Tag: بابر اعظم

کپتان بابر اعظم نے آئرلینڈ کے بینجمن وائٹ کو چار چھکے کیا مارے ان کی یہ ویڈیو سوشل میڈیا پر جنگل کے آگ کی طرح پھیل گئی۔

ڈبلن کے کلونٹارف کرکٹ کلب گراؤنڈ میں پاکستان ٹی ٹوئنٹی کرکٹ ٹیم کے کپتان نے آئرلینڈ کے خلاف تیسرے میچ میں نہایت جارحانہ بیٹنگ کا مظاہرہ کیا، بابر نے اپنے اسٹرائیک ریٹ اور کھیلنے کے انداز پر تنقید کرنے والے ناقدیدن کو اپنے بلے سے کرارا جواب دیا جس کی ویڈیو وائرل ہوگئی.

بابر اعظم نے آئرش لیگ اسپنر کو ایک اوور میں چار بلند و بالا چھکے جڑے، بینجمن وائٹ کو انھوں نے اننگز کے 14ویں اوورمیں پہلا چھکا نہایت دلکش انداز میں اسٹریٹ پر مارا جبکہ دوسرا چھکا بھی سیدھ میں ہی گراؤنڈ سے باہر گیا۔ تیسرے چھکے کے لیے بیٹر نے لیگ سائیڈ کا انتخاب کیا۔

ایک بال ڈاٹ کھیلنے کے بعد انھوں نے پھر گیند کو ہوا کے راستے گراؤنڈ سے باہر پھینک دیا جبکہ آخری بال پر انھوں نے ایک رن لینے پر اکتفا کی۔

بابر نے اس میچ میں ایک ہی اوورز میں 25 رنز بنا کر ریکارڈ قائم کیا اور وہ یہ کارنامہ انجام دینے والے پہلے پاکستانی بیٹر بھی بنے۔

Babar Azam's sensational six-hitting spree: Four big hits in one over, leaving Ben White scratching his head🫣#IREvPAK | #HojaoAdFree | #tapmad pic.twitter.com/cyywXpw38U

— tapmad (@tapmadtv) May 14, 2024

واضح رہے کہ قومی کرکٹ ٹیم کے کپتان بابر اعظم نے آئرلینڈ کے خلاف میچ میں ریکارڈ بناتے ہوئے کئی نامور ملکی کھلاڑیوں کو پیچھے چھوڑدیا تھا۔

آئرلینڈ کے خلاف تیسرے ٹی ٹوئنٹی میچ میں انھوں نے نہ صرف سلو اسٹرائیک ریٹ کے تاثر کی نفی کی بلکہ ایک اوور میں چار چھکے مارنے کے ساتھ کئی ریکارڈ بھی اپنے نام کیے۔

فیصلہ کن ٹی ٹوئنٹی میچ میں بابر اعظم نے 42 گیندوں پر 75 رنز کی عمدہ اننگز کھیلی تھی۔ ان کا اسٹرائیک ریٹ 178.57 رہا اور یہ اننگز پانچ چھکوں اور چھے چوکوں سے سجی ہوئی تھی۔

یوں بابر اعظم نے ایک ہی جست میں محمد رضوان، آصف علی، عامر جمال اور خوشدل شاہ کو پیچھے چھوڑ دیا جنھوں نے ایک اوور میں زیادہ سے زیادہ 24 رنز بنا رکھے تھے۔

قومی کرکٹ ٹیم کے کپتان اور دنیائے کرکٹ کے نامور بیٹر بابراعظم نے افغانستان کے خلاف ورلڈکپ میچ میں شکست پر لب کشائی کی ہے۔

یوٹیوب چینل پر ایک انٹرویو کے دوران بابر اعظم نے پچھلے سال بھارت میں منعقدہ ورلڈکپ میں افغانستان کے خلاف حیران کن شکست پر کھل کر بات کرتے ہوئے اپنے خیالات کا اظہار کیا اور یہ بھی بتایا کہ وہ اس دوران کس کرب اور تکلیف سے گزرے۔

میزبان نے ان سے پوچھا کہ جب ہم افغانستان سے میچ ہارے تو ہم نے بابر اعظم کو پریشان دیکھا، اس کے جواب میں پاکستانی بیٹر نے کہا کہ وہ میچ میرے لیے بہت تکلیف دہ تھا کیوں کہ ورلڈکپ میں افغانستان سے ہارنا کافی مایوس کن تھا۔

انھوں نے کہا کہ اس میچ میں وہ بہت اچھی کرکٹ کھیلے اور ہم اس طرح کی پرفارمنس نہیں دے پائے تاہم ہم نے کوشش کی۔

ہم نے کافی اچھا ٹوٹل کیا تھا لیکن افغانستان کے دونوں بیٹر جس طرح کھیلے ایسا لگا کہ وہ اس پچ پر آؤٹ ہونگے ہی نہیں میرے خیال میں انھیں بھی کریڈٹ دینا چاہیے۔

بابر اعظم نے کہا کہ وہ میرے لیے کافی مشکل دن تھا اور میں اس رات سو نہیں پایا تھا وہ ہار میرے دل پر کافی لگی تھی۔

میزبان نے پوچھا کہ اس شکست کے بعد خیالات پر قابو پانے میں کتنےدن لگے جس کے جواب میں وائٹ بال کپتان نے کہا کہ اس پر قابو پانے کے لیے تھوڑا وقت تو لگتا ہے۔ ہر دن اچھا نہیں ہوتا اور یہ بھی زندگی کا حصہ ہے۔

اس کے بعد قومی ٹیم کے کپتان بابراعظم نے ورلڈکپ میں ویرات کوہلی سے ملاقات میں ہونے والی گفتگو کا احوال بھی بتایا۔

بابر کا کہنا تھا کہ میچ کے بعد کوہلی سے نارمل بات چیت ہوئی تھی ان سے کرکٹ کے حوالے سے بات کی میں جب بھی ملتا ہوں تو ان سے کرکٹ پر ہی بات ہوتی ہے۔

دوبارہ سے قومی کرکٹ ٹیم کی کپتانی سنبھالنے والے بابر اعظم کو ان کے والد نے محمد عامر اور عماد وسیم کے حوالے سے اہم مشورہ دیا ہے۔

بابر کے والد اعظم صدیقی نے حال ہی میں ریٹائرمنٹ واپس لینے والے محمد عامر اور عماد وسیم کے حوالے سے انھیں مشورہ دیا ہے کہ وہ ان دونوں کے لیے عزت و احترام کا مظاہرہ کریں۔

بابر اعظم کی دوبارہ سے بطور کپتان تقرری ہوچکی ہے اور عماد، عامر کے ٹیم میں واپس آنے کے بعد کپتان اور ان کی کیمسٹری کیسی ہوگی اس پر سوالات اٹھائے جارہے ہیں۔

اس سے قبل قومی ٹیلی ویژن پر ٹی ٹوئنٹی میں بابر کی کپتانی اور بیٹنگ پر محمد عامر اور عماد وسیم تنقید کر چکے ہیں۔

اپنے آفیشل انسٹاگرام اکاؤنٹ پر اعظم صدیقی نے حکام کے فیصلے کو تسلیم کرنے کی اہمیت پر زور دیا اور بابر پر بھی زور دیا کہ وہ ماضی کی شکایات کو بھلا دیں۔

اعظم صدیقی نے اپنے بیٹے کو اہم مشورہ دیا کہ وہ عامر اور عماد سے عزت کے ساتھ پیش آئیں اور ان کی سنیارٹی اور تجربے کو مدنظر رکھتے ہوئے ان کے نقطہ نظر کا احترام کریں۔ انھوں نے لکھا کہ سب سے اہم بات یہ ہے کہ حکام کی جانب سے دوبارہ عزت اور احترام دیا گیا ہے

انھوں نے مزید کہا کہ بازگشت سامنے آرہی ہے کہ ٹیم متحد نہیں ہوگی لیکن میں نے بابر سے کہا ہے کہ ماضی کو بھول جاؤ، عامر اور عماد آپ سے بڑے اور سینئر ہیں، ان سے عزت سے ملیں اور ان کی رائے کا احترام کریں۔

بابر کے دوبارہ منصب سنبھالنے کے بعد ان کا پہلا امتحان نیوزی لینڈ کے خلاف 18 اپریل سے شروع ہونے والی آئندہ پانچ میچوں کی ٹی ٹوئنٹی سیریز جس میں پاکستان کرکٹ ٹیم کی قیادت کریں گے۔

سابق کرکٹر باسط علی نے کہا ہے کہ مجھے ساری عمر افسوس رہے گا کہ بابر اعظم ورلڈکپ کے دوران بھارت میں اسکور نہ کرسکے۔

اے آر وائی کے اسپورٹس پروگرام میں گفتگو کرتے ہوئے پاکستان کے سابق کرکٹر نے بابر اعظم کی بیٹنگ کے بارے میں اظہار خیال کرتے ہوئے کہا کہ کراچی کے خلاف جس طرح کی پچ تھی اس پر بابر نے فاسٹ بولر اور اسپنرز کو بہترین طرح سے ٹیکل کیا۔

انھوں نے اسکوائر لیگ پر چوکا مارا تا کمنٹری کرنے والے مائیکل کلارک نے بابر کی تعریفوں کے پل باندھ دیے۔ بابر کی بیٹنگ دیکھ کر کلاس کا اندازہ ہوتا ہے۔

انھوں نے کہا کہ جب تک میں زندہ ہوں مجھے ساری عمر افسوس رہے گا کہ بھارت میں ورلڈکپ کے دوران بابر اعظم سے رنز اسکور نہ ہوسکے۔ وہ پچز بابر اعظم کی مطلب کی پچز تھیں، یہ ان کی بدقستمی تھی کہ وہ وہاں رنز اسکور نہ کرسکے۔

سابق قومی وکٹ کیپر کامران اکمل نے کہا کہ اگر وہاں بیٹنگ لائن فارم میں ہوتی تو شاید بابر بھی دو تین سنچریاں اسکور کرتا۔ اس پر پریشر آیا ہوا تھا وہ کپتان بھی تھا جس کی وجہ سے وہ سنچری نہیں کرسکا۔

کامران اکمل نے پی ایس ایل میں بابر اعظم کی کارکردگی کی تعریف کرتے ہوئے کہا کہ وہ صرف اس پی ایس ایل میں نہیں بلکہ چھ، سات سالوں سے اپنی پرفامنس دکھا رہا ہے اس لیے نمبر ون ہے۔

واضح رہے کہ اس سیزن میں اب تک بابر اعظم 5 نصف سنچریاں اسکور کرچکے ہیں جبکہ انھوں نے ایک شاندار سنچری بھی بنائی ہے۔ 9 میچز کھیلنے کے بعد انھوں نے مجموعی طور پر 498 رنز اسکور کیے ہیں۔