Tag: بابر اعظم

آئی سی سی ون ڈے رینکنگ میں قومی کپتان بابر اعظم کی حکمرانی برقرار ہے۔

انٹرنیشنل کرکٹ کونسل (آئی سی سی) نے ون ڈے کی نئی رینکنگ جاری کردی ہے  جس میں بابر اعظم کی پہلی پوزیشن برقرار ہے جبکہ فخر زمان کی 3 درجی ترقی ہوئی ہے۔

آئی سی سی رینکنگ کے مطابق ون ڈے بیٹرز کی فہرست میں بابر اعظم  کا پہلا نمبر برقرار ہے جب کہ  فخر زمان نیوزی لینڈ کے خلاف دوسرے ون ڈے کے بعد 3  درجے ترقی  کرکے دوسرے نمبر پر آگئے ہیں، اس سے قبل فخر زمان 10 ویں نمبر پر تھے۔

ون ڈے رینکنگ میں  امام الحق 2  درجے تنزلی  کے بعد پانچویں، وکٹ کیپر بیٹسمین محمد رضوان 3 درجے بہتری  کے ساتھ 58 ویں نمبر پر آگئے ہیں۔

ون ڈےبولرز کی رینکنگ میں آسٹریلیا کےجوش ہیزل ووڈ کا پہلا نمبر برقرار ہے جب کہ پاکستان  کے بولرز شاہین آفریدی دو درجے تنزلی کے بعد 12ویں، شاداب خان چار درجے تنزلی کے ساتھ 39 ویں، فاسٹ بولر حارث رؤف 10 درجے ترقی  کے ساتھ  51 ویں اور فاسٹ بولر نسیم شاہ 12 درجے ترقی  کے بعد 73 ویں نمبر پر آگئے ہیں۔

قومی کرکٹ ٹیم کے نائب کپتان کی والدہ نے کپتان بابر اعظم کو گلے لگا لیا جس کی ویڈیو سوشل میڈیا پر وائرل ہوگئی۔

گزشتہ روز راولپنڈی میں ون ڈے سیریز کے پہلے میچ میں پاکستان اور نیوزی لینڈ کی ٹیم مدمقابل آئی، جہاں میچ دیکھنے آل راؤنڈر شاداب خان کی فیملی بھی موجود تھی۔

میچ میں وقفے کے دوران بابر اعظم  شاداب خان کے والدین سے ملاقات کے لیے پہنچے تو شاداب خان کی والدہ نے بابر کو گلے لگا لیا ساتھ تصویر بھی کھنچوائی۔

بابر اعظم کی شاداب کے والدین سے ملاقات کی ویڈیو تیزی سے سوشل میڈیا پر وائرل ہورہی ہے جسے کرکٹ شائقین کی جانب سے خوب پسند کیا جارہا ہے۔

View this post on Instagram

A post shared by ARY News (@arynewstv)

واضح رہے کہ پاکستان نے 5 ون ڈے میچز کی سیریز کے پہلے میچ میں فخر زمان کی شاندار سینچری کی بدولت نیوزی لینڈ کو 5 وکٹوں سے شکست دی تھی ،5 ون ڈے پر مشتمل سیریز کا  دوسرا میچ کل کھیلا جائے گا۔

پاکستان کے لیجنڈ سابق کرکٹر عمران خان نے قومی کرکٹ ٹیم کے کپتان بابر اعظم کی شاندار بیٹنگ کی صلاحیت کو اجاگر کرتے ہوئے ان کی تعریف کی۔

ایک ٹی وی پروگرام میں گفتگو کرتے ہوئے پاکستان کو 1992 میں ورلڈ کپ جتوانے والے عمران خان نے کہا کہ ہمارے جو کپتا ہیں بابر اعظم وہ بہت اکھلاڑی ہے، اس میں یہ صلاحیت ہے کہ وہ اب تک کے عظیم ترین بیٹر میں سے ایک بن جائیں۔

عمران خان کا کہنا تھا کہ بابر اعظم بہت آؤٹ اسٹینڈنگ بیٹسمین ہے، میں نے بڑی دیر کے بعد ایسا کوالٹی کا بیٹسمین دیکھا ہے، میں نے ہر طرح سے اس کا جائزہ لیا ہے کیونکہ میں بولر کی حیثیت سے بیٹر کا جائزہ لیتا ہوں۔

Best captain of Pakistan cricket history praising Current Captain of Pakistan Babar Azam…. ❤️
(Best Eidi from Murshad to critics of Babar Azam 🤣) pic.twitter.com/hcnvUgfkdm

— Mariya Rajput (@mariya_raj10) April 22, 2023

انہوں نے کہا کہ بابر اعظم کی تیکنیک زبردست ہے اس میں ٹیلنٹ بھی ہے ٹمپرامنٹ بھی، وہ ایک بہترین کپتان ہے، ایک بہترین کھلاڑی میں 3 چیزیں ہوتی ہیں تیکنیک، ٹمپرامنٹ اور ٹیلنٹ۔

عمران خان نے کہا کہ یہ 3 چیزیں بہت کم ایک کھلاڑی میں پائی جاتی ہیں لیکن بابر میں تینوں چیزیں ہیں اس میں پوٹینشل ہے یہ سب سے آگے جائے گا۔

پاکستان کرکٹ ٹیم کے کپتان بابر اعظم عیدالفطر منانے اپنے پرانے محلے فردوس مارکیٹ گلبرگ پہنچ گئے۔

یاد رہے کہ کپتان کا بچپن لاہور کے فردوس مارکیٹ گلبرگ میں گزرا ہے تاہم اب وہ ڈیفنس میں رہتے ہی، عید کے موقع پر انہوں نے  اپنے پرانے دوستوں کے ساتھ تصاویر سوشل میڈیا پر شیئر کیں۔

بابر اعظم نے تصاویر شیئر کرتے ہوئے کیپشن میں لکھا کہ اس سال اپنے بچپن والے گھر میں عید منانے کا موقع ملا، کیا بے پناہ یادیں ہیں، سب کو عید مبارک۔

Time flying over my head.

This year got a chance to celebrate #EidAlFitr at my childhood home.

What a rush of memories.#EidMubarak everyone pic.twitter.com/cQ9rbw1N55

— Babar Azam (@babarazam258) April 22, 2023

بابر اعظم پرانے دوستوں اور محلے داروں سے ملے اور ان کے ساتھ وقت گزارا۔

قومی کرکٹرز کو عید گھر والوں کے ساتھ منانے کے لیے چھٹیاں ملی ہوئی ہیں۔ بابر اعظم سمیت قومی کرکٹرز آج اسلام آباد میں اکٹھے ہوں گے۔

قومی کرکٹ ٹیم کے کپتان بابر اعظم کی عید سے پہلے افتخار احمد سے عیدی مانگنے کی ویڈیو وائرل ہوگئی۔

پاکستان اور نیوزی لینڈ کے درمیان راولپنڈی میں ہونے والے میچ میں بارش نے جہاں میچ کا مزہ کرکرا کیا اور کھلاڑی اداس نظر آئے وہیں کھلاڑیوں نے ڈریسنگ روم میں خوب انجوائے کیا اور ایک دوسرے سے عیدی بھی مانگی۔

پی سی بی کی جانب سے ڈریسنگ روم کی ویڈیو جاری کی گئی ہے جس میں ٹیم کے کھلاڑی کوچ کو دیکھا جاسکتا ہے، ویڈیو میں کھلاڑیوں نے بتایا کہ انہوں نے پہلے بار اس طرح میچ میں اولے پڑتے دیکھے ہیں۔

🎥 When the players are caught off-guard by a hailstorm interruption ⛈️#PAKvNZ | #CricketMubarak pic.twitter.com/iiCrNcPn17

— Pakistan Cricket (@TheRealPCB) April 20, 2023

دوسری جانب عید کی آمد آمد ہے تو نسیم شاہ بھی عیدی دیتے نظر آئے، اس کے علاوہ بابراعظم نے افتخار احمد سے عیدی کا مطالبہ کرتے ہوئے کہا کہ آپ کا ہمیں عیدی دینا بنتا ہے،  اس موقع پر رضوان نے بھی بابر کا ساتھ دیا اور افتخار سےعیدی مانگی۔

فخر زمان بھی صائم ایوب کی بیٹنگ کے فین ہوگئے انہوں نے کہا کہ بابر اعظم کے بعد پاکستان کو کوئی ایسا کھلاڑی ملا جس کے پاس بہترین شاٹس ہیں۔

نیوزی لینڈ کے خلاف پہلے ٹی ٹوئنٹی میں 34 گیندوں پر 47 رنز بنانے والے فخر زمان کا کہنا ہے کہ لاہور کی وکٹ بیٹنگ کے لیے آسان نہیں تھی۔

فخر زمان نے کہا کہ کھیل کے آغاز میں مجھے اور اوپنرز کو مشکل پیش آئی لیکن صائم ایوب کی شاندار اننگز نے  اس میچ کو باقی بیٹرز کے لیے آسان بنا دیا، صائم قومی ٹیم کی بیٹنگ لائن اپ میں ایک شاندار اضافہ ہے، ان کے شاٹس کی رینج واقعی بہت اچھی ہے۔

بابر اعظم نے میچ سے پہلے کیا کہا تھا؟ حارث رؤف نے بتادیا

انہوں نے مزید کہا کہ بابر کے بعد صائم ایوب کی صورت میں پاکستان کو ایک اچھا کھلاڑی ملا ہے، صائم اگر اسی انداز میں کھیلتے رہے تو وہ لمبے عرصے تک پاکستان کے لیے کھیل سکے گا۔

دوسری جانب کپتان بابر اعظم بھی نوجوان بلے باز کی صلاحیتوں کے گرویدہ ہوگئے میچ کے بعد کہا کہ صائم ایوب کی جتنی تعریف کی جائےکم ہے، جب بھی اسے موقع ملتا ہے وہ خود کو منواتے ہیں۔

کپتان بابر کا کہنا تھا کہ ہماری جلد وکٹیں گرنے کے بعد صائم اور فخر نے شاندار بیٹنگ کی، جبکہ ہمیں ٹیم ورک کی وجہ سے کامیابی ملی۔

خیال رہے کہ پہلی ٹی ٹوئنٹی میچ میں نوجوان بلے باز صائم ایوب نے 28 گیندوں پر 47 رنز اسکور کیے، انہوں نے 28 گیندوں پر تیز رفتار 47 رنز کی جس میں 2 چھکے اور 6 چوکے شامل ہیں۔

لاہور: نیوزی لینڈ کے خلاف پہلے ٹی ٹوئنٹی میں 4 وکٹیں حاصل کرنے والے فاسٹ بولر حارث رؤف نے کہا کہ بابر اعظم نے پہلئ اننگز میں مجھے کہا میں چاہتا ہوں کہ آپ آج 4 وکٹیں لیں۔

پاکستانی فاسٹ باؤلر حارث رؤف نے لاہور میں نیوزی لینڈ کے خلاف ٹی ٹوئنٹی کرکٹ میں اپنے کیریئر کی بہترین کارکردگی کا مظاہرہ دیکھاتے ہوئے 3.3 اوورز میں صرف 18 رنز دے کر چار وکٹیں حاصل کیں۔ جس کے نتیجے میں پاکستان نے یہ میچ آرام سے 88 رنز سے جیت لیا۔

پہلا ٹی ٹوئنٹی: پاکستان نے کیوی ٹیم کو باآسانی قابو کرلیا

پہلے ٹی ٹوئنٹی میں مین آف دی میچ قرار دیئے جانے والے حارث رؤف کی ویڈیو پی سی بی نے شیئر کی ہے جس میں انہوں نے بتایا کہ جب ہماری ٹیم بیٹنگ کررہی تھی تو اس دوران بابر اعظم میرے پاس آئے اور کہا کہ مجھے آج آپ سے 4 وکٹیں چاہیے۔

"@babarazam258 told me during the Pakistan innings that I will take 4⃣ wickets"@HarisRauf14 analyses his career-best figures 🙌#PAKvNZ | #CricketMubarak pic.twitter.com/rc9NkpCZS7

— Pakistan Cricket (@TheRealPCB) April 14, 2023

حارث رؤف کا کہنا تھا کہ پاکستان کے لیے جب کھیلتا ہوں تو ایک الگ خوشی محسوس ہوتی ہے، اس طرح کی کارکردگی کو پیش کرنا اہم تھا کیونکہ میں پاکستان کے لیے طویل عرصے بعد کھیل رہا تھا۔

انہوں نے کہا کہ لاہور کی پچ پر میں نے اسٹمپ ٹو اسٹمپ گیند کرنے کی کوشش کی، ہماری شروعات اچھی تھی پہلے زمان اور شاہین نے وکٹ لی تو اس سے  بہت زیادہ اعتماد بڑھا۔ جب آپ کے پاس اتنا اچھا بولنگ اٹیک ہوتا ہے تو آپ کا کردار بہت زیادہ واضح ہوجاتا ہے۔

ورلڈ کپ کے حوالے سے حارث کا کہنا تھا کہ جس طرح کا رول ملے گا اس کے مطابق اپنی بولنگ کو مزید نکھارنے کی کوشش کروں گا تاکہ ورلڈ کپ میں مدد مل سکے۔

لاہور: پاکستان کرکٹ ٹیم کے چیف سلیکٹر ہارون رشید کا کہنا ہے کہ نیوزی لینڈ کے خلاف ہوم سیریز کے لیے ٹیم کی سلیکشن میں بابر اعظم کے ساتھ مکمل مشاورت کی ہے۔

لاہور میں میڈیا سے گفتگو کرتے ہوئے ہارون رشید نے کہا کہ اگلے ایک سال میں تین بڑے ایونٹس شیڈول ہیں، میگا ایونٹ میں ایشیاکپ، ورلڈکپ اور 2024 میں ٹی ٹوئنٹی ورلڈکپ ہونا ہیں، اس کے مطابق کمبی نیشن بنانے کی کوشش کر رہے ہیں، ہمارے پاس وقت کم ہے۔

انہوں نے کہا کہ کوچنگ اسٹاف ایک آدھے ہفتے میں فائنل ہو جائے گا، کوچنگ سٹاف مکمل ہونے کے بعد چیزیں مزید بہتر ہوجائیں گی

چیف سلیکٹر ہارون رشید  کا کہنا تھا کہ تمام ایونٹس کو مد نظر رکھتے ہوئے ٹیموں کی سلیکشن کی ہے، حارث سہیل مڈل آرڈر میں اسپنرز کو اچھا کھیلتے ہیں، وہ ایشیا کنڈیشنز میں اچھا ثابت ہو سکتا ہے، اگر حارث سہیل فارم اور فٹ رہتے ہیں تو اس سے مڈل آرڈر کو سہارا ملے گا۔

نیوزی لینڈ کیخلاف سیریز کے لیے قومی ٹیم کا اعلان

انہوں نے کہا کہ ٹیم کی سلیکشن میں بابر اعظم کے ساتھ مکمل مشاورت کی ہے، ہر معاملے پر بابر اعظم کی مکمل مشاورت ہے۔

ہارون رشید کا کہنا تھا کہ شاداب خان بہت کم کرکٹ کھیلا ہے، ٹی 20کرکٹ میں دنیا کی تمام ٹیمیں تجربات کرتی ہیں، اس کو موقع دینا بنتا ہے، نیوزی لینڈ کے خلاف اچھا مقابلہ ہوگا، ہمارے ہاں ہار جیت پر زیادہ ایشو ہوتے ہیں، دنیا میں ایسا نہیں ہوتا، کوئی بھی ٹیم ہارنے کے لیے میدان میں نہیں اترتی۔

چیف سلیکٹر ہارون رشید نے کہا کہ کھلاڑیوں کی ڈومیسٹک میں کارکردگی کو ہمیشہ مدنظر رکھا جاتا ہے، ٹیم کیلئے منتخب کھلاڑیوں کے علاوہ ڈراپ ہونے والے کھلاڑی بھی ہمارے پلان کا حصہ ہیں۔

انہوں نے کہا کہ ہمارے پاس ایشیا کپ سے قبل 8 ون ڈے میچز  ہیں،ان 8 ون ڈے میچز میں ہمیں بہت کچھ دیکھنا ہے، ہم نے ون ڈے میچز بہت کم کھیلے ہیں،کوشش کر رہے ہیں کہ پاکستان شاہینز اور انڈر 19 ٹیم کے ٹورز کریں جس کے لیے ہم نے کھلاڑیوں کا ایک پول بنایا ہے جو ہمارے پلان کا حصہ ہیں۔

چیف سلیکٹر ہارون رشید کا مزید کہنا تھا کہ ٹیم کا کپتان اور نائب کپتان ہماری صوابدید نہیں ہے،کپتان اور نائب کپتان کے معاملے پر کبھی میں نے کوئی بات نہیں کی یہ سب افواہیں ہیں۔