Tag: بابر اعظم

کراچی (28 اگست 2025) پاکستان کے اسٹار کرکٹر بابر اعظم کو ایشیا کپ کے اسکواڈ میں نظر انداز کر دیا گیا مگر بیٹر کو ایک بڑی پیشکش ہوئی ہے۔

پاکستان کو کئی فتوحات دلانے، ریکارڈ پر ریکارڈ بنانے اور کئی آئی سی سی ایوارڈ جیتنے والے سابق قومی کپتان بابر اعظم طویل عرصہ سے فارم کی بحالی کے لیے کوشاں ہیں، لیکن ان کا بیٹ ماضی قریب کی طرح رنز نہیں اگل رہا۔

ان کی حالیہ معمولی کارکردگی کے باعث انہیں کچھ عرصہ سے ٹی 20 فارمیٹ میں نظر انداز کیا جا رہا ہے اور اب آئندہ ماہ یو اے ای میں کھیلے جانے والے ایشیا کپ اسکواڈ میں بھی منتخب نہیں کیا گیا۔

بابر اعظم کو نظر انداز کرنے پر جہاں کرکٹ حلقے اور شائقین حیرت کا اظہار کر رہے ہیں۔ وہیں ان کے کیریئر کے برے وقت میں کاؤنٹی چیمپئن شپ کھیلنے کے لیے دو کاؤنٹیز نے کنگ کی عرفیت سے مشہور بیٹر سے رابطہ کیا ہے۔

ایک کرکٹ ویب سائٹ کے مطابق بابر اعظم کو کاؤنٹی چیمپئن شپ کے بقیہ میچز کھیلنے کی پیشکش کی گئی۔ اسٹار قومی بیٹر کو یہ پیشکش کاؤنٹی کے دو معروف کلبز یارکشائر اور ورکشائر کی جانب سے کی گئی ہے۔

تاہم انہوں نے یہ پیشکش قبول نہیں کی ہے اور چند وجوہات کے باعث یہ کاؤنٹی کھیلنے سے انکار کر دیا ہے۔

رپورٹ میں اس کی وجہ سابق قومی کپتان کی بگ بیش کے ساتھ کسی اور لیگ مکمل کھیلنے کے خواہش بتائی گئی ہے اور وہ بھی ایسے وقت میں شیڈول ہو جو قومی ذمہ داریوں (پاکستان ٹیم کی مصروفیات) سے متصام نہ ہو۔ اس حوالے سے ان کے دیگر لیگز سے بھی رابطے جاری ہیں۔

https://urdu.arynews.tv/wasim-akram-urges-babar-azams-return-ahead-of-asia-cup-2025/

(18 اگست 2025): ایشیا کپ اسکواڈ سے سابق کپتان بابر اعظم اور رضوان کو باہر کیے جانے پر یہ سوال اٹھ رہا ہے کہ کیا دونوں کھلاڑیوں کا چیپٹر کلوز ہو گیا۔

آئندہ ماہ یو اے ای میں کھیلے جانے والے ایشیا کپ اور اس سے قبل سہ ملکی ٹی ٹوئنٹی سیریز کے لیے گزشتہ روز پاکستان کے 17 رکنی اسکواڈ کا اعلان کیا گیا۔ شائقین کرکٹ یہ جان کر حیران رہ گئے کہ ورلڈ کپ کے لیے تجربہ کار کھلاڑی بابر اعظم اور محمد رضوان کو شامل نہیں کیا گیا تھا۔

اس سے قبل دورہ بنگلہ دیش اور ویسٹ انڈیز میں بھی ٹی 20 سیریز کے لیے دونوں کھلاڑیوں کو نظر انداز کر دیا گیا تھا۔ تاہم ورلڈ کپ اسکواڈ سے نظر انداز کیے جانے کے بعد اب کرکٹ شائقین میں یہ سوال اٹھایا جا رہا ہے کہ کیا دونوں تجربہ کار بلے بازوں کو ٹی 20 میں چیپٹر کلوز ہو چکا ہے۔

اس حوالے سے سینئر اسپورٹس رپورٹر شاہد ہاشمی نے بتایا کہ قومی ٹیم کے ہیڈ کوچ مائیک ہیسن نے جب ٹیم کا چارج سنبھالا تھا تو پہلے ہی کہہ دیا تھا کہ وہ پرانی ساکھ پر نہیں بلکہ پرفارمنس اور حالیہ فارم پر سلیکشن کریں گے۔

کوچ سمجھتے ہیں کہ اس وقت نوجوان کھلاڑی ٹی 20 میں اچھی پرفارمنس دکھا رہے ہیں۔ اس لیے ٹی 20 ٹیم میں بابر اعظم اور محمد رضوان کی جگہ نہیں بنتی اور میرا خیال ہے کہ یہ دونوں کھلاڑی ان کی ٹی 20 ورلڈ کپ 2026 کی پلاننگ کا بھی حصہ نہیں ہیں۔

تاہم مائیک ہیسن نے بابر اعظم کو ٹیم میں واپسی کے لیے اپنا اسٹرائیک ریٹ تیز کرنے اور اسپن بولنگ کے سامنے بیٹنگ بہتر بنانے کا ٹاسک دیا ہے۔

سینئر اسپورٹس رپورٹر نے کہا کہ پاکستان ٹیم نے 2022 میں فائنل ٹی 20 کھیلا۔ اس کے بعد سے ٹیم کی کارکردگی مسلسل زوال کا شکار رہی۔ تب سے اب تک گرین شرٹس نے 52 میچ کھیلے۔ اس میں سے صرف 20 جیتے اور 30 میں شکستوں کا سامنا کرنا پڑا۔

انہوں نے ایشیا کپ اور ٹرائی نیشن سیریز کو آئندہ سال ہونے والے ٹی ٹوئنٹی ورلڈ کپ کی تیاریوں کا حصہ قرار دیتے ہوئے کہا کہ اس سے اچھی ٹیم نہیں بن سکتی تھی۔ اس اسکواڈ میں فاسٹ بولنگ اٹیک اور اسپن بولرز کی جوڑی بہترین ہے جب کہ ٹاپ آرڈر اور مڈل آرڈر میں بھی نوجوان کھلاڑی اچھی پرفارمنس دکھا رہے ہیں۔

پاکستان ون ڈے ٹیم کے کپتان محمد رضوان اور سابق کپتان بابر اعظم کرکٹ کھیلنے والے آئی سی سی فل ممبر ملکوں کے کرکٹرز سے پیچھے ہو گئے۔

محمد رضوان اس وقت پاکستان کی ون ڈے ٹیم کے کپتان ہیں جب کہ بابر اعظم کو پاکستانی بیٹنگ میں اہم ستون کہا جاتا ہے۔ ماہرین دونوں کرکٹرز کے جدید دور کی کرکٹ سے ہم آہنگ نہ ہونے اور سست اسٹرائیک ریٹ کے حوالے سے اظہار خیال اور خدشات کا اظہار کرتے رہے ہیں۔ اب ان کے خدشات حقیقت کا روپ دھار گئے ہیں۔

قومی کپتان محمد رضوان اور بابر اعظم جو پہلے اپنی کارکردگی سے دنیا کے بڑے بڑے بلے بازوں کو پیچھے چھوڑا کرتے تھے۔ اپنی سست بیٹنگ کےباعث اب یہ دونوں بلے باز اسٹرائیک ریٹ میں آئی سی سی کے فل ممبر ممالک کے بلے بازوں سے پیچھے ہو گئے ہیں۔

یکم جنوری 2024 سے 10 اگست 2025 تک ایک روزہ کرکٹ میں مذکورہ دونوں قومی کرکٹرز کا اسٹرائیک ریٹ دنیا کے دیگر انٹرنیشنل کرکٹرز میں سب سے کم ہے۔

بابر اعظم نے تقریباً 20 ماہ کے دوران 78.88 کے اسٹرائیک ریٹ سے رنز اسکور کیے ہیں جب کہ قومی کپتان رضوان اسٹرائیک ریٹ میں بابر اعظم سے بھی پیچھے ہیں اور انہوں نے مذکورہ مدت کے دوران 75.03 کی اوسط سے رنز بنائے ہیں۔

دوسری جانب ماضی میں ریکارڈ پر ریکارڈ بنانے اور کئی آئی سی سی ایوارڈ اپنے نام کرنے والے بابر اعظم کی خراب فارم کا سلسلہ دراز ہو گیا ہے اور انہیں ون ڈے میں تھری فیگر اننگ کھیلے ہوئے 712 دن تقریباً 2 سال ہو گئے ہیں۔

انہوں نے آخری بار 2023 میں کھیلے گئے ایشیا کپ میں نیپال کے خلاف سنچری اسکور کی تھی، جس میں بطور کپتان انہوں نے 151 رنز کی شاندار اننگ کھیلی تھی۔

اس کے بعد بابر اعظم نے 28 اننگز میں 929 رنز 37.16 کی اوسط اور79.53 کے اسٹرائیک ریٹ سے اسکور کیے۔ اس دوران انہوں نے صرف 9 نصف سنچریاں اسکور کیں اور سب سے بڑا اسکور 78 رہا۔

ویسٹ انڈیز کے خلاف جاری سیریز کے دوسرے ون ڈے میں بھی وہ صفر پر آؤٹ ہوئے۔ یہ بابر کے ون ڈے انٹرنیشنل کیریئر میں پانچواں موقع ہے جب وہ کھاتہ نہیں کھول پائے۔

وہ صرف ون ڈے ہی نہیں بلکہ ٹیسٹ اور ٹی 20 میں بھی فارم کی بحالی کی جستجو کرتے نظر آئے، جس میں انہیں تاحال ناکامی کا سامنا ہے۔

بابر اعظم خراب فارم کے باعث نہ صرف کپتانی سے محروم ہوئے بلکہ پہلے انگلینڈ کے خلاف ہوم ٹیسٹ سیریز سے ڈراپ ہوئے۔ طویل فارمیٹ میں تو ان کی واپسی ہوگئی لیکن ٹی 20 ٹیم میں وہ جگہ نہیں بنا پا رہے ہیں۔

https://urdu.arynews.tv/under-19-world-cup-qualifier-canada-win-just-played-5-balls/

لاہور (25 جولائی 2025) بارش کس کو اچھی نہیں لگتی اس سہانے موسم میں قومی ٹیم کے کھلاڑی بھی خود کو موج مستی سے نہ روک سکے۔

پاکستان کے سابق کپتان بابر اعظم اور فاسٹ بولر نسیم شاہ ان دنوں قومی ٹیم سے دور ہیں۔ تاہم انہیں دورہ ویسٹ انڈیز کے لیے ون ڈے اسکواڈ میں شامل کیا گیا ہے۔

بابر اعظم، نسیم شاہ سمیت دیگر کھلاڑی نیشنل کرکٹ اکیڈمی لاہور میں ٹریننگ میں مصروف ہیں۔ اس وقت لاہور سمیت پنجاب میں موسم انتہائی خوشگوار اور روز آسمان سے برستی ابر رحمت لوگوں کو موسم سے لطف اندوز ہونے کا موقع بھی فراہم کر رہی ہے۔

بابر اعظم، نسیم شاہ سمیت قومی ٹیم کے دیگر کھلاڑی جو نیشنل کرکٹ اکیڈمی میں ٹریننگ میں مصروف تھے۔ جب بارش نے انٹری دی تو انہوں نے بیٹ بال رکھے ایک طرف اور بچپن کی طرف لوٹتے ہوئے بارش میں موج مستی شروع کر دی۔

یوں تو کئی کھلاڑیوں نے بارش سے انجوائے کیا۔ لیکن بابر اعظم اور نسیم شاہ ان میں سب سے نمایاں تھے، جنہوں نے تیز بارش کے دوران گراؤنڈ میں جمع ہونے والے پانی میں خوب سلائیڈ ماریں۔

ویڈیو میں دونوں کھلاڑی بارش سے پچ کو محفوظ رکھنے کے لیے بچھائی گئی چادر پر پھسلنے کا مقابلہ کرتے دکھائی دے رہے ہیں۔

اس موقع پر دونوں کھلاڑیوں کے چہروں پر جوش اور خوشی کے تاثر نمایاں تھے۔

صارفین اس ویڈیو کو خوب سراہ رہے ہیں اور اکثر صارفین نے تبصرہ کرتے ہوئے کہا ہے کہ بارش ایسا موسم ہے کہ بڑے سے بڑا شخص بھی بچپن کی طرف لوٹ جاتا ہے۔

پاکستان وائٹ بال کرکٹ ٹیم کے ہیڈ کوچ مائیک ہیسن سے دورہ بنگلہ دیش کے لیے نظر انداز بابر اعظم شاہین شاہ آفریدی سے متعلق اہم گفتگو کی۔

اے آر وائی نیوز کے مطابق دورہ بنگلہ دیش میں تین ٹی 20 میچوں کی سیریز کے لیے قومی ٹیم کا تربیتی کیمپ نیشنل اسٹیڈیم میں جاری ہے۔ جہاں کھلاڑی ہیڈ کوچ مائیک ہیسن کی نگرانی میں ٹریننگ کر رہے ہیں۔

ہیڈ کوچ مائیک ہیسن نے نیشنل اسٹیڈیم میں میڈیا سے گفتگو کرتے ہوئے دورہ بنگلہ دیش کے لیے اسکواڈ میں نظر انداز کیے گئے سینئر کھلاڑیوں بابر اعظم، شاہین شاہ آفریدی اور حسن علی سے متعلق بھی اظہار خیال کیا۔

مائیک ہیسن نے سابق کپتان بابر اعظم سے متعلق کہا کہ وہ وکٹ کیپنگ کے آپشن میں شامل نہیں ہیں اور نہ ہی بیٹر سے اس حوالے سے کوئی بات ہوئی ہے، وہ بطور اوپنر ٹیم میں جگہ بنانے کے لیے کام کر رہے ہیں۔

ان کا کہنا تھا کہ اوپننگ کے لیے فخر زمان اور صائم ایوب ہمارے آپشنز ہیں۔ اگر بابر اعظم ٹیم میں جگہ بنانے میں کامیاب ہو جاتے ہیں تو وہ صائم یا فخر کے ساتھ اوپن کریں گے۔

قومی ہیڈ کوچ نے ایک اور سابق کپتان فاسٹ بولر شاہین شاہ آفریدی سے متعلق کہا کہ وہ ایک ورلڈ کلاس بولر ہیں اور مجھے یقین ہے کہ وہ کچھ خامیوں کو دور کر کے ٹیم میں واپس آئیں گے۔

مائیک ہیسن نئے فاسٹ بولر سلمان مرزا کی سلیکشن پر کہا کہ انہیں حسن علی کی جگہ شامل کیا گیا ہے۔ تاہم وہ اس وقت بہت اچھی کرکٹ کھیل رہے ہیں اور ویسٹ انڈیز میں سینئر بولر ہمارے ساتھ ہوں گے۔

انہوں نے فاسٹ بولر حارث رؤف سے متعلق کہا کہ وہ انجری کی وجہ سے ہمارے ساتھ نہیں ہیں۔ ٹیم میں ایسے کھلاڑی کو زیادہ موقع دیا جائے گا، جو انٹرنیشنل پلان پر پورا اترے۔

ہیڈ کوچ نے یہ بھی کہا کہ ماڈرن ڈے کرکٹ میں آپ کو تیز کھیلنا ہوتا ہے۔ کسی بلے باز کو یہ نہیں کہا کہ وہ 150 کے اسٹرائیک ریٹ سے کھیلے۔ تاہم اگر ہم ٹی 20 فارمیٹ میں پیچھے ہیں تو اس کی وجہ ہماری بیٹنگ ہے۔ دورہ بنگلہ دیش کے لیے یہ کیمپ ایک ہفتہ جاری رہے گا۔ کچھ چیزوں پر ہم کام کرنے کی کوشش کر رہے ہیں۔

واضح رہے کہ دورہ بنگلہ دیش کے لیے نیشنل اسٹیڈیم میں جاری قومی ٹیم کے تربیتی کیمپ میں اسکواڈ میں شامل 15 کھلاڑیوں کے علاوہ نظر انداز کیے گئے سینئر کھلاڑی بابر اعظم، شاہین شاہ آفریدی، نسیم شاہ، محمد رضوان اور وسیم جونیئر کھلاڑی بھی شامل ہیں۔

https://urdu.arynews.tv/pakistan-team-training-begins-for-bangladesh-tour-babar-azam-and-shaheen-shah-afridi-also-part-of-the-camp/

دورہ بنگلہ دیش کے لیے پاکستان ٹیم نے نیشنل اسٹیڈیم کراچی میں ٹریننگ شروع کر دی ہے بابر اعظم اور شاہین شاہ بھی کیمپ کا حصہ ہیں۔

پاکستان کرکٹ ٹیم تین ٹی 20 میچوں کی سیریز کے لیے رواں ماہ بنگلہ دیش جا رہی ہے۔ گزشتہ روز دورہ بنگلہ دیش کے لیے 15 رکنی اسکواڈ کا اعلان کیا گیا تھا۔ سابق کپتان بابر اعظم، شاہین شاہ آفریدی، محمد رضوان کو اسکواڈ کا حصہ نہیں بنایا گیا ہے۔

مذکورہ دورے کے لیے پاکستانی کھلاڑیوں نے نیشنل اسٹیڈیم کراچی میں ٹریننگ شروع کر دی ہے۔ تربیتی کیمپ میں اسکواڈ میں شامل 15 کھلاڑیوں کے علاوہ 5 مزید کھلاڑی بھی شامل ہیں۔ ان میں بابر اعظم، شاہین شاہ آفریدی، محمد رضوان، نسیم شاہ اور وسیم جونیئر شامل ہیں۔

تربیتی کیمپ 15 جولائی تک جاری رہے گا اور ٹیم 16 جولائی کو ڈھاکا روانہ ہوگی۔ ٹی 20 سیریز کے تینوں میچز ڈھاکا کے شیر بنگلہ اسٹیڈیم میں 20، 22 اور 24 جولائی کو شیڈول ہیں۔

واضح رہے کہ دورہ بنگلہ دیش پاکستان کے نئے ہیڈ کوچ مائیک ہیسن کا قومی ٹیم کے ساتھ پہلا اسائنمنٹ ہے۔

کھلاڑیوں کا ٹیم میں انتخاب کس بنیاد پر ہو گا؟ ہیڈ کوچ نے واضح کردیا

دوسری جانب سابق ٹیسٹ کرکٹر نے دورہ بنگلہ دیش کے اسکواڈ میں شاہین شاہ آفریدی کو شامل نہ کرنے پر ردعمل دیتے ہوئے کہا ہے کہ فاسٹ بولر کے ساتھ زیادتی ہو رہی ہے۔

https://urdu.arynews.tv/basit-ali-talk-about-shaheen-shah-afridi-drop-from-team/

بابر اعظم موجودہ پاکستان کرکٹ ٹیم کے سب سے باصلاحیت کھلاڑی ہیں جو کئی عالمی ریکارڈ رکھتے ہیں لیکن سابق انگلش کپتان ایسا نہیں سمجھتے۔

پاکستان کرکٹ ٹیم کے سابق کپتان اور سپر اسٹار بابر اعظم کی صلاحیتوں کی دنیائے کرکٹ معترف اور کئی موجودہ اور سابق کرکٹر ان کے مداح ہیں۔ انہوں نے کئی آئی سی سی ایوارڈ حاصل کرنے کے ساتھ عالمی ریکارڈ اپنے نام کر رکھے ہیں اور کئی سال تک بلاشرکت غیرے آئی سی سی رینکنگ میں نمبر ون کھلاڑی رہے ہیں۔

تاہم ہر کھلاڑی کی طرح بابر اعظم بھی ان دنوں برے دور سے گزر رہے ہیں اور ان کی یہ خراب فارم ٹی 20 انٹرنیشنل کرکٹ کے ٹاپ اسکورر کھلاڑی کو اس فارمیٹ سے باہر کر چکی ہے۔

تاہم سابق انگلش کرکٹر مائیکل وان نے ٹی ٹوئنٹی فارمیٹ میں بابر اعظم سے بہتر شاہین شاہ آفریدی کو بہتر کھلاڑی قرار دیا ہے۔

مائیکل وان نے شاہین شاہ آفریدی کی تعریف کرتے ہوئے انہیں شاندار بولر قرار دیا اور کہا کہ وہ اس فارمیٹ میں پاکستان کے لیے میچ ونر کھلاڑی ہیں۔

اپنے ایک بیان میں انہوں نے بابر اعظم کی بیٹنگ کی تعریف کرتے ہوئے کہا کہ وہ بلاشبہ ایک اچھے بیٹر ہیں لیکن وہ ٹی 20 فارمیٹ میں فٹ نہیں بیٹھتے۔

سابق انگلش کپتان نے تو یہ بھی دعویٰ کیا کہ بابر اعظم کو اگر انگلینڈ، آسٹریلیا یا ویسٹ انڈیز جیسی ٹیموں میں دیکھا جائے تو وہاں ان کی ٹی 20 ٹیم میں جگہ بننا مشکل ہے۔

مائیکل وان نے عماد وسیم، محمد عامر اور فخر زمان کو بھی پاکستان کے ٹی 20 اسکواڈ کے اہم اور موثر کھلاڑی قرار دیا۔ تاہم دلچسپ امر یہ ہے کہ عماد وسیم اور محمد عامر نے گزشتہ سال ٹی 20 ورلڈ کپ کے بعد انٹرنیشنل کرکٹ سے ریٹائرمنٹ کا اعلان کر دیا تھا۔

دوسری جانب شاہین شاہ آفریدی نے اپنی قیادت میں لاہور قلندرز پاکستان سپر لیگ کے دسویں ایڈیشن میں تیسری بار چیمپئن بنوایا ہے۔