Tag: بائنانس کے بانی

لاہور : سب بڑی عالمی کرپٹو کرنسی ایکسچینج بائنانس کے بانی چانگ پنگ ژاؤ کی مسلم لیگ ن کے صدر نواز شریف اور مریم نواز سے ملاقات میں ڈیجیٹل ٹرانسفارمیشن کے لئے جدید علوم کے رجحانات کے فروغ پر اتفاق کیا گیا۔

تفصیلات کے مطابق مسلم لیگ ن کے صدر نواز شریف سے سب بڑی عالمی کرپٹو کرنسی ایکسچینج بائنانس کے بانی کی ملاقات ہوئی، ملاقات میں وزیراعلیٰ پنجاب مریم نواز اور پاکستان کرپٹو کونسل کےسی ای او بلال بن ثاقب موجود تھے۔

نوازشریف اور مریم نواز نے چانگ پنگ ژاؤ کی تقرری کا خیر مقدم کیا، چانگ پنگ ژاؤ کا پاکستان کرپٹو کونسل کے اسٹرٹیجک ایڈوائزر کے طور پر تقرر کیا گیا ہے۔

ملاقات میں ڈیجیٹل اثاثہ جات اورفیوچرٹیکنالوجی میں نوجوانوں کی شراکت کے امور پر گفتگو ہوئی اور چانگ پنگ زاؤ نے ابھرتی بلاک چین ٹیکنالوجی اورگلوبل انٹر پرینیور شپ کے امکانات سے آگاہ کیا۔

ملاقات میں ڈیجیٹل ٹرانسفارمیشن کے لئے جدید علوم کے رجحانات کے فروغ پر اتفاق کیا گیا، اس موقع پر نواز شریف نے کہا مسٹر ژ اؤ جیسی قابل قدرشخصیات سے ملاقات میں ترقی اور مواقع کی نئی راہیں ہموار ہوتی ہیں، پاکستان اختراعی تبدیلیوں کا شراکت دار بننے کے لئے تیار ہیں۔

ن لیگی صدر کا کہنا تھا کہ پاکستان کوتیزی سے بدلتی ہوئی ٹیکنالوجیز کو اپنانا ہوگا، نوجوانوں کوآئی ٹی اسکلز سکھا کرعالمی ڈیجیٹل مارکیٹ کیلئےتیارکررہے ہیں۔

وزیراعلیٰ پنجاب مریم نواز نے کہا کہ پنجاب مستقبل کی ٹیکنالوجیز کو اپنانے کے لئے بالکل تیار ہے، ہماری پوری توجہ نالج بیسڈ ٹیکنالوجی پر مرکوز ہے، نالج بیسڈٹیکنالوجی نئی جنریشن کو اختراعی اورڈیجیٹل انٹر پرائز کی راہ گامزن کرے گی۔

سی او چانگ پنگ زاؤ نے شاندار میزبانی پرنوازشریف کا شکریہ ادا کیا اور ڈیجیٹل علوم میں پاکستانی نوجوانوں کی صلاحتیوں کو سراہا۔

اسلام آباد : بائنانس کے بانی چانگ پینگ ژاؤ پاکستان کرپٹو کونسل کے اسٹریٹجک مشیر مقرر کردیئے گئے، وزیرخزانہ کا کہنا ہے کہ سی زیڈکی شمولیت سےویب تھری،ڈیجیٹل فنانس ، بلاک چین پرمبنی ترقی کا سبب بنے گی۔

تفصیلات کے مطابق بائنانس کے بانی چانگ پینگ ژاؤ کو پاکستان کرپٹوکونسل کا اسٹریٹجک مشیر مقرر کردیا گیا ، چانگ پینگ ژاؤ کا بانی بائنانس اور ویب تھری کے سب سے با اثر رہنماؤں میں شمار ہوتا ہے۔

اعلامیے میں کہا گیا کہ دورے کے دوران سی زیڈ نے وزیراعظم اور نائب وزیراعظم سے بھی الگ ملاقاتیں کیں۔

وزیر خزانہ نے کہا کہ پاکستان کے لیے تاریخی لمحہ ہے اور دنیا کوواضح پیغام دے رہے ہیں پاکستان جدت کے لیے تیار ہے اور پاکستان کو علاقائی طاقت بنانے کے وژن کو تیز کررہے ہیں، سی زیڈکی شمولیت سے ویب تھری اور ڈیجیٹل فنانس ، بلاک چین پر مبنی ترقی کا سبب بنے گی۔

مشیرکرپٹومعیشت ثاقب بلال کا کہنا تھا کہ پاکستان مالیاتی دنیاکےمستقبل کیلئے اپنے دروازے کھول رہا ہے، سی زیڈ سے بہتر رہنمائی کون ہو سکتا ہے، چانگ پینگ ژاؤ نے دنیا کا سب سے بڑا کرپٹو ایکسچینج قائم کیا۔

اعلامیے میں کہنا تھا کہ سی زیڈضوابط، انفرا اسٹرکچر، تعلیم سے متعلق امور پر مشاورت فراہم کریں گے، چانگ پینگ ژاؤ حکومت ونجی شعبے سے ملکرعالمی معیار کے کرپٹو نظام کی تشکیل میں کردار ادا کریں گے۔

بائنانس کے بانی نے کہا کہ پاکستان 240 ملین سے زائد افراد کا ملک ہے، پاکستان میں 60 فیصد سے زیادہ کی عمر 30 سال سے کم ہے اور پاکستانیوں کی صلاحیتیں بے پناہ ہیں، وزارت خزانہ کے تحت قائم پاکستان کرپٹوکونسل ڈیجیٹل تبدیلی کی قیادت کررہی ہے۔