Tag: بابری مسجد کیس

حیدرآباد: مسلمانوں کی تاریخی عبادت گاہ بابری مسجد کیس پر بھارتی سپریم کورٹ کے فیصلے پر بھارتی مسلمانوں نے عدم اطمینان کا اظہار کیا ہے۔

تفصیلات کے مطابق بھارتی مسلمان بابری مسجد کیس کے فیصلے پر غیر مطمئن ہیں، بھارتی مسلم رہنما اسدالدین اویسی نے کہا سپریم کورٹ سپریم ہے لیکن بے عیب نہیں، اس کے فیصلے سے مطمئن نہیں ہیں۔

بھارتی مسلم رہنما کا کہنا تھا کہ ہم اپنے حق کی لڑائی لڑ رہے تھے، ہمیں 5 ایکڑ زمین کی خیرات کی ضرورت نہیں، مسلمانوں کو 5 ایکڑ زمین کا فیصلہ مسترد کر دینا چاہیے۔

ادھر آل انڈیا مسلم پرسنل لا بورڈ نے بابری مسجد کیس کے فیصلے پر رد عمل دیتے ہوئے کہا ہے کہ مسجد برائے فروخت نہیں، فیصلہ انصاف پر مبنی نہیں ہے، اس کے بدلے سو ایکڑ زمیں بھی دیں گے تو قبول نہیں۔

تازہ ترین:   بابری مسجد کی جگہ مندر بنے گا، بھارتی سپریم کورٹ کا فیصلہ

وکلا نے کہا فیصلہ تاریخی حقائق کا غلط حساب کتاب ہے، مسجد کی تعمیر کو تو تسلیم کیا گیا لیکن زمین ہندوؤں کو دے دی گئی، فیصلے پر نظر ثانی کی درخواست دیں گے۔

واضح رہے کہ بھارتی سپریم کورٹ نے بابری مسجد کی متنازع زمین ہندوؤں کو دینے کا فیصلہ سناتے ہوئے کہا ہے بھارتی حکومت کی زیر نگرانی بابری مسجد کی جگہ مندر بنے گا اور مسلمانوں کو ایودھیا میں متبادل جگہ دی جائے۔

بھارتی سپریم کورٹ میں چیف جسٹس رنجن گوگئی کی سربراہی میں 5 رکنی بینچ نے بابری مسجد کیس کا فیصلہ سنا دیا، فیصلے میں سنی اور شیعہ وقف بورڈز کی درخواستیں مسترد کر دی گئیں۔

نئی دہلی: بھارت کی سپریم کورٹ نے بابری مسجد شہادت کیس کا فیصلہ سنانے کے لیے ڈیڈ لائن دیتے ہوئے حکم جاری کیا کہ مقدمے کی سماعت روزانہ کی جائے۔

بھارتی میڈیا رپورٹس کے مطابق سپریم کورٹ میں بابری مسجد کیس کی سماعت ہوئی جس مین عدالت نے کیس سننے والے خصوصی جج کو حکم جاری دیا کہ مقدمے کا فیصلہ ہرصورت میں 9 ماہ کے اندر سنایا جائے۔ سپریم کورٹ نے ہدایت کی کہ گواہان کے بیانات 6 ماہ کے اندر قلم بند کر کے جرح ہر صورت تین ماہ میں مکمل کیا جائے۔

سپریم کورٹ نے اترپردیش کی حکومت کو ہدایت کی کہ کیس کے خصوصی جج ایس کے یادو کی مدتِ ملازمت تیس ستمبر کو ختم ہورہی ہے جس کو آگے بڑھایا جائے تاکہ مقدمہ اپنے منطقی انجام کو پہنچے۔ بابری مسجد کیس میں بی جے پی کے رہنما ایل کے ایڈوانی، مرلی منوہر جوشی، اُوما بھارتی، کلیان سنگھ اور دیگر ملزمان شامل ہیں۔

مزید پڑھیں: بی جے پی نے منشورکا اعلان کردیا، بابری مسجد کی جگہ رام مندر بنانے کا عزم

یاد رہے کہ 6 دسمبر1992 کو ایودھیا میں ہندو انتہاء پسندوں نے بابری مسجد کو شہید کردیا تھا، قدیم اور تاریخی مسجد کی عمارت کو شہید کرنے کیلئے پہلی کدال چلانے والے بلبیر سنگھ نے گزشتہ برس اپنی روپوشی ختم کی اور میڈیا پر آگئے تھے۔ انہوں نے سنسنی خیز انکشافات میں بتایا تھا کہ حملے میں آر ایس ایس سمیت دیگر ہندو انتہاء پسند تنظیمیں شامل تھیں۔