Tag: بابا جی

خیرپور: انسداد دہشتگردی کی عدالت نے جنگ اور جیو کے مالک میر شکیل الرحمان سمیت تمام ملزمان کے مقدمات کی سماعت کی جس میں چھٹی بار پیش نہ کرنے پر عدالت نے پولیس پر اظہار برہمی کیا پولیس کو 16 جنوری تک ملزمان کو گرفتار کرنے کے احکامات جاری کیے گئے۔

خیرپور میں انسداد دہشتگردی کی عدالت میں جنگ اور جیو کے مالک میر شکیل الرحمان ، شائستہ لودہی، انصار عباسی، ڈاکٹر عامر لیاقت حسین، وینا ملک اور اسد خٹک کے خلاف چار مقدمات کی سماعت ہوئی جس میں چھ مرتبہ ملزمان کو پیش نہ کرنے پر عدالت کے جج کوثر بخاری نے پولیس پر اظہار برہمی کیا جس پر پولیس نے عدالت سے ایک ماہ کی مہلت مانگتے ہوئے کہا کہ ایک مہینے کی مہلت دی جائے تمام ملزمان کو گرفتار کیا جائیگا جس پر انسداد دہشتگرد ی کے جج کوثر علی بخاری نے پولیس کو 16 جنوری تک مہلت دیتے ہوئے کہا کہ تمام ملزمان کو تمام کاغذی کاروائی مکمل کرکے پیش کیاجائے۔

لاہور: سیشن کورٹ نے پاک فوج کے خلاف کالم لکھنے پر حامد میر ، میر شکیل اور میر ابراہیم کے ناقابل ضمانت وارنٹ گرفتاری جاری کر دیئے ہیں ۔

لاہور کی سیشن عدالت میں پاک فوج کے خلاف کالم لکھنے پر حامد میر ، میر شکیل الرحمان اور میر ابراہیم کے خلاف دائر مقدمے کی سماعت کی، درخواست گزار کے وکیل نے موقف اختیا ر کیا کہ ملزمان پاکستان میں موجود ہیں لیکن پولیس انہیں گرفتار نہیں کر رہی ہے عدالت سے استدعا ہے کہ ان کے وارنٹ گرفتاری جاری کیے جائیں۔

سماعت کے بعد عدالت نے میر شکیل الرحمان ،میر ابراہیم اور حامد میر کے ناقابل ضمانت وارنٹ گرفتاری جاری کرتے ہوئے انہیں 25ستمبر کو پیش کر نے کا حکم دے دیا،عدالت کا مزید کہنا تھا کہ اگر ملزمان کو پیش نہ کیا گیا تو متعلقہ ایس ایچ او کے خلاف کارروائی کی جائے گی ۔ یاد رہے کہ حامد میر نے تین ماہ قبل پاک فوج کے خلاف کالم لکھا تھا ۔

اسلام آباد : جیو نیوز کے مالک میر شکیل الرحمان کے خلاف اسلام آباد کے تھانہ مارگلہ میں درخواست دائر کردی گئی۔

تھانہ مارگلہ میں ارشد بٹ نامی شخص کی جانب سے جیو نیوز کے مالک میر شکیل الرحمان کے خلاف درخواست دی گئی، جیو نیوز کے مالک میر شکیل الرحمان کو پاکستان کی مختلف عدالتوں نے اشتہاری قرار دیا جاچکا ہے اور جیو کا مالک پولیس کو مختلف مقدمات میں بھی مطلوب ہے۔

ارشد بٹ نامی شخص نے درخواست میں موقف اختیار کیا ہے کہ میر شکیل الرحمان ان دنوں اسلام آباد میں مقیم ہےاور عدالت نے میر شکیل الرحمان کے گرفتاری کے وارنٹ بھی جاری کیئے ہوئے ہیں، درخواست میں موقف اختیار کیا گیا ہے کہ میر شکیل الرحمان کا نام ای سی ایل میں ڈالا جائے۔