ARYNews.tv | Urdu – Har Lamha Bakhabar

Tag: اے ٹی ایم مشین

  • اے ٹی ایم مشین توڑ کر پیسے نکالنے کی کوشش کرنیوالا ملزم گرفتار

    اے ٹی ایم مشین توڑ کر پیسے نکالنے کی کوشش کرنیوالا ملزم گرفتار

    کراچی: مددگار 15 نے کراچی کے علاقے قائد آباد میں کارروائی کرتے ہوئے اے ٹی ایم مشین توڑ کر پیسے نکالنے کی کوشش کرنیوالاملزم گرفتار کرلیا۔

    تفصیلات کے مطابق کالر نے اطلاع دی کہ اے ٹی ایم میں ایک شخص موجود ہے اور الارم بج رہا ہے، مددگار 15 فوری طور پر موقع پر پہنچی اور ملزم کو گرفتار کر لیا۔

    پولیس کا کہنا ہے کہ ATM کو چیک کیا گیا تو مشین کا نیچے کاحصہ کھلا ہوا تھا، ملزم کو رنگے ہاتھوں گرفتار کرکے قانونی کارروائی کا آغاز کردیا گیا ہے۔

    اے ٹی ایم مشین سے 30 لاکھ کی رقم چوری:

    بھارت میں تلنگانہ کے ضلع رنگاریڈی میں ملزمان نے انتہائی مہارت سے کارروائی کرتے ہوئے ATM مشین میں سے 30 لاکھ روپے کی رقم چرالی۔

    بھارتی میڈیا رپورٹس کے مطابق چار رکنی گروہ ایک کار میں ایس بی آئی اے ٹی ایم پہنچا، نقاب پوش افراد نے سی سی ٹی وی کیمروں پر اسپرے کیا۔

    ملزمان نے ایمرجنسی سائرن کو بجنے سے روکنے کے لیے سینسر کے وائر بھی کٹ کردیئے، بعد ازاں انہوں نے کٹر اور لوہے کی سلاخوں کی مدد سے ATM کو توڑدیا۔

    اے ٹی ایم کارڈ کے بغیر پیسے کیسے نکال سکتے ہیں؟

    رپورٹس کے مطابق چار منٹ کے اندر انہوں نے ATM توڑ کر رقم نکال لی۔ اس کے بعد با آسانی فرار ہونے میں کامیاب ہوگئے، مقامی افرادکی اطلاع کی بنیاد پر پولیس کے اعلی عہدیدار وہاں پہنچ گئے۔

    پولیس کا اس حوالے سے کہنا ہے کہ شواہد اکٹھے کرلئے ہیں، جبکہ مقدمہ درج کرکے ملزمان کی تلاش شروع کردی گئی ہے۔

  • اے ٹی ایم مشین سے 30 لاکھ کی چوری، ویڈیو وائرل

    اے ٹی ایم مشین سے 30 لاکھ کی چوری، ویڈیو وائرل

    بھارت میں تلنگانہ کے ضلع رنگاریڈی میں ملزمان نے انتہائی مہارت سے کارروائی کرتے ہوئے اے ٹی ایم مشین میں سے 30 لاکھ روپے کی رقم چرالی۔

    بھارتی میڈیا رپورٹس کے مطابق چار رکنی گروہ گزشتہ روز صبح ایک کار میں ایس بی آئی اے ٹی ایم پہنچا، نقاب پوش افراد نے سی سی ٹی وی کیمروں پر اسپرے کیا۔

    ملزمان نے ایمرجنسی سائرن کو بجنے سے روکنے کے لیے سینسر کے وائر بھی کٹ کردیئے، بعد ازاں انہوں نے کٹر اور لوہے کی سلاخوں کی مدد سے اے ٹی ایم کو توڑدیا۔

    رپورٹس کے مطابق چار منٹ کے اندر انہوں نے اے ٹی ایم توڑ کر رقم نکال لی۔ اس کے بعد با آسانی فرار ہونے میں کامیاب ہوگئے، مقامی افرادکی اطلاع کی بنیاد پر پولیس کے اعلی عہدیدار وہاں پہنچ گئے۔

    پولیس کا اس حوالے سے کہنا ہے کہ شواہد اکٹھے کرلئے ہیں، جبکہ مقدمہ درج کرکے ملزمان کی تلاش شروع کردی گئی ہے۔

    اس سے قبل بھی بھارت کے شہر نظام آباد میں اے ٹی ایم میں چوری کا واقعہ رونما ہوا تھا، چوروں نے اسٹیٹ بینک آف انڈیا کی اے ٹی ایم مشین توڑ کر 25 لاکھ لوٹ لئے تھے۔ چوری کی یہ واردات ریاست تلنگانہ ضلع نظام آباد میں پیش آئی۔

    بس اسٹینڈ کے نزدیک لگی اسٹیٹ بینک آف انڈیا کی اے ٹی ایم میں رات دیر گئے چار چور داخل ہوئے، جنہوں نے ماسک لگائے ہوئے تھے۔

    ملزمان نے انتہائی مہارت سے چوری کی واردات کی، پہلے سی سی ٹی وی کیمروں سے محفوظ رہنے کے لیے کیمروں پر اسپرے کیا گیا اس کے بعد اے ٹی ایم مشین کو توڑ کر 25 لاکھ روپے چوری کرلئے۔

    زیلنسکی نے امریکا کیلئے ویڈیو پیغام جاری کر دیا

    ملزمان رقم لوٹنے کے بعد وہاں سے با آسانی فرار ہونے میں کامیاب ہوگئے، اطلاع ملتے ہی مقامی پولیس پہنچ گئی۔ لٹیروں کی گرفتاری کے لیے خصوصی ٹیمیں تشکیل دی گئی ہیں۔

  • لٹیروں نے اے ٹی ایم مشین توڑ کر رقم لوٹ لی

    لٹیروں نے اے ٹی ایم مشین توڑ کر رقم لوٹ لی

    لکی مروت: خیبر پختونخوا کے شہر لکی مروت کے ایک علاقے میں لٹیروں نے رقم نکالنے کے لیے اے ٹی مشین توڑ ڈالی۔

    تفصیلات کے مطابق لکی مروت میں پشاور کراچی انڈس ہائی وے پر لٹیروں نے بینک کی اے ٹی ایم مشین توڑ دی، پولیس حکام کا کہنا ہے کہ سیمنٹ فیکٹری کے گیٹ پر لگی اے ٹی ایم مشین توڑ کر پیسے نکال کر لٹیرے فرار ہو گئے۔

    اس واردات نے سیکیورٹی سسٹم پر کئی سوال اٹھا دیے ہیں، بتایا جا رہا ہے کہ مشین فیکٹری کے گیٹ پر لگی تھی، تو کیا وہاں کوئی چوکیدار تعینات نہیں تھا؟

    اے ٹی ایم مشین توڑنا کوئی آسان ہدف نہیں ہوتا، اس میں خاصا وقت لگتا ہے، دوسری بات یہ ہے کہ سیکیورٹی الارم کا سسٹم بھی نصب ہوتا ہے، تاہم اس واقعے میں ایسے کئی سوالات ہیں جو سیکیورٹی پر اٹھائے جا سکتے ہیں۔

    مقامی پولیس کا کہنا ہے کہ واردات کے سلسلے میں تفتیش کی جا رہی ہے، اور یہ معلوم کیا جا رہا ہے کہ واردات کیسے ہوئی۔

  • چوروں نے اے ٹی ایم مشین توڑ کر 25 لاکھ چرالئے

    چوروں نے اے ٹی ایم مشین توڑ کر 25 لاکھ چرالئے

    بھارت کے شہر نظام آباد میں چوروں نے اسٹیٹ بینک آف انڈیا کی اے ٹی ایم مشین توڑ کر 25 لاکھ لوٹ لئے۔ چوری کی یہ واردات ریاست تلنگانہ ضلع نظام آباد میں پیش آئی۔

    بین الاقوامی خبر رساں ادارے کی رپورٹ کے مطابق بس اسٹینڈ کے نزدیک لگی اسٹیٹ بینک آف انڈیا کی اے ٹی ایم میں رات دیر گئے چار چور داخل ہوئے، جنہوں نے ماسک لگائے ہوئے تھے۔

    ملزمان نے انتہائی مہارت سے چوری کی واردات کی، پہلے سی سی ٹی وی کیمروں سے محفوظ رہنے کے لیے کیمروں پر اسپرے کیا گیا اس کے بعد اے ٹی ایم مشین کو توڑ کر 25 لاکھ روپے چوری کرلئے۔

    ملزمان رقم لوٹنے کے بعد وہاں سے با آسانی فرار ہونے میں کامیاب ہوگئے، اطلاع ملتے ہی مقامی پولیس پہنچ گئی۔ لٹیروں کی گرفتاری کے لیے خصوصی ٹیمیں تشکیل دی گئی ہیں۔

    دوسری جانب بھارت کی ریاست بہار میں خاتون ٹیچر نے اپنے پرس سے محض 35 روپے چوری ہونے کے بعد طالب علموں کے ساتھ ایسا انوکھا سلوک کیا کہ سب حیران رہ گئے۔

    میڈیا رپورٹس کے مطابق اسمانیچک گاؤں کے سرکاری اسکول میں خاتون ٹیچر نے پرس سے 35 روپے غائب ہونے پر ہنگامہ برپا کیا۔ طیش میں آ کر فرداً فرداً تمام طالب علموں سے پوچھا لیکن کسی نے اعتراف نہیں کیا۔

    اسکول میں اُس وقت 105 طالب علم موجود تھے اور ٹیچر نے سب کی باری باری تلاشی بھی لی۔ اس سے بھی مطمئن نہ ہو پانے پر وہ بچوں کو قریبی مندر لے گئیں اور قسم اٹھوائی کہ انہوں نے پرس سے پیسے چوری نہیں کیے۔

    جب طالب علموں کے والدین کو اس بارے میں علم ہوا تو انہوں نے اسکول پہنچ کر احتجاج کیا۔ انہوں نے خاتون ٹیچر کو فوری معطل کرنے کا مطالبہ کیا۔

    133 ٹن چکن چوری، سڑکوں پر فروخت!

    بعدازاں، محکمہ تعلیم نے ٹیچر کا ٹرانسفر کر دیا جس کے بعد والدین نے احتجاج ختم کیا۔ ٹیچر نے اپنے بیان میں کہا کہ میں نے صرف بچوں سے زبانی پوچھا تھا کہ کس نے میرے پیسے چوری کیے، میں ان کو مندر نہیں لے گئی۔

  • ون فائیو پولیس کا بروقت ایکشن، اے ٹی ایم مشین کو لٹنے سے بچا لیا

    ون فائیو پولیس کا بروقت ایکشن، اے ٹی ایم مشین کو لٹنے سے بچا لیا

    کراچی: کورنگی انڈسٹریل ایریا میں ون فائیو پولیس نے بروقت کارروائی کرتے ہوئے اے ٹی ایم مشین کو لٹنے سے بچا لیا۔

    تفصیلات کے مطابق کراچی کے ضلع کورنگی انڈسٹریل ایریا سیکٹر 16 میں ون فائیو پولیس نے بروقت کارروائی کرتے ہوئے اے ٹی ایم مشین کو لوٹنے والے لٹیرے کو گرفتار کرلیا۔

    پولیس حکام نے بتایا کہ کراچی کی ون فائیو مددگار پولیس نے شہری کی اطلاع پر چھاپہ مارا اس دوران ملزم اے ٹی ایم مشین کو مختلف اوزاروں کی مدد سے کھول چکا تھا۔

     

    پولیس کا کہنا ہے کہ ملزم کے قبضے سے ہتھوڑا چھینی اور اسکرو ڈرائیور برآمد ہوا، ملزم کو مزید قانونی کارروائی کے لیے علاقہ پولیس کے حوالے کر دیا گیا۔

  • اے ٹی ایم مشین سے پونے 3 لاکھ روپے چوری

    اے ٹی ایم مشین سے پونے 3 لاکھ روپے چوری

    دنیا بھر میں اب تک اے ٹی ایم مشینوں کو توڑ کر ان سے رقم نکالنے کے واقعات تو سامنے آتے رہے ہیں، تاہم بھارت میں اے ٹی ایم کو کھول کر اندر سے ایک خطیر رقم چرا لی گئی۔

    یہ واقعہ بھارتی شہر پونا میں پیش آیا جہاں ایک اے ٹی ایم مشین سے 2 لاکھ 88 ہزار روپے نکال لیے گئے۔ پولیس کا کہنا ہے کہ واقعے میں انتظامیہ کا ہی کوئی شخص ملوث ہوسکتا ہے کیونکہ اے ٹی ایم کو توڑا نہیں گیا بلکہ 18 ہندسوں کا کوڈ ڈال کر اسے باقاعدہ کھولا گیا ہے۔

    چوری کی یہ واردات اس سامنے آئی جب ایک شخص اے ٹی ایم سے پیسے نکالنے گیا اور مشین میں نقد رقم نہ پا کر اس نے بینک افسران کو اس کی اطلاع دی۔

    بینک افسران نے اے ٹی ایم کو کھولا تو اس کے اندر کی 3 پلیٹس خالی تھیں، حساب کتاب کے بعد علم ہوا کہ اے ٹی ایم سے پونے 3 لاکھ روپے غائب ہیں۔

    پولیس کا کہنا ہے کہ اے ٹی ایم اور اس کے بعد مشین کی تجوری کو پاسورڈ کے ذریعے کھولا جاسکتا ہے جو اے ٹی ایم کا انتظام سنبھالنے والی ایجنسی کے اہلکاروں کو دیا جاتا ہے، واردات ممکنہ طور پر انہی میں سے کسی نے کی ہے۔

    پولیس نے سی سی ٹی وی فوٹیج کی مدد سے چور کی تلاش کا عمل شروع کردیا ہے۔

  • فرانزک رپورٹ میں صلاح الدین پر موت سے قبل تشدد کی تصدیق

    فرانزک رپورٹ میں صلاح الدین پر موت سے قبل تشدد کی تصدیق

    رحیم یارخان: صلاح الدین کی پولیس حراست میں ہلاکت کے افسوس ناک واقعے میں فرانزک رپورٹ نے بھی موت سے قبل جسمانی تشدد کی تصدیق کر دی ہے۔

    تفصیلات کے مطابق پولیس حراست میں صلاح الدین کی ہلاکت سے متعلق فرانزک رپورٹ آ گئی، رپورٹ میں کہا گیا ہے کہ صلاح الدین کو موت سے پہلے جسمانی تشدد کا نشانہ بنایا گیا۔

    رپورٹ کے مطابق صلاح الدین کے بازو اور پیٹ کے بائیں حصے پر تشدد کے نشانات ہیں، تشدد کے مقامات پر خون کے لوتھڑے جمع ہوئے تھے۔

    فرانزک رپورٹ میں یہ بھی کہا گیا ہے کہ صلاح الدین کو سانس کی بیماری بھی تھی۔ واضح رہے کہ میڈیکل بورڈ کی رپورٹ میں موت کی وجہ بیان نہیں کی گئی ہے۔

    واضح رہے کہ گزشتہ روز علاقہ مجسٹریٹ نے صلاح الدین کے دوبارہ پوسٹ مارٹم اور قبر کشائی کے احکامات جاری کیے تھے، دوبارہ پوسٹ مارٹم کے لیے درخواست مقتول کے والد نے دی تھی، والد نے دخواست میں صوبائی میڈیکل بورڈ کے قیام کی استدعا بھی کی تھی۔

    یہ بھی پڑھیں:  پنجاب پولیس کی حراست میں ہلاک صلاح الدین کا وکیل کیس سے دستبردار

    گزشتہ روز 4 رکنی تفتیشی ٹیم نے رحیم یار خان سے مزید شواہد حاصل کیے تھے، جو بعد ازاں فرانزک لیبارٹری میں جمع کروا دیے گئے، تفتیشی ٹیم نے ڈی جی پی آر سے مختلف نجی چینل پر چلنے والی فوٹیجز بھی مانگ لی تھیں۔

    ڈی آئی جی ذوالفقار حمید کا کہنا تھا کہ نجی چینلز پر چلنے والی فوٹیجز کا فرانزک کرایا جائے گا، رپورٹس آنے کے بعد متاثرہ خاندان سے دوبارہ پوچھ گچھ ہوگی۔

    دریں اثنا، آج ریجنل پولیس آفیسر بہاولپور نے میڈیا سے بات کرتے ہوئے کہا کہ انھوں نے عوام کی طرف سے صلاح الدین پر تشدد کی بات نہیں کی، فرانزک رپورٹ کے بعد موت کی وجہ کا تعین ہو سکے گا، پولیس تشدد ثابت ہوا تو سخت کارروائی کا وعدہ کرتا ہوں۔

    انھوں نے کہا کہ صلاح الدین سے متعلق محکمانہ تحقیقات جاری ہیں، کسی بھی تھانے میں کیمرہ یا موبائل لے جانا منع نہیں، تھانوں میں ٹارچر سیل ہونے پر ذمے داران کو نشان عبرت بنائیں گے۔

    واضح رہے کہ اے ٹی ایم مشین توڑ کر اس میں سے کارڈ نکالنے کے الزام میں رحیم یار خان پولیس نے ملزم صلاح الدین کو گرفتار کیا تھا لیکن پولیس تشدد کی وجہ سے وہ حراست میں ہی ہلاک ہو گیا۔ لواحقین کا کہنا ہے کہ صلاح الدین ذہنی مریض تھا جو ہمیشہ ادھر ادھر گھومتا رہتا تھا۔

  • اے ٹی ایم مشین سے کارڈ چرا کر منہ چڑانے والا ملزم دوران حراست انتقال کرگیا

    اے ٹی ایم مشین سے کارڈ چرا کر منہ چڑانے والا ملزم دوران حراست انتقال کرگیا

    رحیم یار خان: فیصل آباد میں اے ٹیم مشین سے کارڈ چرانے اور سی سی ٹی وی کیمرے میں دیکھ کر منہ چڑانے والا ملزم پولیس حراست میں ہلاک ہوگیا۔

    تفصیلات کے مطابق چند روز قبل سوشل میڈیا پر فیصل کی ایک ویڈیو وائرل ہوئی تھی جس میں ایک شخص اے ٹی ایم مشین توڑنے کے بعد اس میں سے کارڈ نکال رہا تھا اور اسی واردات کے دوران وہ شخص سی سی ٹی وی کیمرے کے سامنے منہ چڑارہا تھا۔

    ملزم صلاح الدین کو پولیس نے دو روز قبل حراست میں لیا تھا جس کے بعد معلوم ہوا تھا کہ وہ شخص قوت سماعت و گویائی سے محروم ہے، تاہم ملزم تفتیش کے بعد بولنے لگا تھا۔

    ملزم گزشتہ روز رحیم یار خان کے شاہی روڈ پر نجی بینک کے اے ٹی ایم بوتھ میں یہی عمل کرتے ہوئے رنگے ہاتھوں پکڑا گیا تھا اور اسے پولیس کے حوالے کردیا گیا تھا تاہم ملزم ہفتے اور اتوار کی درمیانی رات پولیس کی حراست میں دم توڑ گیا۔

    پولیس کا کہنا ہے کہ بینک انتظامیہ کی مدعیت میں اس کے خلاف مقدمہ درج کرکے تفتیش کی جارہی تھی، ملزم نے اپنے ہاتھ میں اپنا پورا نام اور پتا انمٹ سیاہی سے کنندہ کرا رکھا تھا۔

    پولیس کا کہنا ہے کہ صلاح الدین حوالات میں بھی عجیب و غریب حرکتیں کررہا تھا کہ اچانک بے ہوش ہوگیا، اسے شیخ زید اسپتال پہنچایا گیا تاہم اسپتال پہنچنے سے قبل اس کی موت واقع ہوچکی تھی۔

    رحیم یار خان پولیس کا کہنا ہے کہ ملزم کی نعش کو پوسٹ مارٹم کے لیے اسپتال منتقل کرتے ہوئے ورثا کی تلاش شروع کردی گئی ہے، موت بظاہر دل کا دورہ معلوم ہوتی ہے تاہم رپورٹ آنے کے بعد اصل حقائق سامنے آسکیں گے۔

  • شمالی وزیرستان میں اے ٹی ایم مشین نصب، سروس کا آغاز

    شمالی وزیرستان میں اے ٹی ایم مشین نصب، سروس کا آغاز

    میران شاہ: خیبرپختونخواہ کے قبائلی علاقے شمالی وزیرستان میں پہلی بار اے ٹی ایم مشین نصب کردی گئی۔

    اطلاعات کے مطابق حکومت پاکستان کے ماتحت چلنے والے سرکاری بینک ’نیشنل بینک آف پاکستان‘ کی جانب سے شمالی وزیرستان کے علاقے میران شاہ میں اے ٹی ایم مشین نصب کر کے اس کا افتتاح کردیا گیا۔

    اے ٹی ایم مشین میران شاہ بازار میں واقع تحمیل بلنڈنگ میں نصب کی گئی جس سے مقامی صارفین استفادہ کررہے ہیں۔ قبل ازیں میران شاہ کے مقامیوں کو بینک سے پیسے نکالنے کے لیے بنوں تک سفر کرنا پڑتا تھا۔

    مقامی تاجروں اور شہریوں نے اے ٹی ایم مشین نصب ہونے پر حکومت اور سرکاری بینک کی انتظامیہ کا شکریہ ادا بھی کیا۔

    مزید پڑھیں: دنیا کی بلند ترین اے ٹی ایم مشین پاکستان میں

    شہریوں کا کہنا تھا کہ ’اب انہیں پیسے نکالنے کے لیے دوسرے شہروں میں نہیں جانا پڑے گا کیونکہ صرف بنوں تک کے سفر میں ہی تین سے چار گھنٹے درکار ہوتے تھے۔

    یاد رہے کہ سن 2016 میں نیشنل بینک آف پاکستان نے دنیا کے بلند ترین مقامی پر اے ٹی ایم مشین نصب کر کے بینکنگ کی دنیا میں نیا اعزاز اپنے نام کیا تھا۔

    سرکاری بینک کی جانے سے پاک چین سرحد سے متصل خنجراب کے علاقے میں یہ مشین لگائی تھی تھی جس سے تاجر استفادہ کررہے ہیں۔

    درہ خنجراب پر نصب کی جانے والی یہ اے ٹی ایم مشین 4600 میٹر بلند یعنی کے سطح سمندر سے15091 فٹ کی اونچائی پر واقع ہے اسی وجہ سے اسے دنیا کی بلند ترین اے ٹی ایم مشین کا اعزاز بھی دیا گیا۔

    یہ بھی پڑھیں: وزیراعظم عمران خان اورآرمی چیف میرانشاہ پہنچ گئے

    یہ بھی یاد رہے کہ گزشتہ ماہ وزیراعظم عمران خان آرمی چیف آف اسٹاف جنرل قمر جاوید باجوہ کے ہمراہ میران شاہ کے دورے پر پہنچے تھے، اس موقع پر اُن کے ساتھ وزیراعلیٰ خیبرپختونخواہ محمود خان، وفاقی وزیر دفاع پرویز خٹک اور صوبائی وزیر اطلاعات شوکت یوسفزئی بھی تھے۔

    وزیراعظم عمران خان اور پاک فوج کے سربراہ جنرل قمر جاوید باجوہ کو علاقے کی سیکیورٹی صورت حال، آپریشن، سماجی اور اقتصادی منصوبوں، ٹی ڈی پیز بحالی کے امور پربریفنگ دی گئی۔

    واضح رہے کہ 2 اکتوبر کو وزیراعظم عمران خان نے فاٹا سے منتخب ہونے والے اراکین قومی اسمبلی سے ملاقات کی تھی جس میں فاٹا انضمام، ترقیاتی منصوبوں اور قبائلی عوام کو درپیش مسائل پربات چیت کی گئی تھی۔

    وزیراعظم عمران خان کا کہنا تھا کہ گزشتہ کئی دہائیوں سے قبائلی عوام نے بے شمار مشکلات برداشت کیں، قبائلی علاقوں کی تعمیروترقی حکومت کی اولین ترجیحات میں شامل ہے، کسی کو قبائلی عوام کا استحصال نہیں کرنے دیں گے۔

  • فیصل آباد: اے ٹی ایم سے 40 لاکھ روپے چرانے والا سروس کمپنی کا انجینئر نکلا

    فیصل آباد: اے ٹی ایم سے 40 لاکھ روپے چرانے والا سروس کمپنی کا انجینئر نکلا

    فیصل آباد: اے ٹی ایم مشین سے لاکھوں روپے غائب کرنے والا پکڑا گیا، مشین کھول کر 40 لاکھ روپے چرانے والا مشین کی سروس کمپنی کا انجینئر نکلا۔

    تفصیلات کے مطابق فیصل آباد میں اے ٹی ایم مشین کھول کر 40 لاکھ روپے چرانے والا اے ٹی ایم مشین کی سروس کرنے والی کمپنی کا ملازم نکلا، ملزم نے ہیلمنٹ پہن کر واردات کی۔

    [bs-quote quote=”ملزم عثمان کو سی سی ٹی وی فوٹیج کی مدد سے اس کی جسامت سے شناخت کیا گیا۔” style=”style-7″ align=”left” color=”#dd3333″][/bs-quote]

    پولیس نے بتایا کہ لاہور کا رہائشی ملزم عثمان این سی آر کمپنی میں اے ٹی ایم انجینئر ہے، کمپنی نے نیشنل بینک کینال روڈ میں اے ٹی ایم نصب کی تھی، جہاں سے ملزم نے 10 نومبر کو اے ٹی ایم سے 40 لاکھ 78 ہزار روپے چرائے۔

    پولیس کے مطابق ملزم عثمان کو سی سی ٹی وی فوٹیج کی مدد سے اس کی جسامت سے شناخت کیا گیا، فوٹیج میں دیکھا جا سکتا ہے کہ ملزم اندر داخل ہوا اور مشین کھول کر اس کا صفایا کر دیا۔

    گرفتار ملزم عثمان کو 3 روزہ جسمانی ریمانڈ پر پولیس کے حوالے کر دیا گیا، پولیس کا کہنا ہے کہ ملزم نے کوڈ لگا کر اے ٹی ایم کھولی، چرائی گئی رقم میں 15 لاکھ 78 ہزار روپے کی کار خریدی۔

    یہ بھی پڑھیں:  ہیکرز نے مزید دو شہریوں کے بینک اکاؤنٹس کا صفایا کر دیا

    ملزم عثمان نے بتایا کہ پولیس نے اس سے کار اور 24 لاکھ 91 ہزار روپے وصول کر لیے ہیں۔ ملزم نے یہ بھی بتایا کہ اس نے اے ٹی ایم سے رقم چوری کرنے کی پہلی واردات کی اور پکڑا گیا۔

    خیال رہے کہ ملک بھر میں ہیکنگ کے ذریعے شہریوں کے بینک اکاؤنٹس کا صفایا کرنے والے ہیکرز کی خبریں آئے دن آ رہی ہیں، تاہم اب اے ٹی ایم مشین ہی کھول کر واردات کی گئی۔