Tag: بابر اعظم

پی سی بی مینجمنٹ کمیٹی کے چیئرمین ذکا اشرف کا کہنا ہے کہ بابر جیسا چاہتے تھے ویسی ہی ٹیم بنائی اور ایشیا کپ میں ہارنے کے باجود رد وبدل سے گریز کیا۔

چوہدری ذکا اشرف کا اپنے انٹرویو میں کہنا تھا کہ حالیہ ایشیا کپ میں پاکستان کرکٹ ٹیم کی پرفارمنس کا جائزہ لیا گیا تھا تاہم کپتان بابر اعظم نہیں چاہتے تھے کہ اس وقت ٹیم میں تبدیلی کی جائے۔

بھارت میں قومی ٹیم کی عمدہ کارکردگی کے لیے پرامید سربراہ پی سی بی نے بھارت جانے کے حوالے سے سوال پر کہا کہ میں بھارت کیسے جا سکتا ہوں؟ ہمارے شائقین کرکٹ اور صحافی بھارتی ویزے کا انتظار کر رہے ہیں۔

انھوں نے کہا کہ چاہتا ہوں کہ بھارت میں پاکستان کی یہ ٹیم اچھی پرفارمنس دے، اسی بات کو مدِ نظر رکھتے ہوئے بابر اعظم کو مکمل اعتماد دیا اور ان کی ہر بات مانی۔

ذکا اشرف نے بتایا کہ انھوں نے قومی کپتان کو اپنے بھرپور تعاون کا یقین دلایا کیوں کہ وقت کا تقاضہ یہی تھا۔ تاہم عالمی کپ میں پرفارمنس کو دیکھ کر مشکل اور بڑے فیصلے کرنا ہوئے تو ضرور کریں گے۔

امام الحق نے قومی کرکٹ ٹیم کے کپتان بابراعظم کے بہت بڑے آرٹ کے بارے میں بتادیا جس کی وجہ سے انھیں رنز بنانے میں مدد ملتی ہے۔

پاکستان ٹیم کے اوپنر نے نجی اسپورٹس چینل سے گتفگو کرتے ہوئے بتایا کہ بابر کی سب سے اچھی چیز یہ ہے ک اسے خود پر یقین بہت ہے، اسے پتا ہے کہ میں کسی بھی صورتحال سے خود کو نکال لوں گا۔ کبھی ایسا ہوتا ہے کہ کنڈیشنز کے باعث آپ کو رنز نہیں مل رہے ہوتے۔

ایسی صورتحال میں نارمل پلیئرز کے ہاتھ پاؤں پھول جاتے ہیں اور وہ گھبرا جاتا ہے کہ میں ایسے بھی کرلوں اور وہ بھی کر لوں مگر بابر ایسا نہیں کرتا وہ پرسکون رہتا ہے۔

امالحق نے کہا کہ یہ بابر اعظم کا بہت بڑا آرٹ ہے اور یہ آسان کام نہیں ہے۔ شروع شروع میں اس کی کپتانی کی صلاحتیوں پربھی شک کیا گیا، یہ کہا گیا کیا کہ یہ تو خود غرض ہے مگر آپ کو یہ دیکھنا ہے کہ آپ کس کنڈیشنز میں کھیل رہے ہیں۔

انھوں نے قومی کپتان کے حوالے سے مزید کہا کہ اس کی بہت ساری چیزیں اچھی ہیں جو بہت سے لوگوں کو نہیں پتا چلے گا لیکن میں نے اس کے ساتھ بہت بیٹنگ کی ہے مجھے ایسا لگتا ہے کہ اللہ رب العزت نے اسے خاص ٹیلنٹ سے نوازا ہے۔

View this post on Instagram

A post shared by ASports (@asportstv.pk)

امام الحق نے گزشتہ ایشیا کپ میں کے ایل راہول کی مثال دیتے ہوئے کہا کہ بھارتی بیٹر نے 73 بولز پر 50 رنز بنائے اگر ہمارا پلیئرز ایسا کرتا تو ہم کہتے کہ یہ خود غرض ہے ہم بھول جاتے ہیں کہ ہم کس کنڈیشن میں کھیل رہے ہیں۔

پاکستانی بیٹر نے کہا کہ قومی کپتان نے بہت کچھ حاصل کیا ہے وہ اپنی کرکٹ میں کافی عاجزی کا مظاہر کرتا ہے میں نے اس سے سیکھا بھی بہت ہے اور بیٹنگ میں اور بطور کپتان اس کی ٹرانسفارمیشن بھی دیکھی ہے۔

بھارت کے معروف صحافی وکرانت گپتا کی ایک ٹوئٹ وائرل ہورہی ہے جس میں وہ بابر اعظم سے یہ درخواست کرتے پائے گئے کہ اس بار ہمارے خلاف 10 وکٹوں سے میچ نہ جیتیں۔

پاکستان کے قومی کرکٹ ٹیم کے کپتان بابر اور بھارتی اسپورٹس صحافی وکرانت کی تصویر کے ساتھ مذکورہ ٹوئٹ کی گئی تھی، تاہم اسپورٹس کے حوالے سے جانے مانے صحافی نے پیغام کو جعلی قرار دیتے ہوئے شائقین سے اس اکاؤنٹ کو رپورٹ کرنے کی درخواست کی ہے۔

وکرانت گپتا کی جانب سے کی گئی جعلی ٹوئٹ میں کہا گیا تھا ’’میری پاکستان کے کپتان بابر اعظم سے گفتگو کافی اچھی رہی، میں نے ان سے ان کی تیاریوں کے بارے میں پوچھا، جواب میں ان کا کہنا تھا کہ ہماری تیاری مکمل ہے۔ میں نے ان سے ہنستے ہوئے درخواست کی کہ اس بار ہمارے خلاف 10 وکٹوں سے میچ مت جیت جائیے گا۔‘‘

Fake account report @X https://t.co/ToLnyqtThu

— Vikrant Gupta (@vikrantgupta73) September 9, 2023

صحافی نے اپنے آفیشل اکاؤنٹ سے مذکوہ ٹوئٹ شیئر کی اور اسے فیک قرار دیتے ہوئے مداحوں سے رپورٹ کرنے کا کہا ہے۔

واضح رہے کہ وکرانت بھارت کے شہرت یافتہ اسپورٹس صحافی ہیں جنھیں کرکٹ کے حوالے سے غیرجانبدارانہ تجزیوں کے لیے جانا جاتا ہے جب کہ وہ بھارتی چینل ’اسپورٹس تک‘ سے وابستہ ہیں۔

قومی کرکٹ ٹیم کے کپتان بابر اعظم کی ایک ویڈیو سوشل میڈیا پر تیزی سے وائرل ہو رہی ہے جس میں وہ روٹی کا تذکرہ کررہے ہیں۔

پاکستان اور بھارت کے درمیان ایشیا کپ کے سپر فور مرحلے کا میچ کل کولمبو میں شیڈول ہے پوری دنیا میں موجود شائقین کرکٹ کو اس میچ کا انتظار ہے۔

تاہم اب پریکٹس سیشن کے بعد بابر اعظم کی ایک مختصر سی ویڈیو سوشل میڈیا پر وائرل ہو رہی ہے جس میں انہیں نامور بھارتی صحافی وکرانت گپتا کے ساتھ گفتگو کرتے ہوئے دیکھا گیا۔

https://twitter.com/SharyOfficial/status/1700437302294520168?s=20

ویڈیو میں دیکھا جا سکتا ہے کہ وکرانت گپتا بابر اعظم سے کچھ کہہ رہے ہیں جس کے جواب میں پاکستان کرکٹ ٹیم کے کپتان بھی مسکرا کر جواب دیتے ہیں اور آگے نکل جاتے ہیں۔

بابر اعظم بس کی طرف جانے لگتے ہیں تو پیچھے سے آواز آتی ہے کہ کپتان جی کھانا بھی کھانا ہے، جس پر بابر پنجابی زبان میں برجستہ کہتے ہیں ’اوئے روٹی وی کھانی اے‘۔

پاکستانی کپتان بابر اعظم بھارت کے سابق کپتان ویرات کوہلی کا ایک اور ریکارڈ توڑنے کی راہ پر گامزن ہیں۔

بطور کپتان بابراعظم اب تیز ترین 2 ہزار ون ڈے رنز بنانے سے محض 1 قدم دور ہیں، یہ ریکارڈ کوہلی نے بطور کپتان 36 اننگز میں بنایا تھا جبکہ بابر اعظم اب تک 30 اننگز میں 1994 رنز بنا چکے ہیں۔

بابراعظم کو ویرات کوہلی کا ریکارڈ توڑنے کا سنہری موقع بھارت کے خلاف کل ملے گا، جہاں دونوں ٹیمیں اپنے گروپ میچ میں ایک دوسرے کے مدمقابل آئیں گی۔

بابر اعظم نے ہاشم آملہ اور ویرات کوہلی کو پیچھے چھوڑ دیا

گزشتہ روز ایشیا کپ کے پہلے میچ میں کپتان بابراعظم نے نیپال کے خلاف 131 گیندوں پر 151 رنز بناتے ہوئے کم اننگز میں سب سے زیادہ سنچریاں بنانے کا جنوبی افریقی بیٹر ہاشم آملہ کا ریکارڈ توڑا تھا۔

واضح رہے کہ ایشیا کپ ون ڈے 2023 میں پاکستان اور بھارت 2 ستمبر بروز ہفتے کو آمنے سامنے ہوں گے۔

پاکستان کے کپتان بابر اعظم اس وقت لنکا پریمیئر لیگ (ایل پی ایل) کے جاری ایڈیشن میں کولمبو اسٹرائیکرز کی جانب سے کھیل رہے ہیں۔

بابر اعظم نے سری لنکا پریمیئر لیگ میں  گال ٹائٹنز کے خلاف پیر کو میچ میں 54 گیندوں پر شاندار سنچری اسکور کی، انہوں نے 8 چوکوں اور 6 چھکوں کی مدد سے 104 رنز بنائے۔

تاہم اب سری لنکا سے ہی بابر اعظم کی ایک ویڈیو سوشل میڈیا پر وائرل ہورہی ہے جس نے انوں نے مداحوں کے پھر سے دل جیت لیے ہیں۔

Babar Azam asking the reporters to hurry up as he has to go for prayers. The key to his success Ma Shaa Allah ❤️ #LPL2023 #LPLT20 pic.twitter.com/MbHysWLVFW

— Farid Khan (@_FaridKhan) August 7, 2023

غیرملکی میڈیا کے مطابق میچ کے بعد بابر اعظم سے رپورٹرز بات کررہے تھے لیکن وہ وقت نماز کا تھا، بابر نے رپورٹرز کو کہا کہ جلدی کریں، نماز کا وقت جارہا ہے۔

وائرل ویڈیو میں دیکھا جاسکتا ہے کہ بابر  اعظم رپورٹرز سے کہتے ہیں کہ ’ جلدی کرلیں نماز کا وقت نکل رہا ہے‘، بابر اعظم کی اس ویڈیو کو شائقین کرکٹ کی جانب سے خوب سراہا جارہا ہے۔

لنکا پریمیئر لیگ (ایل پی ایل) میں کولمبو اسٹرائیکر کے کپتان نروشان ڈکویلا نے بابر اعظم کے حوالے سے بڑے انکشافات کردیے۔

کولمبو اسٹرائیکر کے کپتان نروشان ڈکویلا نے کہا کہ کولمبو کی وکٹ سلو جبکہ کینڈی کی بیٹنگ کے لیے سازگار ہے، بابر اعظم ہمیشہ ہی تیار رہتے ہیں۔

انہوں نے کہا کہ ورلڈکپ اور ایشیا کپ کے لیے پاکستان کے کپتان بابر اعظم پوری طرح تیار ہیں، بابر  ایک ایسے بلے باز ہیں جو کسی بھی فارمیٹ میں مخالف ٹیم پر حاوی رہتے ہیں۔

نروشان ڈکویلا کا کہنا تھا کہ بابر اعظم ہمیشہ ہر چیلنج اور کنڈیشنز کے لیے تیار رہتے ہیں، انہوں نے ابھی سے اپنی نظریں بھارت کے خلاف میچ پر مرکوز کی ہوئی ہیں۔

https://twitter.com/SharyOfficial/status/1686275592088395776?s=20

کولمبو اسٹرائیکر کے کپتان کا کہنا تھا کہ نیٹ میں بابر ہمیشہ پیڈز باندھ کر تیار رہتے ہیں، وہ کبھی اپنے پیڈز نہیں اتارتے، نیٹ میں پریکٹس کے دوران بابراعظم لمبے سیشن تک بیٹنگ کرتے ہیں۔

نروشان ڈکویلا نے کہا کہ بابر اعظم ہمیشہ اپنے آپ کو بہتر اور آگے بڑھنے کی کوشش کرتے رہتے ہیں، سری لنکن کنڈیشنز میں وائٹ بال کھیل رہے ہیں جو ایشیا کپ کی تیاری کا ایک اچھا موقع ہے۔

کولمبر اسٹرائیکر کے کپتان نے کہا کہ بابر اعظم کھلاڑی کے ساتھ ساتھ ایک بہترین انسان بھی ہیں، مجھے یقین ہے کہ وہ ایشیا کپ اور ورلڈکپ میں بہترین پرفارم کرکے لیڈنگ رن اسکورر ہوں گے۔

اس کے علاوہ نروشان ڈکویلا کا یہ بھی کہنا تھا کہ بابر اعظم کا ہماری ٹیم میں ہونا بہت اچھا ہے، وہ ایک تجربہ کار کھلاڑی ہیں اگر دوسرے غیر ملکی کھلاڑیوں سے ان کا موازنہ کیا جائے پاکستان کے کھلاڑی بہت تجربہ کار ہیں۔