Tag: بابر اعظم

افغانستان کے وکٹ کیپر بیٹر رحمان اللّٰہ گرباز نے بلے کا تحفہ دینے پر پاکستان کرکٹ ٹیم کے کپتان بابر اعظم کے نام پیغام جاری کیا ہے۔

سماجی رابطے کی ویب سائٹ ایکس پر جاری پیغام میں افغان بیٹر رحمان اللہ گرباز نے کہا کہ زبردست کھلاڑی اور شخصیت کی جانب سے بہترین تحفہ ہے، بابر اعظم ایک شائستہ شخصیت کے مالک ہیں۔

اپنے پیغام میں رحمان اللّٰہ گرباز نے بابر اعظم کا حوصلہ بڑھایا اور لکھا کہ آپ مضبوط رہیں اور چمکتے رہیں۔

Wonderful gift by a wonderful player and human being. Truly gentleman @babarazam258 . Chin up, stay strong and keep shining ❤️ pic.twitter.com/2CoiEEblSZ

— Rahmanullah Gurbaz (@RGurbaz_21) October 25, 2023

خیال رہے کہ دو روز قبل پاکستان افغانستان کے میچ کے بعد بابر اعظم نے اپنا بیٹ رحمان اللّٰہ گرباز کو تحفے میں دیا تھا۔

واضح رہے کہ 23 اکتوبر کو آئی سی سی ون ڈے ورلڈکپ کے میچ میں افغانستان نے پاکستان کو 8 وکٹوں سے اپ سیٹ شکست دی تھی۔

آئی سی سی کرکٹ ورلڈکپ میں پاکستان ٹیم کی خراب پرفارمنس اور منظور نظر پلیئرز کو ٹیم کا حصہ بنانے پر سابق کرکٹرز کی تنقید جاری ہے۔

پاکستان کرکٹ ٹیم کے سابق آل راؤنڈر عبدالرزاق نے اسپورٹس پروگرام میں تجزیہ کرتے ہوئے قومی کپتان کی جانب سے ٹیم میں موجود چند پلیئرز کے لیے دہرا معیار اپنانے کے حوالے سے سوالات اٹھائے ہیں۔

سابق کرکٹر نے آسٹریلیا کے خلاف میچ میں اسامہ میر کے کیچ چھوڑنے کا حوالہ دیتے پچھلے ٹی ٹوئنٹی ورلڈکپ کا ایک قصہ چھیڑ دیا اور کہا کہ ایک میچ تھا دبئی میں، اس کرکٹر کا میں نام نہیں لوں گا انھوں نے کیچ چھوڑا ہم سیمی فائنل میچ ہار گئے۔

عبدالرزاق نے زور دیتے ہوئے کہا کہ میں نے اس پلیئر کا نام نہیں لینا۔ تاہم کیچ ڈراپ کرنے کے بعد قومی کپتان کی اسٹیٹمنٹ آئی کہ کوئی اس کیچ کا ذکر نہیں کرے گا۔

Razzaq bhai itna sach

lekin sanp to Imad, Malik, Saifi thay Babar to wholesome player hai pic.twitter.com/dmoDiGlmAw

— Sohaib (@Sohaib_Iqbal_) October 24, 2023

انھوں نے کہا کہ سیمی فائنل ہارنے کے بعد یہاں تک کہ میٹنگ میں بھی کہا گیا کہ کوئی اس کیچ کا ذکر نہیں کرے گا۔

عبدالرزاق نے موجودہ آئی سی سی ورلڈکپ میں آسٹریلیا اور پاکستان کے میچ کا حوالہ دیتے ہوئے کہا کہ یہاں پر بھی ہمارے ایک پلیئر سے اہم کیچ چھوٹا ہے۔

پاکستان کرکٹ ٹیم کے کپتان نے مائیک پر آکر اس کیچ کی نشاندہی کی اور کہہ دیا کہ جی ہم کیچ کی وجہ سے میچ ہارے ہیں۔ یہ تو حوصلہ شکنی کرنے والی بات ہوگئی۔

پاکستان کرکٹ ٹیم کے سابق کپتان محمد حفیظ نے کپتان بابر اعظم کو آل راؤنڈر عماد وسیم سے معافی مانگنے کا مشورہ دیا ہے۔

قومی کرکٹ ٹیم کے سابق کپتان محمد حفیظ نے افغانستان کے خلاف شکست کے بعد اسپورٹس شو میں گفتگو کرتے ہوئے کہا تھا کہ میرا خیال ہے کہ عماد وسیم کو ورلڈ کپ میں سلیکٹ نہ کرنے پر بابر اعظم کو قوم کے سامنے آکر معذرت کرنی چاہیے۔

تاہم اس حوالے سے آل راؤنڈر عماد وسیم کا بیان بھی سامنے آگیا ہے، نجی ٹی وی شو میں کھلاڑی سے سوال کیا گیا کہ ’’کیا وہ بابر اعظم کو معاف کردیں گے‘‘۔

کیا جنوبی افریقہ پاکستان کیخلاف ’چوک‘ کر جائے گا؟

جس پر آل راؤنڈر عماد وسیم کا کہنا تھا کہ ’’ بابر اعظم اگر ہمیں ورلڈ کپ جیتا دیں تو میں کیا پوری قوم بابر اعظم کو معاف کردے گی‘‘۔

انہوں نے مزید کہا کہ میں ایسی کسی بھی بات کی توقع نہیں رکھتا، ایک مسلمان ہوتے ہوئے ہمارا یہ ایمان ہے کہ ’ یہ سب اللہ کے طرف سے ہوتا ہے‘۔

واضح رہے کہ افغانستان کے ہاتھوں شکست کے بعد پاکستان ٹیم کے سیمی فائنل کھیلنے کی امیدیں ایک بار پھر اگر مگر کا شکار ہوچکی ہیں۔

اگر پاکستان نے فائنل فور میں جانا ہے تو اسے نہ صرف اپنے بقیہ چاروں میچز بڑے مارجن سے جیتنے ہوں گے بلکہ دیگر ٹیموں میں سے کسی کی فتح اور کسی کی شکست کی دعائیں کرنا ہوں گی۔

قومی ٹیم کے سابق آل راؤنڈر و کپتان شاہد آفریدی نے کپتان بابر اعظم کی کپتانی پر تبصرہ کیا ہے۔

نجی ٹی وی کے پروگرام میں سابق کپتان شاہد آفریدی نے افغانستان کے خلاف ٹیم کی ناقص کارکردگی پر کھل کر تنقید کی، انہوں نے کہا کہ جب کپتان میدان میں اپنا 100 فیصد دیتا ہے تو کھلاڑی 200 فیصد دیتے ہیں، اگر کپتان اپنا بہترین دینے کی کوشش کرتا ہے وہ میدان میں متحرک ہوتا ہے تو دیگر کھلاڑیوں کو بھی شرم آتی ہے جب کپتان کرسکتا ہے تو ہم کیوں نہیں۔

شاہد آفریدی نے ماضی کا حوالہ دیتے ہوئے کہا کہ جب میں کپتان تھا تو کھلاڑی ہمیں فالو کرتے تھے، جب ہم میدان پر دوڑتے تھے اور کھلاڑیوں کو سپورٹ کرتے تھے تو پوری ٹیم چارج اپ ہو جاتی تھی۔

’لگتا ہے جنوبی افریقہ ہم پر رحم نہیں کرے گا‘

شاہد آفریدی نے آسٹریلیا کی مثال پیش کرتے ہوئے بتایا کہ یک کے بعد دیگرے 2 وکٹیں گرنے کے بعد کینگروز مخالف دباؤ بڑھاتے ہیں لیکن جب 12 گیندوں پر 4 کی ضرورت ہے بابراعظم نے بیک ورڈ پوائنٹ لیا ہے؟، فاسٹ بولر گیندبازی کررہا ہے لیکن کوئی سلپ نہیں ہے؟ کیوں۔

انہوں نے مزید کہا کہ پاکستانی ٹیم کی کپتانی کرنا کوئی مذاق نہیں، یہ کوئی گلاب کا بستر نہیں ہوتا، جب آپ اچھا کرتے ہیں تو ہر کوئی آپ کی تعریف کرتا ہے اور جب آپ اچھا نہیں کرتے تو ہر کوئی آپ کے ساتھ ساتھ ہیڈ کوچ پر بھی الزام لگاتا ہے۔

واضح رہے کہ ورلڈکپ میں مسلسل 3 شکستوں کے بعد قومی ٹیم 27 اکتوبر کو جنوبی افریقا کے مدمقابل آئے گی، ہار کی صورت میں قومی ٹیم کی سیمی فائنل میں رسائی تقریباً ختم ہوجائے گی جبکہ جیت امیدوں کو برقرار رکھے گی۔

سابق اسٹار آل راؤنڈر عبدالرزاق نے قومی ٹیم کے کپتان پر تنقید کے نشتر برسا دیے، بابر اعظم کے سیدھا چھکا مارنے کی صلاحیت پر بھی سوالات اٹھا دیے۔

ورلڈکپ کے حوالے سے منعقدہ ایک اسپورٹس پروگرام میں شرکت کے دوران عبدالرزاق کا کہنا تھا کہ ہمارے جتنے بھی لوگ ہیں نمبر ون، لیکن وہ کون سے نمبر ون ہیں کہ جنھیں سیدھا چھکا نہیں مارنا آتا۔

انھوں نے مزید کہا کہ آپ دیکھیں بابر جس طرح آؤٹ ہوا ہے آپ اس کی باڈی کا بیلنس چیک کرلیں اور شارٹ چیک کرلیں اور آگے بولر کون ہے نور جو اپنا ڈیبیو کررہا ہے۔

ان کی بات سن کر پروگرام کے میزبان نے لقمہ دیتے ہوئے کہا کہ ایسا لگ رہا تھا کہ اسپنر نور بہت سالوں سے کھیل رہا ہے۔

Abdull Razzaq on Babar Azam innings Yesterday

Ye Konsa No 1 jisku Straight par Six nh maarna ata pic.twitter.com/wfoyS0Azlb

— ٰImran Siddique (@imransiddique89) October 24, 2023

عبدالرزاق نے کہا کہ بابر جس گیند پر آؤٹ ہوئے وہ آؤٹ ہونے والی گیند ہی نہیں تھی۔ ون ڈے میچز میں ایک ایک بال کی بڑی اہمیت ہوتی ہے۔

قومی کپتان نے افغانستان کے خلاف 92 بالز پر 74 رنز بنائے۔ یہ تین اوورز کا فرق ٹیم کو لے کر بیٹھ گیا۔ اگر افتخار یا شاداب کے پاس اوور زیادہ بچے ہوتے تو ہم زیادہ اسکور کرسکتے تھے۔

ممبئی: سابق بھارتی کرکٹر گوتم گھمبیر نے افغانستان کے خلاف پاکستان کے اہم میچ سے پہلے قومی ٹیم کے کپتان بابر اعظم کو اہم مشوری دیا ہے۔

بھارت کے اسپورٹس چینل میں گفتگو کرتے ہوئے سابق بھارتی کرکٹر گوتم گھمبیر نے کہا کہ بابر اعظم کے اوپر پوری ٹیم کا پریشر ہے، وہ ایک بہترین کھلاڑی ہیں ان کے پاس صلاحیت ہے، ان کی ایک کلاس ہے۔

انہوں نے کہا کہ میں نے بہترین کھلاڑی میں بابر اعظم کو پک کیا تھا، کیوں کہ بھارت میں جس طرح کی پچ ہے، بابر بہترین کھیل پیش کر سکتے تھے، لیکن اب بھی زیادہ وقت نہیں گزرا وہ اب بھی کم بیک کرسکتے ہیں۔

ورلڈکپ: پاکستان اور افغانستان کے درمیان ٹاکرا آج ہوگا

بھارت کے سابق کھلاڑی نے کہا کہ بابر اعظم کو رنز بنانے پڑیں گے، ایسے رنز جس سے پاکستانی ٹیم کو فائدہ ہو، جس سے پاکستان کی ٹیم جیت سکے، بولز ضائع کرکے 50 اور 80 رنز بنانے کا فائدہ ٹیم کو نہیں ہوگا۔

انہوں نے بابر اعظم کو مشورہ دیا اور کہا کہ ’ ٹیم ویسے ہی کھیلتی ہے جیسے کپتان کھیلتا ہے، اگر بابر چاہتے ہیں کہ ان کی ٹیم جارحانہ اننگز کھیلے تو انہیں بھی اس طرح کی اننگز کھیلنا ہوں گی۔

سابق بھارتی کرکٹر گوتم گھمبیر نے مزید کہا کہ بابر اعظم کو آؤٹ آف دی بوکس جاکر کھیلنا ہوگا، اور ایک اچھی سوچ کے ساتھ کپتانی کرنی ہوگی تب ہی ان کی ٹیم سیمی فائنل میں پہنچ سکتی ہے۔