Tag: اے ٹی ایم

عوام کی بڑی تعداد اے ٹی ایم کا استعمال کرتی ہے جو عوامی مراکز ایئرپورٹس پر لگے ہوتے ہیں مگر اب یہ سہولت ٹرین میں بھی دستیاب ہوگی۔

آج کے دور میں اے ٹی ایم کی بڑی سہولت ہے جس کے ذریعے لوگ اپنے پاس کیش ختم ہونے کی صورت میں قریب موجود اے ٹی ایم کے ذریعہ اپنے اکاؤنٹ سے با آسانی رقم نکلوا سکتے ہیں۔

یہ سہولت عموماً بینک کے اندر اور باہر سمیت بڑے تجارتی مراکز، کارپوریٹڈ اداروں، عوامی مقامات، ایئرپورٹس وغیرہ پر دستیاب ہوتی ہے تاہم اگر دوران سفر اچانک کسی کو رقم کی ضرورت پیش ہو جائے تو اس کے لیے مشکل ہوتی ہے۔

تاہم عوام الناس کی یہ مشکل بھی ختم ہونے والی ہے کیونکہ اب مسافروں کو ٹرینوں کے اندر بھی اے ٹی ایم کی سہولت دستیاب ہو گی۔

یہ سہولت بھارت کی ٹرینوں میں مسافروں کو فراہم کی جانے والی ہے اور اس کا تجرباتی آغاز ممبئی۔ منماڑ پنچوٹی ایکسپریس کے ذریعے کیا گیا ہے اور یہ پہلی ٹرین بن گئی ہے جس میں اے ٹی ایم مشین نصب ہے۔

بھارتی میڈیا کے مطابق محکمہ ریلوے منماڑ پنچوٹی ایکسپریس میں اے ٹی ایم کی تنصیب کے بعد اب اس کا دائرہ دیگر ٹرینوں کو تک وسیع کرنے کا ارادہ رکھتا ہے، تاہم یہ کب تک ہوگا اس بارے میں کوئی حتمی تاریخ نہیں دی گئی ہے۔

رپورٹ کے مطابق سینٹرل ریلوے (سی آر) نے ممبئی-منماڑ پنچوٹی ایکسپریس میں نجی بینک کے ذریعہ تجرباتی طور پر اے ٹی ایم مشین لگائی گئی ہے اور اس کو ڈیلی ایکسپریس سروس کی ایمرجنسی چیئر کار کوچ میں نصب کیا گیا ہے۔ اس سہولت سے جلد ہی مسافر بھی مستفید ہو سکیں گے۔

بھارت میں چور اے ٹی ایم سے رقم چرانے کی کوشش کرتا رہا، پولیس نے فوری کارروائی کرتے ہوئے مشتبہ چور کو گرفتار کرلیا۔

ریاست تلنگانہ کے ضلع نرمل میں ایک حیرت انگیز واقعہ پیش آیا جہاں اے ٹی ایم سے رقم چرانے کی کوشش پر پولیس نے فوری کارروائی کرتے ہوئے مشتبہ شخص کو گرفتار کیا، مذکورہ ملزم کی شناخت گنگادھر کے نام سے ہوئی ہے۔

نرمل ٹاؤن میں کینرا بینک کے منیجر نے ڈائل 100 پر کال کرکے اطلاع دی کہ ایک نامعلوم شخص اے ٹی ایم سے رقم چرانے کی کوشش کررہا ہے۔

گشت پر موجود پولیس نے اس اطلاع پر فوراً ایکش لیا اور اے ٹی ایم سینٹر پہنچ کر سی سی ٹی وی فوٹیج کا جائزہ لیا، فوٹیج کی مدد سے پولیس نے قریبی علاقے سے ایک شخص کو گرفتار کیا۔

پولیس اس حوالے سے مزید تحقیقات کررہی ہے تاکہ پتا لگایا جاسکے کہ آیا اس شخص نے پہلے بھی ایسی کوئی واردات کی ہے یا کسی اور واردات میں بھی ملوث ہے۔