹی ورلڈکپ سے قبل تنقید کرنے والے شائقین پر اے بی ڈی ویلیئرز نے طنز کے وار کردیے۔

سابق جنوبی کرکٹر اے بی ڈی ویلیئرز آئی سی ٹی ٹوئنٹی ورلڈکپ میں ہاردک کی کارکردگی سے بہت متاثر نظر آتے ہیں اور ان کا ماننا ہے کہ اب کرکٹر نے ممبئی انڈینز کے ہر مداح کا دل میں جگہ بنا لی ہوگی جو اس ایونٹ سے قبل بھارتی آل راؤنڈر پر شدید تنقید کررہے تھے۔

ڈی ویلیئرز نے آل راؤنڈر کو ایک بڑے میچ کا کھلاڑی قرار دیا اور ورلڈ کپ کے دوران ان کی قابل ذکر کارکردگی کے بارے میں بات کرتے ہوئے کہا کہ ہاردک پانڈیا ممبئی انڈینزمیں آنے کے بعد رولر کوسٹر سے گزرا ہے اور اب یہ ان کے لیے بڑے لمحات ہیں۔

مسٹری 360 نے کہا کہ ہاردک پانڈیا نے ٹی ٹوئنٹی ورلڈ کپ کے فائنل اوور میں کپتان سے گیند حاصل کرتے ہوئے تمام تنقیدوں کا مقابلہ کیا، اس وقت بھارتی شائقین کی امیدیں ان سے وابستہ تھیں۔

ہاردک پانڈیا نے وہاں تمام ہم وطنوں کو فخر کرنے کا موقع فراہم کیا، اگرچہ میں نہیں چاہتا تھا کہ انھیں عزت ملے تو اس طرح ملے، میں پہلے سے ہی ان کی عزت کرتا ہوں۔

ڈی ویلیئرز نے کہا کہ وہ ایک بڑے میچ کا بڑا کھلاڑی ہے اور بالکل اسی طرح اس نے کھیلا بھی، مجھے پورا یقین ہے کہ پانڈیا نے ممبئی انڈینز کے ان تمام مداحوں کے دل میں جگہ بنا لی ہوگی جنھوں نے اس پر شک کیا۔

خیال رہے کہ ٹی ٹوئنٹی ورلڈکپ میں عمدہ پرفارمنس کی وجہ سے بھارتی کرکٹر ہاردک پانڈیا آئی سی سی ٹی ٹوئنٹی رینکنگ میں نمبر ون آل راؤنڈر کی پوزیشن پر براجمان ہوچکے ہیں۔

جنوبی افریقی لیجنڈ اے بی ڈی ویلیئرز نے ٹی ٹوئنٹی ورلڈکپ کے سیمی فائنل سے قبل اپنے ملک کے پلیئرز کے نام کھلا خط لکھا ہے۔

سوشل میڈیا پلیٹ فارم پر مسٹری 360 کی عرفیت سے مشہور ڈی ویلیئرز نے ایک دلچسپ پوسٹ شیئر کی جس میں انھوں نے لکھا کہ ’پروٹیز کے نام کھلا خط‘ اس تحریر کے ساتھ ہی آگے انھوں نے ورلڈکپ ٹرافی کی بھی ایموجی لگائی۔

اس سے صاف ظاہر ہوتا ہے کہ انھوں نے جنوبی افریقی پلیئرز سے ٹی ٹوئنٹی ورلڈکپ اپنے ملک میں لانے کی فرمائش کی ہے تاہم اس کے لیے انھوں نے دلچپس انداز اپنایا۔

اس پوسٹ کے کمنٹ سیکشن میں اے بی ڈی ویلیئرز نے پروٹیز پلیئز کو مخاطب کرتے ہوئے اپنا موقف واضح کیا اور لکھا کہ ’لڑکوں ٹرافی گھر لانی ہے‘۔

ہزاروں کی تعداد میں مداح اے ڈی ویلیئرز کی جانب سے لکھے گئے اس خط کو اپنی پسندیدگی کی سند سے نواز رہے ہیں اور اس پر اپنے خیالات کا اظہار بھی کررہے ہیں۔

خیال رہے کہ بڑے ایونٹس میں چوکرز کے نام سے مشہور جنوبی افریقہ کی رواں ٹی ٹوئنٹی ورلڈ کپ میں اب تک کارکردگی شاندار رہی اور پروٹیز نے میگا ایونٹ کا نیا ریکارڈ بنایا ہے۔

اس ایونٹ میں جنوبی افریقہ نے ناقابل شکست رہتے ہوئے سیمی فائنل کے لیے کوالیفائی کیا ہے اور 2014 کے بعد پہلی بار ناک آؤٹ مرحلے تک پہنچی ہے، سیمی فائنل میں اس کا سامنا افغانستان کی ٹیم سے ہوگا۔

جنوبی افریقہ اس بار مسلسل سات میچز جیت کر ناک آؤٹ مرحلے تک پہنچی ہے اور یہ کسی بھی ورلڈ کپ ایڈیشن میں مسلسل فتوحات کا نیا ریکارڈ بھی ہے۔

جنوبی افریقہ کے سابق سپراسٹار بیٹر اے بی ڈیویلیئرز نے کہا ہے کہ بھارتی کنڈیشنز میں ’باز بال کرکٹ‘ انگلینڈ کے لیے کام کرجائے گی۔

سابق جنوبی افریقی کرکٹر اس بات کے لیے پرامید ہیں کہ پانچ ٹیسٹ میچز کی سیریز کے دوران بھی انگلش ٹیم اسی اپروچ کے ساتھ میدان میں اترے گی جس کا مظاہرہ وہ پچھلے ٹیسٹ میچز میں کرتی آئی ہے۔

انھوں نے کہا کہ مجھے لگتا ہے کہ بھارتی کنڈیشنز میں ’باز بال، یا کسی بھی طرح کی جارحانہ کرکٹ کافی اچھا کام کرے گا۔ اس طرح کی کرکٹ کسی بھی مشکل حالات میں کام کرسکتی ہے۔

ڈی ویلیئرز نے جنوبی افریقہ کی کنڈیشنز کی مثال دیتے ہوئے کہا کہ نیو لینڈز میں جہاں گیند کافی سوئنگ کررہی تھی تو کس نے اسکور کیا؟ ایڈن مارکرم اور چند بھارتی بیٹرز نے ان کنڈیشنز میں اسکور کیا جو جارحانہ کرکٹ کھیل رہے تھے۔

انھوں نے اپنے یوٹیوب چینل پر کہا کہ اس وقت جو کھلاڑی پرانی طرز کی کرکٹ کھیلیں گے وہ عام طور پر جدوجہد کرتے نظر آئیں گے۔

واضح رہے کہ بھارت اور انگلینڈ کے درمیان پہلے ٹیسٹ میچ کا آغاز ہوچکا ہے۔ انگلش ٹیم اپنی پہلی اننگز میں 246 رنز پر آل آؤٹ ہوکر پویلین لوٹ چکی ہے۔

اس کے جواب میں بھارت نے پہلے دن بیٹنگ کرتے ہوئے ایک وکٹ کے نقصان پر 119 رنز بنا لیے ہیں جبکہ مزید 127 رنز کا خسارہ باقی ہے۔

جنوبی افریقہ کے سابق لیجنڈ بیٹر اے بی ڈی ویلیئرز نے ویرات کوہلی کے اچانک دو ٹیسٹ میچ سے دستبردار ہونے پر تشویش کا اظہار کیا ہے۔

یوٹیوب چینل پر اپنے خیالات کا اظہار کرتے ہوئے مسٹر 360 کا کہنا تھا کہ وہ بھی نہیں جانتے کہ اس موقع پر ایسی کونسی نجی وجوہات تھیں جن کی بنا پر کوہلی پہلے دو ٹیسٹ میچز کے لیے ٹیم کو دستیاب نہیں ہیں۔

انھوں نے کہا کہ ابھی کوئی بھی یہ بات نہیں جانتا ہے کہ کیا ہوا ہے تاہم مجھے امید ہے کہ جلد حقیقت سامنے آجائے گی۔

اے بی ڈی ویلیئرز نے کہا کہ میں جلد پتا لگا لوں کہ کس وجہ سے وہ پہلے دو میچز نہیں کھیل رہے مگر دوستوں میں یہ آپ کو نہیں بتاؤں گا کیوں کہ میرے لیے ویرات کی دوستی بہت اہمیت کی حامل ہے۔

سابق جنوبی افریقی کرکٹر نے کہا کہ اگر کوہلی کسی نجی وجہ کی بنا پر میچز سے دستبردار ہوئے ہیں تو یقیناً یہ کوئی انتہائی مناسب وجہ ہی ہوگی۔

انھوں نے کہا کہ ہوسکتا ہے کہ بھارتی کرکٹر تھکے ہوئے ہوں ویسے بھی انھوں نے کافی کرکٹ کھیلی ہے۔ یا ہوسکتا ہے کہ ان کی کوئی فیملی کا مسئلہ ہو۔

واضح رہے کہ انگلینڈ کے خلاف پانچ ٹیسٹ میچز کی ہوم سیریز کے پہلے دو مقابلوں سے ویرات کوہلی نجی وجوہات کی بنا پر دستبردار ہوگئے ہیں۔

اے بی ڈی ویلیئرز نے کہا ہے کہ اگر وہ پاکستان کرکٹ ٹیم کے سپورٹر ہوتے اور کھلاڑیوں کی لڑائی کی افواہ سنتے تو اس پر انھیں خوشی ہوتی، جس کی انھوں نے دلچسپ وجہ بتائی ہے.

ایشیا کپ میں قومی کرکٹ ٹیم کی بری پرفارمنس کے بعد نہ صرف شائقین اور ایکسپرٹس کی جانب سے ٹیم پر تنقید کے نشتر برسائے جارہے ہیں بلکہ بابر اعظم کی کپتانی پر بھی سوالات اٹھائے جارہے ہیں۔ ایسے میں مسٹر 360 نے اس حوالے سے دلچسپ گفتگو کی ہے۔

سابق جنوبی افریقی بیٹسمین نے پاکستانی کھلاڑیوں کی بحث پر دلچسپ تبصرہ کرتے ہوئے کہا کہ تھوڑی بہت بحث اچھی ہے اس سے اندازہ ہوتا ہے کہ ٹیم میں ایک سے زیادہ لیڈر موجود ہے۔

تھری سکسٹی شو میں گفتگو کرتے ہوئے انھوں نے کہا کہ ہم نے چینجنگ روم کی تصاویر دیکھیں وہاں تھوڑا بہت ردعمل موجود تھا۔ چند لڑایاں تو بالکل عام سی بات ہیں۔ اگر میں پاکستانی ٹیم کا سپورٹر ہوتا تو یہ بات میرے لیے خوش کن ہوتی۔

انھوں نے کہا کہ مجھے اس سے یہ لگتا کہ ٹیم میں کچھ مزید لیڈر موجود ہیں جو کہ اپنی آواز بلند کررہے ہیں اور پرفارمنس پر کچھ بحث بھی کررہے ہیں۔ جنوبی افریقی بیٹر نے واضح کیا کہ اس سے ان کی مراد ٹیم کی پرفارمنس میں بہتری لانا ہے۔

https://twitter.com/iShaheenAfridi/status/1704097254569566284?ref_src=twsrc%5Etfw%7Ctwcamp%5Etweetembed%7Ctwterm%5E1704097254569566284%7Ctwgr%5Eaf307aef14993a056662bd4a9044dd162b214ad1%7Ctwcon%5Es1_c10&ref_url=https%3A%2F%2Fwww.sportskeeda.com%2Fcricket%2Fnews-if-i-pakistan-supporter-i-actually-happy-that-ab-de-villiers-interesting-take-alleged-rift-pakistan-camp

تاہم بابر اور شاہین کے درمیان بحث و تکرار کی افواہیں اس وقت دم توڑ گئی تھیں جب گزشتہ دنوں قومی کرکٹ ٹیم کےکپتان پیسر کی شادی میں شرکت کرنے پہنچے تھے، دونوں وہاں کافی خوشگوار موڈ میں نظر آئے تھے۔